كاۋاپچىنىڭ ھۇجرىسى (ھېكايە)

tikan

	ئەرتۈرك ئەپەندىمنىڭ ئەسەرلىرىنى تولىمۇ ياقتۇرۇپ ئوقۇيمەن، داۋامى بارغۇ دەيمەن بۇ ئەسەرنىڭ؟

pengiyar

	بۇ 9قەۋەتتىكىmelek يوللىغان 2010-12-11 19:32 غا قارتىلغان  : ئەر تۈرك ئەپەندىنىڭ ئەسەرلىرىنىڭ كەينىگە قۇرامىغا يەتمىگەنلەر كۆرۈشكە بولمايدۇ دەپ يېزىپ قويارسىلەر..... زىنا ئالدىدا ئولتۇرغان قىز، لاي سۇ ئىچكەن جانلار، كاۋاپچىنىڭ چىرايلىق خوتۇنى،،،،،بەس مۇنازىرە قوزغىغان ئەسەرلەر ئىدى،ئەمدى كاۋاپچىنىڭ ھۇجرىسىغا كەپتۇ دە نۆۋەت..... ....... ئۇنداق يېزىپ قويسا كۆرمەيدىغان قۇرامىغا يەتمىگەنلەرمۇ دەرھال كۆرىدۇ دەيمەن. ئادەم دېگەن شۇ، قىل دېگەننى قىلمايدىغان، قىلما دەپ ئەسكەرتكەننى ئىككىنى زىيادە قىلىدىغان.....

pariay

	ئەرتۈرك ئەپەندىنىڭ ئەلكۈيىگە باسقان مۇبارەك  قەدىمىگە قۇتلۇق بولسۇن ! ياخشى ئەسەردىن يەنە بىرى بىلەن ئۇچراشتۇرغىنىڭىزغا تەشەككۈر ،،،

bidar

	ئەنۋەر ھاجى مۇھەممەت ئەپەندىنىڭ ئەسەرلىرىنى بەكمۇ ياقتۇرۇپ ئوقۇيمەن، بۇلۇپمۇ "زىنا ئالدىدا ئولتۇرغان قىز"نى بۇ ئەسەرنىڭ ئاۋازلىق نۇسخىسىنى يانفۇنۇمغا قاچىلىۋېلىپ قانچە قېتىم ئاڭلاپ چىققىنىمنى بىلمەيمەن، بۇ ئەسەرنى ئاڭلاپ دىنىمىزنى توغرا چۈشىنىپ توغرا يولىنى تېپىۋالغان تۇنۇشلۇرۇممۇ ئاز ئەمەس، ئەر تۈرۈك ئەپەندىگە چىن كۆڭلۈمدىن قايىللىقىمنى ۋە رەھمىتىمنى بىلدۇرىمەن، ئەسەر توغرىسىدىكى قارىشىمنى تۈۋەندە ئايرىم ئوتتۇرىغا قويىمەن.

uyghurzade

	سالام، ئەلتۈرك.           مېنىڭ سىز بىلەن يۈز تۇرانە كۆرۈشسەم دېيىشىدىغان نۇرغۇن گېپىم بار ئىدى. سىزنىڭ تالانتىڭىزغا، تەقۋادارلىقىڭىزغا، تىرشچانلىقىڭىزغا قايىلمەن. ئەمما،  شۇنچە تالانتلىق بىر يازغۇچى تۇرۇپ نېمىشقا ئەسەرلىرىنىڭ باش تېمىسىنى بىر يۆتكەپ باقمايدىغاندۇ(تېما، يېزىش ئۇسۇلى ۋە قازىدىغان ئىمكانىيەت شۇنچە جىق تۇرسا)، نېمشىقا شۇنچە ئەقىللىق ۋە مۆمىن مۇسۇلمان تۇرۇپ  ئەسەرلىرى ئېلىپ كېلىدىغان كۈتمىگەن ئاقىۋەتنى ئويلاشمايدىغاندۇ، دەپ ھەيران بولىمەن. لېكىن، سىزنى ھۆرمەتلىگنىم ئۈچۈن كۆڭلىگە كېلىپ قالارمۇ، دەپ تەنقىدىمنى بېرەلمەيمەن.مېنىڭچە، تورداشلارنىڭ باھاسى ئاپتور ئۈچۈن رىغبەتلەندۈرۈش رولىنى ئوينايدۇ، ئەمما ئەسەرنىڭ ھەقىقەتەن ئۇتۇقلۇق چىققانلىقىنىڭ ئىسپاتى بولالمايدۇ. جايىنى تاپمىغان مەدىھىيە   ۋە كەسپ ئەھلى بولمىغانلارنىڭ ئارتۇقچە ماختاشلىرى بىر يازغۇچى ئۈچۈن ئۇيقۇ دورىسى. سىز ھازىر ئاشۇ ئۇيقۇ دورىسىنى بەخۇدۇك يەۋاتىسىز.     بۇنداق ئىشلارنى تۇرمۇشتا يوق، يازغۇچى يازسا بولمايدۇ دېمەكچى ئەمەسمەن. ئەمما، يېزىش ئۇسۇلىڭىزدا مەسىلە بار دەپ قارايمەن. ئۆزىڭىزمۇ بىر چاغلاردا يازمىڭىزدا ئېتراپ  قىلغاندەك، سىز مىللەتلەر ئۇنىۋېرستېتىدا فرۇئىد نەزەريىلىرىنىڭ تەسىرىگە بەك ئۇچرىغان ھەم ئۇنىڭ زىيىنىنمۇ تارتقان. ئەمدى زىياننى مۇشۇنداق ئەسەرلەرنى يېزىش بىلەن بولۇپ كېتىپ تارتىدىغاندەك قىلىسىز. سىز دىققەت قىلىڭ! بۇنداق بىر نېمىلەرنى يېزىۋەرسىڭىز سىزدىن ئەدەبىياتنى ھەقىقىي چۈشىندىغانلارنىڭ دىققتىنى تارتقۇدەك بىر  نېمە چىقمايدۇ. سىز ئۇنتۇلۇپ كېتىسىز.        ئويلايدىغىنىم ئۇيغۇر ئەدەبياتىدا تېخىمۇ سەۋىيىلىك ئەسەرلەرنى كۆرۈش؛ كۆرەلمەسىلىك، ئۇجۇقتۇرۇش، سېسستىش خاھىشى مېنىڭ تەبىتمىگە يات. شۇڭا، بۇنى بىر تەكلىپ دەپ بىلىڭىكى، ھەرگىز نىيىتمنى يامان تەرەپكە جورىماڭ. مەن سىزگە ئىزىڭىزغا سەكرىمەسلىكنىڭ  ئاددىي ئۇسۇلىنى تەۋسىيە قىلاي: بولسا بۇنداق بىر نېمىلەرنى يېزىشىنى توختىتىپ، كىتاب جاۋىنىڭىزگە تىزىپ قويۇپ تېخى ئوقۇشقا ئۈلگۈرمىگەن ئېسىل رومانلارنى ئەستايىدىل بىر ئوقۇپ چىقىڭ؛خاتىرە قالدۇرۇڭ؛ يېزىش ئۇسۇلىنى تەتقىق قىلىڭ (سىزدە ئۆگىنىش كەمچىل بولۇۋاتىدۇ). ئەدەبياتنىڭ پايانى كەم؛ بۇنداق تېما تالاي تېمىلار ئىچىدىكى پەقەت بىرى. ئۈچ ئاي دەم ئالغاچ بىر ئويلانسىڭىز  ۋە باشقىچە بىر يول ھەققىدە ئىزدەنسىڭىز، سىزدىن "لايسۇ ئىچكەن جانلار" دېگەندەك نادىر ئەسەر چىققان بولاتتى.      بۇ ئەسرىڭىز ئىزدىنىش مۇنبىرىدە قاتتتىق تەنقىد قىلىنغان. بالىلار گەپنى ئاساسەن دەپ بوپتىكەن، مەن سىزگە بولغان ھۆرمىتىم ئۈچۈن  سۈكۈت قىلغان. تۈنۈگۈن بۇ يەرگە چاپلاپسىز، كۆرۈپ ئولتۇرۇپ كەتتىم. بولسا، سىز گۈلەننىڭ تەنقىدى بىلەن مۇشۇ تېمىدىكى مەلەك سىڭلىمىزنىڭ ئىنكاسىىغا يېزىلغان بىرىنچى جۈملىدىكى ئىشارەتنى بىر ئويلىشىپ باقسىڭىز.         سىزگە مېھىرىم بولغىنى ئۈچۈن، مۇشۇ ئىنكاسلارنى سىلىقلاپ يېزىپ بولغۇچە بەك بىئارام بولدۇم. ئەسەرلەرنىڭ كۈتمىگەن ئاقىۋىتىنى ئويلشىدىغان ۋاقتڭىز كېلىپ قالدى.      بەزى سەمىمىي ئەسكەرتىشلىرىمنى ياسىنجان سادىق چوغلان ئاكىنىڭ تېمىسدا يازىمەن.

ozhal

	ئۇيغۇرزادە قىممەتلىك پىكىرىڭىزنى ئاڭلاپ باقايلى دىسەك ئالدىراشمەن دەپ داۋاملىق گەپنى ئۈزۈپ قويىسىز دە .

bidar

	ئەسەرنى قايتا- قايتا ئوقۇپ چىقتىم، ئەسەرنىڭ ماۋزۇسىغا قاراپلا ئۇنىڭ قۇرامىغا يەتمىگەنلەرنىڭ ئوقۇشىغا ماس كەلمەيدىغانلىقىنى ھىس قىلىۋالغىلى بولىدىكەن. ئەسەردە گەرچە بەزى جايلاردا زىنا تەسۋىرلىرى بولسىمۇ لېكىن ئىپادىلىمەكچى بولغان مەركىزى ئىدىيە يەنىلا شەيتاننىڭ كەينىگە كىرىپ بولمىغۇر ئىش قىلسا ئاخىرى پۇشايماننى ئالغىلى قاچا تاپالمايدىغانلىقىدىن ئىبارەت ئىبرەت ئىكەن. مىنىڭچە بۇ بىر قارشىسىدىن چىقىپ قىلىنغان جانلىق تەربىيە ئىكەنغۇ. مىنىڭچە ھازىرقى جەمىيىتىمىزدە قۇرامىغا يەتمىگەنلەرگىمۇ بۇخىل تەربىيەنى بۇرۇنراق بەرگەن ياخشى، چۈنكى مەسىلىدىن ئۆزىنى قاچۇرۇش ئۇنى ھەل قىلىشنىڭ ياخشى چارىسى ئەمەس، قۇرمىغا يەتمىگەنلەر بۇزۇلاي دېسە ئولارغا سېرىق كىتاب، فىلىم، رەسىملەر كەم ئەمەس، مۇشۇنداق تەربىيە ئۇلارغا بۇرۇنراق بىرىلسە ئۇلارمۇ شەيتاننىڭ كەينىگە كىرىپ كىيىن پۇشايمانغا قالىدىغان ئەھۋاللارغا ئازراق ئۇچرامدىكىن دەيمەن، نەسرىدىن ئەپەندىممۇ بالىسىنى بازارغا بۇيرۇپ، پۇلنى يوقىتىۋەتمە دەپ ئۇرغان، ئايالى: بالا پۇلنى يۇقىتىۋەتمىگەن تۇرسا ئۇنى نىمىشقا ئۇرىسىز دەپ نارازىلىق  بىلدۈرگەندە ئەپەندىم: پۇلنى يۇقىتىپ بولغاندا ئۇرغاننىڭ نىمە پايدىسى دېگەن، شۇنىڭغا ئوخشاش ھەربىرىمىز باشقىلارنىڭ ئاچچىق ساۋىقىدىن ئىبرەت ئالالىساق بېشىمىزغا كىلىدىغان كۈلپەتلەر ئازراق بۇلارمىكىن دەيمەن. ئاخىرىدا ئەرتۈرك ئەپەندىنىڭ ئەجرىگە رەھمەت ئېيتىش بىلەن بۇنىڭدىن كىيىنكى ئىجادىيتىگە بەرىكەت تىلەيمەن!

qutluq

	تەشۋىقاتتا پايدىسىز ئورۇندىكى ئازغۇن مۇسۇلمانلارنىڭ توغرا يولى ئاۋال كۆرسىتىلمەي تۇرۇپ ئۇلارنىڭ ئەپت - بەشىرىسى ئەمەلىيەتتىكىدىنمۇ بەكرەك  جەلبكار تەسۋىرلىنىۋېتىپ ئاندىن دورا بېرىلسە، تەسۋىردىن مەست بوپكەتكەن ئوقۇرمەندە مەستخۇشلۇقىدىدا  دورىنى ئىنكار قىلىۋېتىش خاھىشى كۆرۈنمەسمۇ؟

ozhal

	ئەقلى بار ئادەم بولغاندىن كىين قانداق ئايرىشىنى ھەممە ئادەم ئۆزى بىلىدۇ . بىزدە ھەممىلا ئادەم ئۆزىنى زىيادە ئەقىللىق چاغلاپ باشقىلارنى بىچارە . بىلىمسىز . ئەخمەق چاغلايدىغان ھىسيات بار . شۇڭلاشقا كۆپىنچە ھالدا بىزنىڭ جەميەت ۋە كىشىلەر ھەققىدە چىقارغان خۇلاسىلىرىمىز ، ھۈكۈملىرىمىز ۋاختى كەلگەندە پۇت دەسسەپ تۇرالمايدۇ .   ئەدەبىياتنى پەقەت پەندى نەسىھەت قىلدىغان نەرسە دىگەن رامكىدىن چىقىپ تۇرۇپ ئويلىساق بۇ ھىكايىدە سىلەر ئويلىۋالغاندەك " زەھەر" نىڭ مەۋجۇت ئەمەسلىگىنى ھىس قىلسىلەر . چۇشەنمىگەن بولساڭلار قايتا قايتا ئوقۇڭلار . باش پىرسۇناجنىڭ ئوي پىكىرلىرى . ئۇىنڭ ياشىغان شارائىتى . ئۆزى سەسكىنىپ تۇرۇپ يەنە ھايات كەچۇرۇشكە مەجبۇر بولغان ھىسياتىنى ئويلاڭلار . ئۇنىڭ ئورندا ئۆزۇڭلارنى قويۇپ ئويلاپ بىقىڭلار . بۇ چاغدا ھىسيات باشقىچە بۇلىشى مۈمكىن .

hakanxp

	مەن ياقتۇرىدىغان ئەسەر ئىكەن.