تۇرمۇش ئۈچۈن

Hiyalparas

             تۇرمۇش ئۈچۈن

ئۆمۈر ھاسىلاتىم شۇ بولدىكىن تۇرمۇش ئۈچۈن،
ئويلىسام چىڭ چەكتىم جاپا تۇرمۇش ئۈچۈن.
لېكىن ھەي!...تاپقىنىم شۇلدۇر يەنە جەبرە-كۈلپەت،
ئۆرە بولسام مىڭ يىقىلدىم تۇرمۇش ئۈچۈن.

مەن تۇغۇلسام تەتۈر ئىكەن شۇنداق جاھان،
دادام،بوۋام تا قەدىمدىن ئىكەن دېھقان.
ماڭىمۇ شۇ پۈتۈلگىنى توپا-تامان،
تەغدىرگە تەن بىرىپ باقتىم تۇرمۇش ئۈچۈن.

قوللىرىمنى تۈگەل يېرىق-قاداق باسقان،
خوددى تاينى_«كىچىك»،دېمەي ھارۋا قاتقان.
ئىلاجىم يوق بۇ جاپانى تارتماي ھامان،
لەۋلىرىمنى چىڭ چىشلىدىم تۇرمۇش ئۈچۈن.

ياخشى كۈنگە ئېرىشەي دەپ تولا قاتراپ،
ئارامى يوق غىچچاڭشىدىم ھەپتە-ئايلاپ.
ئۆز-ئۆزۈمگە ئېيتىپ كەلدىم_«قويما يىغلاپ»،
چىدام ھەمرا ھامان كەلدى تۇرمۇش ئۈچۈن.

كۈلكىسى ئاز،يىغىسى كۆپ جاھان شۇنداق،
يىغا-يىغلاپ كۈلەلمىسەم قىلاي قانداق؟
سۇئال قويدۇم،دېدى دانا:_قىسمەت ئاشتاق،
«قىسمەت» نى تەن ئالدىم ئاخىر تۇرمۇش ئۈچۈن.

ئىلىم-ئېرپان ئىزدەپ بىر چاغ ئىرادەتتە،
خەلقىم ئۈچۈن بولاي خىزمەت-مالامەتتە.
لېكىن ئارمان بولدى گۇمران تالاپەتتە،
«ئارمان» ئۇنتۇپ يۈرۈپتىمەن تۇرمۇش ئۈچۈن.

قارا قىشتا يەرگە كەتمەن چېپىپ باقتىم،
مۆرىتى كەلسە توپا دېمەي «داق» تا ياتتىم.
تامچىلارغا لاي ئېتىپ ھەم خىشمۇ ئاتتىم،
ھەرنە قىلسام قىلدىم يەنە تۇرمۇش ئۈچۈن.

تەنە-دىشۋار نەھەققىمۇ ھەم چىدىدىم،
تەندە ماغدۇر قالمىسىمۇ ۋايسىمىدىم.
«_تويە بەندە،ياشىغانغا!» دەپ باقمىدىم،
سانسىز سەۋىر قىلدىم يەنە تۇرمۇش ئۈچۈن.


غۇربەتچىلىك ھامان تاشتەك جانغا پاتار،
تۈندە يېتىپ سۈرسەم خىيال تاڭلار ئاتار.
سۆزلىمە بەس! قايغۇڭ ئۆزۈڭگە گۆر قازار.
ئۈنسىز ياشا،مەۋجۇدلىقىڭ_تۇرمۇش ئۈچۈن.

     2013-يىل 12-دېكابىر.

مەنبە: قەلىمىم.

غىلاپ

كۆڭلىڭىزنى  يېرىم  قىلماڭ .

نۇرلان

ياخشى يېزىلغان شېئىر ئىكەن. قوللىرىڭىزدىن گۈل ئۈنسۇن.

جام

ھەي تۇرمۇش- ھەي تۇرمۇش!
ھەقىقەت ئىسىل، ئادەمنىڭ ھاردۇقىنى چىقىرىدىغان شېئىر ئىكەن، يارايسىز، قەلىمىڭىز توختاپ قالمىسۇن!
بۇ دۇنياغا كەلگەن ھەر بىر ئادەم چوڭ بولۇپ، مەيلى نېمە ئىشلار بىلەن مەشغۇل بولمىسۇن شۇ بىرلا مەقسەت- تۇرمۇش ئۈچۈن تاكى تېنىقتىن قالغۇچە تىپىرلايدىكەن، ھەرخىل قىسمەت- ھەرخىل كۈنلەرگە داخىل بولىدىكەن، ئاخىرىدا يەنە شۇ تۇرمۇش ئۈچۈن ھەممىنى باشتىن ئۆتكۈزۈپ، ئارمان بىلەن بۇ گۈزەل دۇنياغا تويماستىن توساتتىن كېتىپ قالىدىكەن.

Hiyalparas

نۇرلان يوللىغان ۋاقتى  2014-5-31 00:27
ياخشى يېزىلغان شېئىر ئىكەن. قوللىرىڭىزدىن گۈل ئۈنسۇن.

رەھمەت،تۇرمۇش كارتىنلىرىمدىن بىر پارچە خالاس.

13209039200

شىئ‍ىىرىڭىز ھەقىقەتەن ياخشى چىقىپتۇ , رەخمەت
Android  يانفۇندا يوللانغان

دىلىغۇل

ياخشى يىزىلىپتۇ.

saadatman

ھەي تۇرمۇش . كىچىك ۋاقتىمدا تىزراق چوڭ بولسام دەيتتىم .لېكىن چوڭ بولۇپ كۈندىن كۈنگە مەسئۇلىيىتىمنىڭ ئېغىرلاۋاتقانلىقىنى ھېس قېلۋاتىمەن .8 ياشلىق ۋاقتىمنى شۇنداق سېغىنىمەن. بەزى ئارزۇلارغا ئادەم تۇرمۇشنىڭ ئېغىر بېسىملىرى تۈپەيلى يېتەلمەيدىكەن ئادەم. شېئىرلىرڭىز ناھايىتى ياخشى چىقىپتۇ.

aziz

بۇ شېئىرى ئەمىلىيەتكە ماسلاشقان ھالدا بەك ياخشى يىزىلىپتۇ

ئالمىچى

دۇنيا ئۈچۈن بولۇپ پاتپاراق،
ئىنسان ئۆتەر تويماي ئاشۇنداق.
ھاياتلىقتا تويمىغان كۆزنى،
تويدىرىدۇ پەقەتلا تۇپراق.

شىئىر بەك ئىسىل چىقىپتۇ.