نامسىز بۇلاق

uyghurum818

	ئەسسالامۇ ئەلەيكۇم   ياخشىمۇسىز!بۇ ھىكايىنى ئىنتايىن ياخشى يىزىپسىز ،داۋامىنى تەقەززالىق بىلەن كۇتىمەن.

ArislanMemet

	ئاخىرىنى كۈتىۋاتىمەن . ئاخىرىمۇ ياخشى چىقىۋاتىدۇ . كىچىككىنە تەكلىۋىم : بىر ئادەمنىڭ ئۆمىرى باشتىن ئاخىر خوشاللىق بىلەن ئۆتىمىگەندەك ، باشتىن - ئاخىر قايغۇ ئازاپ ئىچىدىلا قالمايدۇ . باشقا تورداشلىرىمىز ئىنكاسىدا تىلغا ئېلىپ ئۆتكەندەك ، ھېكايە ئىچىدىكى قايغۇلۇق ھېكايىدىن مەنمۇ شۇنداق بىئارام بولدۇم . ھېكايىدىكى ئۈمىدنىڭ بېشىغا كەلگەن غەم-قايغۇلار بەكلا كۆپ بولۇپ كەتكەندەك بىلىنىپ كەتتى . مۇمكىن بولسا مۇۋاپىق ھالدا يەڭگىللەتكەن بولسىڭىز . بىر مىسال ئالسام ،  بىر نەچچە ئادەم بىر يەردە تۇرۇپ پاراڭلاشقاندا ماشىنا ھادىسىسى ھەققىدە پاراڭ بولسا ، ھەر كىم ئۆزنىڭ كۆرگەن ، ئاڭلىغانلىرىنى سۆزلەپ ، ئاڭلىغۇچىلاردا ماشىنا بەك خەتەرلىك ئىكەن دىگەن تۇيغۇ پەيدا بولىدۇ . لىكىن پۈتۈن ئۆمىرمىزدە ماشىنا ھادىسىسىگە يولۇقۇپ قېلىش ئىھتىماللىقىمىز بەك تۆۋەن . مەنمۇ ھازىرغىچە ئۆز كۆزۇم بىلەن ئادەم ئۆلۈپ كەتكەن ماشىنا ھادىسىسى كۆرۈپ باقمىدىم . بىر پىرسۇناژغا بەك كۆپ قايغۇ - ئازاپلار يۈكلەپ قويۇلسا ، جاھاندا خوشاللىق يوق ئىكەن دىگەن تۇيغۇغا كېلىپ قالمايلى . ئاخىرىنى قاچان يوللايسىز ؟ ئىشقىلىپ مەن سەۋىرچانلىق بىلەن كۈتىمەن .

lovely710

	ArislanMemet يوللىغان ۋاقتى  2012-5-1 23:36 ئاخىرىنى كۈتىۋاتىمەن . ئاخىرىمۇ ياخشى چىقىۋاتىدۇ . ...      ئەسسالام ئەلەيكۇم!مانا مۇشۇنداق چىن سۆزلەرگە تەشنامەن،سۆزلىرىڭىزدىن خۇرسەن بولدۇم.ئەلۋەتتە مانا مۇشۇنداق ياخشى باھالار بىلەن ئۆزۈمنىڭ ئىجادىيىتىدىكى كەمچىللىكلەرنى تۈگىتىشكە تىرىشىمەن،ئەستايىدىللىقىڭىزغا يەنە بىر نۆۋەت رەھمەت!!!

lovely710

	نامسىز بۇلاق(25)   تەتىلنى شۇنداق مەنىلىك ئۆتكۈزىۋاتىمەن،مانا مەكتەپكە بارغاندىن بۇيان نۇرغۇن نەرسىلەرنى يوقاتقان بولساممۇ لىكىن مەن يەنىلا شۇنداق بىر ھەقىقەتنى بىلىۋالدىم،سەۋرچان بولماق ئىنساننىڭ ئەڭ چوڭ پەزىلەتلىرىنىڭ بىرىكەن،ئادەم ئۈچۈن سەۋرنىڭ كارامىتى چەكسىزكى،شاتلىقلاردىن بىشىڭ كۆككە يەتكەندە ۋەياكى ئازابدىن ئۈنۈڭ ئۆچكەندە بولسۇن ئۇ ھامان ساڭا قەيسەرلىكنى يادلىتىدىكەن،ئەلۋەتتە ئاپامدىن،ئۈمىدتىن ئۆگەنگەن تۇرمۇش ھەقىقەتلىرى بۇ!    تەتىلنىڭ بىر كۈنى ئۆيلەرنى يىغىشتۇرۋېتىپ ئالبۇم قولۇمغا چىقىپ قالدى،ئالبۇمنىڭ مۇقاۋىسىنىڭ ئىچى تەرىپىگە يېزىلغان دادامنىڭ تونۇش پۇچۇركىسى مېنى يەنە بىر قېتىم يىغلاتتى.رەسىملەرنىڭ كۆپىنچىسىدە دادام بىز بىلەن چۈشكەنىكەن،ئەسلىدە ئىنساننىڭ ئەڭ چوڭ بەختلىرىنىڭ بىرى ئاتا-باغرىنىڭ ئۆزىگە كەڭ ئېچىۋىتىلگىنىكەن،شۇ چاغلار ئاددى ئىدى،لىكىن بىز شۇ قەدەر بەختلىك ئىدۇق،شۇ چاغلار نامرات ئىدۇق،لىكىن بىز شاتلىقىمىز بىلەن،بەختىمىز بىلەن پۈتۈن دۇنياغا تېتىغان ئىدۇق،ھالا بۈگۈن پۇللۇق بولدۇق،لىكىن شۇ كۈلكىلەر بىزگە قارىماس بولدى،ئالبۇمنىڭ مەلۇم بېتىدە دادام بىلەن ئاپامنىڭ بىر پارچە رەسىمى بار ئىدى،شۇ رەسىمنى ئېزدەۋىتىپ،بىر پارچە رەسىمنىڭ كەينىگە يېزىلغان مۇنداق بىر قۇر خەت مېنى قانداقتۇر بىر نەرسىنىڭ بىشارىتىگە سۆرىگەندەك قىلدى.«مەن ئىرىشتىممۇ ۋەياكى يوقاتتىم؟»بۇ يەنىلا دادامنىڭ پۇچۇركىسى ئىدى،شۇ چاغدا دادامنىڭ ماڭا تېلفون ئېلىپ بېرىش ئۈچۈن بازارغا بارغان چاغدىكى شۇ كۆرۈنۈش،گەپ-سۆزلەر خىيالىمدىن كەچتى،«خاسىيەت»دىگەن كىم بولغىيدى،مەن دادام بىلەن ئىككى قېتىم مانا بۇ ئىسىمنى ئاڭلىدىم.ئەجەبا شۇ كۈنكى ئايال خاسىيەت شۇ بولمىسۇن؟تونۇشلىرىنىڭ بىلگىنىگە قارىغاندا دادام بۇ ئايال بىلەن خېلى بۇرۇنلا تونۇشىدىكەندە،ئۇنداقتا ئۇلارنىڭ ئوتتۇرىسىدا قانداق مۇناسىۋەت باردۇ؟؟؟بۇلار ماڭا تاپشۇرۇق بولدى.دادامنىڭ بۇ مەھەللىدە بىرمۇ ئۇرۇق-تۇققىنىڭ بولماسلىقى،ئاددى بىر دېھقان بولۇشىغا قارىماي شۇنچە بىلىملىك بولۇشى مېنى تېخىمۇ قىينىدى،ئاپامدىن سوراپ باقاي!ئاپام يەنە بىر ئۆيدە تىككۈچىلىك قىلىۋاتقان ئىكەن. -----ئاپا،سورايدىغان گېپىم بار ئىدى....... ئاپام بېشىنىمۇ كۆتۈرمەي «سوراۋەرگىن»دېدى،مەن تولىمۇ تەستە غەيرەتلىنىپ ئاپامغا: -----دادام بۇ يەرگە باشقا يەردىن كەلگەنمۇ ياكى.....؟ ئاپام ماڭا چەكچىيىپ تۇرۇپ قالدى.شۇنداقتىمۇ ئۆزىنى تېزلا ئوڭشاشقا ئۇرۇندى.تېخى كۈلۈمسىرەپمۇ ئۈلگۈردى. -----شۇنداق،داداڭ بۇ يەرلىك ئەمەس ئىدى.ئەمدى باشقا گەپنى سورىما! ئۇ يەنە ئۆزىنىڭ ئىشىغا مەشغۇل بولدى.دىمەك مېنىڭ بۇنىڭدىن كۆپرەك ئىشلارنى بىلىشىمنى خالىمايدۇ،مېنىڭ ئويلىغانلىرىم ئۇنىڭغا بىر-بىرلەپ ئايان ئىدى،مانا بۇ مېنىڭ ئاپام.سورىساممۇ دىمەيدۇ،ئامال قانچە؟؟يەنە نۇرغۇن سوئاللار جاۋابسىز قالدى،بۇ ئىشلاردىن يەنە بىر نۆۋەت ئۇلۇغ-كىچىك تىندىم.   ئۈمىدتىنمۇ خۇشخەۋەرلەر كېلىۋاتىدۇ،ئۇنىڭ بۇ قېتىمقى پىراكتىدا ئىپادىسى ياخشى بولغاچ ئۇنى مەكتەپتە ئاسپىرانتلىققا كۆرسىتىپمۇ بوپتۇ،بۇنداق بولغاندا ئۇ ئاسپىرانتلىق ئوقۇشى پۈتكەندىن كېيىن مەكتەپتە ئوقۇتقۇچىلىققا ئېلىنىپ قىلىناتتى،ئۇنىڭ خۇشاللىقى ماڭا ئايان،شۇ تاپتا قىن-قىنىغا پاتماي قالغاندۇ؟ئاتا-ئانىسى يادىغا يېتىپ يىغلاپمۇ سالغاندۇ؟ئۆزى ئۈچۈن ئاز بولمىغان بەدەللەرنى تۆلىگەن شۇ مىھرىبان ئۇستازىغا بۇ خۇشاللىقلىرىنى يەتكۈزۈپ ئۇنىمۇ جاھان شاتلىقلىرىغا مەستانە قىلغاندۇ؟ئەلۋەتتە ئۇنىڭ ئۈچۈن خۇش بولدۇم.شاتلاندىم.ئۇ ئاستا-ئاستا مېنىڭ تالىشىمنىڭ تولىمۇ توغرا ئىكەنلىكىنى بىر-بىرلەپ ئەسكەرتىپ تۇراتتى.    شۇنداق قىلىپ مەنمۇ يەنە بىر ئوقۇش مەۋسۈمىنى كۈتۈۋالدىم.يېڭىچە ھاياتنىڭ ھەربىر تاللاشلىرى يەنىلا مەندە،يېڭىچە تاللاش بىلەن مەن يەنە بىر قېتىم ئۆزۈمنىڭ يېڭى ھايات يولۇمغا پاياندازلار سالىمەن.ھەش-پەش دىگۈچە ئالىي مەكتەپنىڭ مانا تۆتىنجى مەۋسۈمى بولدى،ۋاقىتنىڭ رەھىمسىزلىكى بىلەن تاۋلاندىم،نۇرغۇن نەرسىلەرنى ئۆگەندىم.ئۆزۈمنى تولىمۇ قەيسەر ھېس قىلاتتىم،لىكىن مەن ئۇچرىغان جاھان قىسمەتلىرىنىڭ ئالدىدا مېنىڭ بۇ قەيسەرلىكىم ئۈنۈم ھاسىل قىلالمىدى،مەن يەنە بىر قېتىم قەيسەرلىك دەرسىنى تاماملىدىم.

lovely710

	نامسىز بۇلاق(26)   يېڭى ئوقۇش مەۋسۈمىدىكى ئەڭ خۇشاللىق ئىشلارنىڭ بىرى مېنىڭ يەنە بىر قېتىم سىنىپ بويىچە بىرىنجى بولغانلىقىم بولدى.بۇ مەۋسۇمدىكى تۇىجى قېتىملىق سىنىپ يىغىنىدا مەن تېخى سىنىپىمىزنىڭ ئۆگىنىش باشلىقى بولۇپمۇ ئۈلگۈردۈم،بۇ شاتلىقلارغا پۈتۈن يېقىنلىرىم ھەمدەم بولدى.ئاپام،سىڭلىم،ئىنىم  شۇنداقلا ئۈمىدمۇ بار،ئاپام تىرىشچانلىقلىرىمدىن تەسىرلىنىپ يىغلاپمۇ كەتتى،سىڭلىم تېخىمۇ ياخشى ئوقۇشقا بەل باغلىدى،ئىنىم ئالىي مەكتەپنىڭ رەڭگارەڭ ھايات ئىكەنلىكىنى تونۇپ يەتكەندەك قىلاتتى،شۇنداق،مانا مۇشۇنداق ئالىي مەكتەپكە بولغان تۇنجى توغرا بايقاش بولغاندىلا ئاندىن شۇ ھايات ئۈچۈن كۈرەش قىلىش ئىدىيىسى بولىدۇ،ئىنىمنىڭ تېخىمۇ ياخشى ئالىي مەكتەپلەرگە ئۆتۈپ كېتىشىنى تىلەيمەن.      ئۈرۈمچىنىڭ ئۇزۇن قىشلىرىغا خۇش ئېيتىپ تولىمۇ

lovely710

	ئۈرۈمچىنىڭ ئۇزۇن قىشلىرىغا خۇش ئېيتىپ تولىمۇ چىرايلىق باھار ئايلىرىنى كۈتىۋالدۇق،بۇ باھار بىلەن ئۆزۈمنىڭ ھاياتىغىمۇ يېڭى بىر باھار تىلەيتتىم،دادامنىڭ بىزگە بەرگەن شۇ تۈگىمەس سوئاللىرىغا بىر جاۋاب تېپىشنى تىلەيتتىم،دادامنىڭ بىزدىن يۇشۇرغىنى بەلكىم تولىمۇ ئۇزۇن ،تولىمۇ قىزىقارلىق ھىكايىدۇ ۋەياكى ئۆزىنى،ئۆزگىلەرنى ئازابلىماسلىق ئۈچۈن دېمەسلىككە قەسەم ئىچكەن شۇنداق بىر سىردۇر.مەيلى قانداق بولسۇن بۇنىمۇ بىر كۈنى بىلەرمەن؟       كۈنلەر ئۆزى بىلەن ئاۋارە.ئۇنىڭ ساڭا ئاتا قىلغىنى شاتلىق ۋەياكى ئازاب،ساڭا ئۆگەتكەنلىرى تۇرمۇشنىڭ ئاچچىق ساۋاقلىرى،شۇنىڭدىن سەن ئۆزۈڭنى تونۇيسەن،ئۆزۈڭنى تونۇش ئۈچۈن ھەرىكەت قىلىسەن،مانا مۇشۇنداق دەلىللەر بىلەن بىز ھاياتنى ئۇلۇغ دەيمىز.ئۈمىد راستتىنلا مېنى ھەيران قالدۇردى،ھەيران قالدۇرغىنى ماڭا  بۇنداق بەختنىڭ ھىدىنى ھىدلاتقىنى بولدى،توغرا بولغان مەقسەت بىلەن بىريەرگە جەم بولدۇق،مانا بۈگۈن يەنە بىز ئەنە شۇنداق تېخىمۇ ئۇلۇغ بولغان مەقسەتلەر ئۈچۈن كۈرەش قىلىۋاتىمىز،مانا بۇ مەن ھېس قىلغان مۇھەببەتتىن ماڭا ئاتا قىلىنغان بەخت.بەختلىك كۈنلەرنىڭ بىرىدە،مەن دۇختۇرخانىغا باردىم.دۇختۇرخانىنىڭ تونۇش ئىشىكلىرىدە مەن يەنىلا مەن ئۈچۈن ئەڭ چوڭ يۆلەنچۈك بولغان دادامنى ئۇچراتتىم.بۇ قېتىم ئۇنى قولتۇقلىۋالغىنى ھېلىقى ئايال بولماستىن بەلكى ياش جەھەتتە مەندىن ئازراق چوڭ بولغان بىر قىز بولدى،مەن يەنە بىر قېتىم پۇچىلاندىم،ئازابتىن نېمە قىلارىمنى بىلمىدىم،پەقەت دادامنىڭ مەندىن يىراقلاۋاتقان شۇ قامىتىنىڭ مېنى يەنە بىر قانداقتۇر مەۋھۈملۇق ئىچىگە تاشلاۋاتقاندەك ھېس قىلدىم.    دۇختۇرخانىنىڭ يېشىللىقتىن ئاجايىبب چىرايلىقلاشقان باغچىسىدا ئولتۇرۇپ يەنە دادامنى خىيال قىلدىم.يىغلايمەن،يەنە كۆزلىرىمنى سۈرتىمەن.ئۇنى توغرا چۈشىنىشكە ئۆزۈمنى تىنماي چاقىرىمەن،يەنە ئالدانغان قەلبىم بىلەن يىغلايمەن.مانا بۇخىل كەيپىىيات بىلەن قانچىلىك ئولتۇردۇم،بىر چاغلاردا ئۈمىدنىڭ ھەيرانلىق چىقىپ تۇرغان كۆزلىرى بىلەن ئويغاندىم.كۆز ياشلىرىمنى سۈرتۈشكە ئامال قىلدىم،لىكىن...... ------نېمە بولدى؟ ------ھېچ.......نېمە..... ------ياق،بۇ مەن ئاڭلاشنى خالىمايدىغان جاۋاب،قانداق ئىش بولسا دەڭ،بىللە ھەل قىلىمىز!ئۆزىڭىزنى بۇنداق ئازابلاشنىڭ ھېچقانداق ئورنى يوق.قېنى بەلكىم بىرەر چارىسى تېپىلىپ قالار! ئىككىلىنىش،روھىمدىكى تالاش-تارتىش.......ئاخىرى پۈتۈن ئىشلاردىن ئۇنى خەۋەردار قىلدىم.ئۇ ھەيران بولمىدى،ماڭا ئارتۇقچە يولمۇ كۆرسەتمىدى،پەقەت دادامدىن ئاغرىنماسلىقنى تەكىتلىدى،ئۇنىڭچە بولغاندا دادام مەلۇم سەۋەب بىلەن مۇشۇنداق قىلغان ئىدى.ئۇنىڭ سۆزلىرىگە ئارتۇق جاۋاب قايتۇرمىدىم،بەلكىم سۆزلىرىنىڭ بەلگىلىك  ئاساسى باردۇر!قىسقىغىنە سۆھبەتلەردىن كېيىن بىز داۋاملىق يوقلاپ تۇرىدىغان تاماقخانىغا بېرىپ بىللە تاماقلاندۇق.تاماقتىن كېيىن ئاپىرىپ قوياي دىگەنلىرىگە قارىماي ئۆزۈم مەكتەپكە قايتىپ كەلدىم.       يل بويى ئۈمىدنىڭ سۆزلىرىنى ئويلىدىم.«دادىدىن رەنجىش ياخشى ئىش ئەمەس.ئۇنى بىر نەچچە قېتىم دۇختۇرخانىغا كەلدى،دەيسىز!بىرەر قېتىم تېلفون قىلىپ نېمە بولغانلىقىنى سوراپمۇ قۇيماپسىز!دادىڭىزنى شۇنداق ياخشى كۆرىسىز،لىكىن نېمىشقا بۇ ئىشلارنى سوراپ باقمايسىز؟بەلكىم ئۆزىگە چۇشلۇق سەۋەبى باردۇر؟سىزنىڭ قارارىڭىز باشقىلارنىڭ قارارى ،روھىي دۇنياسى بولالمايدۇ،ئۇ پەقەت سىزنىڭ قارىشىڭىز.......»شۇنداق ئويلارنى ئويلاپ مەكتەپكە كىلىۋالدىم.ياتاققا  كېرىپ كارىۋىتىمدا ئولتۇرۇپ دادامغا تېلفون قىلدىم: -----دادا،ياخشى تۇردىڭىزمۇ؟ -----ياخشى،ئۆزۈڭچۈ؟ئوقۇشلىرىڭ ياخشى؟ ------ ياخشى،ئۆيدىكىلەرمۇ ياخشى قالدى.دادا،يېقىندىن بىرى مەكتەپكە كەلمىدىڭىزغۇ؟ ------بۇ........دەل شۇ چاغدا قارشى تەرەپتىن بىرىنىڭ «دورىڭىزنى ۋاقتىدا ئېچىۋىلىڭ»دىگىنى بولدى،دادام ئاڭغىچە ئۆزىنى ئوڭشاپ : -----شۇ ئالدىراش بالام.ۋاقتىم چىقسا چۇقۇم بارىمەن،پۇلۇڭ بارمۇ؟پەسىلمۇ ئالماشتى،ئەتە دەم ئىلىش بولسا بىر نەچچە قۇر يېڭى كىيىم سىتىۋال!مەن كارتاڭغا پۇل سېلىپ قۇيغان، ئالدىڭمۇ؟ -----ماقۇل.دادا!سالامەتلىكىڭىز......... دادام گېپىمنى تارتىۋالدى. -----ياق،مەن دىگەن سېنىڭ داداڭ،قانداقمۇ ئاغرىپ قالىمەن؟ھېچ ئش يوق.سەن ياخشى ئوقۇغىن،ئابدۇللامۇ چۇقۇم ياخشى مەكتەپكە ئۆتۈپ كېتىدۇ. دادام بىلەن مېنىڭ سۆھبەت تېمىمىز يەنىلا ئۆزگىرىپ كەتتى،بىر چاغدا خۇش ئېيتىپ تېلفونلارنى قۇيۇشتۇق.ئۈمىدنىڭ دىگىنى توغرا بولدى.دادامغا راستىنلا مۇھتاج ئىدىم.دادام بىلەن مۇڭداشسام مانا شۇنداق شادىمان بولۇپ كىتىمەن.دادام ياخشى ئادەم.بەلكىم بۇنىڭمۇ ئۆز سەۋەبى باردۇر،بەلكىم ئاپامنىڭ دېگىنىدەك «ئارىدىن ئۇزۇن يىللار ئۆتكەندە ئۇلار ئاندىن بىر-بىرگە ماس كەلمەيدىغانلىقىنى ھېس قىلغاندۇ؟»ئەسلىدە ئۇلارمۇ ئۆزلىرى ئۈچۈن ياشاش ھوقۇقى باركەن،بىزنى بۇ دۇنياغا كەلتۈرگىنى بىزگە كۆرسەتكەن ئەڭ چوڭ شاپائىتىكەن.بىر ئۆمۈر بىزنى دەپلا ياشىشى كىرەكمىدى؟بوپتۇ،ئۇلارنىڭمۇ تاللاش ھۇقۇقى بار.ئەنە شۇنىڭدىن باشلاپ مەن ئۆزۈمنى بۇنداق ئازابلاردىن قۇتۇلدۇرۇشقا تىرىشتىم.

lovely710

	نامسىز بۇلاق(27)         دادام بىلەن پات-پات تېلفونلىشىپ تۇردۇم،ئۇنىڭ بەزىدە سۆزلىشىشىكىمۇ مادارى قالمىغاندەك قىلاتتى،يەنە بەزىدە ئەسلىگە قايتىپ مېنىڭ بىلەن بۇرۇنقى چاغلاردىكىدەك پاراڭلىشىپ كىتەتتى.دادام شۇنداق قىلىپ ياكى مەۋسۈمنىڭ يېرىمىغىچە مەكتەپكە كىلىپمۇ قويمىدى.بىر كۈنى ئۈمىدنى ئىزدەپ دۇختۇرخانىغا كەلسەم ئۈمىد باش چۆكۈرۈپ كىسەللەرنىڭ ئارخىپلىرىنى رەتلەۋىتىپتۇ،ئۇنى بىردەم ساقلاپ تۇردۇم.بىردەمدىن كىيىن ئۈمىد : ----بەك كۆپكەن،كېلىڭ،ماڭا ياردەملىشىڭ!تېزراق تۈگىتىپ تاماققا چىقايلى--دىدى. رەتلىشىۋاتىمەن،بىر كېسەل ئارخىپىنى ئېلىپ شۇنداق ئىچىشىمغا تونۇش ئىسىم«ئەخمەت قۇربان»،ئۆزۈمنى شۇنداق غەيرەتلىك بولۇشقا چاقىردىم،بۇنىڭ مېنىڭ دادام بولماسلىقىنى تىلىدىم.كېسەللىك ئەھۋالى «جىگەر قېتىشىش».بېشىمدا تاغمۇ بىلمىدىم،ئۈمىد نېمە بولدى ،دەپ قايتا -قايتا سورىدى،مەن يەنە بىر قېتىم سەزگۈلىرىمنى يوقاتتىم،دادامنىڭ مەندىن شۇنچە قاچقىنى بىكار ئەمەسكەندە،ئۆزىنى ئالدىراش دەپ مېنىڭ بۇ ئىشلارنى بىلىشىمنى خالىماپتۇ،شۇنداق پۇچىلاندىم.دادامدىن شۇنداق ئاغرىنىپ يۈرگەنلىكىمگە ئۆزۈمنى كەچۈرمىدىم.دەرھال دادامغا تېلفون قىلدىم،لىكىن ئېتىك بولۇپ چىقتى،شۇ ھامان ئېسىمگە مېنىڭ پۇتۇم چىقىپ كەتكەندە دادام ئېلىپ كەلگەن دۇختۇر ئەركىن تاغام ئېسىمگە كەلدى.ئۇمۇ مۇشۇ دۇختۇرخانىدا ئىشلەيتتى،ئۈمىدنى قانداق تاشلاپ قويغىنىم ئېسىمدە يوق،ئەركىن تاغامنىڭ ئىشخانىسىغا كىرسەم ئۇ كېسەل كۆرۈۋاتقان ئىكەن،بىر ئازدىن كېيىن ئۇنىڭغا پۈتۈن ئىشلارنى دىدىم،ئۇ دادامنىڭ ھازىر تۇرۋاتقان جايىنىڭ ئادرىسىنى بىلىدىكەن،ئۇنىڭدىن ئادرىسنى ئالدىمدە،يۈگۈردۈم،ئەركىن تاغامنىڭ دەپ بەرگىنى بويىچە تېزلا ئۇ يەرنى تاپتىم.قارىغاندا بۇ شارائىتى ياخشىدەك ئائىلىكلەر قۇرۇسى ئىدى.مەن ئەركىن تاغامنىڭ قۇلۇمغا تۇتقۇزۇپ قۇيغان كىچىككىنە قەغەز پارچىسىدىن دادامنىڭ تۇرار جايىنى ئىزلەۋاتىمەن،ئادەتتە كۆزگە ئىلىنمايدىغان مۇشۇ قەغەز پارچىسىغا تۈمەن نالە قىلىۋاتىمەن.مانا شۇ ئۆينىڭ قوش قۇلۇپلانغان ئىشىكى ئالدىدا تۇرۋاتىمەن.ئىشىك قوڭغۇرىقىنى ئاۋايلاپ باستىم.     ئىشىك ئالدىكى قىزچاق!تېخى مەن بىر نەچچە كۈن ئىلگىرىلا مەن دادام بىلەن كۆرگەن قىز ئىدى.ئاچچىقىم كەلدى.لىكىن مەن ئۇنى ئەمەس دادام ئۈچۈن كەلگەن ئىدىم.لەۋلىرىمنى چىشلىدىم.توۋۋا،ئالدىنقى كۈنى كۆرگەن مەن «خاسىيەت»دەپ پەرەز قىلغان ئايالمۇ چىقىپ مېنى ئۆيگە تەكلىپ قىلدى،ئاچچىقنىڭ ئورنىنى ئەمدى ھەيرانلىق ئالدى.تەئەججۈپ بىلەن مەن كېلىشنى تولىمۇ ئارزۇ قىلغان شۇ ئۆيگە قەدەم باستىم،ئۆي ھەقىقەتەن چىرايلىق ئىدى.تولىمۇ چوڭ بولۇپ دادام ئۆيلەرنى بىرىدە تېخى يېڭىلا ئۇيقۇغا كەتكەنىكەن.چوڭ ياسداق مىھمانخانىغا تەكلىپ قىلىندىم.ھېلىقى قىزمۇ مېنى ئولتۇرۇشقا تەكلىپ قىلدى،مەن قۇرۇنۇپ قالدىم،شۇ تاپتا ئۇ ئايال چاي دەملەپ ئەچىقتى.چاي تارتىلىپ بولۇنغاندىن كېيىن ئۇ ئايال يىقىملىققىنە كۈلۈپ سۆز باشلىدى: ----ئىسمىم خاسىيەت،سىزنى بىلىمەن.ئەخمەت رەسىملىرىڭلارنى يېنىدىن ئايرىمايدۇ.شۇنىڭدىن ھەممىڭلارنى تونۇپ بولدۇق،بۇ قىزىم--نادىرە. ----دادام بىزگە دىمەپتۇ،شۇنداق ئەنسىرەپ شۇ! ----سىلەرنى بەكلا ئويلايدۇ.سىلەرنى ئەنسىرەيدۇ،دىققىتى چېچىلىدۇ دەپ دېمىدى. ----شۇنداقتىمۇ....... ----تېخى يېقىندىلا شاڭخەيگە بىرىپ كەلدۇق،كەلگىلى تېخى ئۈچ كۈن بولدى.دادىڭىزنىڭ ياخشى بولۇپ كېتىشىنى تىلىمەكتىن باشقا چارە يوق. بىز مانا مۇشۇنداق پاراڭلار بىلەن دادامنىڭ ئويغىنىشىنى كۈتتۈق.خاسىيەت ھەدە شۇنداق ئېسىل ئايالكەنكى،ئۇنى دادامنى ئازدۇردى،بىزنى يېتىم قىلدى دىگىم كەلمىدى،قىزىمۇ شۇنداق تەربىيە كۆرگەن،مەن بىلىدىغان مەركىزىي شەھەر ئۈرۈمچىنىڭ ھاكاۋۇر قىزلىرىغا ھەرگىز ئوخشىمايتتى،ئىشقىلىپ دادامدىن رەنجىشلىرىم تۈگىدى،ھەتتا ئاپامنىڭ شۇنچە ئېسىل ئاياللىقىنى بىلىپ يەتكەن بۇ ئايالنى يەنە قانداقمۇ تىللاشقا،ئورۇنسىز رەنجىشكە ئەمدى مەندە ئىمكان يوق ئىدى.    دادام ئويغان ئىدى،مېنى كۆرۈپ شۇ قەدەر ھەيران بولدى،لەۋلىرى تىترەپ قويۇق بۇرۇتلىرى تىترەپ كەتتى،مەنمۇ شۇنداق يىغلىدىم.شۇ يىغلىشىمدا دادامغا بولغان گۇمانلىرىم،دادامغا بولغان قوپاللىقلىرىمدىن كەچۈرۈم سورايتتىم،دادامدىن مېنى كەچۈرۈڭ دەپ نىدا قىلاتتىم،دادامنىڭ كەڭ يەلكىلىرىگە چىڭ ئىسىلاتتىم،بۇ خىل كەچۈرۈم دادامدىن ئايرىلىش ئازابى بىلەن قۇشۇلۇپ مېنى شۇنداق قىينايتتى،مېنى توختىتىش ئۈچۈن خاسىيەت ئاچاممۇ ھەرىكەت قىلدى،ئۇ باشلىرىمنى سىلاپ مېنىڭ توختىشىمنى ئەسكەرتەتتى،بىر چاغدا مەن يىغىدىن توختىدىم،چىلان رەڭلىك خۇرۇم كىرىسلودا ئولتۇرۇپ دادامنىڭ بوينىغا گىرە سالدىم.داداممۇ مېنىڭ چاچلىرىمنى قانماي ھىدلايتتى،ئۇنىڭمۇ ئىسەدەۋاتقىنى ئايان ئىدى.خاسىيەت ھەدىنىڭ تاتلىق كۈلكىسى بىلەن بىز ئىككىلىمىز يىغىدىن توختىدۇق.خاسىيەت ھەدىنىڭ ئوخشىتىپ ئەتكەن لەغمىنىدىن كېيىن مەن ئېغىر قەدەملەر بىلەن مەكتەپكە يۈرۈپ كەتتىم.

lovely710

	نامسىز بۇلاق(28)    ئەنە شۇ كۈندىن باشلاپ مەن جىگەر قېتىشىشقا ئائىت بارلىق ماتىرىياللارنى ئىزدىدىم.تورلارنى ئاختۇردۇم.مەكتىپىمىزنىڭ كۈتۈپخانىسىدىكى ئائىت بارلىق ماتىرىياللارنى كۆرۈپ چىقتىم.ئەمەلىيەتتە دادامنىڭ يەنە قانچىلىك ئۆمۈر كۆرىدىغانلىقىنى بىلىش ئىدى،ئەگەر مۇناسىۋەتلىك دۇختۇرلاردىن بىلسەم تېخىمۇ تۈگىشىپ كىتىمەن،ئۇندىن ئۆزۈم ئىزدەپ باقاي!پۈتۈن ھەممىنى كۆرۈپ بولۇپ ئاخىرى ئۈمىدتىن ئاستاغىنە سورىدىم: ----جىگەر قېتىشىش  ......قانچىلىك ئۆمۈر كۆرەلەيدۇ؟ ----بۇ....... ئۈمىد قولۇمنى چىڭ تۇتتى،ئۇنىڭ ماڭا مەدەت بەرمەكچى بولغانلىقى ئېنىق ئىدى. ----مەنمۇ بىلدىم....دادىڭىز ياشايدۇ تېخى.....ئىككىمىزنىڭ تويىنى كۆرىدۇ،نەۋرىلىرىنى ئوينىتىدۇ..... مەن ئىسەدەپ يىغلىدىم.ئۈمىد كۆز ياشلىرىمنى سۈرتۈپ مېنى باغرىغا چىڭ باستى.       شۇندىن كېيىن دادامنىڭ كېسەللىك ئەھۋالىغا ئائىت ھېچقانداق نەرسىنى بىلىشنى خالىمىدىم.خۇددى ئۈمىد دىگەندەك ياراتقۇچىدىن ئۇنىڭغا ئۆمۈر تىلىدىم،بىكار بولغان چاغلاردا دادامنىڭ يېنىغا بىرىپ ئۇنىڭ بىلەن مۇڭدىشىمەن،چاقلىق ئورۇندۇق بىلەن  كوچىلارنى ئايلىنىمىز.تاماق يەيمىز،كىنو كۆرىمىز،تېخى ئاسانراق قىزىقارلىق تور ئويۇنلىرىنى ئويناپ قۇيىمىز!دادامنىڭ كەيپىياتى كۆتۈرۈلۈپ قالدى،خاسىيەت ھەدىنىڭ ئوخشىتىپ ئەتكەن تاماقلىرى بىلەن مەن قايتىدىن ئاپامنى ئەسلەيمەن.ئاپامغا تېخى دىمىدىم،لىكىن چۇقۇم دەيمەن.ئابدۇللانىڭ ئىمتىھانىغا ئاز قالدى،شۇ ئىمتىھاننى بىرىپ بولسۇن،ئاندىن دەي!دادامغا ئۆمۈر بەرگىن،ئاللاھ!!دادامنىڭ كۈلكىدىن شاتلانغان چىرايىغا قاراپ مەن شۇنداق تىلاۋەت قىلىمەن،پۈتۈن جىسمىم بىلەن،ۋۇجۇدۇم بىلەن شۇنداق تىلەكلەرنى تىلەيمەن!دادام بۇنداق چاغلاردا مېنىڭ تىلەكلىرىمنى بىلگەندەك ماڭا قاراپ باتۇرلۇق بىلەن كۈلۈپ قويىدۇ.    ئۈمىدتىن رازى بولدۇم.دۇختۇرخانا بىلەن بولغان پۈتۈن ئالاقىلەرگە ئۆزى مەسئۇل بولدى،بىر نەچچە قېتىم دۇختۇرخانىدا يېتىش تەكلىپىنى بەرگەن ئىدى،لىكىن دادام ئۇنىماي تۇرۋالدى،دادام «دۇختۇرخانىدا بەكلا مەيۈسلىنىپ كىتىمەن،پۈتۈن ئادەملارنىڭ ھەممىسى ئاغرىقتەك بىلىنىدىكەن،قەرەللىك داۋالىناي،لىكىن ياتمايمەن»لىكىن يېتىشى كىرەك ئىدى،ئۇنى قايىل قىلىش تەس بولاتتى،ئامال قانچە؟؟قايىل قىلالمىدۇق،ئاخىرى ئۇ ئۆزىنىڭ دىگىنىنى قىلدى.مەنمۇ يەنىلا دادامغا ئۇزۇن ئۆمۈر تىلەيمەن.ئاللاھ شىپالىق بەرسۇن!      ئابدۇللانىڭ ئىمتىھانىمۇ يىقىنلىشىپ قالدى،ئىمتىھانغا بەك ياخشى تەييارلىق قىلدى دەيدۇ،ئۆتۈپ كىتەر ئىنشائاللاھ!ئۆزى كۆزلىگەندەك ئېنژىنىر  بولار!دادام شۇ كۈنلەرنى كۆرەر!ئۆيگە ئارتۇقمۇ تېلفون قىلمىدىم.بۇ خەۋەرنىڭ ئاغزىمدىن چىقىپ كىتىشىدىن قۇرقتۇم،ئاپامنىڭ ئاۋازىنى ئاڭلىساملا مېنى يىغا تۇتۇۋالىدۇ،بولدى،ئابدۇللا ئىمتىھانىنى ياخشى بەرسۇن.خۇدانىڭ بۇيرىغان كۈنى باردۇر!

lovely710

	نامسىز  بۇلاق(29)     ئۆزۈمنىڭ بىر دۇختۇر بولغانلىقىدىن پەخىرلەنگەن مەن مانا ھازىر يەنە دادامنىڭ ئالدىدا ئامالسىز قالدىم،شۇنچە كىچىلەر دادامغا شىپالىق تىلەش بىلەن ئۆتتى،ئۇنىڭ ھەربىر قىتىم كىسەل دەستىدىن ئۆزگىرىپ ،تېخىمۇ سىرىقداپ كەتكەن چىرايىغا قاراپ مەن ئۆزۈمنى ئىقتىدارسىز دەپ ئويلايدىغان بولۇپ قالدىم،دادام غەيرەتلىكلىكىنى  بىزگە تىنماي ئەسكەرتەتتى،سەھەر تۇرغان كۈنلىرى ھېچكىمگە گەپ قىلمايلا ئۆزى ئاستاغىنا سەيلىگە چىقىپ كىتەتتى،مانا مۇشۇنداق چاغلارنى كۆرۈپ قالسام مەن ئۇنىڭغا ھاياتقا نەقەدەر قىيمايۋاتقانلىقىنى ھېس قىلىپ تۇراتتىم،مەن مەكتەپنىڭ ياتىقىدا بولغاچ دادامنىڭ نۇرغۇن چاغلىرىدا ئۇنىڭغا ھەمراھ بولالمىدىم،لىكىن دادامنىڭ ھەر بىر كۆڭۈل تىۋىشلىرى ماڭا ئايان ئىدى.   شۇنداق قىلىپ ئابدۇللانىڭ ئالىي مەكتەپ ئىمتىھانىنى ئوڭۇشلۇق بەرگىنىنى ئاڭلىدۇق،بۇ خەۋەردىن كېيىن مەن ئاپامغا ھەممىنى يەتكۈزدۈم.دادامنىڭ ئەھۋالىنىڭ ھەممىسىنى ئاپامغا تولۇق چۈشەندۈردۈم،ئاپام يەنە بىر قېتىم ئېغىر سۈكۈت قىلدى،شۇ تاپتا مەن ئاپامنىڭ بىردىنبىر يۆلەنچۈكى بولدۇم،شۇ تاپتا مەن يەنە بىر قېتىم ئاپامغا تەسەللىي بولدۇم،دادامنىڭ ئەھۋالىنى بىلىپ ئۈچىنجى كۈنى ئاپام بىز بىلەن ئوخشاش بىر شەھەرنىڭ ھاۋاسىدىن نەپەس ئالدى.      خاسىيەت ھەدىنىڭ قىزغىن كۈتۈۋىلىشى بىلەن ئاپام شۇ ئۆيگە ئورۇنلاشتى،دادام بىلەن ئاپام  بولۇنغان ئىشلارنى چاندۇرماسلىققا تىرىشتى،دادامنىڭ سالامەتلىك ئەھۋالى بىلەن بىز ئۆتكەن ئىشلارغا سالىۋات ئىيتتۇق،شۇنداق قىلىپ ئاپام دادامنىڭ بارلىق ئەھۋاللىرىنى تامامەن چۈشەندى،دادامنىڭ تىبابەت ئىلمى بىلەن يەنە قانچىلىك ئۆمۈر كۆرىدىغانلىقىنى بىلىپمۇ بولدى،لىكىن ئاپام بۇرۇنقىدىنمۇ قەيسەرلىشىپ كەتكەن ئىدىكى،دۇختۇرنىڭ دادام توغرۇلۇق ئىيتقانلىرىغا تازا ئىشەنمەيتتى،بولۇپمۇ يەنە مۇنچىلىك ۋاقتى بار دىگەن سۆزلەرنى ئاڭلىغاندا چىرايى ئۆڭۈپ كىتەتتى،شۇنداق قىلىپ ئاپام كىلىپ بىر ھەپتە بولغاندا ئاپام دادامنى يۇرتىمىزغا ئېلىپ كېتىش قارارىنى ھەممەيلەنگە يەتكۈزدى،خاسىيەت ھەدىنىڭ قانداق قارايدىغانلىقىنى بىلمەيتتۇق،لىكىن ئاپام بىلەن ئۇنىڭ ئوتتۇرىسىدىكى تەبئىي مۇناسىۋەتلەر مېنى ھەيران قالدۇردى،مەنچە بولغاندا بىرى دادامنىڭ ئىلگىرىكى ئايالى،يەنە بىرى ھازىرقى ھەمراھى تۇرسا ؟؟بۇنداق يول قۇيۇشلارنىڭ بولغىنىنى مەن سەل قۇبۇل قىلالمىدىم،لىكىن دادامنىڭ ئەھۋالىنىڭ ياخشى بولماسلىقى ئەڭ مۇھىم ئىشلار بولغاچقا بىز بۇ ئىشلارنى ۋاقتىنچە بىر ياققا قۇيۇپ تۇردۇق،دادام بەكلا ئوڭايسىز ھالەتتە ئىدى.ئۇنىڭ يەر تېگىدىن قاراپ  قۇيۇشلىرى،ئۇلۇغ-كىچك تىنىشلىرىدىن ئانچە-مۇنچە بىشارەتلەر مەلۇم ئىدى،شۇنداقتىمۇ ئاپام بىلەن خاسىيەت ھەدىنىڭ ئىنتايىن ياخشى داۋام ئېتىۋاتقان دىپلوماتىيە مۇناسىۋىتى دادامنى ئانچە-مۇنچە خاتىرجەم قىلغاندەك قىلاتتى،شۇنداق قىلىپ ئاپام ئۈرۈمچىدە ئىككى ھەپتىچە تۇرۇپ قالدى.      دادام دۇختۇرلارنىڭ قايتا-قايتا ھاۋالىسى بىلەن دۇختۇرخانىغا قايتىدىن ئورۇنلاشتى،ئاپام شۇ ئارىدا ئۈمۈت بىلەن بىر نەچچە قېتىم ئۇچرىشىپمۇ قالدى.بۇنداق ئىشلاردا ئانا بەك سەزگۈر بولغاچ ئاپام ھەممە ئىشنىڭ تېگىگە يەتتى،شۇنداق ئۇچرىشىپ قالغان چاغلاردا ئاپام ماڭا مەنىلىك قاراپمۇ قۇياتتى،ئۈمىد بولسا دادىللىق بىلەن دادامنىڭ ئەھۋالىدىن بىزنى ئانچە-مۇنچە خەۋەردار قىلىپ تۇراتتى.    مەكتەپ،دەرس،دۇختۇرخانا،ئاپام ۋە دادام ئوتتۇرىسىدا پالاقلاپ راستىنلا ھېرىپ قالدىم،بۇرۇنقىدىنمۇ قارىداپ ئورۇقلاپ ھارغىنلىقىم تېخىمۇ بىلىندى،ئۈمىد دائىم تېلفون قىلىپ ئۆزۈمگىمۇ كۆڭۈل بۆلۈشنى ئەسكەرتىپ تۇراتتى،دەرسلەرنىڭ تەسلىشىشى،مەۋسۈم ئاخىرىدىكى ئىمتىھانلارنى ياخشى بېرىش ئۈچۈن بىر نەچچە كۈن مەكتەپتە بولۇپ قالدىم.شۇنداق كۈنلەردە ئۈمىد ئالايىتەن مېنى مەكتەپكە ئىزدەپ كەپتۇ،مەكتەپنىڭ شىمالىي تەرەپلىرىگە توغرا كىلىدىغان ئاجايىب چىرايلىق بىر سۈنئىي كۆل بويىدا بىز يەنە بىر قېتىم سۈكۈتىمىز بىلەن كۆلنىڭ جىمجىت سۇ يۈزىنى سۆيۈشلىرىگە ھەمراھ بولدۇق،شوخ شامال ئۆزىنىڭ شوخلۇقلىرىنى تاشلاپ بىزگە مەيىن شاماللىرىنى تەقدىم ئەتتى،كۆلنىڭ تەكتىدىكى ئوماق بىلىجانلار پىلتىڭلاپ بىزگە بەخت تىلەشكە تۇتۇندى،مەن ئۆزۈمنى بەخت قوينىدا بۇنداق تاتلىق ئەللەيلەپ باقمىغىلى خېلى بولغاچ شۇنچە ۋاقىتتىن بېرى تارتقان جاپالار،ھېرىپ-چارچاشلار خېلى يەڭگىللەپ قالدى،ئۈمىد ئېغىر خىيالدىن تېخى باش كۆتۈرەلمەيۋاتاتتى: ----ئۈمىد،نېمە بولدى؟ ----ھېچ---نېمە---- ----تېخىچە بىر خىيال بىلەن تۇرۇپ قالدىڭىز،قانداق ئىش بولسا دەڭە،ئامالى تېپىلار؟! ----رەنا.....---ئۇ بىردىنلا جىددىي ھالەتكە ئۆتتى،مەن ھەيران قالدىم،چۈنكى ئۇنىڭ كەيىييات ئۆزگىرىشى راستىنلا تېز بولۇپ كەتكەن ئىدى،مەن ئۇنىڭ ئاغزىغا قاراپ تۇرۇپ قالدىم.... ----بۇنداق دىسەم ھەرگىز خاتا چۈشەنمەڭ،مەن سىزنى ئىدىيىدە تەييارلىقى بولسۇن دىمەكچى!ئېغىر كىلىدۇ،لىكىن بۇ ھامان بولىدىغان ئىش،دادىڭىزنىڭ ئەھۋالى راستىنلا ئېغىركەن،مەنمۇ تېخى ئۈچ كۈن بۇرۇن يېتەكچى ئوقۇتقۇچىلارنىڭ ئۆزئارا قىلىۋاتقان گېپىدىن ئاڭلاپ قالدىم،سىزگە بۇ گەپلەرنى دېيىش مەجبۇريىتىم بار،ئاپىڭىزغىمۇ توغرا چۈشەندۈرۈڭ،دادىڭىز بىلەن تاتلىق ئەسلىمىلەرنى قالدۇرۇڭ..... مەن يىغلىدىم،دادامدىن ھازىرلا ئايرىلىپ قالىدىغاندەك.خۇددى مەنمۇ دادام بىلەن تەڭ ئۆز مەۋجۇتلۇقۇمنى يوقىتىدىغاندەك ئۆكسۈپ يىغلىدىم،بۇنداق ئازابنى تەسەۋۋۇر قىلىشتىن قۇرققان ئىدىم،لىكىن مانا بۈگۈن ئۈمىدنىڭ يارىدىمى بىلەن تەسەۋۋۇر قىلىپمۇ باقتىم،قارىغاندا دادام راستىنلا ......ئۈمىد قۇلۇمنى چىڭ تۇتۇشلىرى بىلەن ماڭا ئەڭ چوڭ تەسەللىنى بىرىۋاتاتتى،ئۇنىڭ چوڭ ئالقانلىرىدا مەن يەنە شۇنداق كۈچتىن ئوزۇق ئالدىم.شۇنداق رەھىمسىز رېئاللىققا باتۇرلۇق بىلەن يۈزلىنىش تەييارلىقىنى قىلدىم.

begana

	سالام نامسىز بۇلاق ،يازمىللىرىڭىزنى ئوقۇپ ئۆزەمنى پەقەت تۇتۇپ قالالمىدىم .نەچچە ۋاقىتتىن بىرى مۇنبەردە بولالمالماي قالغان بولساممۇ ئاشۇ بۇلاقنىڭ پايانىنى تالاي تەسەۋۇر قىلىپ باققان ئىدىن بىراق بۇنداق بولۇپ كىتىشىنى ئويلىمىغان ئىكەنمەن .شۇنداق تۇنۇش ،شۇنداق ياخشى يىزىلىۋاتىدۇ .نامىسىز بۇلاقنىڭ زەمزەم سۇلىرىغا تەشنا مەن ۋە مەندەك ئوقۇرمەنلىرىمىزنى نائۈمۈت قويمىغايسىز ،