پەرزەنت ساداسى

HIRISTAL

                                                                           (  ھېكايە)

قەلبىنۇر ئۇبۇل ھەسەن                                   
) B" R/ p1 w/ F2 K' }  @
مەڭىزلىرى سوغۇقتىن قىزىرىپ كەتكەن ئايشەمخان ئوغلى ئەكبەر بىلەن ئۆيگە كىرىپ كەلگەندە، خاسىيەت شىرەگە قەنت-گېزەك تىزىش بىلەن ئالدىراش ئىدى. ئۇ ئىتتىك قېينىئانىسىنىڭ ئالدىغا كېلىپ؛
-ئەسسالامۇ   ئەلەيكۇم ئانا، مۇبارەك  بولسۇن! دىدى.  
-رەھمەت بالام، ئۆزۈڭلاردىن   بولسۇن،- دىدى ئايشەمخان ئانا كېلىنىنىڭ سۆزىگە جاۋابەن،
-ئەكبەر ئەتىگەندىلا بېرىپتۇ، سەن يالغۇز بولغاندىكىن ھېيتنى بىزنىڭ ئۆيدە ئۆتكۈزەيلى دەپ، ئىشىك تاقىلىپ قالسا بولمايدۇ، سىلەر كېلىڭلار دىسەم زادىلا ئۇنىمىدى، گېپىنى يىرالماي ئەتىگەندىلا كەلدىم بالام، بالىلار كۆرۈنمەيدىغۇ؟         
-شادىيە چوڭ ئۆيدىكىلەرنى چاقىرغىلى كەتتى، دىلشات ھوجرىسىدا،-دىدى خاسىيەت جاۋابەن.                     
-دىلشات، ھەي دىلشات ، بۇ ياققا چىق، موماڭ كەلدى. يىغىدىن كۆزلىرى قىزارغان دىلشات دادىسىنىڭ ئاۋازىنى ئاڭلاپ بۇرنىنى تارتقىنىچە بېشىنىمۇ كۆتۈرمەي مومىسىنىڭ  قېشىغا كەلدى.      
/ V- E% M& y4 U! _) o) \-ۋاي ساڭا نىمە بولدى، ئەتىگەندىلا يىغلاپسەنغۇ؟-ئايشەمخان نەۋرىسىنىڭ بېشىنى مېھرىبانلىق بىلەن سىلىدى،-ھېيت دىگەندە خۇشال بولماي يىغلىنىڭ نىمىسى.                        
1 B& V% A& I3 qدىلشات ئاپىسىغا يەر تېگىدىن قاراپ قويۇپ يەنە مىشىلداشقا باشلىدى.
  {) w- e1 N% ]) C  t& A- v5 r- J   –بۇنىڭغا نىمە بولدى؟  -دىدى ئەكبەر  خوتۇنىغا قاراپ.                                                                 
-نىمە ئىش بولاتتى، يەنە شۇ تۈنۈگۈنكى ئىش بولمامدۇ، ئەتىگەندە ئىت  پوق يىمەستە خەقنىڭ ئۆيىگە چىقىمەن دەيدۇ،- دىدى خاسىيەت قاپاقلىرىنى تۈرگىنىچە ئوغلىغا ھومىيىپ،- مۇئەللىمنىڭ جىنى چاپلاشقان ئوخشايدۇ بۇنىڭغا.                                
-ھېيتلىق كىيىملىرىڭنى كىيىپ دوستلىرىڭ بىلەن ئوينىماي نىمە ئەتىگەندە مۇئەللىمىڭنىڭ ئۆيىگە چىقماقچى بولۇپ قالدىڭ؟-سورىدى ئەكبەر ئوغلىدىن.                        
9 `6 d- J- R  s! i7 _  y' \-سەن شۇ پۇل خەجلەش، كىيىم كىيىشنىلا بىلىسەن. دىلشات دادىسىغا قاراپ غۇدۇڭشىدى.ھىچ ئىشنى چۈشىنەلمەي قالغان ئايشەمخان نەۋرىسىنى يېنىغا تارتىپ:                                    
-دىلشات دىگىنە ئوغلۇم، زادى نىمە ئىش بولدى؟ دەپ سورىدى.
) V9 {% M9 ^6 w/ n- P-بىرنەچچە ساۋاقداش ھېيتلىق پۇللىرىمىزنى يىغىپ، مۇئەللىم ئارقىلىق سىنىپىمىزدىكى قىيىنچىلىقى بار ساۋاقداشلىرىمىزغا ياردەم بەرمەكچى ئىدۇق، بىراق ئاپام قوشۇلمايۋاتىدۇ، دىلشاتنىڭ گېپى ئاخىرلاشمايلا:                                             
-سىلەر بىرنەچچىڭلار بەرگەن شۇ ئازغىنە پۇلغا ئۇلار باي بولۇپ كېتەمتى؟ دىدى خاسىيەت زەردە بىلەن چالۋاقاپ.            
-ئەمىسە سەن بەرمەمسەن!؟- دىدى دىلشاتمۇ تەڭ تۇرۇپ،-سەن مۇئەللىمىمىزنى مودىدىن قالغان كىيىملەرنى كىيىدۇ دەپ ياراتمىغىنىڭ بىلەن، ئۇ سىنىپىمىزدىكى ئاتا-ئانىسى ئۆلۈپ كەتكەن ئۈچ ساۋاقدىشىمىزغا دائىم ئوقۇش قوراللىرى ۋە كىيىم ئېلىپ بېرىدۇ. سەن ماڭا قىممەت پۇللۇق كىيىملەرنى ئېلىپ بېرىپ «كىم دىسە ئەكبەر جۈيجاڭ بىلەن خاسىيەت سەتەڭنەڭ ئوغلى دىگۈدەك يۈر » دەيسەن، ئەمما ئۈگۈنۈشۈمگە قىلچە كۆڭۈل بۆلمەيسەن، تېخى ھېيت بولسا ھېيتلايمىز دەپ كېچە-كېچىلەپ ئۆيگە كىرمەيسەن، ئۆيدە ئۇكام ئىككىمىزنىڭ قالغىنى قالغان. دىلشات توختاپ قالدى. ئۆي ئىچىنى خۇددى يىڭنە يەرگە چۈشۈپ كەتسە ئاڭلىغۇدەك دەرىجىدە جىمجىتلىق قاپلىدى. ئايشەمخان ياشلانغان كۆزلىرىنى ئوغلىغا تىكتى. ئۇ بىر نۇقتىغا تىكىلگىنىچە جىمجىت ئولتۇراتتى. خاسىيەت ئالدىدىكى چايغا قارىغىنىچە قېتىپ قالغان ئىدى.                              
/ v0 M  i. }$ n% }-قاراڭلار ئوغلۇڭلار چوڭ بوپتۇ، ئۇنىڭ سۆزىنى ئاڭلىغانسىلەر، بالىغا ھىچنىمىنى بىلمەيدۇ دەپ سەل قارىماڭلار دىمىسىمۇ راست، سىلەر ئەتىدىن كەچكىچە ئۆز ئىشىڭلار بىلەن ئالدىراش، كۈندۈزى خىزمەت بىلەن، كەچتە تۈرلۈك زىياپەت، چايلار بىلەن ئالدىراش. شۇنداقتىمۇ باللىرىم نىمە يىدى، ئۈگىنىشى قانداقراق بولىۋاتىدۇ؟ دىگەنلەرنى ئويلاپ قويۇشۇڭلار كېرەكتە! سىلەرنى ئەيىپلىگىنىم ئەمەس، خىزمىتىڭلارنىڭ ئالدىراشلىقىنى چۈشىنىمەن. بىراق پەرزەنت ،ئائىلىمۇ مۇھىم-دە، ئازراق ۋاقىت ئاجرىتىپ بالىلارنىڭ ئۈگۈنىشىگە كۆڭۈل بولۈڭلار، ئۇلارنىڭ يۈرەك سۆزلىرىنى ئاڭلاپ بېقىڭلار! ئايشەمخان يۆتىلىپ كېتىپ گېپىنىڭ ئاخىرىنى قىلالمىدى. ئۇ كېلىنى سۇنغان چايدىن بىر ئوتلاپ بىر ئاز دېمىنى ئېلىۋالغاندىن كېيىن:      
-دىلشات بالام، ماڭ پۇلۇڭنى مۇئەللىمىڭگە ئەپچىقىپ بەر،مە مەنمۇ 50يۈەن بېرەي، ئۇنىمۇ قوشۇپ بەرگىن، بىز ئۆزىمىزنىلا ئويلىساق بولمايدۇ، دىدى.                                            
دىلشات ئورنىدىن ئاستا قوزغىلىۋېتىپ؛                        
-موما ئاپام مۇئەللىمىم بىلەن سوقۇشۇپ قالغانتى، شۇڭا مېنى چىققىلى قويمايدۇ، دەپ ئەسكەرتىپ قويدى.                           
   –بۇ نىمە گەپ ئەمدى، ئۇلۇق ئايەم كۈنلىرىدىمۇ   ئاداۋەت ساقلاپ يۈرىدىغان ئىشمۇ؟!-ئايشەمخان سەل چېچىلدى،-سىلەر نىمە بولدۇڭلار، ئاشۇ بالاڭلارچىلىكمۇ بولالمىغىنىڭلارنى قاراڭلار، يۈر بالام مەن سەن بىلەن بىللە چىقىپ ئاپاڭنىڭ ئورنىدا كەچۈرۈم سوراي.                                          –-ئاپا تۇرۇپ تۇر، ھېيت بولغاندىكىن ھەممىمىز بىللە چىقايلى،-دىدى ئەكبەر خوتۇنىغا ئىما قىلىپ،-خاسىيەت كىيىملىرىڭىزنى تېز كىيىڭ. ئەكبەرنىڭ سۆزى ئاخىرلاشمايلا ئىشىك قوڭغۇرىقى جىرىڭلىدى. دىلشات ئىشىكنى ئاچتى، ھەممەيلەن ئىشىككە قارىغىنىچە تۇرۇپ قېلىشتى.                        
0 {" i/ y! X$ |" ^0 F( K-ئەسسالامۇ ئەلەيكۇم، ئايىمىڭلارغا مۇبارەك بولسۇن!-ئىشىك ئالدىدا كۈلۈمسىرىگىنىچە مۇئەللىم ئەر-خوتۇن تۇراتتى،-ھوي ئايشەمخان ئانىمىزمۇ باركەنغۇ، تەنلىرى ساق ئوبدان تۇردىلىمۇ؟
! \# M: ~1 T+ U. D4 xئۇلار ئۆز ئارا ئەھۋاللاشقاندىن كېيىن:                        
/ P, O4 U" s% a-مۇئەللىم قەدىمىڭىزگە رەھمەت، سىز ماڭا بىر ئەقىللىق بالا تەربىيلەپ بېرىپسىز، ئۇ ماڭا نۇرغۇن نەرسىلەرنى ئۈگۈتۈپ قويدى،-دىدى ئەكبەر مۇئەللىمنىڭ قولىنى چىڭ سىقىپ،-ئاڭغىچە خاسىيەت يۈگۈرۈپ كېلىپ ئۇلارنى داستىخانغا تەكلىپ قىلدى،-مانا بۇ 1000 يۈەننى قىيىنچىلىقى بار ئوقۇغۇچىلارنىڭ  خىراجىتى ئۈچۈن ئىشلىتەرسىز، بۇ ئۇلاردىن ھېيتلىق ئەھۋال سورىغىنىم ھەم ئوغلۇمنىڭ سايىسىدە قىلغان خاسىيەتلىك ئىشىم بولسۇن، مۇندىن كېيىنمۇ خۇدا بۇيرۇسا قاراپ تۇرمايمەن،-دۇئادىن كېيىن ئەكبەر قولىدىكى پۇلنى مۇئەللىمگە تەڭلىدى.                                       
-رەھمەت ئەكبەر ئاكا، بالىلارنىڭ نامىدىن سىزگە رەھمەت ئېيتىمەن،-مۇئەللىم قوللىرى تىترىگەن ھالدا پۇلنى ئالدى ۋە دىلشاتنىڭ خۇشاللىق چاقناپ تۇرغان كۆزلىرىگە مەمنۇنىيەت بىلەن تىكىلدى. بۇ چاغدا خاسىيەت ئوغلىنى چىڭ قۇچاقلىغىنىچە مىشىلداپ يىغلاۋاتاتتى.
) g! N. T6 g1 n" }9 d2 O0 G* M
7 y' }& z& S/ z( Z" s3 K6 N, q5 ]% O* u2014-10-4.               قاراماي.     مەنبە:  ئۆزۈم                                          

ئالمىچى

تەسىرلىككەن

جوردان

بەك ياخشى يىزىلىپتۇ رەخمەت

ئەزھەر36

ياخشى يېزىپسىز .