ئويغانغاندىن كېيىن (ھېكايە)

ئايتۇغ

	بولسا تېمىنىڭ ئۈستى ياكى ئاستى تەرىپىگە ئىمزايىڭىزنى قويۇپ قويسىڭىز.ئىجادىي تېما ئىكەنلىكىنى بىلىۋالغىلى بولاتتى. ياخشى داۋاملىشىۋاتىدۇ.....

kiroran1019

	ھىلىقى مويسىپىتنىڭ دىگەن گەپلىرى بەكلا دانا ئىكەن،ماڭا شۇنداق ياقتى.

dellyar571

	-------------------شۇنداق قىلىپ ئۇ ئامىرىكىلىقىنى بىر نەچچە كۈن سەل ئاۋارە بولغان بولساممۇ ئۇزىتىپ قويدۇم لېكىن ھەپتىلەردىن بۇيان گۇزەلنۇرنى قەلبىمدىن چىرايلىق ئۇزۇتۈپ چىقىرىۋىتىپ ئۇ ئىلىپ كىلىۋاتقان ئازاپلاردىن قۇتۇلۇش  مىنىڭ مۇھىم ئىھتىياجىم بولۇپ قىلىۋاتاتتى بۇ ئىھتىياجدا دىندار بولۇپ كەتتىم يەنى ھە دسىدىلا  جەينىمازغا چىقىۋىلىپ ئاللاھقا «گۇزەلنۇرنى ئۇنتۇپ كىتەي ئاللاھىم ماڭا ياردەم قىل » دەپ ئۇزاق دۇئالار قىلىدىغان ھەر ئەتىگەندە قۇرئان ئوقىيدىغان بولىۋالدىم. ھەتتا بىر قېتىم شۇ ئامىرىكىلىق زىيارەت قىلغان مويسىپىت بوۋايىنى قايتا ئىزدەپ  تىپىپ ئۇنىڭدىن چارە سوراشنىمۇ ئويلاپ باقتىم ئەمما ئازاپلىرىم ۋاقىتىنىڭ ئۆتىشىگە ئەگىشپ بىر ئازدىن  يەنگىلەشكە باشلىدى .كىيىنچە گۇزەلنۇر يادىمغا كېلىپ قالمىسۇن  دەپ  يالغۇر خىيالغا چۆكۈپ قىلىشتىن ساقلىنىپ  مەيداندا ساۋاقداشلىرىم بىلەن توپ ئويناش ۋە ئۆزەم قىزىقىدىغان دەرىسلەرگە قاراش بىلەن كاللامنى ئالدىراش قىلىشنىمۇ ئۇرۇنۇپ يۇردۇم .بىراق بۇلار يۇرەكتىكى ئوتنى تامامەن ئۆچۇرمەك ئۈچۈن يەتمەيتى .قانداق قىلىش كېرەك ؟ ئۇنىڭدىن نەپىرەتلىنەي دىسەم مىنى سەۋەپسىز تاشلىۋەتكەن ئىشىدىن باشقا نەپىرەتلىك يىرىنى تاپالمايىتىم ،بىز ئۇچراشقاندا ئۇ ھامان ئالدىمدا قىزلىق ھۆرمەت غورورىنى ساقلايتى ،بىر ئاز ئەدەپسىزلىك  قىلىشىمغىمۇ يول قويمايتى …ئىشقىلىپ ئۇنىڭ ئەخلاقىسىزلىقدىن مىسال  ئىلىپ ئۇنىڭغا ئۆچ بولۇش ئاقمايدىغان گەپ ئىدى  مەن ئاخىر  تىخمۇ بەك دىندار تۇيغۇلارنى ئىزدىدىم يەنە نامازغا چىڭ ئىسىلدىم ئىبادەتلەرنى قازاسىسز داۋاملاشتۇردۇم مۇشۇ دىندارلىق تويغۇلىرىغا شۇڭغۇپ كىرىۋىرىشىم بىلەن  2001-يىل 3-ئاي ئەتىراپىدا گويا  ھاياتىمدىكى دەھشەتلىك قارا قىش ئۆتۈپ باھار يېتىپ كەلگەندەك بولدى.مۇشۇ كۈنلەرنىڭ بىرىدە  يېڭىلا باشلانغان داۋالاش ئىلمى دەرسىدىن خاتىرە قالدۇرىمەن دىگەن نىيەتتە ئالغان خاتىرەمنى كۆتۈرۈپ بىر يىل ئىچىدىكى ئەڭ چىرايلىق تۈسكە كىرگەن مەكتىۋىمىزنىڭ  چىڭخۇايۈەن دەيدىغان  باغچىسىغا كىرىپ تۆۋەندىكى قۇرلارنى ھاياجان ئىچىدە  يازدىم .     «قاراڭغۇلۇق ئىچىدە تىمىسقىلاپ ئۆزەمچە ‹بەختلىك› دەپ قارىغان كۈنلىرىمنىڭ تېگىگە مىناغا ئوخشاش يوشۇرۇنۇپ ياتقان بەختسىزلىكلەرنى كۆرەلمەي ھايۋانغا ئوخشاش ياشاپ كەپتىمەن. بىر پۈتۈن ئادەم تۇرۇپ ئۆزەمنىڭ نېمە ئۈچۈن ياشاۋاتقانلىقمنى ئويلاپمۇ باقماپتىمەن. ياراتقۇچىنىڭ ئادەملەر ئاپىرىدە بولغاندىن تارتىپ ئىنسانلارغا يىتەكچى بولسۇن دەپ ئۈزلۈكسز پەيغەمبەرلەرنى ئەۋەتىپ كەلگەنلىكىدىن بىخەۋەر قاپتىمەن، خەۋەردار بولغۇممۇ كەلمەپتۇ. ئاللاغا مىڭ مەرتىۋە شۈكرى. گۈزەلنۇردىن ئىبارەت بۇ تۇرمۇش ئىلاھىمنىڭ مېنى ئۇلۇغ ئىسلام ھەقىقىتىدىن ئۇدا توسۇپ تۇرغانلىقىنى ئاخىرى تونۇپ يەتتىم. كۆڭلۈمدىن گۈزەلنۇرنى چىقىرىۋېتىپ ئۇ ئىگىلەپ تۇرغان جاينى بىكار قىلىشم بىلەن شۇ جايدىن ماڭا شۇنداق يورۇق نۇر سېپىلدىكى مانا بۇ يورۇق نۇرنىڭ مېنى ھالاكەتتىن قۇتقۇزىشىغا ئاللا ئىگەم ئۆزى ئىمكانلىق بېرىپتۇ.» يېنىك شامالنىڭ ئۇرۇشى بىلەن تۆكۈلگەن گۈل بەرگى خاتىرەمنىڭ بېتىگە چۈشتى.«-مانا ، سوغۇق قىش ئاخىرلىشىپ چېچەك پەسلى يېتىپ كەپتۇ. باھارنىڭ ئىللىتىشى چېچەكلەرنى ئېچىلدۇردى. ئەمدى شاخلىرىنى چېچەكلەر بىلەن بېزىگەن مېۋىلىك دەرەخلەر ئۆز مېۋىسىنى بېرىشكە قاراپ ماڭىدۇ.» قەلەمنى تۇتۇپ بىر ئاز تۇرىۋالدىم. كاللامغا ئاپامنىڭ:« بالام سېنى دوختۇر بولۇپ قالدى دەپ بېشىمنى كۆتۈرۈپ يۈرەي، ئارقىدىن ئىككى سىڭلىڭ بار . ئۇلارنى خۇدايىم بۇيرىسا سەن ئوقىتىسەن، ھازىر ئالى مەكتەپتە بالا ئوقۇتۇش تەس. سىڭىللىرىڭ ئالى مەكتەپتە ئوقۇسا داداڭ قىينىلىپ قالىدۇ. »دىگەن گېپى كەلدى. كىم مېنىڭ بۇ مەكتەپكە كېلىپ ئوقۇشۇمغا گۈزەلنۇر سەۋەپچى دەيدۇ؟ مەن ئاللانىڭ خاھىشى-ئورۇنلاشتۇرىشى بىلەن شىئەن قاتناش ئۇنىۋېرسىتىتىغا كەلگەن. ئوقۇش پۈتتۈرگەندىن كېيىنمۇ ھايات مۇساپەمنى داۋاملىق بېسىپ كېتىۋېرىمەن. بەدىنىمگە يېڭى قان ئېقىپ كىرىۋاتقاندەك باشقىچە جانلىنىپ  قەلەمنى كۈچەپ بېسىپ يېزىشنى داۋاملاشتۇردۇم، «بۇرۇن قانداق ئويلىغانلىقىم ياكى ياشىغانلىقم مۇھىم ئەمەس. خۇدا تەۋبە قىلغۇچىلارنىڭ گۇناھىنى كەچۈرۈم قىلىدۇ. مەن تۇرمۇشۇمنى قايتىدىن باشلىماقچى خۇددى يېڭى تۇغۇلغان بالىدەك،مۇنداقچە ئېيتقاندا قايتا تۇغۇلغاندەك ياشىماقچى.» خاتىرەمنى ياپقاندا مەن ئىسمىنى بىلمەيدىغان بىر قۇش ھۈپپىدە چېچەكلىگەن شاپتۇل شاخلىرىنىڭ بىرىگە قونۇپ چىرايلىق سايرىغىلى تۇردى. قۇشلارنىڭ ئاۋازىنى تۇنجى قېتىم ئاڭلاۋاتقاندەك بۇ ئاۋازغا قۇلاق سالدىم. نېمىدىگەن تەبىئىي ئاۋاز، گەرچە ئۇنىڭ مىلودىيسى بىر خىل بولىسىمۇ ھەرقانداق كاتتا مۇزىكىلاردىن ياخشى، مۇڭلۇق ئىكەن. گۈزەلنۇر ماڭا «ئىچىڭىز پۇشسا ئاڭلاڭ» دەپ موزارت، بېتخوۋىن قاتارلىق داڭلىق مۇزىكانتلارنىڭ سمفونىيىلىرىنى  بەرگەن. بۇ سىمفونىيىلەر ئارقىلىق دەرس بېسىمى، تۇرمۇشتىكى مەنىسىزلىكلەرنى ئۆلتۈرەتتىم. بىراق نېمىشقا بۇ مۇرەككەپ سىمفونىيلەردىن قەستەن مەنە چىقىرىپ ئۆزەمنى ئۆزەم ئەخمەق قىلىمەن؟ سۇنىڭ شىلدىرلاشلىرى، قۇشلارنىڭ سايراشلىرى، تەبىئەت دۇنياسىدىن چىقىۋاتقان ھەرخىل ئاۋازلار ئەجىبا مۇزىكا ئەمەسمۇ؟ نېمىشقا مۇزىكا ئاڭلىمىغۇدەكمەن؟ ئاڭلايمەن. لېكىن مېنىڭ مۇزىكا ئاڭلىشم ئۇنىڭ بىلەن مۇناسىۋەتسىز! بۇ چاغدا مەكتەپنىڭ كانىيىدىن ئەتىگەنلىك گىمناستىكا ئاۋازى كېلىپ خىيالىمنى بۇزدى. سائەتكە قارىدىم .ئەتىگەنلىك دەرسكە يەنە 1:30سائەت بار ئىكەن. يېنىك قەدەملەر بىلەن كۆڭلۈمدە 1-2-سائەتلىك دەرسكە چىقماسلىقنى ئويلاپ ياتاق بىناسىغا قاراپ ماڭدىم. چۈنكى مېنىڭ بىر تەرەپ قىلىدىغان ئىشلىرىم بارئىكەن. يېڭىچە ئادەم بولۇشنى گۈزەلنۇر ماڭا مۇشۇ نەچچە يىل جەريانىدا بەرگەن نەرسىلىرىنى تاشلاش بىلەن باشلىشىم كېرەك. بىرىنچى بولۇپ قولۇمدىكى سائەتنى بىر تەرەپ قىلىمەن. بۇ ئۇنىڭ ماڭا ھەدىيە قىلغان ئەڭ قىممەتلىك نەرسىسى. ئەسلى بۇ سائەت گۈزەلنۇرنىڭ بوۋىسى ئابدۇسالام ئەپەندىنىڭ نەۋرىسىگە قالدۇرغان تەۋەرۈكى بولۇپ، ئۇ ئادەم گۈزەلنۇرنىڭ گېپى بويىچە دۇنيادىكى ئەڭ بىلىملىك ئادەم. مەن ئۇنى بىرلا قېتىم كۆرگەن. لېكىن گۈزەلنۇر ماڭا بوۋىسىنىڭ گېپىنى ئاغزى-ئاغزىغا تەگمەي بىر قېتىم ئەمەس بىر نەچچە قېتىم دەپ بەرگەن بولغاچقا، ئۇنى يېقىن تونۇيدىغاندەكلا  بولۇپ كەتكەنىدىم. بۇ ئادەمنىڭ ئەپلىك قىلىپ ياسالغان كىچىك بىر جوزىسى بولۇپ ئۇ ئەينى ۋاقتىلاردا باشقىلارغا خەت يېزىپ بېرىش ئۈچۈن ئۈستىلىنى كۆتۈرۈپ يەرلىك پوچتا ئىدارىسىنىڭ ئالدىدا ئولتۇراتتىكەن. خەتنى چىرايلىق يازىدىغان، رەسىم سىزالايدىغان، ھۆسىن خەتكە ماھىر بۇ كىشى 1930-يىللاردا ئۇيغۇر ئۇيۇشمىلىرىغا ئەزا بولۇپ تەشۋىقات ۋەرەقىلىرى، تاختىلىرىنى ئىشلىگەن ئىكەن. ئابدۇسالام ئەپەندىنىڭ ئايالى ئۇيغۇر ئۇيۇشمىسىدا تۇنجى بولۇپ ئاياللار ئىشخانىسى تەسس قىلىشنى تەشەببۇس قىلغانكەن. ئۇنىڭ تەشەببۇسى ۋە ھەر تەرەپلىمە خىزمەت قىلشى بىلەن ئۇرۈمچى ئۇيغۇر ئۇيۇشمىسىدا ئاياللار ئىشخانىسى قۇرۇلۇپ ئاياللارغا ئۆزلىرىنڭ ھوقۇقىنى تەشۋىق قىلىدىغان ئاپپارات بولغان. گۈزەلنۇر بۇ بوۋىسىغا بەك ئامراق. بۇنىڭ بىر سەۋەبى بۇ بوۋاي ئۇنىڭ بىرىنچى ئۇستازى بولۇپ گۈزەلنۇر مەكتەپ يېشىغا توشماي تۇرۇپلا ئوقۇشنى ، يېزىشنى ئۆگىنىپ بولغان. بوۋىسى يەنە ئۇنىڭغا چىن تۆمۇر باتۇر، سىيىت نوچى،نۇزۇگۇم قاتارلىق تارىخى داستانلارنى ھىكايە قىلىپ سۆزلەپ بېرىپتىكەن.گۈزەلنۇرنىڭ ماڭا دەپ بېرىشىچە بوۋىسىنىڭ  ياردىمىدە ئۇ چاغاتاي تىلى، سىلاۋىيان ئۇيغۇريېزىقى ۋە يېڭى – كونا يېزىقلاردىكى كىتابلارنىمۇ ئوقۇيالايدىغان بولۇپ كېتىپتۇ. ) گۈزەلنۇر بىر قېتىم ماڭا چاقچاق قىلىپ مەن تۆت خىل تىل بىلىمەن دىگەن ئىدى.) كىتابلارنىڭ ئىچىدە ئۇ ئەلشىر نەۋائىنىڭ «تاھىر- زۆھرە» داستانىغا ھەممىدىن بەك ئامراق ئىدى. بوۋىسى دەرسلەردە باشلانغۇچتىن تولۇق ئوتتۇرا مەكتەپكىچە ئەلاچى نامىنى قولىدىن بەرمەي ئىزچىل ئۆگىنىش باشلىقى بولۇپ كېلىۋاتقان گۈزەلنۇرغا قەۋەتلا ئامراق بولغاچقا يېنىدىن ئايرىمايدىغان تەۋەرۈك سائىتىنى بۇ بىردىن بىر نەۋرىسىگە قالدۇرغان ئىكەن . 3،6،9دىن ئىبارەت ئۈچلا سان بار ، قالغانلارنىڭ ئورنىغا پارقىراپ تۇرىدىغان كۆز قويۇلغان، قاراڭغۇدا ئۆزلىكىدىن يانىدىغان ، چېسلا ۋە ھەپتىنى ئىككى خىل يېزىقتا كۆرسىتىپ بېرەلەيدىغان بۇ سائەت شېۋىتسارىيىنڭ ھەقىقي مېلى. بۇنىڭغا مەكتىپىمىزدە «غەرپ ئىقتىسادى» دىگەن دەرسنى بېرىدىغان ئوقۇتقۇچىمىزمۇ گۇۋاھ بولۇپ ماڭا «سائىتىڭ جىڭ مال ئىكەن. ئوقۇش پۇلىنى تۆلىيەلمىسەڭ ئۇنى گۆرۈگە قوي» دەپ چاقچاق قىلغانىدى. ئەلۋەتتە ئۇنى ئەخلەت ساندۇقىغا تاشلىۋەتسەم بولمايدۇ. بۇ ئاچچىقى كەلسە چېقىۋېتىدىغان چىنە ياكى ئۇدۇل كەلگەن يەرگە تاشلىۋەتسە بولىدىغان گۈل ئەمەس. ئۇنىڭغا خېلى ئېغىر، پۇل بىلەن ئۆلچىگىلى بولمايدىغان باھا سىڭگەن. تۇرۇپلا گۈزەلنۇردىن ئۆچ ئالغىم كەلدى. ئۇنىڭ ھېسياتىمنى بىر نەچچە يىل ئەخمەق قىلغانلىقىنىڭ بەدىلى بولىشى كېرەكقۇ؟ ئۇ بۇنى تۆلىشى كېرەك . شۇندىلا قەلبىمدىكى ناھەقچىلىك بېسىلىپ ئۇنى تېخىمۇ بەك ئۇنتۇپ كېتىشىم مۇمكىن... سائەتنى توپ مەيدانىنىڭ كەينىدىكى مېخانىكا مەھسۇلاتلىرىنى ئىشلەيدىغان پىراكتىكا زاۋۇتىنىڭ ئادەتتە ئادەم ئانچە بارمايدىغان مەيدانغا ئېلىپ چىقىپ تاش بىلەن ئۇرۇپ چېقىۋېتىشنى نىيەت قىلىپ كىچىك يەشىككە ئەخلەتنى تاشلىغاندەك تاشلىدىم. ئىككىنچى نەرسە بىزنىڭ يېزىشقان خەتلىرىمىز، بۇ خەتلەرنى تۇنجى قېتىم كۆرىۋاتقاندەك بىر كونۋېرتنى ئېچىپ ئوقۇشقا باشلىدىم. مۇھىد:      ياخشىمۇسىز؟ قانداق ئەھۋالىڭىز ؟ مەكتەپكە ياخشى ئورۇنلىشىۋالدىڭىزمۇ ؟سىزگە بۇ قېتىمقى خېتىمدا مەكتىپىمىز ھەققىدە سۆزلەپ بىرەي: سىز ئوتتۇرا مەكتەپتىكى چاغلاردا دائىم شىنجاڭ ئۇنۋېرسىتىغا بېرىپ توپ ئوينايتتىڭىز. سىزگە ھەممىدىن تونۇش يەر شۇ توپ مەيدانى بولىشى مۇمكىن. لېكىن مەكتەپنىڭ باشقا جايلىرىمۇ مەنزىرىلىك. بولۇپمۇ خۇڭخۇنىڭ بۇنداق چىرايلىق ئىكەنلىكىنى بۇرۇن بىلگەن بولسام سۇ ئۈستى باغچىسى ياكى قىزىلتاغقا بېرىپ سىزنى پۇل خەجلەتمەس ئىكەنمەن. بىراق بۇ كۆل توغرىسىدىكى ھېكايىلەرنى ئاڭلاپ قورقتۇم. چوڭ سىنىپتىكى قىزلارنىڭ دېيىشىچە بۇ كۆلگە يېڭىدىن تۇغۇلغان بوۋاقلار تاشلىۋېتىلىپ تۇرىدىكەن. كۆلنىڭ كەينى تەرىپىگە ئۆتۈشتىن ھەممە قىزلار ئۆزىنى تارتىدىكەن. ئۇ يەردىكى ئىگىز ئۆسكەن چاتقاللىقلاردا ئەسكى ئادەملەر بار دېيىشىدۇ. مەن مەكتەپكە كېلىپ ئۇزۇن ئۆتمەي ساقچىلارنىڭ شۇ كۆلدىن 23-22 ياشلاردىكى بىر ئۆلگەن قىزنى سۈزۈپ ئېلىۋاتقانلىقىنى يېقىندىن كۆرۈپ قېلىپ بىر ھەپتىگىچە بىر نەرسە يېيىشكە كۆڭلۈم بارماي يۈردۈم. ئۇ بىر خەنزۇ قىز ئىكەن. مۇھەببىتى تاشلىۋېتىپتىكەن ئۆزىنى ئۆلتۈرىۋاپتۇ. مۇھىد، بۇ مېنىڭ ئىككىنچى قېتىم گۆشى ئۇستىخىنىدا تۇرغان جەسەتنى كۆرىشىم. بىرىنچىسى بوۋام ئىدى. لېكىن ئۇنىڭ چىرايىدا سۈزىۋېلىنغان ھېلىقى قىزنىڭكىدەك ۋەھىمە كۆرمىگەنىدىم. جېنىم بوۋامنى ئۇخلاپ قالغاندەكلا كۆرگەن ئىدىم. ئۇنى  بەكمۇ سېغىندىم. ئەگەر ئۇ بولمىغان بولسا  مەن ھەرگىزمۇ ھازىرقى ئوقۇتقۇچى بولۇش ئارزۇيىمغا يېتەلمىگەن بولاتتىم. دادام مېنى ئۆزىگە ئوخشاش دوختۇر قىلماقچى بولۇپ 5-سىنىپتا ئوقۇيدىغان ۋاقتىمدىن تارتىپلا ماڭا ئادەم بەدىنىدىكى ھەرقايسى ئەزالار سۈرىتى چۈشۈرۈلگەن رەڭلىك كىتابلارنى سېتىۋېلىپ ئەكىلىپ بېرەتتى. لېكىن دادام مېنىڭ بىرەر ساۋاقدىشىمغا دەرس چۈشەندۇرۈپ ئۇ چۈشىنىۋالسا قانداق خۇش بولۇپ كېتىدىغانلىقىمنى نەدىن بىلسۇن؟ مېنىڭچە سىزمۇ مېنىڭ ياخشى تەربىيلەپ چىققان ئوقۇغۇچۇم. ئويۇنچى بالا ئىدىڭىز. شەھەر بويىچە ئىككىنچى بولۇپ ئالى مەكتەپكە قوبۇل قىلىندىڭىز.(ھېلىمۇ ياخشى ، مېنىڭ ئالدىمغا ئۆتۈپ كېتەلمىدىڭىز . بولمسا سىزگە ئوقۇتقۇچى بولالماس ئىدىم.) دادام ماڭا ئۆچ ئەمەس. ئۇمۇ ماڭا ياخشى بولسۇن دەيدۇ. لېكىن مېنى بوۋام بەكرەك چۈشىنىدۇ. مۇھىد سىزگە دىسەم بوۋام دادامنىڭ ياۋاش-يۇمشاق ئادەم بولغانلىقىدىن ئۈمىتسىزلەنگەن ، گەرچە ئوغلىنىڭ دوختۇر بولغانلىقىغا قارشى چىقمىغان بولسىمۇ، ئۇنىڭ بىر قېتىم دادامغا«سېنىڭ كىتاب كۆرۈشتىن، كېسەل داۋالاشتىن باشقا قولۇڭدىن ھېچ ئىش كەلمەيدۇ»دەپ چېچىلغانلىقىنى ئاڭلىغان ئىدىم. دادام مېنى دوختۇر قىلماقچى بولغاندا بوۋام « ئۇنى ئۆزەڭگە ئوخشاش دوختۇرخانىدىن چىقمايدىغان راھىب مىجەز قىلماقچىمۇسەن. ئەڭ ياخشىسى ئۆزىنىڭ ئىختىيارىغا قويۇپ بەر. ئۆزى خالىماي دوختۇر بولسا ئادەم ئۆلتۈرۈپ قويىدۇ.» دەپ بىر ئېغىز گەپ بىلەنلا مېنى ئارزۇيۇمغا يەتكۈزگەنىدى. مۇھىد، سىز تەتىلدىن قايتىپ كەلگىنىڭىزدە بۇ كۆلگە بارايلى دېسىڭىز مەن ياق دىمەيمەن. چۈنكى بۇ كۆلدە يەنە ھېكمەتلىك ھېكايىلەرمۇ بار ئىكەن؛بىر قىزنىڭ يىگىتى ئۇنى مەدھىيلەپ-  كۈيلەپ ئىككى قېلىن خاتىرىنى شېئىر-نەسىرلەر بىلەن تولدۇرۇۋېتىپتىكەن. ئۇ قىز يىگىتتىن خاتىرىنى ئېلىپ« مۇشۇ نەرسىلەرنى يېزىپ كۆيدۈم-پىشتىم دىگۈچە بىلىم ئېلىپ خەلقىڭىزگە ياخشى خىزمەت قىلىش ئۈچۈن ۋاقتىڭىزنى قەدىرلىسىڭىز بولمامدۇ؟ ئەلگە ياراملىق ئادەم بولسىڭىز مەنمۇ سىزنى چىن دىلىمدىن ياخشى كۆرمەسمىدىم. بۇ نەسىر-شېئىرلىرىڭىز بىلەن قانداق ئىش قىلالايتىتىڭىز.» دەپ خاتىرىنى شۇ كۆلگە ئېتىۋېتىپتۇ. ھېلىمۇ شۇنداق ئېسىمدە. بىر قېتىم بوۋام مەندىن تاھىر-زۆھرەنىڭ داستىنى توغرىسىدا  غەلىتە بىر سوئالنى سورىغانىدى. تولۇق ئوتتۇرىنىڭ ئىككىنچى يىللىقىغا چىققان يىلىم بوۋام مېنىڭ بۇ كىتابنى ياستۇق بېشىغا قويۇپ ئۇخلاپ قالىدىغانلىقىمنى بىلىپ قېلىپ ماڭا: «بۇ كىتابتىكى تاھىر بىلەن زۆھرەنىڭ دۆلەت مۇنقەرز بولۇش خەۋىپىگە دۇچ كەلگەندە باغ ئايلىنىپ يۈرگەنلىكىنى بىلەمسىز؟» دېگەنىدى. ھەيران بولۇپ بوۋامنىڭ گېپىنى چۈشەنمەيلا قالغانىدىم. بوۋام:«تاھىر-زۆھرە باغدا ئايلىنىپ يۈرگەندە ياۋ باستۇرۇپ كېلىپ سۇلتانلىق خەۋپ ئىچىدە قالىدۇ. مۇشۇ پەيتتە ئۇلارنىڭ دۆلەتنى قۇتقۇزۇشقا ئالدىرىماي سەيلە قىلىپ يۈرگەنلىكى قىزىق ئەمەسمۇ، قىزىم»دىگەن،بۇ سۆزنىڭ مەنىسىنى خۇڭخۇنىڭ مەزكۇر ھېكايىسى بىلەن سېلىشتۇرۇپ ئاز-تولا چۈشەنگەندەك بولدۇم. بىراق ئىش مۇشۇنداق بولسا ياۋنى چېكىندۈرگەن قارا باتۇر قەھرىمان بولۇپ قالامدۇ؟ مەن قارا باتۇرغا ئۆچ، قارا تىكەنگە تېخىمۇ ئۆچ... خۇڭخۇ توغرىسىدىكى ھېكايىلەرنى خاتىرەمگە يېزىپ مېڭىۋاتىمەن. ئۇنىڭدا يەنە سىز قىزىقىپ قالىدىغان ھېكايىلەر چىقىپ قالىدۇ. ئۇلارنى سىزگە بەكمۇ ئوقۇپ بەرگۈم بار. شۇلارنى يېزىپ كاللامغا يېڭى خىيال كەلدى. «خۇڭخۇ ھېكايىلىرى» دىگەن تېمىدا مۇشۇ جايدا يۈز بەرگەن ۋەقەلەرنى يىغىپ رەتلەپ باقايمىكىن دەيمەن. بۇ مېنىڭ كەسپىمگە پايدىلىق بولۇپ قالسا تېخىمۇ ياخشى. يەنە بىر ئىش ئوقۇتقۇچىمىز بىزگە « يېزىقچىلىق قابىلىيتىڭلارنى ئۆستۇرۈش ئۈچۈن خاتىرە قالدۇرۇڭلار، دوست-بۇرادەرلىرىڭلارغا ھەرخىل تېمىدا خەت يېزىپ بەرسەڭلار ئۆزەڭلارغا پايدىلىق »دىگەن گەپلەرنى قىلىۋاتىدۇ. سىزنىڭ يىراق شەھەرگە كەتكىنىڭىزنىڭ بىردىن-بىر پايدىسى سىزگە داۋاملىق خەت يېزىپ تۇرۇش بولىدىغان بولدى. شۇنداق قىلسام بولامدۇ؟ داۋاملىق خەت يازىمەن. كۆپ تېلىفون قىلماڭ. سىزدىن تېلىفون كېلىۋەرسە باشقا قىزلارنىڭ ئالدىدا خىجىل بولۇپ قالىدىكەنمەن.                سىزنى سېغىنىپ : گۈزەلنۇر                                1996-يىل11-ئاينىڭ 4-كۈنى ئەسكەرتىش: مەن ياتاقتا يېتىشنى قارار قىلدىم، شۇنداق قىلسام ئالىي مەكتەپتە ئوقۇغاندەك بولىدىكەنمەن.

erkin2010

	دېليار ئەپەندىنى لوگىكىلىق تەپەككۇر بىلەنلا ياشىسا كېرەك دەپ ئويلىساق ،ئوبرازلىق تەپەككۇر ئويۇنىدىمۇ قالتىس كارامىتى باركەنغۇ؟... "سەنئەتكارلارغا خاس ھېسسىيات" ئەسلىدە سىزدە باركەن بۇرادەر.....

bargiya

	مەن يازمىڭىزنى ئىز بېسىپ ئوقۇۋاتىمەن.نۇرغۇن ئېسىل تەپەككۈر مەھسۇلاتلىرىنى خاتىرەمگە كۆچۈرۈۋالدىم.ئاخىرىنى كۈتىمەن.

dellyar571

	bargiya ئەسەرلىرىڭىزدكى پاكىزلىقتىن بەكمۇ سۆيىنىمەن ،بىز ئويغۇلارنىڭ تور ئەدىبىياتى مۇشۇنداق  پاكىزلىق ۋە ئاپپاق ئاي، گۈل كاپىتان  قاتارلىقلارنىڭ  يازمىلىرىدىكى چىن  سەمىمىيەت روھىنىڭ ھاكىم بولىشغا مۇھتاج  . شۇنداق بىر رىۋايەت بار  زالىملار   ئىبراھىم ئەلەيسالامنى ئوتقا تاشلىغاندا بىر چۈمۈلە ئوتنى ئۆچۇرمەك  ئۈچۈن بىر تامچە سۇنى چىشلەپ ماڭىدۇ  قاغا ئۇنى مەسخىرە قىلىدىكەن شۇ سۇ بىلەن بۇيۇك ئوتىنى قانداق ئۆچىرەلەيتىڭ دەپ . چۈمۆلە دەپتۇكى " بۇ سۇ بىلەن مىنىڭ ئادەلەتسىزلىككە قارشى مەيدانىم ئاشكارا بولىدۇ .'مىنىڭ   "ئويغانغاندىن كىيىن " نى پوچىلىق قىلىپ كەيىپ ساپا ئەدىبىياتىغا بىر زەمبىرەك قىلىپ ئىتىش ئارزۇيۇم بار لىكىن يىزىلىۋىرىپ ئەخلەت پارچىسغا ئايلىنىپ كىتەمدۇ بىلمەيمەن مەيلى نىمە بولۇپ كەتسۇن بۇ مەندەك ئەدىبى ئىجادىيەت تالانتى يىتەرسىز كىشىلەرنىڭ ئىشى بولۇپ كەتسۇنكى   سىز ۋە سىزگە ئوخشاش تورداشلارنىڭ قەلىمى توختاپ قالمىسۇن

yalghuz

	دېليار ئەپەندىمنىڭ ماۋۇ يازمىسى ئەلكۈيى تور ئەدەبىياتىغا قۇيۇپ بەرگەن يەنە بىر ياخشى نامايەندە خاراكتىرلىك ئەسەر بوپتۇ.مۇنازىرلەردىكى ئىنكاسلىرىڭىزنى ئوقىۋاتقان بولساممۇ ھېكايىڭىزگە قاراپ ھۆرمىتىم ئاشتى،داۋاملىق ئۇقىۋاتىمەن.

kaysar_yurak

	كەڭساي تورىدا ئىككىمىز خېلى ئېتىشىپ كەتكەن .....    ھەقىقەتەن كۆپ تەرەپتىن يىتىشكەن ئادەم ئىكەنسىز .....   .«-مانا ، سوغۇق قىش ئاخىرلىشىپ چېچەك پەسلى يېتىپ كەپتۇ. باھارنىڭ ئىللىتىشى چېچەكلەرنى ئېچىلدۇردى. ئەمدى شاخلىرىنى چېچەكلەر بىلەن بېزىگەن مېۋىلىك دەرەخلەر ئۆز مېۋىسىنى بېرىشكە قاراپ ماڭىدۇ.» مانا بۇ قۇرلىرىڭىز ئاجايىپ تەسىر قىلدى ماڭا .

dellyar571

	خەتنى كۆرۇپ بولۇپ كونا خاماننىڭ توپىسىدا قالغاندەك بىئارام بولدۇم لېكىن  بۇ بىئاراملىقتا ئاچچىق تەم بەردەك  ئىدى شۇ تەمنىڭ  كۈچى بىلەن ئىغىر بىر تېنىپ ئۇنىڭ يەنە بىر پارچە خىتىگە قول ئۇزاتتىم ؛ «سالام مۇھىد! قانداق ئەھۋالىڭىز؟ ئۆگىنىشىڭىز ئوڭۇشلۇقمۇ؟ سالامەتلىكىڭىز ياخشىمۇ؟ مانا، ھەش-پەش دىگۈچە سىز بىلەن كۆرۈشمىگىلى بىر ئايدىن ئېشىپتۇ، بىر نەرسەم كەمدەكلا. نېمە دىسەم بولار، دىيىشتىن خىجىل بولىۋاتىمەن. مۇشۇ خەتنىمۇ ھۇجرامنىڭ ئىشىكنى چىڭ يېپىپ پەردەمنى چۈشۈرىۋېتىپ ئوغرىلىقچە يېزىۋاتىمەن. تەقدىر قىزىق بولىدىكەن. مەن سىزگە بەك ئۆچ ئىدىم. مانا ھازىر...ئېسىڭىزدىمۇ، سىز بەزىدە مېنى مايمۇن دەپ تىلللايتتىڭىز. چىدىماي يىغلاپ كېتەتتىم. مېنى تىللاشقا ھېچكىمنىڭ تىلى بارمايتتى. بىلەمسىز، دائىم ئۆگىنىش ھەيئىتى بولۇپ بالىلارنى باشقۇرۇپ يۈرىيدىغان مەن بۇنداق ھاقارەتكە ھەرگىز چىدالمايمەن. سىزنىڭ بۇ ئوساللىقىڭىزنى بىلگەچكە ئىچىمدە سىزدىن قورقۇپ تۇراتتىم.مانا ئەمدى مەن ئەينى ۋاقىتلاردا  قۇرقۇپ تۇردىغان سىز  ئارقىلىق ئۆزەمنى بەكمۇ بەك بىخەتەر ھېس قىلىماقتىمەن ،خۇددى ھېچكىم مىنى بوزەك قىلىپ يىغلىتالمايدىغاندەك ،بۇ جاھاننىڭ ئىشلىرى نىمىدىگەن قىزىق … مۇھىد، سىز شۇنچە شوخ ، دەرستە ناچار بولغان بىلەن دەرستە ياخشى ئەمەس باشقا بالىلارغا ئوخشاش سىنىپتا يوق جېدەل چىقارمايتتىڭىز. سىزنى باشقۇرماق ھەقىقەتەن تەس ئىدى. چۈنكى سىزنىڭ ھەربىر شوخلىقىڭىزغا جىق بالىلار خۇش بولۇپ كۈلەتتى. ھەتتا بەزىدە ئۆزەممۇ كۈلۈپ كېتەتتىم. ئېسىڭىزدىمۇ، تولۇقسىز2-يىللىقتىكى ۋاقتىمىزدا سىز ھەدىسىلا بالىلارنى ئاغزىنى بۇرۇپ تىللايدىغان ئەسقەر مۇئەللىمنىڭ سومكىسىغا چايان سېلىپ قويۇپ جېنىنى ئالغىلى تاس قالغان ئىدىڭىز . يەنە بىر قېتىم سىز ياسانچۇق سەتەڭ دەپ نام ئالغان قاپىقى تۈرۈك گۈلشەن مۇئەللىمنىڭ كەينىگە چاندۇرماستىن تازىلىق قەغىزى چاپلاپ قويۇپ ئۇنى مەكتەپتە سازايى قىلغان... بۇ ئىشلار خىيالىڭىزغا قانداق كېلىدىغاندۇ دەيمەن. بەزىدە دەرس قۇلىقىمغا كىرمەي قالسا، شۇ قىلىقلىرىڭىزنى ئويلاپ ئۆزۈمچىلا كۈلۈپ كېتىمەن. سىزگە رەھمەت، مۇھىد. ئەمەلىيەتتىمۇ ئۆزۈمنى چاغلىماي بەلكىم باشقا ساۋاقداشلارنىڭ ئالدىدىمۇ ئۆزەمنى چوڭ تۇتىۋالغان بىر تەرىپىم بار ئوخشايدۇ. سىزنى ئويلىغانسېرى بولۇپمۇ ھازىر سىزنىڭ مەملكەت بويىچە نۇقتىلىق ئالى مەكتەپتە بىلىم ئېلىۋاتقانلىقىڭىزنى ئويلىسام، ئۆزەمنى بىر چاغلاردا راستىنلا ھاكاۋۇرلۇق قىلىپ ‹مايمۇن› دىگەن نامغا مۇناسىپ بولۇپ قالغاندەك ھېس قىلىمەن. مۇھىد، ھازىرمۇ يەنىلا سىنىپ كادىرى بولۇپ سايلاندىم. سىنىپىمىزغا مەسئۇل مۇنەۋەر مۇئەللىم بىزنىڭ سىنىپقا بۆلۈنگەن 32 بالىنىڭ ئارخىپىنى كۆرۈپ مېنىڭ بۇرۇن سىنىپ كادىرلىقىنى ئىزچىل ئۆتەپ كەلگەنلىكىمنى بىلىپ مىېنى سىنىپ باشلىقى قىلىپ قويدى. بىراق ئالى مەكتەپ بىلەن ئوتتۇرا مەكتەپ پەرقلىق بولىدىكەن. ھازىرقى ۋەزىپەم ئادەم باشقۇرۇش ئەمەس، ئوقۇغۇچىلارنىڭ ۋەكىلى بولۇپ مەكتەپ بىلەن ھەرخىل مۇئامىلىلەرنى قىلىش بولىۋاتىدۇ. مۇھىد، مەن چوڭ بولۇۋاتىمەن. ئادەم چوڭ بولغانسېرى مەسىللەرنى باشقىچە مەيداندا تۇرۇپ ئويلايدىغان بولىدىكەن . بىز ساق-سالامەت ئوقۇش پۈتتۈرىۋالايلى. ئالدىمىزدىكى ھەممىدىن مۇھىم ۋەزىپە ئۆگىنىش ، يەنىلا ئۆگىنىش . سىنىپ كادىرىدەك گەپ قىلىۋاتامدىم؟ مېنى مەسخىرە قىلماڭ، گېپىم خاتا ئەمەس، شۇنداقمۇ؟ مۇھىد بۇگۈن كەيپىياتىم ياخشى،ئاپامنىڭ كېسىلى كۈندىن-كۈنگە ياخشىلىنپ كېتىۋاتىدۇ. دوختۇرلار مۇشۇ ئاينىڭ ئاخىرى ئۆيگە قايتسا بولىدۇ دەيدۇ. مەن ئەمدى بۇرۇنقىدەك تاماق توشۇپ يۈرمەيدىغان بولدۇم.بۇنداق دېسەم «ئاپىسىغا قاراشتىن زېرىككەن ئوخشايدۇ» دەپ ئويلاپ قالماڭ. ھېلىقى ئادىل دىگەن بالىنىڭ ئۆيى ئۆپكە كېسەللىكلىرى دوختۇرخانىسىنڭ يېنىدا ئىكەن، ئۇنىڭغا ئۇچراپ قېلىشتىن قورقىمەن. ئۇ مېنى كۆرسە يەنە «شىئەندىكى مابىتىڭىز نېمە قانداق تۇرۋاتىدۇ »دىگەندەك تېتىقسىز گەپلەرنى قىلىپ بىزار قىلدۇ.ھەتتا ئۇ بىر قېتىم تېلېفون نومىرىڭىزنى سورىدى سىزنى تىلىۋىزوردىن كۆرۇپ قايىل بوپتىمىش بىرلىشىپ ئىش قىلىشىنى ئويلىشىۋىتىپتىمىش يەنە تېخى سىزگە چىرايلىق قىزلارغا تونۇشتۈرۈپ قويىمەن دەپ مىنى تىرىكتۇرمەكچى بولدى …بۇنداق نىمىلەردىن بەكمۇ بىزار بولدۇم  لېكىن ھېچقىسى يوق. ئوغۇللارنىڭ ئەسكىسى شۇنداق بولىدۇ. يەنە بىر ئىش مەن ئاپام دادامغا  «ئاپام دوختۇرخانىدىن چىقسا مۇشۇ ياتاق ۋە قوشنا ياتاقتىكى كېسەللەرنىڭ ئۇلارغا قاراۋاتقان تۇققانلىرىنى ئۆيىمىزگە چاقىرىۋالايلى» دېدىم. بۇ كېسەللەرنىڭ كۆپىنچىسى جەنۇبى شىنجاڭنىڭ چەت يەرلىرىدىن كەلگەن تۇرمۇشى ئانچە ياخشى ئەمەس ئادەملەر ئىكەن. قولىنىڭ قىسقا بولغىنىغا قارىماي،«ئاتا-ئانامنى داۋالىتىمەن»دەپ تۇرىۋاتقان ئۆيلىرىنى ھەتتا تىرىكچىلىك قىلىدىغان ئۇلاغ، قورال-سايمانلىرىنىمۇ سېتىپ بولغان ئادەملەردىن بىرئەمەس بىر نەچچىسىنى كۆردۈم. دادام باش لىڭشىتىپ قوشۇلدى.ئۇلار كەلسە ئاشخانا ئىشىنىڭ ھەممىسىنى ئۆزەم قىلىدىغان بولدۇم. بۇ ئالاھىدە مېھمانلار كەلگەن كۈنى ئۇلارنىڭ گەپلىرىنى، زاغرا تىللىرىنى خاتىرىلەپ يېزىپ ئەدەبىي ئىجادىيىتىمگە خام ماتېرىيال توپلاشنى ئويلىشىپ قويدۇم. مېنى مېھمانلارنى مۇشۇ مەقسەتتە چاقىرىدىكەن- دە دەپ قارىماڭ ، ھەرگىز ئۇنداق ئەمەس، بۇ مېنىڭ قوشۇمچە ئويلىغىنىم. ئۇلارنىڭ بىر ۋاق ئۆي تامىقىنى بولسىمۇ پۇل تۆلىمەي خاتىرجەم يېگىنىنى كۆرۈش ماڭا ئاراملىق ئېلىپ كېلىدۇ.   مۇھىد، پۇلنى ئاز خەجلەپ داۋانى كۆپ قىلىدىغان چارە يوقمۇ؟ نېمىشقا ھەممە ئادەم ئوخشاش داۋالىنىش شارائىتىغا ئېرىشەلمەيدۇ؟ سىزگە بۇ ئىشلار ناھەقچىلىكتەك بىلىنمەمدۇ؟ جۇڭگودا نېمە ئۈچۈن داۋالىنىش خىراجىتىنىڭ يۇقىرى بولىدىغانلىقىنى ماڭا ئېيتىپ بېرەلەمسىز؟ مەن سىزنىڭ موھتاجلارنىڭ، ئاجىزلارنىڭ دەردىگە يېتىدىغان ياراملىق دوختۇر بولالىشىڭىزغا ئىشىنىمەن.               ھۆرمەت بىلەن:                         گۈزەلنۇر                               1998-يىل9-ئاينىڭ15-كۈنى. «ھىم، ساختىپەز!» شۇنداق دەپلا خەتنى پۈكلىۋەتتىم. يەنە باشقا خەتلەرنى ئېلىپ ئوقۇشقا رايىم بارمىدى. ئۇنڭ ئۈستىگە 3-4-سائەتلىك دەرسكە چىقمىساممۇ قالغان خەتلەرنى ئوقۇپ بولالىشىمغا كۆزۈم يەتمىدى. يەنە بىر تەرەپتىن راست بىلەن يالغاننى ئارىلاشتۇرۇپ شېرىن-شېكەر گەپلەرنى قىلىپ ئادەمنى گاڭگىرىتىپ قويىدىغان بۇ خەتلەرنى ئوقىۋەرسەم ئۇنىڭ دامىغا يەنە چۈشۈپ كېتىشىمدىن ئەنسىرىدىم. ئۇ نېمىدىگەن يامان! زەھەرخەندە! ھەممە خەتلەرنى بايىقى سائەت سالغان كورۇپكىغا ئەخلەتنى تاشلىغاندەك ئېتىۋىدىم. بىر كونۋېرتنىڭ ئىچىدىن نۇرغۇن پوچتا ماركىسى چېچىلىپ ئەتراپقا يېيىلدى. بۇ گۈزەلنۇرنىڭ ماڭا دائىم ئەۋەتىپ تۇرىدىغان پوچتا ماركىلىرىنىڭ بىر قىسمى. ئەڭ يېقىنقىسى تۆت ئاي بۇرۇن ئەۋەتىلگەن بۇغدا كۆلىنىڭ مەنزىرىسى چۈشۈرۈلگەن ماركا بولۇپ تېخى ئۇلارنى پوچتا ماركىسى توپلايدىغان ئەلبومىمغا سېلىشقا ئۈلگۈرمىگەنىدىم. پوچتا ماركىسىنىڭ سۇلياۋ قېپىدىن كىچك ۋاراققا يېزىلغان ئەسكەرتىش چىقتى، ئۇنى قولۇمغا ئالدىم. «مۇھىد بۇ ماركىلارنى ئالاھىدە ياخشى ساقلاڭ، بۇنىڭ ئىچىدە ئەڭ قىممەتلىكى ئۈچ ۋىلايەت ئىنقىلابى ۋاقتىدا بېسىپ تارقىتىلغان سادىر پالۋاننىڭ باش سۈرىتى چۈشۈرۈلگەن ماركا، بوۋام بۇ ماركىلارنى بەكمۇ ئەتىۋارلايتتى. يۈتۈپ كەتمىسۇن دەپ ئەنسىرەيتتى. ئۇنىڭ بۇ ماركىغا قاراپ ئۇزۇن خىيال سۈرۈپ ئولتۇرۇپ كەتكەنلىكىنى ھەتتا ياش تۆكەنلىكىنى بىر قانچە قېتىم كۆرگەنىدىم. ئېنىقكى بۇ ئادەتتىكى ماركا ئەمەس.» مەندە ئۇنىڭ باشقا پوچتا ماركىلىرىنىڭ بارلىقى ئېسىمگە كەلدى. ئۈستۈنكى قەۋەتتىكى كارىۋىتىمغا چىقىپ كىتابلىرىمنىڭ ئارىسىدىن پوچتا ماركىسى ئەلبومىمىنى ئېلىپ گۈزەلنۇر ئالاھىدە ئەسكەرتىش بەرگەن سادىر پالۋاننىڭ ماركىسىنى تاپتىم. مەن يىغقان 200گەيېقىن پوچتا ماركىسى ئىچىدە ھەممىدىن ئالاھىدە، ئېھتىمال ھەممىدىن قىممەت پوچتا ماركىسى مۇشۇ بولسا كېرەك. ئۇنىڭ ئالاھىدە ئىكەنلىكى كۆرۈنىشىدىنلا مانا مەن دەپ چىقىپ تۇراتتى. ماركىنىڭ بۇلۇڭىدىكى ئاي بىلەن يۇلتۇز سۈرىتى كەشتىلەپ چىقىرىلغان بولۇپ ماركىنىڭ تۆۋەن سول تەرىپىگە 1948-يىل دەپ بېسىلغان خەتنى ئوچۇق كۆرگىلى بولاتتى. ئۇنى بۇرۇنقىدەك ئاۋايلىمايلا ئەلبۇمنىڭ بېتىدىن ئايرىپ چىقتىم. ئاندىن ماركا ئەلبومىمنى ۋاراقلاپ گۈزەلنۇر بەرگەن باشقا پوچتا ماركىلىرىنى ئىزدەپ قىسقۇچ  بىلەن ئېلىۋېتىشكە باشلىدىم. شىنجاڭ ئۇيغۇر ئاپتونۇم رايونى قۇرۇلغانلىقىنىڭ 30 يىللىقى خاتىرىلەنگەن بىر يۈرۈش 4 پارچە پوچتا ماركىسىنى ئۇ ماڭا ئۈستىدە تولۇق بىرجۈملە ئۇيغۇرچە خەت بېسىلغان بىر ئالاھىدە ماركا دەپ بەرگەن. دۇنيادىكى يەتتە چوڭ مۆجىزە بېسىلغان بىر يۈرۈش ماركىلار، مىسرنىڭ ئەلئېھرامى، پارىژدىكى ئېفىل تۆمۇر مۇنارى، ئەنگىلىيىدىكى تاش تۈۋرۈك، يالغۇز ئارال، رىمدىكى گىلادىئاتورلار ئۇرۇش مەيدانى ، ئىتالىيەدىكى سۇ شەھىرى، پىسا يانتۇ مۇنارى- بۇلارنى گۈزەلنۇر 15ياشلىق تۇغۇلغان كۈنىدە دادىسىغا دەپ ئالدۇرۇپتىكەن. فىرانسىيە ئىنقىلابىنىڭ ئايال قەھرىمانى جېننى-ئەينى چاغدا بۇ ماركىنى ياقتۇرمىغان بولساممۇ ئۇ ياقتۇرغاچقا ئامالسىز سېلىپ قويغانىدىم. سىپارتاك- گۈزەلنۇر چەتئەل ماركىلىرى ئىچىدە مۇشۇ ماركىنى ھەممىدىن بەك ياخشى كۆرەتتى. سىپارتاك ھەتتا ئۇنىڭ قەھرىمانى بولۇپ گۈزەلنۇر ئۇنىڭ كىتابىنى كىچىك ۋاقتىدا ئوقۇپ بولغانىكەن. ئېسىمدە قېلىشىچە ئۇ ماڭا‹سىپارتاك› دىگەن كىتابنىڭ سىلاۋىيان يېزىقىدىكى نۇسخىسىمۇ بار دىگەندى. بىر يۈرۈش گۈللەر-گۈزەلنۇر گۈلنىڭ رەسىمى بار ماركىلارنى يىغىپ چىقاتتى. دۇنيانىڭ ھەرقايسى جايلىرىدىن تارقىتىلغان ماركىلاردا قايسى دۆلەتلەرنىڭ دۆلەت گۈلى بارلىقىنى ئېيتىپ بەرگەن. بۇ ماركىلارنى بىر-بىرلەپ ئېلىۋېتىپ ئەلبومنىڭ ئاخىرقى بېتىگە كەلگەندە بىر ئالاھىدە ماركىنى كۆرۈپ ئۆزۈمچىلا كۈلۈپ كەتتىم. ھېچ قايسى دۆلەت تەرىپىدىن بېسىپ تارقىتىلمىغان بۇ ئالاھىدە ماركىنى بىر يىلنىڭ ئالدىدا گۈزەلنۇر ئىككىمىز لايىھىلىگەن ۋە رەڭلىك باسمىدا باستۇرغان ئىدۇق. قىپ- قىزىل مېۋە بەرگەن بۇك-باراقسان ئالما دەرىخى ئاستىدا گۈل سەللە ئورىغان تاھىر شوخ زۆھرەگە كۆڭۈل ئىزھار قىلىۋاتىدۇ. ئۇ ئالدىغا سەل ئىگىلگەن. قىزىل يەسىمەن ۋە قارا گۈل نەقىشلەنگەن ئۆتۈك كىيگەن زۆھرە بولسا چۈمبىلى بىلەن يۈزىنى توساپ باشقا ياققا قارىۋالغان قىياپەتتە ئىدى. ئەينى ۋاقىتتا مەن زۆھرەنىڭ كىيىمىنى ئەستايىدىل سىزىپ تاھىرنىڭ بەلۋېغىدىكى شەمشەرنى سىزىشنى ئۇنتۇپ قاپتىكەنمەن. گۈزەلنۇر رەسىمگە قاراپلا مەندىن «تاھىرنىڭ شەمشىرى قېنى؟» دەپ سورىغانىدى. - رەسىمنى ياخشى سىزالماپتىمەنمۇ؟ - سىزدىن تاھىرنىڭ شەمشىرى قېنى دەپ سوراۋاتىمەن. - بولدىلا گۈزەلنۇر-دىگەنىدىم پەرۋاسىزلا.- تاھىرجەڭدە بولغان بولسا ئىدى. ئۇنىڭ بىر قولىغا شەمشەر يەنە بىر قولىغا نەيزە تۇتقۇزۇپ  قويار ئىدىم. مۇشۇ بولىدۇ. - نېمە؟!- دىگەن گۈزەلنۇر ھومىيىپ،- ئوغۇل بالا نەگىلا بارمىسۇن ئوغۇل بالا. شەمشىرىنى قوشۇپ سىزىڭ. شۇنداق قىلسىڭىز تاھىر پۈتۈن بولىدۇ. بولمىسا ئۇ ھىندىستاننىڭ ناخشىدىن بېشىنى كۆتۈرمەيدىغان قارىۋايلىرىغا ئوخشاپ قالمامدۇ؟... كۆزۈم تاھىرنىڭ بېلىدىكى كىيىن قوشۇپ سىزىپ قويۇلغان شەمشەرگە چۈشتى. بۇ ئۇنىڭ تولۇق ئوتتۇرا مەكتەپتە ئېيتقان« ئالى مەكتەپكە ئۆتەلمىسىڭىز مەندىن ئۇمىد كۈتمەڭ»دىگەن گېپىگە ئوخشاش مەن ئۇنتۇپ قالمايدىغان يەنە بىر جۈملە سۆزى . كۆڭلۈمدىن «ساختىپەز» دىگەن سادا يەنە كەلدى. « ئۇ سېنى قانداق ئالدىۋەتكەن- ھە! مۇشۇنداق گەپلىرى بىلەن سېنى ئۆزىگە قانداق ماگىنىىتتەك رام قىلىۋالغان ئەمەسمۇ!؟ ئالدامچى» مۇشۇ سادادىن كېيىنلا بۇ ئالاھىدە ماركىنى ئەلبومدىن چىقاردىم. بۇ ئىككىلىك قەغەز ھازىر ماڭا 20كىلو تاشتەك ئېغىر بىلىنىپ كېتىۋاتاتتى. ئۇنى چىقىرىپ بولغۇچە گۈزەلنۇر ئىككىمىزنىڭ قىلىشقان گەپلىرى قۇلاق تۈۋىمدە ياڭرىدى. - مۇھىد، بىز بۇ پوچتا ماركىسىنى لاھىيە ئىلتىماسى قىلىپ ئۆزگەرتەيلى. - گېپىڭىزنى چۈشەنمىدىمغۇ؟ - جۇڭگو پوچتا ماركا لاھىيىلەش ئىدارىسىگە ئىلتىماس سۇنساق بولىدۇ. - سىز نېمە دېمەكچى ، گۈزەلنۇر؟ - ئەستا، نېمىشقا گەپ چۈشەنمەيسىز . دۆلەت پوچتا ماركا لايىھلەش ئىدارىسى پۇقرالاردىن كەلگەن پوچتا ماركىسى لايىھىسىنمۇ قوبول قىلىدۇ. بىز جۇڭخۇا خەلق جۇمھۇرىيىتىنڭ پۇقراسى بولغاندىن كېيىن شۇنداق ئىلتىماس سۇنساق بولىدۇ. سىز بۇ رەسمنى A 4 قەغەزگە رەڭلىك سىزىپ چىقىڭ . ئىشلىتىلگەن رەڭلەرنى ئىزاھلاپ بەرسىڭىزلا لايىھىنىڭ مەزمۇنى ۋە ئىلتىماس قىلىش ئەھمىيىتىنى مەن يازىمەن. - ئەگەر لايىھە قوبۇل قىلىنسا شۇ پوچتا ماركىسىنى دۆلەت بېسىپ پۈتۈن مەملىكەتكە تارقىتامدۇ؟ - ئەلۋەتتە، ئشەنمەمسىز؟ - لېكىن بۇنىڭ نېمە پايدىسى بار، گۈزەلنۇر؟ - بىر قېتىم بوۋام سادىر پالۋاننىڭ پوچتا ماركىسىنى كۆرۈۋېتىپ «مىللىي مەدەنىيەتنى ساقلاش ۋە راۋجلاندۇرۇشنىڭ ھەرخىل ئۇسۇللىرى بار ،ئىزدەنسەك تاپالايمىز»دىگەنىدى. مېنىڭچە مۇشۇمۇ بىر ئۇسۇل. ئىلتىماسىمىز بۇ رەسىم بىلەنلا چەكلەنمىسۇن،- دىدى گۈزەلنۇر بىردىنلا روھلىنىپ،-يەنە غازى ئەھمەدنىڭ مۇقام دىگەن رەسىمى، ھە، يەنە باشقا ئۇلۇغ ئالىملىرىمىزدىن مەھمۇد قەشقەرى، يۈسۈپ خاس ھاجىپ ھەتتا ئابدۇرېھىم ئۆتكۈر ، ل. مۇتەللىپلەرنىڭ سۈرەتلىرىنى پوچتا ماركىسى لايىھىسى قىلىپ كۆرۈپ ئىلتىماس قىلساقمۇ بولىدۇ - ماقۇل ، سىزگە كارامىتىمنى بىر كۆرسىتەي. …….كۆز ئالدىمغا گۈزەلنۇرنىڭ ياتىقى ئالدىدىكى بىچارە قىياپىتىم كەلدى. بۇ سوغۇق قاتتىق بولىدىغان قارا قىش. ئۈنسىز بىنانىڭ بىر چېتىدىن يەنە بىر چېتىگە ماڭىمەن. ئاڭلاۋاتقىنىم قارنىڭ ئايىغىمنىڭ تېگىدە غىچىلدىغان ئاۋازى،كۆرىۋاتقىنىم ئەتراپىمدىن ئۆتۈپ كېتىۋاتقانلارنىڭ غەلىتە نەزەر بىلەن قاراشلىرى.ئادەملەرنىڭ بارا بارا ئازلاپ بىنا ئالدىدىكى چىراقنىڭ ئۆچىشى ،،،ھالسىز مىڭىپ كىتىۋىتىپ قار ئۇستىگە يىقىلىپ قىلىشىم ،ئاستا ئورنىمدىن تۇرۇپ تامغا يۆلىنىپ ئولتۇرۇشلىرىم ئاندىن يەنە مىڭىشلىرىم قانچە سائەتلەر ئۆتكەندۇ ئەسلىيەلمەيمەن يەنە   قانچە ئويلىساممۇ قانداق توڭلىغانلىقمنىمۇ ئەسلىيەلمىدىم. لېكىن نەپىسىمدىن چىققان تۇمان چاپىنىمنىڭ ياقىسىدا ئاقىرىپ توڭلاپ كەتكەنىدى. نىمىشقا زادى نېمە ئۈچۇن دەپ ئاھ ئۇرۇپ ئۇنىڭ دەرىيزىسىگە  قانچە قېتىملاپ قارىغانىدىم ھە!..ئەمما جاۋابەن مېنى ئۇلار خۇددى قوينى قورشىۋالغان بۆرىلەردەك تالاپ كەتتى. باشلىرىمغا تاراسلاپ تېپىك ئۇردى. قۇلىقىمغا تەگكەن بىر تېپىكتە مېڭەم سىلكىنىپ سەزگۈمنى يوقاتقاندەك بولۇپ قالغانىدىم ……

dellyar571

	kaysar_yurak كۆپۈنچە ماجىرالار ئادەملەرنىڭ  بىر بىرىنىڭ نىيتىنى بىلىپ بىقىش سەمىمىيتىدىن بەكىرەك قاراشى تەرەپكە بىسىم قىلىپ ئۆزىنى كۆرسىتىپ قويۇش غىمىدە بولغانلىقىدىن چىقىدۇ ، بۇرۇن دىيىشىم قىلىپ تونۇشقان بولساق ئەمدى سالاملىشىپ ئۆتەيلى بولمىسا دىيىشىپ قالغاندا سەرەپ بولغان ئىنىرگيىلەر بىكارغا كەتكەن بولىدۇ