خوتۇن ئالمامسەن

Hiyalparas

       خوتۇن ئالمامسەن!؟


گاھى غەمدە داتلىنىمەن ئۇھسىنىپ ئۇزۇن،
ئارزۇ-ئارمان بەربات بولدى سوققاچقا جۇدۇن.
ئۆتكەن ئۆمرۈم مىۋىسى يوق قاخشال بىر ئوتۇن،
غەللە-غەشلىك غاجار تەننى چىرايىم سۇلغۇن،
ئەمدى كېلىپ تېگەر جانغا «ئالمامسەن خوتۇن».
     
توۋا!_دەيمەن،نىمانچە بىر قالدىم بالاغا،
ئاتا-ئانام گەپ ئاچسىلا قاچتىم تالاغا.
رايىم يوقتۇر ئۇرۇق-تۇغقان يۈزىگە قارارغا،
بويتاقلىغىم لايىق بولدى پۈتكۈل «جازا»غا،
ئاشۇ سۆزگە بەك ئۆچ بولدۇم، «ئالمامسەن خوتۇن».
                                                        
تاماق تەييار قىلىپ تۇرىدۇ سەن ئىشتىن يانساڭ،
پۇت-قولۇڭنى تۇتۇپ قويار ئەمگەكتە ھارساڭ.
_دەيدۇ ئاپام، دائىملا_ئەگەر خوتۇن ئالساڭ،
مومام دەيدۇ: كۆرۈپ ئۆلسەم بالىلىق بولساڭ.
…… تولا ئاڭلاپ تويۇپ كەتتىم «ئالمامسەن خوتۇن».

دوست-يارەنلەر ئۇچراپ قالسا ھال-ئەھۋال سوراپ،
تېما يەنە يۆتكىلىدۇ شۇنىڭغا قاراپ.
كۆرىنەمدۇ ياكى خەققە ھالىم بەك خاراپ،
مازاق قىلغان تەلەپپۇزدا ئېيتار چىكىلداپ،
دەرتكە دەرمان بولار ئىدى،«ئالمامسەن خوتۇن».

نىمە كارىڭ مېنىڭ بىلەن؟_دېدىم ئاخىرى،
(بىرسى يەنە سالا بىلەن گەپ باشلىۋىدى).
مېنى قويۇپ،سەنمۇ بويتاق ،ئالغىنە قېنى،
(نېمە ھەممىڭنىڭ جىدىلى مەن بىلەن قالدى)،
كەچكىچە شۇ خوتۇن،خوتۇن……«ئالمامسەن خوتۇن»!؟

توي قىلىش ئۇ گۆدەكلەرنىڭ ئويىنىمىكەن؟
خوتۇن دىگەن قۇل-مالاي يا مىكيانمىكەن؟
تەن بولسىلا چىن مۇھاببەت شۇ بولامدىكەن؟
تەڭ سوقمىسا ئىككى يۈرەك بەخىت نەدىكەن؟
ئاپاممۇ سەن ياكى لاۋزا_«ئالمامسەن خوتۇن».
                                                     
ئاپام،ئۇنى-بۇنى سايە قىلىپ چىقرار جېنىمنى،
كاشكى بىرسى خىيالىمغا كىرىپ چىقسىدى.
توي دىگەنمۇ «توي» بولىدۇ،بولمىسا رىشتى،
يۈرىكىمدە تەلپۈنۈش بار،مۇھاببەت تەپتى،
مەيلىم يوققا……ھەي!  دەۋەرمەڭلار «ئالمامسەن خوتۇن».

ئۇدۇل كەلگەننى خوتۇن دەپ ئالمايمەن ھەرگىز،
ماڭا كېرەك پاك، غورۇرلۇق، ئەقلى تولغان قىز.
ئۆتكەن ئۆمرۈم ئۆتۈپ كەتتى قالدۇرمايلا ئىز،
پىلانلىرىم بارتى يەنە ئورۇندايمەن تېز.
ۋاقتى ئەمەس،قىستىماڭلار ئاچمىسام ئېغىز،
ئەركىن تىناي ئاڭلىغۇم يوق «ئالمامسەن خوتۇن».


                 2014-يىل   4-ئىيول.  
                                    مەنبە:قەلىمىم.

جام

ئالامەت يېزىپ قويۇپسىزغۇ بۇ شېئىرنى
چوڭلارنىڭ غېمى شۇ بىزلەرنى تېزراق ئۆيلۈك- ئوچاقلىق بولسىكەن، تۇرمۇشى ئىزىغا چۈشسە، نەۋرىلىك بولساقكەن دەيدىكەن، بىز بولساق ئۆزىمىزنىڭ ئاللىقانداق غايە- نىشانلىرىمىز ئۈچۈن تىپىرلاپ، گاھىدا «خوتۇن ئېلىش» نى ئويلىساقمۇ بىراق «كۆڭلىمىزدىكى خوتۇن يوق»... قاتارلىق بىرقىسىم سەۋەبلەر بىلەن بۇ ئىشنى ئارقىغا سۆرەۋېرىدىكەنمىز. مەنمۇ دەل سىز بۇ شېئىرىڭىزدا دەپ ئۆتكەن ئەشۇ ئىشلارنى باشتىن كەچۈرگەننىڭ بىرىمەن بىراق، تۇرمۇشتا ئۇنچىلىك ئىنچكە، ئۇنچىلىك زىل بولۇپ كەتسىمۇ بولمايدىغان گەپ ئىكەن، شۇڭا بەزىدە بۇ ئىشلارغا ئالاھىدە دىققەت قىلىش بىلەن بىرگە «تەۋەككۈل» قىلىشقىمۇ توغرا كېلىپ قالىدىكەن. جاھاندا مۇككەممەل ئادەم يوق، بىزمۇ، بىز تاللىماقچى بولغان ئوبېكتىمۇ شۇنىڭ ئىچىدە، كىشى بىر ئۆمۈر ئارمان بىلەن ياشايدىكەن، ئۇنى قىلساق بۇ چىقىپ تۇرغان، بۇ ئىشنى قىلىپ تۇرساق يەنە بىر ئىش چىقىپ تۇرغان، قىسقىسى بىز بىر ئۆمۈر تىپىرلاپ يۈرۈپمۇ ئارزۇ- ئارمانلىرىمىزغا تولۇق يېتەلمەيدىكەنمىز. شۇڭا تۇرمۇش ئىشىدا بەك ئەستايىدىللىقمۇ بىزگە زىيان كەلتۈرۈپ قويۇشى ئېنىق. چوڭلارنى، تونۇشلارنى بەك زارىقتۇرۋەتمەي، تېزراق «خوتۇن ئېلىڭ» ئەمدى (چاخچاق قىپ قويدۇم- ھە ).  

لوپجان

بەك ياخشى يېزىپسىز قولىڭىزغا دەت كەلمىسۇن.رەھمەت
来自安卓客户端

altaxna

ئالدىرمايمىز خوتۇن دېگەن ئامىن دېگەنگە كەلمەيدىكەن يا
来自安卓客户端

نۇرلان

شېئىر ياخشى يېزىلىپتۇ. قەلىمىڭز بەرىكەتلىك بولسۇن.
تەكلىپ: بۇندىن كېيىن تىلنىڭ راۋانلىقى جەھەتتە يەنە بەكرەك ئەجىر سىڭدۈرسىڭىز .

Hiyalparas

altaxna يوللىغان ۋاقتى  2014-7-5 21:06
ئالدىرمايمىز خوتۇن دېگەن ئامىن دېگەنگە كەلمەيدىكەن يا ...

راسىت دەيسىز،ھازىر قىزلار ئالتۇنغىلا تىگىدىغان بوپ كەتتى،ھەممىسىگە پۇل كېتىدۇ،شۇڭا ئەركىشىدە تويدىن بورۇن تەييارلىق بولىشى كېرەك،ئۆزى بىر ئۆينىڭ ھۆددىسىدىن چىقالايمەن،قۇربۇم يېتىدۇ دەپ قارىسا توي قىلسا بولىدۇ. «باينىڭ كالىسى كۆپ، نامراتنڭ بالىسى» دېگەندەك ئۆي باققۇدەك ئىقتىدار يوق، بىر خوتۇن بىلەن كۆپ ئۆتمەي بىر بالا قۇچاقلاپ ئۆزىنى رۇسلىيالماي ھەممىنى جاپاغا قويۇپ پەلەكتىن زارلىنىپ يۈرۈش ئوغۇل بالىنىڭ ئىشى ئەمەس.

قەلبىم

altaxna يوللىغان ۋاقتى  2014-7-5 21:06
ئالدىرمايمىز خوتۇن دېگەن ئامىن دېگەنگە كەلمەيدىكەن يا ...

راس ئالمامسىزما

altaxna

قەلبىم发表于2014-07-05 23:30:48


راس ئالمامسىزما{:6_263:}{:6_263:}

ئالدىرمايمىز دېدىمغۇ ئاچا
来自安卓客户端

arkzat

خوتۇن ئېلىش كېرەك، ئەمما ئۇ-ئۆمۈرلۈك ھەمرا بولالايدىغان بولۇشى بەكمۇ زۆرۈر! « كالا ئالساڭ ئاي كېڭەش، خوتۇن ئالساڭ يىل كېڭەش»دەدۇ شۇڭا ئاتىلار.

قەلبىم

altaxna يوللىغان ۋاقتى  2014-7-5 23:43
ئالدىرمايمىز دېدىمغۇ ئاچا
来自安卓客户端

ماقۇل