ھەۋىسىم بار،ھەۋىسىم يوق!

Ayshemgul

ھەۋىسىم بار،ھەۋىسىم يوق
ھەۋىسىم يوق گۈلگۈن چىراي،ئىسىل ئۆيلەرگە،
ھەۋىسىم يوق ھوقۇق تۇتۇپ دەۋران سۈرگەنگە.
ھەۋىسىم يوق ئىسىل پىكاپ شەھەر كەزگەنگە،
ھەۋىسىم يوق ھەممە خوش دەپ يالغان كۈلگەنگە.

ھەۋىسىم بار كېچەلىرى قىيام تۇرغانگە،
بۇ دۇنيادىن ئۇ دۇنيانى ئەلا كۆرگەنگە.
ئاددى ئۆيلەر،يىرتىق كىيىم بولسىمۇ ھەمراھ،
دىن ئىسلامنى چىن بەخىت دەپ شۈكۈر ئېيتقانگە.

ھەۋىسىم بار دۇنيا تۇرۇپ پېقىر تۇرغانگە،
مال دۇنيانى سىناق تونۇپ،كىشگە بەرگەنگە.
مىننەت قىلماي مەخپى قىلىپ ساۋاپلىق ئىشنى،
ئىنسان ئەمەس ئاللاھىدىن جاۋاپ كۈتكەنگە.

ھەۋىسىم بار ئىلىم ئېلىپ،ئىلىم بەرگەنگە،
بىرنى بىلسە بىرگە ئەمەل قىلىپ يەتكەنگە.
مېۋە بەرگەن دەرەخ كەبى تاشلار ئېتىلسا،
تاش ئورنىغا مېۋىلەردىن تۆكۈپ بەرگەنگە.

ھەۋىسىم بار ئەرزىيەتكە سەبىر قىلغانگە،
يىغلاۋىتىپ ئەجىر تىلەپ توختاپ قالغانگە.
ئاللاھىمنىڭ سۆيگۈسى دەپ مۇسىبەتلەرنى،
سەبىر بىلەن دۇئاسىنى قورال قىلغانگە.

ھەۋىسىم بار ئاللاھ ئۈچۈن ياخشى كۆرگەنگە،
ئاللاھ ئۈچۈن يامان كۆرۈپ قوشۇما تۈرگەنگە.
نەفسى خالاپ ئالدىرسىمۇ ئۆزنى چىڭ تۇتۇپ،
ئاللاھىمنىڭ رىزاسىنى مەقسەت قىلغانگە.

ھەۋىسىم بار تەقۋادارلىق لىباس كىيگەنگە،
ئىمانىدا مۇستەھكەم بوپ غېرىپ يۈرگەنگە.
قوشقان بولسا ئۇلۇغ رەببىم مېنىمۇ تېزراق،
ئاللاھ ئۈچۈن بەرپا بولغان ئاشۇ سەپلەرگە!  
‏

ياشبالا

ئاللاھ ئاشۇ قىلغان ھەۋەسلىرىڭىزنى يەردە قويمىغاي ، ھەممە ئىنساننى ئاشۇنداق ھەۋەسكار قىلغاي ، ئۇلۇغ ئاللاھتىن ھەممىمىزگە ياخشىلىق بولسۇن .ياخشى يېزىپسىز .

Nokia

يارايسىز بۇرادەر يەنىمۇ تىرىشىڭ

دوزاخ1

ئاللاھ ئۆزنى سۆيگەن ئنساننڭ تلەكلرنى يەردە قويمايدۇ،
رەخمەت ياخشى تما يزپ كەپسز

Ayshemgul

Nokia يوللىغان ۋاقتى  2014-5-4 03:04
يارايسىز بۇرادەر يەنىمۇ تىرىشىڭ

مەن ئەر كىشى بولمىسام بۇرادەر دەيدىغانغا؟دىققەت قىلماپسىزدە ھە؟رەھمەت،ئىنشائاللاھ

Ayshemgul

ھەممىڭلارغا رەھمەت،ھەممىمىزگە ئامىن!

دېھقان

ئاللاھنى مەدىلەپ يازسىڭىز بۇ تىخىمۇ ئىسىل چىققان بولاتتى رەخمەت سىزگە

ئارزۇ132

شئېرلىرىڭىز بىر بىردىن ياخشى چىقىپتۇ ،ئاللاھ قولىڭىزغا دەرىت بەرمىسۇن ،تىخىمۇ تىرىشىڭ .

ئالمىچى

ھەۋەس ئادەمنى ئالغا ئىلگىرلەشكە ئۈندەيدۇ،
شۇنداقلا، ئادەمنى ئەقلىدىن ئازدۇرىدۇ،

شىئىرىڭىز ناھايتى ياخشى چىقىپتۇ، تىخىمۇ تىرىشىڭ
来自安卓客户端

نەۋرۇز

شىئېرىڭىزنى سۈيۈنۇپ تۇرۇپ ئوقۇپ چىقتىم. ياخشى يېزىپسىز . تېخىمۇ تېرىشىڭ