نامسىز بۇلاق

lovely710 ھەقىي سالاھىيەتلىك ئەزا

                        نامسىز  بۇلاق(13)   
          ئاپامنىڭ ئۇنىمىغىنىغا قارىماي ئاپامنى دۇختۇرخانىدا ياتقۇزدۇق.ئۇنىڭ ھېچقانداق ئاغرىقى يوق دىيىلگەندىمۇ بۇ ئۇنىڭ سالامەتلىكىگە ئازدۇر-كۆپتۇر پايدا قىلار،ئۇششاق-چۈششەك ئاغرىقلىرىغا مەنپەئەت قىلىپ قالار!ئاپامنىڭ ئەھۋالى تۇراقلاشقاندىن كېيىن دادامغا خەۋەر قىلاي دەپ ئويلىغان ئىدىم.قىززىق يېرى شۇكى ئاپام بىرەر قېتىممۇ «داداڭلار »دەپ قۇيمىدى،خۇددى ئۇ دادامنىڭ بۇ ئىشلاردىن خەۋەردار بولۇشى ئۆزى بىلەن مۇناسىۋەتسىزدەك قىلاتتى،ئۇنىڭ ئۈستىگە دادامنىڭ ئىشلىرىنىڭ ئالدىراشلىقى ماڭا مەلۇم ئىدى.مەن ئاپامنىڭ ئەھۋالى تۇراقلاشقاندىن كېيىن ئاندىن دادامغا خەۋەر قىلاي دەپ ئويلىغان ئىدىم.
مانا دۇختۇرخانىنىڭ سەيناسىدا ئاپامنى ئايلاندۇرىۋاتىمەن.ئاپام مېنى يىنىككىنە قۇلتۇقلىۋالغان ئىدى. گۈللۈكلەرنىڭ ئارىسىدىكى ئەپچىلگىنە بىر ئورۇندۇقتا ئولتۇردۇق.مانا ئەمدى دادامغا خەۋەر قىلىش كىرەك.بۇ خىيالىمنى ھېچ بولمىغاندا ئاپامغا ئېيتىپ قۇيۇش ئۈچۈن ئاپامغا ئېغىز ئاچتىم:
-----ئاپا،ئەھۋالىڭىزمۇ ياخشىلاندى.دادامغا خەۋەر قىلاي-ھە؟
ئاپام جىمىپ كەتتى.قوللىرى بىلىنە-بىلىنمەس تىترەيتتى،ھاۋا شۇنچە ئىللىق تۇرسا ئاپامنىڭ يەنە تىترەۋاتقانلىقىدىن ھەيران بولدۇم.ئۇ يەنە تېگى يوق خىياللارنى باشلىغاندەك قىلاتتى.
----.ئاپا!نىمە بولدى؟يەنە نېمىلەرنى ئويلاپ كەتتىڭىز؟دادامغا« ھازىر ياخشى بولۇپ قالدى»دەيمەن،ئەگەر ئىشلىرى ئالدىراش بولسا كەلمىسە بولىدىغانلىقىنىمۇ ئەسكەرتىمەن.خاتىرجەم بولۇڭ-ھە!ھازىرلا قايتىپ كىرىمەن.
---قايتىپ كەل.....قايتىپ كەل...
كەينىمگە ئاستا ئۆرۈلدۈم.ئاپامنىڭ ئاۋازى شۇنچە تىترەپ چىققان ئىدىكى،مەن تاكى ھازىرغىچە ئۇنىڭ بۇنچىۋالا زەئىب ھالىتىنى كۆرمىگەن ئىكەنمەن،توۋۋا،ئىككى كۈننىڭ ئالدىدا يىقىلىپ قالغاندىمۇ يەنىلا بىر خىل جاسارەتنى يۇقاتمىغان ئىدى.نېمە سەۋەب ئاپامنى بۇنچە ئاجىز نىداغا چاقىردى؟ھەيران قالدىم.
----ئاپا،نىمىگە ئەمدى؟
----تېلفون قىلمايسەن،ئۇنىڭ ئالدىراش ئىكەنلىكىنى مەندىنمۇ بەك بىلىدىغانسەن؟
----ئاپا،بۇ سەۋەب بولالمايدۇ،ئۇ دىگەن سىزنىڭ يۆلىنىدىغان تېغىڭىز،كىلەلمىسىمۇ بىلىپ قىلىشى كىرەكتۇ،بۇنداق ئويلىغىنىڭىز نېمىسى؟دادام  ئۇنداق تەتۈر ئادەم بولمىسا يا؟
----قىلما دەيمەن ساڭا!.....مەن ......-ئاپام يىغلاپ كەتتى.توۋۋا،دادامغا بولغان كۆيۈنۈشمۇ بۇ؟ئۇنىڭ ئىشلىرى ئالدىراش بولغانلىقى ئۈچۈن مېنى خەۋەر قىلغىلى قۇيمايۋاتامدۇ؟ياق،ئاپام ئەمىسە نېمىگە بۇنچە ئەلەم بىلەن يىغلايدۇ؟يەنىلا يۇشۇرۇن بىر سىر ماڭا پىنھان مارايتتى.پۇرسەتنى چىڭ تۇتۇشىم كىرەك،بۈگۈن زادى سەۋەبىنى بىلىمەن.
ئاستا ئاپامنىڭ يىنىغا كەلدىم.ئۇنىڭ كۆزلىرىگە قارىۋىدىم،ئۇ كۆزلىرىدىن مەلۇم سىرنىڭ بىلىنىپ قىلىنىشىدىن قورققاندەك  تېزلا كۆزلىرىنى مەندىن ئېلىپ قاچتى.مەن سەزگۈلىرىمگە يەنە بىر قېتىم ئىشەندىم.ئۇنىڭ قۇللىرىنى چىڭ تۇتتىم.مانا مۇشۇ تۇتۇشلىرىمدا ئۇنىڭغا مەدەت بىرەتتىم،سىرلىرىنى ماڭا تۆكۈشىنى ئىلتىجا قىلاتتىم.
----ئاپا،نىمىشكە مېنى نېمىشكە دېگىلى قويمايسىز؟
----ھېچنىمىگە....پەقەت...
----دادام بىرەر خاتالىق ئۆتكۈزدىمۇ؟
---ياق.داداڭ ھەرگىز ئۇنداق ئادەم ئەمەس.
---ئۇنداق بولسا.....؟؟
---سورىما دەيمەن،سېنىڭ بىلىشىڭنىڭ ھاجىتى يوق
---سورىما،بىلمە،سەن تېخى كىچىك،  يەنە شۇ گەپلەر،ئاپا،مەن ھىسابتا 20ياشقا كىردىم.20يىل يەنە ئاز ۋاقىتمۇ؟مەن بىلمەيدىغان زادى قانداق ئىش ئۇ؟دادامغا قارىسام داداممۇ غەلىتە.سىز دادامدىنمۇ غەلىتە.مەن بىلىشىم كىرەك.ھېچبولمىغاندا مەن سىزنىڭ چوڭ پەرزەنتىڭىز.
---شۇنچە بىلگۈڭ بارما؟ئاپام ياشقا تولغان كۆزلىرى بىلەن ماڭا قادىلىپ تۇراتتى،قارىغاندا بۇ ئادەمنى شۈركەندۈرىدىغان خەۋەردەك قىلاتتى،ئاپام كۆز ياشلىرىنى سۈرتتى.ئۇ يەنە سۈكۈتىنى باشلىدى،لىكىن مەن سەۋرچانلىق بىلەن كۈتۈشۈم كىرەك.قانچە زامان ئاپامنىڭ ئاغزىدىن مۇشۇ خەۋەرنى ئاڭلاشقا ئىنتىلدىم،دادام بىلەن ئاپام ئوتتۇرسىدىكى مانا شۇ سىرنىڭ ئېچىلىشىنى كۈتتۈم.ئاپام سۈكۈتى بىلەن ئۆز كەيپىياتىنى تەڭشىۋالغاندەك قىلاتتى.
----بىز ئاجرىشىپ كەتكەن.
ئاسماندا چاقماق چاقتى،قۇلاقلىرىم غۇڭۇلدىدى،پۇتلىرىم  تىترەپ كەتتى،قۇللىرىم بىردەمدىلا مۇزلاپ قۇلاشماي قالدى.قۇلاقلىرىم ئاڭلىمىدى،كۆزلىرىم كۆرمىدى،تىللىرىم سۆزدىن قالدى.قېتىپ قالدىم،يا يىغلىيالماي ياكى سۆزلىيەلمەي،ياكى ئاپامغا تىكىلەلمەي.قانچىلىك ئولتۇردۇم.بىر چاغلاردا ئابدۇللا يېنىمدا پەيدا بولۇپ :
----قارا،سېنى !ئاپامنى يالغۇز قۇيۇپ قۇيۇپ بۇيەردە ئولتۇرۇپ كەتكىنىڭنى!بۈگۈن ھاۋا ياخشى-ھە!
ئىنكاسىم يەنىلا نۆل.ئۇنىڭ بۇغدايئۆڭ چىرايىغا سەپسالدىم،باتۇرلۇق،جەسۇرلۇق نۇرلىرىنىڭ جۇلاسى چېچىلىپ تۇراتتى،قارىغاندا بۇلار تېخى بىلمەيدىكەندە،توۋۋا،ماۋۇ ئىشنى!ئاپامنىڭ ئىچىنىڭ چىڭلىقى مېنى ھەيران ئوقۇتتى.مانداقمۇ كۆتۈرۈشلۈك بولامدۇ؟تېخى دادام شۇنچە پۇل تېپىۋاتسا مېنىڭ پۈتۈن ئۇقۇش پۇلۇمنى غەملەپ بولغانلىقىغا ھەيران بولغان ئىدىم،سەۋەبى ئىككىسىنىڭ ئاجرىشىپ كەتكەنلىكىدىن دەپ ئويلىمىغان ئىدىم.چىشلىرىمنى چىڭ چىشلىدىم.
----ھەدە،جۈرە!رەيھان ئاجايىب ئوخشىغان چۆچۈرە ئەتتى.سېنى چاقىراي دىگەن ئىدىم.
ئابدۇللا تارتقۇشلاپ يۈرۈپ مېنى ياتاققا باشلاپ كىردى،كىرسەم ياتاقتىكى ھەممەيلەن رەيھاننىڭ چۆچۈرىسىگە ئېغىز تىگىۋاتقان ئىكەن.ئاپام بۇ سىرنى ماڭا دەپ ئىچى خېلى بوشاپ قالغاندەك قىلاتتى.مېنى كۆرۈپ  ئىلتىجا،مېھىر،كەچۈرۈم،ئازاب،تەسەللىي......ئىشقىلىپ ھازىرقى روھىي ھالەتلىرىمنىڭ ھەممىسىگە داۋا بولىدىغان  خىسلەتلىك قەلب نۇرلىرىنى تۆكەتتى،شۇنداق،ئاپام ماڭىلا دىدى،ئۇنىڭ سىرىنى ساقلىشىم كىرەك!پەقەت ئۆزۈملا بىلىمەن.....
----ئال ھەدە،سېنىڭ رېسقىڭ!
----چۆچۈرىگە ئەجەب ئۇستىكەن بۇ قىزىمىز!
----ھەممە تاماقلارغا جان كىرگۈزۈپ ئىتىدۇ بۇ!
سىڭلىم ئالدىمدا تاتلىق كۈلۈپ تۇراتتى،ئۇنىڭ بۇ كۈلۈشلىرىدىن يەنە بىر قېتىم ئۆزۈمگە شۇنداق دەپ نىدا قىلدىم،ئۆزۈڭ بىل،قانداقمۇ شۇنداق تاتلىق كۈلكىلىرىنى بۇزۇشقا چىدايسەن؟قانداق جاسارەت بىلەن بۇزىسەن؟قۇلاق تۈۋىمدە شۇنداق بىر ئاۋاز جاراڭلىدى:«نامسىز بۇلىقىم،مۇشتۇملىرىڭنى چىڭ تۈگ،كۆزلىرىڭدىكى ياشلارنى سۈرت،ئاناڭنىڭ شۇ جاسارەتلىرىدىن ئىلھام ئال!بىل،نامسىز بۇلاقنىڭ قېتىغا ئاۋايلاپ كۆم!......»ئەنە شۇ ئاۋاز چىققان تەرەپكە قارا بېشىمنى ئاستا لىڭشىتتىم.

lovely710 ھەقىي سالاھىيەتلىك ئەزا

                       نامسىز  بۇلاق(14)
          ۋاقىت يەنىلا ئۆز سېھرىي كارامەتلىرى بىلەن ھەممەيلەننى تاڭ قالدۇرماقتا،قاچاندىن باشلاپ دادام بىلەن ئاپامنىڭ ئاجرىشىپ بولغانلىقىنى بىلدىم،شۇندىن باشلاپ مەن ئۆزۈمنى شۇنچە غېرىب سىزىدىغان بولدۇم.ئۇلارنىڭ بىزدىن يۇشۇرۇشى مانا مۇشۇ سەۋەبتىن ئىدى.بىزنى كۆڭلۈم يېرىم بولمىسۇن،ئۆزلىرىنى غېرىب سەزمىسۇن دەپ بىزدىن يۇشۇرۇشقىنى بۇ!ئەجەبا كۈنلەرنىڭ بىرىدە بىزنى بىلىپ قالسا قانچىلىك ئازابلىنار دەپ،ئويلىمىدىمىكىنە؟سىر ئۇزۇن ساقلانغانسېرى شۇنچە قىممەتكە ئىگە بولىدۇ،لېكىن ئارىدىن شۇنچە  ۋاقىت ئۆتۈپ ئاندىن بىلگىنىڭدە سەن شۇنچە ئازابلىنىسەن،سەۋەبى بالدۇرراق بىلمىگىنىڭدىن ئۆكۈنىسەن،قاقشايسەن،مانا بۇمۇ شۇنداق بولدى،ھېسابتا بىزنى ئاياشقان بولدى،لېكىن ھازىر بىلگىنىمدە ئىنتايىن غەمگە پاتتىم،ئەمەلىيەتتە مەن ئاللىبۇرۇنلا يېتىم ئاتىلىپ بولغان ئىكەنمەن.
    دادام بىلەن ئاپام مېنىڭ نەزىرىمدە كۆز تەگمەيدىغان بىر جۈپلەردىن ئىدى.قاچانلا قارىسا «ئېلىڭ،جاپا چەكتىڭىز»دىگەندەك سۆزلەر بىلەن ئۆزىنىڭ بەختلىك بىر جۈپلەر ئىكەنلىكىنى دائىم ئەسكەرتىپ تۇراتتى.مەن بەختلىرىگە شاھىت بولۇپ چوڭ بولغان بىر جۈپلەرنىڭ قانداقلارچە ئاجرىشىپ كەتكەنلىكىنىڭ سەۋەبىنى ئويلاپ ساراڭ بولدۇم.ھېچبولمىغاندا سەۋەبىنى بىلىشىم كىرەكقۇ؟غەيرەتلىنىپ ئاپامدىن يەنە سورىدىم:
----ئاپا،قانداق بولۇپ بۇنداق بولۇپ قالدىڭلار؟
----يەنە شۇ گەپ ،سىلەرنى بىلىپ قالسا ئۆگىنىش  نەتىجىسىگە تەسىر يېتىپ قالىدۇ دەپ ئويلىدۇق،ھەممىڭلار قارىماققا ئىنتايىن قەيسەر كۆرۈنىسىلەر،لىكىن ئۆزىمىزنىڭ قارارى بىلەن سىلەرگە ئارتۇقچە روھىي بېسىمنى ئارتىشنى خالىمىدۇق.بۇنىڭ بىلەن داداڭدىن گۇمانلىنىپ يۈرمە،بۇ مېنىڭ قارارىم.
----نېمىشكە ئاجرىشىشنى تاللايسىز؟سىزنىڭ قارارىڭىز؟
----شۇنداق،ئۇنى ئەمدى بولسىمۇ ئۆزى خالىغان نەرسىلەرنى تاللىسۇن دېدىم.ھېلىمۇ 20يىل  بولدى.
----ئاپا،مەن ھېچ نەرسىنى چۈشەنمىدىم.ئەگەر سىز مانا مۇشۇنداق چۈشەنچە بەرسىڭىز مەن دادامدىن گۇمانلانماي كىمدىن گۇمانلىنىمەن؟
----داداڭدىن گۇمانلانما،ئۇ پەرىشتىدەك ئادەم.بۇنى پەقەت ئاپام بىلەن دادام ئارىدىن 20يىل ئۆتكەندە بىر-بىرىگە ماس كەلمەيدىغانلىقىنى ھېس قىپتۇ،دەپ بىلسەڭلا بولدى.ئارتۇقچە ئويلاپ يۈرمە،داداڭ ياخشى ئادەم.
مەن يەنە نېمىمۇ دىيەلەيمەن؟ئاپامنىڭ چۈشەنچىلىرىدىن مەن قانائەت ھېس قىلمىغان بولساممۇ ھازىرچە شۇنداق ئويلىشىم كىرەك.ئاپام ئىككەيلەن يالغۇز قالغاندا مانا مۇشۇنداق سوئال-جاۋاب ئويۇنى ئوينايتتۇق.ئاپام شۇنداق دەپلا ماڭا  ئىزچىل باشقا نەرسىلەرنى  ئويلاشقا ئىمكان بەرمىدى.
   كۈنلەرنىڭ بىرىدە،دادامغا تېلفون قىلدىم.دادامنىڭ ئاۋازى سەل پەس چىقاتتى،ئۇنىڭ سالامەتلىك ئەھۋالىنى،سودا ئىشلىرىنى سورىدىم،ئۇمۇ ياخشى ئىكەنلىكىدىن خەۋەر قىلدى.ئارىنى بىر پەس جىمجىتلىق قاپلىدى،ئەگەر دادام بىلەن يۈزمۇ-يۈز پاراڭلاشقان بولساق دادام مېنىڭ نېمە ئويلاۋاتقانلىقىمنى بىلىۋالاتتى.قارىغاندا داداممۇ مېنى بىلمەيدۇ،دەپ ئويلايدىغان ئوخشايدۇ.مەنمۇ بۇ سوئاللارنى يەنە سوراشنى خالىمىدىم.ئاخىرىدا دادام ئاپامنى سورىدى،مەنمۇ ياخشى دەپلا قىسقىغىنە جاۋاب بەردىم.دادام ئىنىم بىلەن سىڭلىمنى سورىغاندا قايتىدىن جانلىنىپ ،ئۇلارغا ياخشى ئوقۇشى كىرەكلىكىنى ئەسكەرتىپ قۇيۇشۇمنى ئالاھىدە تاپىلىدى.دادام بىلەن بولغان بۇ سۆھبەتتىن بۇ ئىشلارنى ئەمدى ئۇلارنىڭ يۈزىگە سالماسلىق كىرەكلىكىنى بىلىپ يەتتىم،بەلكىم ئاپام دىگەندىك شۇنداق سەۋەبمۇ باردۇ؟بوپتۇ،كۈنلەرنىڭ بىرىدە قايتىدىن يارىشىپمۇ قالار!
    ئاپامنىڭ چىرايى خېلى ياخشىلىنىپ قالدى،يۈزلىرىگە ئەت قونۇپ،خۇددى 10ياش ياشىرىپ قالغاندەك چىرايلىق بولۇپ قالدى،قارىغاندا دادام بىلەن ئاجرىشىپ كەتكەن ئىشنى ھېچكىمگە ئېيتالماي قىينىلىپ كەتكەن چېغى،بۇ ئىشلارنى مەن بىلىپ خېلى يەڭگىللەپ قالغاندەك قىلاتتى.مانا بۈگۈن دۇختۇرخانىدىن چىققىلىۋاتىمىز،ئىنىم ھەممە لازىملىقلارنى كۆتۈرۈپ ئالدىمىزدا كېتىۋاتىدۇ،مەن رەيھان بىلەن ئاپامنى قۇلتۇقلاپ ئۇنىڭ ئارقىدىن كېتىپ بارىمىز،دۇختۇرخانا دەرۋازىسىغا كەلگەندە كەينىمگە قاراپ شۇنداق پىچىرلىدىم:«ئاپامدىن بارلىق گەپلەرنى مانا مۇشۇ يەردە ئاڭلىغان ئىدىم.يەنە مۇيەردە قۇيۇپ كىتەي.مانا مۇشۇيەردە سىردىن ئاشكارا بولغان ئىدى،مانا بۇيەردە قايتىدىن سىر بولسۇن!»
     ئاپام ئۆيگە كەلگەندىن كېيىن ئاجايىب تىتىكلىشىپ كەتتى،بۇرۇنقى ئىشلىرىنى يەنە تېپىۋالدى،سۈت سېغىۋاتقان،پۇشۇرۋاتقان،قايماق يېغىۋاتقان،ئۆزىنىڭ مەھسۇلاتلىرىنى تۈرلەرگە ئايرىپ رەتلەۋاتقان،سۈت ئالغىلى كەلگەنلەرنى جايىدا رازى قىلىپ ماڭغۇزىۋاتقان،ئىشقىلىپ ھەممە ئىشلارنى جاي-جايىدا قىلىپ تۈگىتەتتى.تەتىلمۇ ئاياقلىشىش ئالدىدا تۇرىدۇ،بىر تەتىل ئاپامغا قاراش بىلەن ئۆتۈپتىمەن.يەنە تېخى مېنى ،ئاپامنى قىيناۋاتقان شۇ سىردىن خەۋەر تىپىپتىمەن،بۇمۇ بولغىنى .
      بىركۈنى  ئۈمىد بەرگەن كىتابنى قۇلۇمغا ئالدىم.كىتابنىڭ مۇقاۋىسىنى تۇتۇپ ئولتۇرۇپ بىردەم ئۇنى خىيال قىلغان بولدۇم.ھازىر نېمە ئىشلار بىلەن ئاۋارىكىن؟ھەقىچان ئاسپىرانلىققا تەييارلىق قىلىپ يۈرگەندۇ،ۋەياكى بىرەر ئىش تېپىپ ئىشلىگەندۇ؟ئۇ كۈنلىرىنى بىكارغا ئۆتكۈزمەيدۇ.كىتابنى ۋاراقلاپ ئولتۇرۇپ توساتتىن كىتابنىڭ ئارىسىغا قانداقتۇر بىر ۋاراقنىڭ قىستۇرۇلغانلىقىنى سەزدىم،شۇنداق قارىسام ئۈمىدنىڭ پۇچۇركىسى.
   

lovely710 ھەقىي سالاھىيەتلىك ئەزا

             نامسىز  بۇلاق(15)
        «سالام،رەنا!
بۇ خەت قاچانلاردا سىز بىلەن دىدار كۆرۈشىدۇ بىلمەيمەن.بەلكىم سىز بۇ خەتنى مەن كەتكەندىن كېيىنلا كۆرەرسىز،ۋەياكى تەتىلنىڭ مەلۇم بىر كۈنىدە  كۆرەرسىز،ياكى بولمىسا كىتابنى كۆرۈشكە ۋاقىت چىقىرالمىسىڭىز بۇ خەت ئۆز ئەسلى بىلەن ئۆزۈمگە يېنىپ كىلەر.مەيلى قانداقلا بولسۇن مەن تەلىيىمنى سىناپ باقماقچى بولدۇم.
   «سىزنى ئۇنداق سۆيىمەن،بۇنداق سۆيىمەن!تۇنجى كۆرۈپلا كۆرۈپ ياقتۇرۇپ قالغان »دىگەندەك سۆزلەرنى قىلىشنى خالىمايمەن .راست،مەن سىزنى تۇنجى كۆرۈپ ياخشى كۆرۈپ قالمىغان،سىز ماڭا قار ئاتقاندىمۇ ئەمەس،سىنىپتا مېنىڭ ئوقۇغۇچۇم بولۇپ ئولتۇرغاندىمۇ ئەمەس،مەيدانلاردا تۇمشۇقىڭىزنى ئۇچلاپ بىزدىن يەر تالاشقاندىمۇ ئەمەس،ئۆزىڭىز يۈتتۈرۈپ قۇيغان كىتابنى  مەندىن تارتقۇشلاپ ئالغاندىمۇ ئەمەس،دەل ئاشۇ ئۇكۇل يىڭنىسىدىن قۇرقۇپ مېنى چىڭ تۇتۇۋالغاندا مەن سىزنى ياخشى كۆرۈپ قالدىم.شۇنداق ،سىز ماڭا مېنىڭ قىممىتىمنى بىلدۈردىڭىز،شۇ تۇتۇش بىلەن مەن ئۆزۈمنىڭ زادى نىمىگە مۇھتاج ئىكەنلىكىمنى بىلدىم.
    ساۋاقداشلىرىم،دوستلىرىم ھەممىسى مەندىن چاققانراق بىرسىنى تېپىپ ئالىي مەكتەپنىڭ قەنتىنى چىقىشنى ئەسكەرتىپ تۇراتتى.لىكىن مەن ھىچكىمدىن مەن ئىھتىياجلىق نەرسىنىڭ ھىدىنى سەزمىگەن ئىدىم.(قىزلار نازۇك بولۇشى كىرەك)مانا بۇ نۇرغۇن كىشىلەرنىڭ قىزلارغا قۇيغان تەلەپلىرى،نۇرغۇن قىزلاردىكى ئورۇنسىز نازۇكلۇق مېنى بىزار قىلىدۇ.لىكىن مەن سىزنىڭ ۋۇجۇدىڭىزدىكى باتۇرلۇق ئىچىگە يۇشۇرۇنغان نازۇكلۇققا قايىلمەن.قارىماققا شۇنچە بىپەرۋا كۆرۈنىسىز.لىكىن سىز ئاياللارغا خاس ھەممە خارەكتىرنى ئۆزىڭىزدە مۇجەسسەم قىلغانسىز.
    ئەلۋەتتە،مەن قانداق ئادەم سىزگە ئەڭ ئايان.ئەگەر مانا مۇشۇ ئۇزۇن ھايات يولىنى تىرىشچانلىقىمىز بىلەن خۇشپۇراق گۈللەرگە پۈركەشنى ئويلىسىڭىز  بۇ خەت سىزگە بولغان چىن ئەقىدە ئىخلاس سۈپىتىدە سىزدە قالسۇن.ئەگەر  ئۇنداق بولمىسا خەتنى ئۆز جايىدا قۇيۇپ قۇيسىڭىز مەن ھەممىنى چۈشىنىمەن.بىز بۇرۇنقىدەكلا ياخشى ئۇستاز-شاگىرت بولۇپ ئۆتىۋىرىمىز!
                                                                                                  ئۈمىد.»
مەن بۇنداق خەتلەرنى تۇنجى قېتىم قۇبۇل قىلىشىم بولسىمۇ،لىكىن ماڭا ھېچقانداق تەكەللۇپسىز يىزىلغاندەك بىلىندى.مانا ئۇ ئۈمىد.ئارتۇقچە تەكەللۇپنىمۇ ياقتۇرمايدۇ.تۇنجى قېتىم باشقىلار تەرىپىدىن بۇنچە تولۇق چۈشىنلىشىم ئىدى.قارىغاندا مەدىنەنىڭ دېگەنلىرى راستنلا بىر-بىرلەپ ئالدىمغا كەلگەندەك قىلاتتى.ھەممە نەرسىنى ئورنىغا قايتۇرۇپ ئۈمىد بىلەن تۇنۇشقاندىن تارتىپ تاكى ھازىرغىچە بولغان بارلىق جەريانلارنى بىر-بىرلەپ ئويلاپ چىقتىم.ھەممىسىدە ئۇ شۇ بىرلا خىل مىجەزى بىلەن ئايان بولدى.مەن ئەسلىيەلىگەن كۆرۈنۈشلەرنىڭ ھەممىسىدە ئۇ شۇ ئدستايىدىللىقى بىلەن ئەسلەپ ئۆتۈلدى.ئەستايىدىل ئويلاندىم.مەن مانا مۇشۇ كۈننى كۈتكەن،ئۇنىڭ ئېغىز ئېچىپ قېلىشىنى تىلىگەن.بۈگۈن ھەممە ئىشلار بولىۋىدى،ئەمدى نىمىگە تارتىشىمەن؟تىلەيسەن،تەلمۈرىسەن،ئالدىڭغا كەلسە يەنە تارتىشىسەن.بۇ ھەممە ئادەملەردىكى ئوخشاش ھادىسە.
      ئەگەر ئۇنىڭ قايتا ئېغىز ئىچىشىنى ساقلايمەن دېسەم ئۇ ھەرگىز قايتا بۇ سۆزنى دىمەيدۇ.خەتنى ئۆز پېتى ئۇنىڭغا قايتۇرسام بىز يەنە بۇرۇنقى ۋاقىتلارغا قايتىمىز.ئەگەر ھە دەي دىسەم مەندە ھازىر بۇنداق مۇھەببەتكە تەييارلىق يوقتەك تۇيۇلدى.ئۇنىڭ ئۈستىگە ئاپام بىلەن دادامنىڭ ئىشى مەندە يەنىلا بىر قىسىم روھىي غىرىبلىق پەيدا قىلغان ئىدى.يەنە شۇ تاللاش......بېشىم ئاغرىپ كەتتى.ئاخىرى ئاپام سۇنغان بىر پىيالە سۈت بىلەن ئۇخلاشقا تۇتۇندۇم.
       كۈنلەرنىڭ چىللىشى بىلەن مەكتەپكە ماڭىدىغان كۈنمۇ كەلدى.ئاپام مىڭىشتىن بۇرۇن بۇنداق كۆڭۈل ئوزۇقلىرى بىلەن مېنى خۇشال قىلىشقا ئۇرۇنۇپ كۆردى :
---بۇ ئىشلارنى بىلمىگەنگە سال،داداڭ بىلگىنىڭنى ھەرگىز بىلمىسۇن.شۇنداقلا ئۆزۈڭگە بېسىم قىلىپمۇ يۈرمە.ھەرقانداق ئىشنىڭ سەۋەبى بولىدۇ.داداڭ بىلەن ئىككىمىزنىڭ رىسقىمۇ شۇنچىلىك ئوخشايدۇ.بۇنىڭدىن ئاھ ئۇرۇپ يۈرۈشنىڭ ئورنى يوق.مەكتەپتە ئۆزۈڭنى خۇشال تۇت،باشقىلار بەھرىمەن بۇلۇشقا تىگىشلىك بارلىق شاتلىقلاردىن بەھرىمەن بولۇپ ياخشى ياشاۋەر!ھەممىنى چۈشىنىشنى بىل!
     شۇنداق قىلىپ يەنە مەكتەپكە كەلدىم.دادام يەنە بۇرۇنقىدەك مېنى ئورۇنلاشتۇردى،كونا ئادەتلىرىمىز ئۆزگەرمىگەن ئىدى.ئوخشىغان ئۈگرە،لىكىن مېنىڭ سۆزلىرىم ئازلاپ قالغان ئىدى.دادام كۈلۈپ تۇرۇپ:
----نېمە بولدى؟ئەجەپ ياۋاشلاپ كىتىپسەنغۇ؟
----ھېچنىمە.....
شۇنداق قىسقا سۆزلەر بىلەن سۆھبىتىمىزمۇ تامام بولدى.دادام بىزنى بۇ ئىشلارنى قاچانغىچە بىلمەيدۇ دەپ ئويلايدىكىنە؟ئۇ راستتىنلا ئاپامنىڭ قارارىنى شۇنچە تېز قۇبۇل قىلغانمىدۇ؟ئەمىسە نىمىشكە بۇنچە تېز ئاپامنىڭ قارارى بولۇپ قالىدۇ؟يەنە شۇ تېگى چىقماس سوئاللار.....
----بەك چارچاپ كەتكەندەك قىلىسەن.ياتىقىڭغا قايتىپ ئارام ئال!
----سىز نەدە تۇرىسىز،دادا؟بىر يىل بولدى،مەنمۇ سورىمىدىم،سىزمۇ باشلاپ بارمىدىڭىز.
----بۇ.....بۇ....سەل ...ئەپسىز بولغاچقا سېنى باشلاپ بارالمىدىم،قاتناش قۇلايسىز.ئابدۇللا پات ئارىدا بۇ شەھەردە ئوقۇپ قالسا شەھەر مەركىزىدىنرەك ئۆي ئالامىز.
بۇ سوئالنى قانداق سورىغىنىمنى بىلمەيمەن.بەلكىم دادامنىڭ ئىنكاسىنى كۆرۈپ باقاي دەپ ئويلىغاندىمەن.مەن نېمە ئىشلارنى قىلىپ كەتتىم.توۋۋا،ئۇ دادىغۇ؟ئۇ ئاپامدىن ئاجراشقانلىقى ئۈچۈن ماڭا بىرەر سەۋەب بىرىشى كىرەكمىدۇ؟مېنىڭ ئەخمەقلىقىمنى كۆرۈڭ!ئۆزۈمگە كۈلگۈم كەلدى،نېمە ئىشلارنى قىلىپ كەتتىم مەن!دادام بىلەن ئايرىلىپ مەكتەپنىڭ چىرايلىق گۈللۈكلىرىدە يۈرۈپ كەتتىم.مۇھىت ئالماشتى،يېڭى ئوقۇش مەۋسۇمى،مەنمۇ ئۆزۈمنى توغرىلىشىم كىرەك.يېڭى نەتىجىلەرنىڭ مېنى كۈتۈۋاتقانلىقى ئېنىق.ئەنە شۇنداق ئۆزۈمنى بەزلەشلەر بىلەن كۆڭلۈمنى ئانچە-مۇنچە كۆتۈرگەن بولدۇم.ئاستا ياتاق بىناسىنىڭ يۆنىلىشىنى بويلاپ يۈرۈپ كەتتىم.

mikman ھەقىي سالاھىيەتلىك ئەزا

    ئەسەرنىڭ داۋامىنى تىزراق يوللىغايسىز،   بۇنىڭ داۋامىمۇ ياخشى چىكىدۇ، دەپ قارايمىەن.  قۇلىڭىزغا دەت بەرمىگەي ، جاپا-چەكتىڭىز ھارمىغايسىز.

begana

سالام «نامىسىز بۇلاقنى »ناشتىمۇ قىلماي ئوقۇۋەتتىم .يازغۇچە سىز قانچە جاپا تارىتقان بولسىڭىز مەن ئوقۇغۇچە شۇنچە راھەت ھىس قىلدىم .خۇددى يىنىمدا بىر دوستۇم يىقىملىق ئاۋازدا سۆزلەپ بىرىۋاتقاندەكلا...
غەيرەت قىلىڭ .شۇنداق ياخشى تىما تاللاپسىز .

ArislanMemet

      ۋەقەلىكلەر بەك ياخشى ئورۇنلاشتۇرۇلۇپتۇ . ھەم بەك ئىخچام ، ئارتۇقچە تەسۋىرلەر يوق ئىكەن ، ئاتىنىڭ بالىلىرىغا بولغان چوڭقۇر مۇھەببىتى ، ئانىنىڭ پەرزەنتلىرىگە بولغان ئۈنتىنسىز سۆيگۈسى ، ياشلىق ، سۆيگۈ قەسىرىنىڭ ئىشىگى يېڭىلا ئېچىلغان قىزنىڭ ئىچكى ھىس - تۇيغۇلىرى يۇقۇرى ماھارەت بىلەن  تەسۋىرلىنىپتۇ . بۇ ئەسىرىڭىزدىن بەك رازى بولدۇم . ئەسەرنىڭ بەدئىلىكىگە تەسىر يەتكۈزىدىغان ئورۇنسىز بايانلارنىڭ يوقلىقىدىن بەكلا سۆيۈندۈم . نۇرغۇن ئەسەرلەر تەربىيۋى ئۈنۈمنى قوغلىشىپ ، ئەسەرنى يالىڭاچ ( خۇددى جۇڭگۇنىڭ ياپۇنلارغا قارشى ئۇرۇش فىلىملىرىدەك ) بايانلار بىلەن تولدۇرۋېتىپ ، بەدئىلىكىنى يوقۇتۇپ قويدۇ . ھازىرغىچە بېرىلگەن بۆلەكلىرىدە بۇ كەمچىلىك يوق ئىكەن . ئەسەرنى مۇۋەپىقىيەتلىك تاماملىشىڭىزغا تىلەكداشمەن . باشقۇرغۇچى ئاكا - ئىنى ، ھەدە - سىڭللىرىمىز بىر ئاز جاپا چەكسەڭلەرمۇ ، رەتلەپ قويغان بولساڭلار بوپتىكەن . گەرچە تولۇپ يېزىلىپ بولمىغان بولسىمۇ نادىر دەپ باھا بېرىشىڭلارنى ئۈمىد قىلىمەن .

tabassumay

راسلا بەك ياخشى  چىقىۋىتىپتۇ بۇ ئەسىرىڭىز .....
ئۇتۇقلۇق بولىشىنى تىلەيمەن ....

IPARGUL427

ئەسىرىڭىز شۇنداق ياخشى چىقىپتۇ . ھارمىغايسىز.. داۋامىغا تەشنامىز. ئىجادىيىتىڭىزگە ئۇتۇق تىلەيمەن

lovely710 ھەقىي سالاھىيەتلىك ئەزا

           تورداشلارغا يەنە بىر قېتىم ئالىي ئېھتىرام!  نامسىز بۇلاق دېگەن بۇ تېما ئەلكۈيىدىن ئورۇن ئالغان شۇ كۈندىن باشلاپ تاكى ھازىرغىچە ئۈزۈلمەي كېلىۋاتقان ئىنكاسلار مېنىڭ يەنە بىر قېتىم ئىجادىيىتىمگە قىزغىنلىق ئۇرۇقلىرىنى  تەغدىم ئەتتى.ئۇلارنىڭ سۆزلىرى،ئەسەرنىڭ ۋەقەلىكىگە بولغان پەرەزلىرى،باھالىرى مېنى يەنە بىر قېتىم رىغبەتلەندۈردى.كۆپچىلىككە يەنە بىر قېتىم رەھمەت!سىىلەرنىڭمۇ ياقتۇرغانلىقىڭلار مېنىڭ كومپىيۇتىر ئالدىدا مۈكچىيىپ ئولتۇرۇپ خەت باسقان چاغدىكى قوللىرىمنىڭ تېلىشلىرىنى ئۇنتۇلدۇردى،ئەسەر ۋەقەلىكى ئۈچۈن تېزىس تۈزگەن چاغلاردىكى تۈگىمەس خىياللارغا يەنە بىر قېتىم تۈگىمەس مەنبە ئاتا قىلدى.سىلەرگە ئاز-تولا بەدىئىي ئوزۇق ئاتا قىلالىغان بولسام مەن بۇنىڭدىن خۇرسەن!داۋامىنى ياخشى يېزىش ئۈچۈن مەن يەنىلا ھەرىكەتتە!

xabnam1001

ئوماق، نامسز بۇلاقنڭ ئاخىرى قاچان چىقىدۇ ...  ساقلاۋىرىپ كۆزۇم تېشلەي دىدى