پارچىلار

Hiyalparas

                  پارچىلار

مۇندا بىر كۈن ئۆتكەيمۇ سەنسىز ئازاپسىز،
مۇزلىدى دىل، قالغاچ ۋىسالدىن قارارسىز.
نە بەخىتكى، باشقا بالا بولدى سەۋدا،
بۇ گادالىق چۆلىدە يالغۇز، مەن ئامالسىز.
      *                   *                   *
قاينىدى دەردۇ-پىغان تاشتى بۇ دەم،
تۈگۈلدى مۇشتۇم شۇ ئان، سۇندى قەلەم.
قاچتى ئىلھام، قەغەز يەنە قالدى قۇرۇق،
شۇ پىغاندىن ئۆزگە ھەم، يوق ھېچ نېمەم.
      *                   *                   *
ئىلتىجايىم ياغسا يامغۇر شارقىراپ،
سەگىسە غەمكىن يۈرەك دەرتلەر تاراپ.
چىقسا تامچە كۆزدىن،قوشۇپ ئاقسا يۇيۇپ،
كى بوراندا كەتسە بۇلۇت ھالىم خاراب.
      *                  *                   *
سالقىن كېچە ئاي كۆڭۈلگە بەرگەچ زوق،
تەن بىتاب چارچاشتا ئەمما ئۇيقۇ يوق.
ئۆرلىدى شۇ دەم پىغان،يۈرەكتە مۇڭ،
سېغىنىش ئالدى ئەسىر كاللام قۇرۇق.
      *                   *                   *  
مەن نېتەي، باستى كۆڭۈلنى مۇپتىلالىق،
چاغلىمىغان سۆيگىنى ھېچ بۇ بالالىق.
شاھ ئىدى ئەسلى كۆڭۈل تۆر ئۈستىدە،
خوش-خوش قىلىشقا سالدى ئەمدى بۇ گادالىق.
      *                   *                   *
كۆرگىلى نېسىپ ئەمەس ھەر كۈن ماڭا،
باسقىلى باغىرىمغا ئىمكان يوقتۇر يانا.
شۇ قەدەر سېغىنىشتا ئۆتسە ھالىم،
بىلمىگەن جانانغا ئېيتاي_ۋادەرىخا!

            مەنبە: خاتىرەمدىن.

ئەزھەر36

شىئىرىڭىز ياخشى چىقىپتۇ . تېخىمۇ تېرىشىڭ .

نەۋرۇز

شىئېرىڭىزدا بىر مۇڭ بار. قايىللىقىم باركى بۇ مۇڭ سىزنى قەلەمدىن زادىلا ئايرىلغىلى قويمايدۇ. ئېنىقكى بىرىنچى كۇبلىتنىڭ ئۆزىلا سىزنىڭ ئىچكى دۇنيارىڭىزنى ئۇچۇقلا يالىڭاچلاپ بىزگە تاشلاپ بېرەلىدى .مانا شىئېرنىڭ غەلبىسى. بۇ ھەۋەس ئۇستازنىڭ ۋە سىھىر خانىمنىڭ شىئېرلىرىدا بەك گەۋدىلىك. ئۇمۇمەن ياخشى يېزىپسىز. تەكلىپ شىئرىڭىزنىڭ تېمىسىنى باشقىچە قۇيۇپ شىئېرنى بىر پۈتۈن گەۋدىگە ئىگە قىلسىڭىز تېخىمۇ ياخشى بولاركەن