[شېئىر] قوشنا

HIRISTAL

قەلبىنۇر ئۇبۇل ھەسەن

قوشنا دىگەن ئەڭ ئۇلۇغ بىلسەڭ ئۇنى قەدىرلە،
يوقى بولسا بېرىپتۇر قولۇڭدىن كەلسە يۆلە.
ئۆي ئالمىغىن قوشنا ئال دىگەن ئىكەن كونىلار،
ھېيت-ئايەمدە ئەڭ ئاۋال ئۇنىڭ ئۆيىنى پەتىلە.

بېرىدۇ ئۇ بارىنى يوقىغا ئامالى يوق،
رەنجىپ قالساڭ ناۋادا قىلمىغىن سەن ھەرەىز دوق.
يىگىنىڭدە گۆش گىردە قوشناڭ ئەتسە گۆشسىز ئاش،
سۇنغىن ئۇمۇ يىسۇن تەڭ،بولسۇن ئۇ توق،سەنمۇ توق.

يىراقتىكى تۇغقاندىن ئەلا دىگەن قوشنىلار،
ئويلان ئۈشبۇ ھىكمەتنى بىكار ئېيتماس بوۋىلار.
نەزىر-چىراغ،توي-تۆكۈن قوشنىلارسىز ئۆتمەيدۇ،
ئۆيلىرىنى تەڭ يورۇت،شام ياقمىسۇن قوشنىلار.

ئەتىگەندە سالام بەر مەھكەم سىقىپ قولىنى،
قوشناڭ سۇنسا سۇيۇق ئاش،سەنمۇ سۇنغىن پولونى.
كۈلپەتلەرگە دۇچ كەلسە قول قوشتۇرۇپ تۇرمىغىن،
ئېغىرىنى كۆتۈرۈپ تەڭ يورۇتقىن يولىنى.

قوشنا دىگەن ئەنە ئۇلۇغ بىلسەڭ ئۇنى قەدىرلە،
ئارتۇق كۆرۈپ ئۆزۈڭدىن ھەر قەدەمدە ئەزىزلە.
ئەزەلدىنلا ئىسىل ئىش قوشنا بىلەن ئەپ ئۆتۈش،
بالىلىرىڭ ئۈگەنسۇن سەن قوشناڭنى ئىززەتلە

2014-6-18   قاراماي.

Izqiman

يوقى بولسا بېرىپتۇر قولۇڭدىن كەلسە يۆلە.(مۇشۇ مىسرانى يەنە بىر قېتىم ئويلىنىپ باشقا سۆزلەر ئارقىلىق ئىپادە قىپ باقسىڭىز ،شىئىرى پۇراقتىن سەل يىراق بوپ قاپتۇ )

رەنجىپ قالساڭ ناۋادا قىلمىغىن سەن ھەرەىز دوق.(ئىملاسىنى تۈزىتىۋەتسىڭىز)
مەن بۇ خىل تىمىلارنى يېزىشنى ، ئوقۇشنى ،ھەم تەشەببۇس قىلىشنى تولىمۇ خالايمەن .بەك ياخشى يېزىپسىز .

Izqiman

قوشنا دىگەن ئەنە ئۇلۇغ بىلسەڭ ئۇنى قەدىرلە،
بۇ مىسرانى ‹‹قوشنا دېگەن ئۇلۇغدۇر ،بىلسەڭ ئۇنى قەدىرلە››دەپ ئۆزگەرتسىڭىز تېخىمۇ راۋان بولىدىغاندەك ھېس قىلدىم .

Ayshemgul

مەزمۇنى ياخشى تاللانغان،ئۆزىمۇ ياخشى يېزىلغان شېئىر ئىكەن.ئاللاھىم بەرىكەت بەرسۇن.ئامىن!

heqqani

يارايسىز ...

WOLKANI

بۇ يېڭىچە ئىلھاملىرىڭىزغا ئاپىرىن !ھارمىغايسىز !

ئىدرسجان

مونبەر ئەھلىدىن سىزگە ئوتلوق سالام ،ئەسسالامۇ ئەلەيكۇم

سىز مونبەرگە يىڭىدىن كىرىپلا شۇنداق ياخىشى بىر شىئر ئىلىپ كەپسىز بۇندىن كىينمۇ توختاپ قالماي قەلەم تۇلپارىڭىنى چاپتۇرشىڭىزنى ئۇمۇت قىلمەن.

HIRISTAL

Izqiman يوللىغان ۋاقتى  2014-6-18 22:40
يوقى بولسا بېرىپتۇر قولۇڭدىن كەلسە يۆلە.(مۇشۇ مىسرانى  ...

شېئىرىمنى ئەستايىدىل كۆرگىنىڭىزگە،بەرگەن تەكلىپ-پىكىرلىرىڭىزگە رەھمەت ئىزچىمەن ئەپەندى.
‹قوشنا دىگەن ئەڭ ئۇلۇغ› ئىدى ،ئىملاغا دىققەت قىلاي.

HIRISTAL

روھلان مۇنبىرىدىكى مېنى قوللىغان،شېئىرىمنى ياقتۇرغان بارلىق ئەزىزلەرگە رەھمەت.بولۇپمۇ شېئىرىمغا ئەستايىدىل نەزەر ئاغدۇرۇپ ياخشى تەكلىپ-پىكىرلەرنى بەرگەن ئىزچىمەن ئەپەندىمگە ئالاھىدە رەھمەت ئېيتىمەن.
‹قوشنا دىگەن ئەڭ ئۇلۇغ› ئىدى،ئىملاغا دىققەت قىلاي.ھەممىڭلارنىڭ ئەزىز تېنى ئامان بولغاي.

HIRISTAL

شېئىرىمنى ياقتۇرغان ،مېنى قوللىغان بارلىق ئەزىزىلەرگە رەھمەت،مۇبارەك تېنىڭلار ئامان بولغاي.