كاۋاپچىنىڭ ھۇجرىسى (ھېكايە)

iffat

	ھەق سۆزلىگەن گۇناھ ئەمەس.ئاددى بىر ئۇقۇرمەن بۇلۇش سالاھىيىتىم بىلەن مەنمۇ ئۆز كۆز قارىشىمنى سۆزلەپ باقاي.مەن ئەسەرگە باھا بېرەلمەيمەن،لىكىن ئوقۇپ زوقلىنىشنى بىلىمەن.مەن ئەنۋەر ھاجى مۇھەممەتنى<لاي سۇ ئىچكەن جانلار>ناملىق پوۋىستى بىلەن تۇنۇغان.شۇنىڭدىن باشلاپ بۇ يازغۇچىنىڭ ئەسەرلىرىنى قويماي ئوقۇپ كېلىۋاتىمەن.ئەنۋەر ھاجى مۇھەممەت مەن قول قويغان،ھۈرمەتلەيدىغان يازغۇچىلارنىڭ بىرى.ئويغۇر جەمىئىتىدە بۇنداق يازغۇچىلار بارماق بىلەن سانىۋالغۇدەكلا.مىنىڭچە<لاي سۇ ئىچكەن جانلار>،<كاۋاپچىنىڭ چىرايلىق خوتۇنى>،<زىنا ئالدىدا ئولتۇرغان قىز>،<كۈپۈك>قاتارلىق ئەسەرلىرىنىڭ ھەممىسى ناھايتى مۇۋەپپىقىيەتلىك چىققان ئەسەرلەر دەپ ئويلايمەن.بۇ ئەسەرلەرنىڭ ھەممىسىدە يوقىرىدىكى تورداشلار ئېيتقاندەك تەسۋىرلەر ھەقىقەتەن مەۋجۇت.باشقىلارنى دىمەي قويايلى،ئۆزەمنى ئېلىپ ئېيتسام بۇ تەرەپلەر ماڭا قانداقتۇر سەلبى تەسىر بەرگىنىنى ھېس قىلغىنىم يوق.كۆپچىلىك تورداشلارمۇ مېنىڭچە ئاشۇ نەرسىلەرنى دەپلا ئەرتۈرۈكنىڭ ئەسەرلىرىنى كۆرىۋاتقىنى يوق. تەنقىد جايىدا بولسۇن.تەكلىپ-پىكىرنى بەرسەك بۇلىدۇ.لىكىن ئۆز كۆزقارىشىمىزنى باشقىلارغا زورلاپ تاڭساق ياخشى بولماس.ئەركىن مۇنازىرە مۇنبىرى بولغاچقا مەنمۇ ئۆز كۆز قارىشىمنى دەپ باقتىم.بۇ ئىنكاسىمغا ئىنكاس قۇبۇل قىلىنمايدۇ.

iffat

	ئويغۇرزادىگە: سىز ئەلكۈيىگە قەدەم باسقاندىن بېرى ئەلكۈيى مۇنبىرى باشقىچىلا جانلاندى.سىزنىڭ كەسكىن ،پىچاقنىڭ بىسىدەك سۆزلىرىڭىز مۇنازىرىگەتېخىمۇ  ھۆسۈن قوشتى.سىزنىڭ كىشىنى ئويلاندۇرىدىغان ۋەزنىلىك سۆزلىرىڭىزنى كۆرۈپ سىزنى ئاددى ئادەم بولمىسا كېرەك دەپ ئويلاتتىم.بىز ھەقىقەتەن سىزدەك كىشىگە موھتاج ئىدۇق.لىكىن بۇ تېما ۋە <جانان كۇچىسىدىكى ئىشلار>دىگەن تېمىدىكى ئىنكاسىڭىز مىنى سەل ئويلاندۇرۇپ قويدى.ئۆزىگە ئىشىنىشقۇ ياخشى ئىش.لىكىن سۆزلىرىڭىزنىڭ باشقىلارغا بەرگەن تەسىرىنىمۇ ئويلىشىپ قويسىڭىز بوپتىكەن.

bidar

	بۇ 53قەۋەتتىكىkevser يوللىغان 2010-12-19 01:19 غا قارتىلغان  : ئەسسالامۇ ئەلەيكۇم، بىدار ئەپەندى، ئاۋۋال ئۈستىڭىزدىكى ئىنكاسنى قايتا ئوقۇپ چىقسىڭىز. مەن ئۇ ئىنكاسنى سىزنىڭ بۇ ئىنكاسىڭىزنى ئوقۇشتىن ئىلگىرى يازغان ھەم بەزى جايلارنى قوشۇمچە قىلىپ تەھرىرلىگەن. ئەگەر بۇ ئەسەرنى ئوقۇپ ھەققە قايتقانلار بولسا، بۇ ئەلۋەتتە ئەنۋەر ئەپەندى ئۈچۈن دۇنيادىكى بارچە قىزىل تۆگىلەردىن ئەۋزەل ئىش ھېسابلىنىدۇ. ئالدىنقى ئىنكاسىمدا دەپ ئۆتكۈنىمدەك "پاك سۇغا بىر چىمدىم مەرگىمۇش ئارىلاشتۇرىۋەتسە، ئۇ ھامان زەھەردۇر."  مەن دەل ئەنۋەر ئەپەندىگە مۇشۇ نۇقتىدا تۇرۇپ پىكىر بەرگەنمەن. مىنىڭ چىقىش قىلغان نۇقتام مۇشۇ شۇ. ئەگەردە ياخشىلىقنى كىشىلەرگە يەتكۈزۈش ئۈچۈن چوقۇم چاكىنىلىقنى قوشۇپ يەتكۈزۈش كېرەك بولسا، بىزگە(ئېنىقى ماڭا) ئۇنداق ياخشىلىقنىڭ كېرىكى يوق. ئەگەر بۇ ئەسەردىكى ياخشىلىقنى نەزەرگە ئالماي(ئەگەر ياخشىلىق بار دېيىلسە)، چاكىنا، پەس يەرلىرىنى تۇتقۇ قىلىپ پىكىر قىلغانلىقىم ئۈچۈن بىلمەي تۇرۇپ باھا بەرگۈچى، مازارغا چالما ئاتقۇچى، ياكى بېكىنمە دىنچى دەپ سۈپەتلەنگەن بولسام، مەن ماڭا بېرىلگەن بۇ سۈپەتلەر ئۈچۈن خۇشال بولىمەن. ۋە بۇنداق سۈپەتلەرنى ئىشىتكىنىمدە جاھىلىيەت تەرەپكە ئۆتۈپ كەتمىگىنىم ئۈچۈن ھەمد ئېيتىمەن. ....... ئەسسالامۇ ئەلەيكۇم، كەۋسەر ! ئەگەر سىزنىڭ بۇ ئەسەرنى كۆرگىڭىز بولمىسا ئەلۋەتتە بۇ سىزنىڭ ئەركىنلىكىڭىز، سىزنى مەجبۇرلىغىلى بولمايدۇ، لېكىن ئەسەرنى ئوقۇمايلا پىكىر بەرسىڭىز ئەلۋەتتە بۇ پىكىر ئەسەرگە ئەمەس ئەسەر ئاپتۇرىغا بەرگەن پىكىر بولۇپ قالىدۇ، ئۇنداقتا ئادىل بولماي قالىدۇ، مېنىڭچە كەڭ ئوقۇرمەنلەر ئەڭ ياخشى باھالىغۇچىدۇر، ھەقىقەتەن ناچار ئەسەرلەر ئوقۇرمەنلەر تەرىپىدىن شاللىنىپ، ئۆزىنىڭ تېگىشلىك جايىنى تاپىدۇ، ۋاقت، كەڭ تۇرداشلارنىڭ باھاسى ھەممىگە جاۋاب بىرىدۇ.

bidar

	بۇ 59قەۋەتتىكىkevser يوللىغان 2010-12-20 21:14 غا قارتىلغان : ۋەئەلەيكۇم ئەسسالام، بىدار ئەپەندى! سەمىمىيىتىڭىزدىن سۆيۈندۈم. ئەنۋەر ئەپەندىنىڭ شۇ تۈردىكى بىر يۈرۈش ئەسەرلىرىدە ئالغا سۈرۈلگەن ئىدىيەدىن خەۋەر بېرىدىغانلار بارمۇ؟ بۇ بىر يۈرۈش ئەسەرنى قوللايدىغانلار، ئوقۇرمەن ئۈچۈن پايدىلىق دەپ ئويلايدىغان قېرىنداشلىرىمىز ئەسەرنىڭ مەۋقەسىنى ئوتتۇرۇغا تاشلاپ باقالارمۇ؟ ئەگەر شۇنداق قىلالىساڭلار مەن ياخشى ئەسەرگە زۇلۇم قىلىشتىن ساقلىنىپ قالارمەن. ئاندىن ئەسەرنى ئوقۇپ چىقىپ، ئەڭ زور تىرىشچانلىقىم بىلەن ئەسەرنى يەنىمۇ بىر بالداق يورۇتۇش ئۈچۈن پىكىر بايان قىلارمەن. سەمىمىي قېرىندىشىمىز بىدار ئەپەندىنىڭ بايانلىرىدىن  "مەرگىمۇش"نى كۆرمەسكە سېلىپ، "زىلال سۇ"دىن ئوتلاپ بېقىشىم زۆرۈرمىدۇ؟ دېگەن ئويغا كېلىپ قالغاندەك تۇرىمەن. ....... ھەقىقەتەن ئىلىم ئىگىسى ئكەنلىكىڭىزنى ھىس قىلىۋاتىمەن، سىز بۇنداق سەمىمىيلىك بىلدۇرۇۋاتقاندىن كېيىن مەنمۇ بۇ ئەسەردىن ئالغان تەسىراتىمىنى سۆزلەپ ئۆتەي: بۇ ئەسەرنىڭ باش قەھرىمانى سىيىت قارى بېيجىڭدا ئىسلام ئىنىستىتوتىدا ئوقۇش جەريانىدا بېيجىڭدا تىل ئۆگەنگەچ ئىشلەۋاتقان زۆھرەنى ياخشى كۆرۈپ قالىدۇ، لېكىن زۆھرە ئۇنى ھەر قايسى جەھەتتىكى شارائىتى ياخشى ئەمەس دەپ رەت قىلىدۇ، زۆھرەنىڭ يولدىن چىقىپ كەتكەن دوستى ئادىلە سىيت قارىنى كەمسىتىدۇ، ئۇنڭ قارىلىقىنى، ئىمانىنى مەسخىرە قىلىدۇ، سىيت قارى ئۇ ئىككىسىنىڭ دەككىسىنى ناھايىتى ئوبدان بىرىدۇ،( بۇ يەرلەرنى ئاڭلاپ ئادەمنىڭ تازا ھاردۇقى چىقىدۇ) سىيىت قارى قايتىپ كېلىپ يۇرتىدا ئىماملىق قىلىدۇ، بۇ جەرياندا ئۇ توي قىلىپ ئىپپەتسىز قىزنى ئۈچ كۈن خۇتۇن قىلىپ ئۇ خۇتۇننىڭ بىشەملىكى بىلەن ئۇنى تالاق قىلىدۇ، كىيىن بېيجىڭغا تاش سودىسى قىلغىلى بېرىپ ، زۆھرە بىلەن قايتا كۆرىشىدۇ، ئىپپىتنىڭ ئۆز خۇجايىنىنىڭ خىرىسغا دۈچ كىلىۋاتقانلىقىنى ھىس قىلغان زۆھرە سىيىت قارى بىلەن نىكاھ قىلىپ ئىپپىتىنى قوغداپ قېلىپ ، بۇزۇق دوستى ئادىلەنىڭ ئېزىقتۇرۇشىغا ئالدانماي ئەخلاقىنى ساقلاپ قالىدۇ، ئادىلە خىرىستىئان دىنىنى تارقاتقۇچىلارغا ئالدىنىپ ئىنجىل تارقىتىپ يۈرىدۇ، ھەتتا سەكراتتىكى دادىسغىمۇ ئىنجىلنى كۆرسەتكىسى كىلىدۇ، ئۇنىڭ بىر ئېغىز گىپى ئادەمگە بەك تەسىر قىلىدۇ، " سىلەردەك تىلى باشقا ئەمەلى باشقا مۇسۇلمان بولغاندىن خىرىستىئان بولغان ياخشى" گەرچە بۇ گەپ باشقىلارنىڭ يالغان گەپلىرىگە ئىشنىپ، دىنىمىزنى تولۇق چۈشەنمىگەن ئازغۇن قىزنىڭ ئاغىزىدىن چىققان خاتا گەپ بولسىمۇ لېكىن ئۇ ھازىرقى جەمىيىتىمىزدە مۇسۇلمانلىق تونىغا ئورىنىۋېلىپ ئۆزى خالىغنىنىنى قىلىپ، مۇسۇلمانلارنىڭ، ئىسلام دىنىمىزنىڭ شەنىگە داغ تەككۈزىۋاتقان، ئۆزىنى مۇسۇلمان دەپ ئىككى ھېيتنى ئۆتكۈزۈپ، توي- تۈكۈن ئۆلۈم -يىتمىنى مۇسۇلمانچە قىلغان بىلەن مۇسۇلمانلىقنىڭ بەش پەرىزىنى، ئەخلاقىنى ئۇنتۇپ قالغان شەكلەن مۇسۇلمانلارغا بىر قامچا بولىدۇ، شۇنداق، قىلغاندىكىن ياخشى قىلىش كېرەك، ئاخىرىدا ئىسلامى دىنىنى كەمسىتىپ ئىپپىتىنى ساقلىمىغان، ئەخلاقتىن يىراقلاشقان سىيت قارىنىڭ تۇنجى ئايالى ۋە ئادىلە ئېغىر كېسەلگە گىرىپتار بۇلۇپ پۇشايمان قىلىدۇ، دىنغا چىڭ يېپىشىپ ئىپپىتنى قوغدىغا سىيت قارى ۋە زۆھرە بەختلىك ئائىلە قۇرۇدۇ، ئەسەردە ئالتىدەك ئورۇندا جىنسى بايانلار بولۇپ بۇلار پەقەت ئاساسلىق ئۇچۇرلا يەتكۈزلۈپ تەپسىلى تەسۋىرلەنمىگەن پەقەت ئوقۇرمەنلەرگە ئاساسلىق مەزمۇنىلا يەتكۈزۈلگەن. بۇ ئەسەردە دىننى خۇراپاتلىق ، كونىلىق دىگەنلەرگە كۈچلۈك رەددىيە بىرىلىدۇ، دىننڭ، دىنى ئەخلاقنىڭ بۈگۈنكى دەۋرىمىزدە تېخىمۇ مۇھىملىقى شۇنداقلا ئائىلە ئەخلاقى، ئەر خۇتۇنچىلىقتا دىققەت قىلىشقا تىگىشلىك مەسىللەر.... قاتارلىق جەھەتلەردە نۇرغۇن تەربىيەلەر بار، ئەسەردە رامىزان ئېيى توغرىسىدا تۆت ئورۇندا تەپسىلى توختالغان، بېيجىڭىدىكى ئەرەبلەرنىڭ تۇرمۇشى بايان قىلىنىپ سېلىشتۇرما قىلىنغان، ئوقۇغان كىشىنى تۇيدۇرماستىن توغرا يولغا يېتەكلەيدۇ. مانا بۇلار مەن بۇ ئەسەردىن ئالغان تەسىراتلار كەم يەرلىرىنى باشقىلارنىڭ تولۇقلاپ قويىشىنى ئۈمۈد قىلىمەن.

星星

	بۇئەسەردە خام-خىياللار بەك كوپئىكەن خۇددى ھەجىېۋى چۆچەكلەردەكلا

sirdixim

	ئەنۋەر ھاجى ئەپەندىنىڭ چوقۇم ھەممە ئادەم ياقتۇرىدىغان ئەسەر يېزىش ۋەزىپىسى يوق. ئەنۋەر ھاجى مۇشۇ يېزىش ئۇسۇلىنى ئۆزگەرتمەي تۇرمۇشنى تېخىمۇ چىن ئىپادلەپ بېرىدىغان ئەسەلەرنى يېزىشىغا تىلەكداشمەن. كىچىككىنا تەكلىپىم،ئەسەردىكى چىنلىقنى تېخىمۇ ئاشۇرسا، يەنى بىر ئادەمنىڭ روھى تەسۋىرى، پىسخىكىسى دىگەندەك تەرەپلەرنى تېخىمۇ تەبىئىيلەشتۈرسە دىگەن ئۈمۈددىمەن. ئەسەر ئوقۇپ زەھەرلىنىپ كېتىدىغانلارنى مەن بۇ تۇرمۇشۇمدا تېخى كۆرۈپ باقمىدىم. ھەم بىرسىنىڭ ھېكايا، پوۋسىت ئوقۇپ زەھەرلىنىپ قالدىم دىگىنىمۇ ئاڭلاپ باقمىدىم. ئەنۋەر ھىاجىنىڭ ئەسەرلىرىدە رېئاللىقنى،رېئالقتىكى ئەشۇ پېرسىئوناژلارنى تېخىمۇ چىن تەسۋىرلىشىنى، ئەشۇ پېرسىوناژنىڭ روھى ھالىتى، پىسخىكىسى تېخىمۇ ماس كېلىدىغان ۋەقەلىكلەرنى، جەرياننى يېزىشىنى،بەزى بىر تەنقىدلەرگە زېھنىنى بەك چېچىۋەتمەسلىكىنى ئۈمۈد قىلىمەن. ئاخىرىدا ئەنۋەر ئەپەندىمنىڭ تېخىمۇ ياخشى يازمىلارنى يېزىشىنى،ئىجادىيەتتە يېڭى بىر پەللە يارىتىشىنى تىلەيمەن.

srwaz

	بىر تاغار قۇرۇق گەپ بىلەن تولدى بۇ ھىكايە . ھىكايە ئېسىل لىكىن ئوقۇپ باقماي پىكى قىلىۋاتقان قالتىس پااسەت ئىگىلىرى بىلەن بۇ ھەقتە ئىلمى اشقىلى بولمايدۇ .

barqukkizi

	قارسام ئاخىرى باردەكلا  قىلدۇ ئاخىرى بارمۇ يە ،مۇنازىرە بىلەن ئاخىرلاشتىمۇ ؟

melek

	بۈگۈن مەكتەپ كۈتۈپخانىسىغا يېڭى كىتاپ كەپتۇ دەپ ئاڭلاپ خوش بولۇپ :"ئابدۇقادىر داموللا ھەقىقىدە قىسسە،كىرزىس ۋە بەرپاپچىلىق،ياشاش سەنئىتى قاتارلىق بىر نەچچە كىتابنى ئالدىم،چىقىپ كېتەر ۋاقتىمدا مەزكۇر "رومانتىك"ھىكايىنىڭ ئاپتورىنىڭ ئىسمى يېزىلغان "كۆپۈك" دېگەن كىتاپقا چۈشتى،ھاجىمكىمىزنىڭ تور دۇنياسىدىكى يۇقىردا ئېيتىلغان "چولپان"ئەسەرلىرىدىن باشقا بۇنداق ئەسىرى بارلىقىنى بىلمەيدىكەنمەن.شۇنىڭ بىلەن ،ئۇزۇندىن بۇيان ئەنۋەر ئەپەندىگە ئۈزۈلدۈرمەي چۈشىۋاتقان ئىنكاسلار،تەنقىد تەربىيىلەر كۈچىنىڭ كۆرسەتتىمۇ يوق دەپ،كىتاپنىڭ نەشىىر قېلىنغان ۋاقتىنى بىركۆرگەندىن  كىيىن شۇنداقلا ئاخىرقى بەتنى ئاچسام،مۇئەللىمە قىز بىلەن ئوقۇغۇچى قىزنىڭ بىرى بىرىگە تەسسەللى بېرىپ،ئۈمىد ئىلھام بېرىپ يازغان خېتى بىلەن ئاخىرلاشقانىكەن ،شۇنداق ھاياجانلىنىپتىمەن،ئۆز كۆڭلۈمدە:"ھىم ،گەپ تەسىر قىلىپ ئۇسلۇپ ئۆزگەرتىپ باققان ئوخشىمامدۇ؟"دەپتىمەن،بىر قېتىمدا ئاران بەش كىتاب ئالغىلى بولاتتى،بىرەر كىتابنىڭ ئورنىغا شۇنى ئېلىپ ئوقۇپ بېقىشنىمۇ ئويلاشتىميۇ،تازا چىن پۈتكۈم كەلمىدى،شۇنچە ئالدىراش بولساممۇ،ئۇ كىتابىدىن 7 بەت ئوقۇدۇم،دەرھەقىقەت بۇ " گۈزەل"ئۇسلۇپ قىلچىمۇ ئۆزگەرمىگەنىدى ،غەزەب بىلەن كىتابنى تاشلاپ قويۇپ چىقىپ كەتتىم،تاس قاپتىمەن،باشقا كىتابلارغا تىگىشكىلى ،مەن ئەرتۈرك ئەپەندى ئەسەرلىرىگە بولغان قارشىمنى بۇرۇنمۇ بىر نەچچە قېتىم سۆزلەپ ئۆتكەن،شۇ چاغلاردا پەنگىيار ئەپەندى ئەر تۈرك ئەپەندى بىلەن قىلىشقان سۆھبەت خاتىرسىنىمۇ يوللىغانىدى. لاي سۇ ئىچكەن جانلاردا كىچككىنە ئۆسىمۈر شەھۋانىيەتكە باغلاپ قويۇلغاندىلا شۇنداق ئىچىم سىيرىلىپ كەتكەن،بۇ يازغۇچىنىڭ بۇ نېمە قىلغىنى دەپ قالغانىدىم،ئۇندىن كىيىن دىيارىمدا "زىنا ئالدىدا ئولتۇرغان قىز"ئىلان قىلىندى،ئەسەرنىڭ بېشىدا يېزا قىزى زۆھرەگۈل ۋە بىرنىمە قارىم(ئىسمىنى ئۇنتۇپ قاپتىمەن) ئېسىملىك بىر بالىنىڭ تولىمۇ جاپا مۇشەققەتتە بىيجىڭغا ئوقۇشقا بېرىشلىرى،يىگىتنىڭ ئىسلام ئۇنىۋىرستىتىغا بېرىشى،قىزنىڭ ئەرەپ تىلى فاكولتىتىدا ئوقۇشلىرى بىلەن باشلانغان بۇ ئەسەر مېنى  شۇنداق قىززىقتۇردى،ئەسەردا زىنانىڭ ئېغىر گۇناھ ئىكەنلىكىنى قۇرئانى كەرىم ۋە يۈز بېرىۋاتقان ئىلاھى مۆجىزىلەر ئارقىلىق ئىسپاتلايدىغان دەۋەت خاراكتىردىكى ئىسلامى كىتاپ دەپ ئويلاپتىمەن،ئوقۇدۇم،ئوقۇدۇم،ھىچ مەن ئويلىغان تەپسىلاتلار ھىچ چىقاي دېمىدى،بۇ ئەسەرنىڭ ھەقىقى جەۋھەر قىسمىغا تېخى كىرمىگەن ئوخشايمەن دەپ ئويلىدىم. ئەسەرنى ئوقۇپ يېرىمىغا كەلگەندە يىگىت يەنى ئىكىس ئىسىملىك قارىمنىڭ ئىسلامنى چۈشىنىپ تۇرۇپ ئاتايىن يۇرتىدىن  بىيجىڭغا بېرىپ شۇ زۆھرەگۈل بىلەن نەپسى ئۈچۈنلا توي قېلىدىغان يېرىگە كەلگەندە شۇنداق ئۈمىدسىزلەندىم،مەن ئۇ قارىم بېرىپ قىزغا نەسىھەت قىلىدۇ،دەۋەت خىزمىتى ئىشلەيدۇ دەپ ئويلاپتىكەنمەن.شۇ ئەسەرنى ئوقۇشقا كەتكەن ۋاختىمغا ئىچىم ئاغرىدى شۇ زامان كومپىيوتىرىمدىن يۇيۇپ تاشلىدىم.ئاخېرى قانداق بولدى بۇنىسى ماڭا نامەلۇم.ئەمما شۇندىن ئىتىبارەن ئەرتۈرك ئىسىملىك بىر يازغۇچىمىزنىڭ ئەسەرلىرىگە يېقىن يولىمايمەن دېدىم. شىنجاڭدا تور ئېتىلگەن ۋاقىتتا بۇرۇنقى بىر مۇنبەردىشىم مېنى تولا ئىزدىدى تىلىفۇندا،"كاۋاپچىنىڭ چىرايلىق خوتۇنى "دېگەن ئەسەرنى ئوقۇۋاتقانىدىم،تور توختاپ كەتتى مانا،سىلەر تەرەپتە ئوچۇق بولغاندىكىن تېپىپ بەرسىڭىز" دېدى. ئىزدەپ تاپتىم،ئۇ شۇنچە قىلىپ كەتكۈدەك قانداق ئەسەردۇ بۇ دەپ قالدىم. ئۇ چاغدا ئەر تۈرك ئەپەندىنى ئەمەس ئەنۋەر ھاجى ئىسمىنى بىلەتتىم،ھىم دەپ بۇ ئەسەرنىمۇ ئوقۇشقا باشلىدىم،(زىنا ئالدىدا ئولتۇرغان قىزنىڭ ئاپتورى ئىكەنلىكىنى بىلمەپتىمەن)،ئۇ يەر بۇ يەردىن ئازراق ئوقۇغاندىن كىيىن يەنە شۇ بىز سەسكىنىدىغان،دىنىمىز،ۋە ئەخلاقىمىزغا يات كىشى يۆگەپ،يىپىپمۇ ياپالمايدىغان "رەڭلىك" مەزمۇنلار بىلەن تولغانلىقىنى ھىس قىلىپ ئۇنى ھەم يېرىم يولدا تاشلىدىم،مەزمۇننى بىلمەي تۇرۇپ خەققە ياردەم قىلدىم دەپ ئۇ كىتاپنى تېپىپ بەرگىنىمگە ئاچچىقىم كەلدى،بارماق دىسكامدىكى بارلىق ئىلكىتاپلارنى كۆچۈرىۋىلىش ئۈچۈن بىر ساۋاقدىشىممغا بېرىپ تۇرغانىدىم،ئارىسىدا شۇ كىتاپمۇ بولغانلىقى ئۈچۈن شۇنداق نۇمۇس قىلدىم،ئۆزۈمنى پارچە-پارچە قىلىۋەتكۈم كەلدى.شۇ ساۋاقدىشىمنى شۇنچە جىق ئىسلامى كىتاپلار ئارىسىدىن بىلىپ بىلمەي شۇ كىتاپنى ئوقۇپ سالمىغىيدى،ئاللاھۇتەئالادىن مېنىڭ بۇ ئىشىم سەۋەبلىك بىرەر يامانلىققا سەۋەپ بولماسلىقنى تىلەپ  يىغلاپ كەتتىم. مەمتىمىن ئەپەندى ھەممى ئەسەرلىرىدە ھەجۋى تىل بىلەن ناچار ئىشلارنى قامچىلاپ يېزىپ ئۇيغۇر ئەدەبىياتىدا يىڭىچە ئۇسلۇپ يارتىپ داڭ چىقارغاندەك،ئەر تۈرك ئەپەندىمۇ "سېرىق"يېزىپ ئۇسلۇپ يارتىپ داڭ چىقارماقچىكەندە دەپ ئويىلىدۇم. مەن ئۈستىدىكى بەزى تورداشلاردەك سېرىقنى يىزىش ئارقىلىق ئاقنى ،پاكنى  تەشەببۇس قىلماقچىتى دەپ قارىمايمەن.ئەخلاقنى چوقۇم ئەخلاقسىزلىق ئارقىلىق تەشەببۇس قىلامدۇق؟؟؟؟ پەنگىيار ئەپەندى بىلەن ئەرتۈرك ئەپەندىنىڭ سۆھبىتىدە ئەر تۈرك ئەپەندى ماڭا ئوخشاش قاراشتىكى بارلىق كىشلەرگە جاۋاپ بېرىپتىكەنتۇق...ئەمما شۇ سۆھبەت خاتىرسىنىمۇ ئوقۇغۇم كەلمىگەنىدى.ئىشقىلىپ مەن مەڭگۈ توغرا چۈشەنمەيمەن،يالغۇز مەنلا ئەمەس قەلبىدە زەررىچە ئاللاھ قورقۇسى بار ئادەم ھەرگىزمۇ ئەر تۈرك ئەپەندىنىڭ ئەسەرلىرىگە باھانە تىپىپ ئۆزىنى بەزلىيەلمەيدۇ.مېنىڭ تۇنجى بوپ يازغان ئىنكاسىم ھەممە ماختىغان بۇ ھىكايىسىنىڭ زىيانلىق تەرىپىنىڭ كۈچلۈك ئىكەنلىكىنى ئەستىن چىقىرىپ قويغان تورداشلارنىڭ كاللىسىنى سىلكىۋىتىشى ئۈچۈن يېزىلغانىدى. ئەمدى بۇ ھىكايىگە كەلسەك ،مەن يەنىلا تولۇق ئوقىمىدىم،بېشىدىكى كاۋاپچى غوجامنىڭ خەنزۇ ئايالغا ئالا نىيەتلىك قىلىش ئويىغا كەلگىنىدە ئىنكاسىمنى يېزىپ چىقىپ كەتكەنچە ئەمدى يەنە ئىككىنجى قېتىم،ئىنكاسلارنى كۆرگىلى ۋە كۈتۈپخانىدىكى ئويلىرىمنى يازغىلى كىردىم.... ئەر تۈرك ئەپەندىنىڭ ئەسىەرلىرىنى ياقتۇرۇپ ئوقۇيدىغان ياش يىگىتلەردىن نەچچىسى مۇشۇ ئەسەرلەردىكى باش قەھرىمانلارنى دوراپ ئۆزىنى نابۇت قىلغاندۇ. يۇقىردىكى  سىردىشىم ئىسىملىك تورداش ،تۇنجى يازمىڭىز يەنى ئىنكاسىىڭىزنى مۇشۇ تېمىغا يەنى ئەر تۈك ئەپەندىنى رىغبەتلەندۈرۈپ يېزىپسىز،سىز بەلكىم ئەسىرىنى يوللاپ قويۇپ بىر چەتتە گەپ تىڭشاپ ئولتۇرغان ئەر تۈرك ئەپەندىنىڭ ئۆزىدۇرسىز،گەپ چىڭغا چىققاندا سەبىر قاچىڭىز توشۇپ مەيدانغا چىققانسىز،ۋە ياكى ئەمەستۇرسىز. بۇنى بىلگۈچى پەقەت بىر ئاللاھ! سىز :ئۇنىڭ ھەممە ئادەم  ياقتۇردىغان ئەسەرنى يېزىشى  شەرت ئەمەس دەپسىز.ئۇنداقتا   يازغۇچىلار ئەسەرنى نېمە ئۈچۈن يازىدۇ،ئۇنىڭغا كىتاپخاننىڭ باھاسى،شۇ ئەسىرىنىڭ كىشىلەرگە بەرگەن تەسىرى مۇھىم ئەمەسمىكەن،ئۇنداقتا ئۇلار قىلىدىغانغا ئىش تاپالماي،كاللىسىغا كەلگەننى مەقسەت،نىشانسىزلا بىكار تۇرغىچە يېزىپ كىتاپ قىلىپ چىقىرىدىكەن دە.كىشلەرگە مەنىۋى ئوزۇق ۋە ياكى تەربىيە بىرەلمەي ئەكسىچە مەدىنىيىتىمىزنى چىرىتىدىغان،مىللىتىمىزنى باشقا مىللەت ئەدىبلىرى ئالدىدا يەرگە ئۇرىدىغان،يامانلىققا،بۇزۇقچىلىققا سەۋەب بولىدىغان بۇنداق ئەسەرنى ياق ئەسەر ئەمەس،قانۇنسىز سېرىق نەشىر بويىمى دەپ تۇرايلى،بۇنداق بويۇمنى ھۆكىمەت چەكلەۋاتقان يەردە بىزنىڭ خەلقىمىز مەدىنىيىتىمىز،ئەڭ مۇھىمى دىنىمىز تېخىمۇ چەكلىشى كىرەك.... ئۇيغۇر تورچىلىقىمىزدا خېلى ئالدىنقى قاتاردا سەگەك تۇرۇپ،برسى بىر قۇر ئۆھۈ دەپ يۆتىلىپ يېزىپ بولغۇچە " ئەيدىزلارنىڭ ۋە ياكى يۇقۇملۇق قۇش زۇكىمى بارلارنىڭ كىرىشى چەكلەنگەن "دەپ سىيرىپ -سۈرۈپ تازىلاپ تۇردىغان بۇ مۇنبەرلىرىمىزنىڭمۇ ھەم مۇشۇنداق ئەسەرلەرنىڭ تارقىلىشىغا ۋاستە بولىۋاتقىنىدىن ئۆكىنىۋاتىمەن.... كىشلەرنىڭ ئىستىمال سەۋىيەسى كۈندىن كۈنگە ئېشىۋاتقان بۈگۈنكىدەك كۈندە قانچىلىك كىشى ئىچىدە قۇرت بار ئالمىنى  بىلىپ تۇرۇپ :" قۇرت بار يەرنى كىسىۋىتىپ يەرمەن"دەپ ئالسۇن،ھىچكىم!!!!مىڭ تاتلىق ،قىزىرىپ پىشقان ئالمىلىرىڭىز  بولسىمۇ ئىچىگە قۇرت قوڭغۇز،ھەرىلەر كىرىۋالغان بولسا بۇ مىۋىلىرىڭىزنى ساتىمەن دەپ ئاۋارە بولماڭ ئەر تۈرك ئەپەندى.بۇنداق مىۋىلەر بىرنى چىشلسىلا ئۆزىنى كۆرسىتىدۇ، ھەممە غەزەب بىلەن ئەخلەت دۆۋىسىگە ۋە ياكى شۇ ئالمىغا لايىق ھايۋانلارنىڭ ئالدىغا چۆرۈپ بېرىدۇ ،ھىچكىم ئىككىنجىلەپ شۇ باققالنىڭ مىۋىسىنى ئالمايدۇ

sirdixim

	مەلەك، نىمە دېسىڭىز دەڭ، لېكىن مېنىڭ ئەرتۈرىك ئەپەندىمنىڭ ئەسەرلىرنى ياقتۇرىدىغانلىقىمنى ئىپادە قىلىپ تۈز كۆڭۈللۈك قىلىپ پەقەت ئەرتۈرىكنىڭ ئەپەندىمنىڭ ئەسىرىنى ياقتۇرىدىغانلىقىمنى بىلدۈرۈپ قويۇش يازغان ئىنكاسىمغا قاراپ ئەرتۈرىك ئەپەندىمنىڭ  باشقا ئىسىمدا كىرىپ ئىنكاس يېزىپ يۇرۈيدىكەن دەپ ئويلاپ قالماسسىز... ئەرتۈرىك ئەپەندىمنى گەرچە تونىماساممۇسىزگە شۇنى دەپ قوياي ئۇ ئادەم ھەرگىز ئۇنداق قىلمايدۇ. مەن دىگەن مەن، ئەرتۈرۈك ئەپەندى باشقا بىرى. قانداق يېزىش يازماقلىقنى يەنىلا ئەرتۈرىك ئەپەندىم ئۆزى تاللىسۇن. ئۇ ئەپەندىمگە مۇنداق يازسىڭىز ئەسىرىڭىزنى مەن بەك ياقتۇرۇپ ئوقۇيتۇم دەپ ئۆزۈمنىڭ ئوقۇرمەنلىكىمنى ئۇ ھەرگىزمۇ تاڭالمايمەن. يازسۇن، قانداق يېزىش يازماقلىنى ئۆزى ئايرىلايدۇ.چۈنكى يازغان ئادەم ئۆزىنىڭ نىمىنى يېزىۋاتقانلىقىنى بىلىۇدۇ. ئۇنىڭ قارار چىقىرىش ئەركىنلىكى، ھوقۇقى بار. بۇلارنى بىلىپ تۇرغىدەك ئەقلى بار. مېنڭ ياقتۇرۇش ياقتۇرماسلىق ھوقۇقۇم بار. سىزگە يەنە شۇنى ئەسكەرتىپ قوياي. مەنمۇ بىر ئوقۇرمەن. تالاشقۇدە ئىش يوق. شۇنچىلىك ئاددى، ياقتۇرغانلىرىمىز ئوقۇيلى، ياقتۇرمايدىغانلار ئوقۇمايلى. كىتاپ،ئەسەرنىڭ،باشقىلارغا سەلبى تەسىر پەيدا قىلىش كەلمەسلىكىگە ئۇ ئوقۇمەرننىڭ ئىشى، ئۇ قانداق تەسىر ئالغان بولسا شۇنداق تەسىر قىلىدۇ. ياكى ھېچقانداق تەسىر قىلماي ئۆتۈپ كېتىىدۇ.