|
شىنجاڭ غەربىي دىيار تاشئالما پۇتبول كوماندىسى بىلەن بېيجىڭ سەنگاۋ كوماندىسى 5-ئاينىڭ 22-كۈنى ئۈرۈمچىدە ئوينىغان مۇسابىقىدە شىنجاڭ كوماندىسى يەنە بىر شانلىق تارىخى رىكورت ياراتتى.ئەلكۈيى تورى مۇسابىقە تولۇق ئەھۋالىنى توردا ئېلان قىلىش بىلەن بىرگە شىنجاڭ كوماندىسىدىكى توپچى ئەزىمەتلەر ،توپ مەستانىلىرى ۋە پۇتبول جەمئىيتىنىڭ رەھبەرلىرى بىلەن سۆھبەت ئېلىپ بېرىپ،تولۇق تەپسىلاتىنى توردا ئېلان قىلدى 
ئەسسالامۇئەلەيكوم، ئەلكۈيى تورىدىكى ئەزىز قېرىنداشلار،ئالدى بىلەن ھەممىڭلارنىڭ تورىمىزنى قوللاپ- قۇۋۋەتلىگىنىگە چىن دىلىمىزدىن رەھمىتىمىزنى بىلدۈرىمىز.قوللاپ قۇۋۋەتلەشنىڭ،ئىلھام مەدەتنىڭ كۈچىنىڭ قۇدرېتىنى يەنىمۇ ھىس قىلدۇرغان شىنجاڭ ئەزىمەتلىرىنىڭ پۇتبول مۇسابىقىسى ھەققىدە خەۋەرنى تورداشلار بىلەن ئورتاقلىشالىغانلىقىمىزدىن ئىنتايىن خۇرسەنمىز.
2012-يىلى باھار 22-كۈنى كۈنى شەنبە چۈشتىن كىيىن ئۈرۈمچى ۋاقتى سائەت ئۈچ بىلەن شىنجاڭ پۇتبولچىلىقى،شىنجاڭ پۇتبول ئەزىمەتلىرى،شىنجاڭ پۇتبول مەستانىلىرى تارىختا يەنە بىر يېڭى رېكورت ياراتتى!بېيجىڭ سەنگاۋ كوماندىسى كۆپ يىللاردىن بۇيان جۇڭگو پۇتبول سەھنىسىى مۇسابىقىسىدىكى سەرخىل قوشۇنلارنىڭ بىرى ھېسابلىناتتى.شىنجاڭ پۇتبول كوماندىسىكى ئەزىمەتلەر 1:2 نەتىجە بىلەن بېيجىڭ سەنگاۋ كوماندىسىنى مەغلۇپ قىلىپ يەنە بىر قېتىم شانلىق تارىخ ياراتتى.
ئالدىنقى مەيدان مۇسابىقىدە ئەلكۈيى تورى شىنجاڭ كوماندىسى ھەققىدە مەخسۇس فىلىم ئىشلەپ شىنجاڭ كوماندىسى تيەنجىن پاراۋۇز كوماندىسى بىلەن بولغان مۇسابىقە ئەمەلىي ئەھۋالىنى خەۋەردار قىلغان ئىدۇق،10كۈن بورۇن دەل مۇشۇ مەيداندا شىنجاڭ پۇتبول كوماندىسى 35 مىڭ توپ مەستانىسىنى جەلپ قىلىپ، جۇڭگو پۇتبول سەھنىسىدە B دەرىجىلىك بىرلەشمە مۇسابىقىسىنىڭ تاماشىبىنلارنىڭ ئادەم سانى ئەڭ يۇقىرى بولۇش تارىخى رېكورتىنى ياراتقان ئىدى، لېكىن بۇ پەقەتلا بىر باشلىنىش بولدى، بۈگۈن بېيجىڭ كوماندىسى بىلەن بولغان مۇسابىقىدە، شىنجاڭ پۇتبول مەستانىلىرىنىڭ پۇتبول قىزغىنلىقى تۆۋەنلەپ قالمىدى. 45 مىڭ ئادەمدىن ئوشۇق بولغان پۇتبول مەستانىلىرى شىنجاڭدا جۇڭگودىكى ئەڭ قايناق پۇتبول مەيدانى بارلىقىدەك ھەقىقەتنى يەنە بىر قېتىم ئۆز ئەمەلىيتى بىلەن ئىسپاتلىدى. ئۈرۈمچىدىكى مۇسابىقىدە شىنجاڭ كوماندىسى يېڭى رېكورت ياراتتى!
90 مىنۇتلۇق كەسكىن مۇسابىقىدە، شىنجاڭ كوماندىسى 2:1 نەتىجە بىلەن بېيجىڭ سەنگاۋ كوماندىسىنى مەغلۇپ قىلىپ، بۇ نەتىجە بىلەن نەق مەيداندىكى 45مىڭدىن ئوشۇق پۇتبول مەستانىسىغا پۈتۈن شىنجاڭدىكى نەچچە ئون مىليون ھەرمىللەت پۇتبول مەستانىلىرىغا جاۋاب بەردى.
تورىمىز مۇسابىقە مەيدانىغا ئالدىن يىتىپ بېرىپ،مۇسابىقىنى نەق مەيداندىن بىۋاستە كۆرۈشكە ئامالسىز قېرىنداشلىرىمىز ۋە بارلىق تور ئەھلى ئۈچۈن مۇسابىقە ئەمەلىي ئەھۋالىنى تولۇق خەۋەردار قىلىش،پۇتبول چولپانلىرىمىز بىلەن تورداشلارنى ئۇچرىتىش،سىرداشتۇرۇش ۋە پۇتبول مەستانىلىرىنىڭ يۈرەك سۆزلىرىنى پۇتبول ئەزىمەتلىرىمىزگە ئاڭلىتىش شۇنداقلا شىنجاڭ پوتبولچىلىقىغا يەنىمۇ ئىلھام مەدەت بىرىش مەقسىتىدە شىنجاڭ كوماندىسى بىلەن بېيجىڭ سەنگاۋ كوماندىسى ئوتتۇرىسىدا ئېلىپ بېرىلغان مۇسابىقە ئەمەلىي ئەھۋالى ۋە مۇسابىقە باش-ئاخىرىدىكى زىيارەتلەرنى سۈرەتكە ئالدۇق.تورداشلارنىڭ مۇسابىقە ھەققىدىكى ئەڭ ياخشى سۈرەتلىك ۋىدىئوغا بولغان ئىھتىياجىنى كۆزدە تۇتۇپ،كىچەنى - كۈندۈزگە ئۇلاپ ئىشلەش ئارقىلىق مۇسابىقە جەريانىدا ئەلكۈيى تورى مەيداندا ئېلىپ بارغان سۆھبەت بىلەن تولۇق مەيدان مۇسابىقىنى بىرلەشتۈرۈپ تورداشلارنىڭ خۇددى نەق مەيداندا مۇسابىقە كۆرىۋاتقان تويغۇغا باشلاپ بېرىش مەقسىتىدە مەزكۇر فىلىمنى ئەڭ تېز سۈرئەتتە تورىمىزدا ئېلان قىلدۇق. ئەلكۈيى تورى بۇ ھەقتە ئىشلىگەن فىلىمنىڭ تولۇق تەپسىلاتى
مەزكۇر فىلىم مۇسابىقە جەريانىغا ھۆرمەت قىلىنىپ ئىشلەندى،فىلىمنى تولۇق كۆرسىڭىز ئالدى بىلەن يېرىم مەيدان مۇسابىقە ئەمەلىي ئەھۋالىنى،ئاندىن دەم ئېلىش ۋاقتىدا پۇتبول مەستانىلىرىنىڭ قانداق كەيپىياتتا بولغانلىقىنى ، كىيىنكى يېرىم مەيدان مۇسابىقە قانداق جىددىي ئېلىپ بېرىلغانلىقى ۋە كوماندىمىزنىڭ غەلبىسىنى نەق مەيداندا ئولتۇرغاندەك كۆرەلەيسىز،مۇسابىقە ئاياغلاشقاندا ئەلۋەتتە ئەلكۈيى تورى مۇخبىرلىرى ئېلىپ بارغان شىنجاڭ كوماندىسىنىڭ تارىخى شان -شەرىپىگە ئائىت زىيارەت ۋە تەھلىللەرنى كۆرەلەيسىز.
ئېنىقلىقى يۇقىرى نۇسخىسى داۋاملىق تورغا يوللىنىۋاتىدۇ..
مۇسابىقىگە مۇناسىۋەتلىك رەسىملەر تورغا يوللىنىۋاتىدۇ...
شىنجاڭ كوماندىسى مۇسابىقە مەيدانىدا بېيجىڭ كوماندىسىغا ھۇجۇم قىلماقتا
شىنجاڭ پۇتبولچىلار جەمئىيتىنىڭ باشلىقى ئابلەت مۇدىر ئەلكۈيى تورىنىڭ زىيارىتىنى قوبۇل قىلىپ شىنجاڭ كوماندىسىنىڭ غەلبىسى ھەققىدە سۆز قىلماقتا
9-نومۇرلۇق چولپانىمىز ئەخمەتجاننىڭ دادىسى ھاياجاندا ئوغلىنى قۇچاقلىماقتا
9-نومۇرلۇق چولپانىمىز ئەخمەتجاننىڭ دادىسى ئوغلىنىڭ مۇسابىقىسىنى كۆرگىلى قەشقەردىن كەلگەن بولۇپ،مۇسابىقىدە شىنجاڭ كوماندىسى غەلبە قىلغاندىن كىيىن ھاياجانلىق تىلەكلىرىنى ئەلكۈيى مۇخبىرىغا بايان قىلماقتا
شىنجاڭ كوماندىسىنىڭ 18-نومۇرلۇق ئەزاسى مەخمۇتجان ئەلكۈيى تورىنىڭ زىيارىتىدە
شىنجاڭ تېلىۋىزىيە ئىستانسىسىنىڭ دۆلەتلىك بىرىنجى دەرىجىلىك رىجىسسورى نىجات نىياز خوجا ئەلكۈيى تورى مۇخبىرىنىڭ بۈگۈنكى مۇسابىقە ئەھۋالى ھەققىدە سورىغان سۇئالىغا تەھلىل قىلىپ جاۋاب بەرمەكتە
پۇتبول مەستانىسى،تونۇلغان رىياسەتچى،شىنجاڭ سىرك ئانسامبىلىنىڭ ئارتىسى مۇھەممەدجان روزى سايىت پۇتبول چولپانلىرىغا كۆڭۈل سۆزىنى بايان قىلماقتا
ياش ناخشىچى ئابلاجان ئاۋۇت ئايۇپ مۇسابىقە نەق مەيدانىدا پۇتبول مەستانىسى سۈپىتىدە پۇتبول چولپانلىرىمىزغا قەلب ئىزھارىنى سۆزلىمەكتە
5-نومۇرلۇق ئوغلانىمىز پەرھات بىر نوقتا توپ بىلەن شىنجاڭ كوماندىسىنى غەلبىگە باشلاپ ماڭدى
45مىڭدىن ئاشقان پۇتبول مەستانىلىرى ئۈرۈمچىدە جۇڭگودىكى ئەڭ كۆپ ئادەم قاتناشقان پۇتبول مۇسابىقىسى رىكورتىنى ياراتتى ۋە ھۇررا توۋلاپ پۇتبولچىلارغا مەدەت بەردى
ئەزىمەتلىرىمىز كىيىنكى يېرىم مەيدان مۇسابىقەگە كىرىش ئۈچۈن مەيدانغا چىقماقتا
45مىڭدىن ئاشقان پۇتبول مەستانىلىرى ئۈرۈمچىدە جۇڭگودىكى ئەڭ كۆپ ئادەم قاتناشقان پۇتبول مۇسابىقىسى رىكورتىنى ياراتتى ۋە ھۇررا توۋلاپ پۇتبولچىلارغا مەدەت بەردى
5-نومۇرلۇق ھۇجۇمچىمىز پەرھات مەيدانغا كىرمەكتە
تورداشلارغا مەلۇم بولغاندەك شىنجاڭ غەربىي دىيار تاشئالما كوماندىسىدىكى ئەزىمەتلىرىمىزنىڭ B دەرىجىلىكلەر مۇسابىقىسىدىكى ئىپادىسى ئالاھىدە ياخشى بولۇپ، ئالدىنقى بەش قېتىملىق بىرلەشمە مۇسابىقىدە، ئۇلار ئۈچ قېتىم يېڭىپ، ئىككى قېتىم تەڭلىشىپ بىر قېتىممۇ مەغلۇپ بولماي، شىمالىي رايوندا ئالدىنقى ئورۇندا تۇرغان. تۆتىنچى قېتىمدىكى تيەنجىن پاراۋۇز كوماندىسى بىلەن بولغان مۇسابىقە، بۇ كوماندىنىڭ تۇنجى قېتىملىق ساھىپىخان مەيدان مۇسابىقىسى بولۇپ، بۇ مەيدان مۇسابىقە 35 مىڭدىن ئارتۇق توپ مەستانىسىنى ئۆزىگە جەلب قىلىپ، جۇڭگو پۇتبول سەھنىسىدە يېڭى رېكورتنى ياراتتى. ئۇ مەيدان مۇسابىقىدە كوماندا ئەزالىرى بەلكىم تاماشىبىنلارنىڭ بېسىمىغا ئۇچراپ، شىنجاڭ كوماندىسى ئاساسىي مەيداندا دەسلەپتىلا غەلبە قازىنالمىدى، لېكىن بۇ شىنجاڭ پۇتبول مەستانىلىرىنىڭ پۇتبولغا بولغان قوللىشىغا ھىچقانداق تەسىر يەتكۈزەلمىدى.ئەلكۈيى تورى باھار 12-كۈنى ئىشلىگەن شىنجاڭ غەربىي يۇرت تاشئالما پۇتبول كوماندىسى بىلەن تيەنجىن پاراۋۇز كوماندىسى ئوينىغان مۇسابىقە ئەھۋالى ھەققىدە ئىشلىگەن نەق مەيدان زىيارىتى بىر ھەپتىگە يەتمىگەن ۋاقىت ئىچىدە نەچچە يۈزمىڭلىغان تورداشلارنىڭ ياقتۇرۇپ كۆرىشىگە ئېرىشكەن ئىدى.
ئالدىنقى ھەپتىنىڭ پەيشەنبە كۈنى مەركىزىي تېلىۋىزىيە ئىستانسىسىنىڭ پۇتبول كېچىسى پروگراممىسىدا، شىنجاڭ كوماندىسىنىڭ تەنتەنىلىك مۇسابىقە ئەھۋالى مەخسۇس قويۇلدى، پۇتبول مەيدانىدىكى قاينام-تاشقىنلىققا تولغان كەيپىيات، ئادەمگە پۇتبولنىڭ سېھرى كۈچىنى ھېس قىلدۇردى، شىنجاڭ كوماندىسى گەرچە ئۇ چاغدا تەڭلىشىپ قالغان بولسىمۇ، شىنجاڭ پۇتبول مەستانىلىرى يەنىلا كوماندا ئەزالىرىنى ئالقىشلاپ، كېيىنكى مەيدان مۇسابىقىگە يەنە كېلىدىغانلىقىنى بىلدۈرۈشتى. ئۇلار ۋەدىسدە تۇردى، شىنجاڭ ساھىپخان مەيداندا بېيجىڭ سەنگاۋ كوماندىسى بىلەن مۇسابىقىگە چۈشكەندە، شىنجاڭ پۇتبول مەستانىلىرى يەنە كەلدى، بۇ قېتىمقى ئادەم سانى ئالدىنقى قېتىمقىدىنمۇ كۆپ بولۇپ 40 مىڭ ئادەمدىن ئېشىپ كەتتى، مەملىكىتىمىزدىكى ئەڭ نوپۇزلۇق كەسپىي ئورۇنلارنىڭ بۇ ھەقدە بىلدۈرىشىچە : بۇنى جۇڭگو پۇتبول B دەرىجىلىكلەر بىرلەشمە مۇسابىقىسىدە كۆرۈلگەن ئەڭ داڭلىق ئىش دەپ قاراشقا بولىدۇ، پۇتبول مەستانىلىرىنىڭ سانى كۆپ قىسىم ئوتتۇرا دەرىجىدىن ھالقىغان ۋە A دەرىجىلىك مۇسابىقىلەردىنمۇ قىزغىن بولدى.
شىئەن قىزىل ياقۇت كوماندىسىدا توپ تىپىدىغان ئۇيغۇر پۇتبولچى يەھيا مۇسابىقە نەق مەيدانىدا بۈگۈنكى مۇسابىقە كۆرۈرمەنى سۈپىتىدە پۇتبولچىلارغا سۆز قىلماقتا
.پۇتبول مەستانىلىرى بۈگۈنكى مۇسابىقە ھەققىدە ھاياجانلىق تىلەكلىرىنى بىلدۈرمەكتە بېيجىڭ سەنگاۋ كوماندىسى كۆپ يىللاردىن بۇيان جۇڭگو پۇتبول سەھنىسىدە ياش-ئۆسمۈرلەر مۇسابىقىسىدىكى سەرخىل قوشۇن بولۇپ، ئالدىنقى ئۈچ مەيدان مۇسابىقىدە شىمالىي رايوندا ئالدىنقى ئورۇندا تۇرۇپ شىنجاڭ كوماندىسى بىلەن تەڭ ھالەتتە تۇرغان تۆتىنجى مەيدان مۇسابىقىدە شىنجاڭ كوماندىسى ئۈستۈنلۈككە ئېرىشكەن ئىدى.بۈگۈنكى مۇسابىقىنىڭ ئالدىنقى يېرىم مەيدانىدا ئۇلار ئاكتىپ ئورۇندا تۇردى، مۇسابىقە باشلىنىپ 30 مىنۇت بولغاندا، بېيجىڭ كوماندىسى 9-نۇمۇرلۇق ئەزاسى چېڭ يۆجى بىر توپ كىرگۈزۈپ، دەسلەپكى مەيداندا ئۈستۈنلۈكنى ئىگەللىدى.
كېينكى يېرىم مەيداندا، شىنجاڭ كوماندىسى تېخىمۇ غەيرەتكە كېلىپ، ئارقا-ئارقىدىن ھۇجۇمغا ئۆتتى.پۈتۈن مەيداندىكى توپ مەستانىلىرى رېتىملىق ھالدا چاۋاك چېلىپ ۋارقىرىدى.شىنجاڭ كوماندىسى توختىماستىن توپ مەستانىلىرىنىڭ ئالقىش سادالىرىغا ئېرىشتى.
جۇڭگودىكى ئەڭ نوپۇزلۇق تاراتقۇلار مۇسابىقە نەق مەيدانىدا خەۋەر ئىشلىمەكتە بۇ مەيدان مۇسابىقە جەريانى بىر ئۆرلەپ بىر پەسىيىپ ئۆزگىرىپ تۇردى، شىنجاڭ كوماندىسى 27 مىنۇت بولغاندا توپ كەتكۈزىۋەتتى، بۇ شىنجاڭ كوماندىسىنى قېيىن ئەھۋالغا چۈشۈرۈپ قويدى. ئوتتۇرا مەيداندا ئارام ئالغاندا، مۇسابىقە مەيدانى توپ مەستانىلىرىنىڭ نۇمۇر كۆرسىتىش سورونىغا ئايلاندى، ئۇلار ھەرخىل ئۇسۇللاردىن پايدىلىنىپ مۇسابىقە مەيدانىنىڭ كەيپىياتىنى جانلاندۇرۇپ، كوماندا ئەزالىرى ئۈچۈن تەنتەنە قىلىشتى، بۈگۈن شىنجاڭ كوماندىسىدىكى ئالماسنىڭ تۇغۇلغان كۈنى ئىكەنلىكىنى ئېيتقاندا، پۈتكۈل مەيداندىكىلەر قىقاس-چۇقان سېلىشىپ ئالقىش ياڭراتتى.
90 مىنۇتلۇق كەسكىن مۇسابىقىدە، شىنجاڭ كوماندىسى 2:1 نەتىجە بىلەن بېيجىڭ سەنگاۋ كوماندىسىنى مەغلۇپ قىلىپ، بۇ نەتىجە بىلەن نەق مەيداندىكى 45مىڭدىن ئوشۇق پۇتبول مەستانىسىغا پۈتۈن شىنجاڭدىكى نەچچە ئون مىليون ھەرمىللەت پۇتبول مەستانىلىرىغا جاۋاب بەردى.
90 مىنۇتلۇق كەسكىن مۇسابىقىدە، شىنجاڭ كوماندىسى 2:1 نەتىجە بىلەن بېيجىڭ سەنگاۋ كوماندىسىنى مەغلۇپ قىلىپ، بۇ نەتىجە بىلەن نەق مەيداندىكى 45مىڭدىن ئوشۇق پۇتبول مەستانىسىغا پۈتۈن شىنجاڭدىكى نەچچە ئون مىليون ھەرمىللەت پۇتبول مەستانىلىرىغا جاۋاب بەردى.
شىنجاڭ كوماندىسىنىڭ ئەزالىرى غەلبە قىلغاندىن كىيىن ھەرقايسى قوللىغۇچىلىرىغا سالام بەرمەكتە
شىنجاڭ پۇتبول كوماندىسى توپ مەستانىلىرىنىڭ رىغبەتلەندۈرىشىگە ئېرىشىپ، 47 مىنۇت بولغاندا بەشىنچى نومۇرلۇق ماھىر پەرھات بىر نوقتا توپنى كىرگۈزۈپ، قارشى تەرەپ بىلەن تەڭلىشىۋالدى. پۈتكۈل پۇتبول مەيدانى قاينام-تاشقىنلىققا چۆمۈپ، «شىنجاڭ ھۇررا، شىنجاڭ ھۇررا !!!!» دېگەن سادا پۈتۈن مەيداننى ،مەيدان ئەتراپىدىكى رايونلارنى زىلزىلگە كەلتۈرۋەتتى، شىنجاڭ كوماندىسىنىڭ جەڭگىۋارلىق روھىمۇ ئۇرغۇپ-تېشىپ، 67 مىنۇت بولغاندا، شىنجاڭ كوماندىسىدىن 10-نومۇرلۇق ئەخمەتجان بىر كاللا توپن ئۈسۈپ كىرگۈزۈپ، پۈتۈن مەيدان تەۋرەپ كەتتى،بۇ ئۇنىڭ خېبىي ياشلار كوماندىسى بىلەن مۇسابىقىلەشكەندىن باشلاپ، ئىككى مەيداندا ئارقىمۇ-ئارقا توپ كىرگۈزىشى بولۇپ ھېسابلىنىدۇ. بۇ دەقىقە، شىنجاڭ توپ مەستانىلىرى بەختكە چۆمۈلگەن دەقىقە بولۇپ، ئۇلارنىڭ بۇ گۈزەل ۋاقىتتىن بەھىرلىنىشكە يېتەرلىك ئاساسى بار.
بۇ ۋاقىتتا، تاماشىبىنلارنىڭ چاۋاك ئاۋازى، ئالقىش سادالىرى، داقا-دۇمباق ئاۋازلىرى قۇلاقنى يارغۇدەك ياڭراپ، رېپېرنىڭ ئۈشتەك ئاۋازىنىمۇ ئاڭلىغىلى بولمايتتى. بۇ مەيدان مۇسابىقىدىن كېيىن، شىنجاڭ كوماندىسى 6 مەيدان مۇسابىقىدە تۆت مەيدان يېڭىپ، ئىككى مەيدان تەڭلىشىپ، مەغلۇپ بولماي، شىمالىي رايون نۇمۇر جۇغلانمىسى تېزىملىكىدە ئىزچىل سەركەردىلىك ئورۇنىنى ساقلاپ كەلدى.
ئەلكۈيى تورى رىياسەتچىسى تەنتەنە تەلئەت نەق مەيداندا زىيارەت ئېلىپ بارماقتا
ئەلكۈيى تور بېتىنىڭ ئىز قوغلاپ تەكشۈرىشىچە، بۇمەيدان مۇسابىقىدە بىلەت سېتىش ئەسلىگە كەلتۈرۈلگەن بولسىمۇ، توپ مەستانىلىرىنىڭ قىزغىنلىقى يۇقىرى كۆتۈرۈلسە كۆتۈرۈلدىكى ھەرگىز تۆۋەنلىمىدى، جەمئىي 45 مىڭ ئادەم مۇسابىقە مەيدانىغا بېرىپ مۇسابىقە كۆردى.
5-ئاينىڭ 22-كۈنى خىزمەت كۈنى بولغاچقا، نۇرغۇنلىغان توپ مەستانىلىرى ئامالسىز كېچىكىپ قالدى، لېكىن مۇسابىقە باشلىنىپ 30 مىنۇت بولغاندا، 40 مىڭ ئادەم سېغىدىغان شىنجاڭ تەنتەربىيە مەركىزى پۇتبول مەيدانى ئادەملەر بىلەن تولۇپ بولدى،تورىمىزنىڭ مۇسابىقە مەيدانىدىكى توپ مەستانىلىرىدىن ئېگەللىشىمىزچە،توپ مەستانىلىرى كىيىنكى مەيداندا توپ كۆرۈشكە بارىدىغان مەستانىلەر تېخىمۇ كۆپ بولغاچقا، ھەپتە ئاخىرىدىكى مۇسابىقىنىڭ بىلىتىنى سېتىۋىلىشنىڭ قېيىن بولۇشىدىن ئەنسىرىمەكتە.
ئەلكۈيى تورىنىڭ ئېگەللىشىچە، شىنجاڭ غەربىي دىيار تاشئالما كوماندىسى 6-ئاينىڭ 6-كۈنىدىكى كېينكى مەيدان مۇسابىقىدە بېيجىڭ ياشلار كوماندىسى بىلەن مۇسابىقىگە چۈشىدۇ، 6-ئاينىڭ 11-كۈنى ساھىپخان مەيداندا ئوتتۇرا دەرىجىدىن ھالقىغان A دەرىجىلىك كوماندا ئەزالىرىدىن تەشلىل تاپقان بۇ پەسىللىك Aدەرىجىلىك مۇسابىقىىنىڭ قىززىق نۇقتىسىغا ئايلانغان يچىڭخەي سېنكې كوماندىسى بىلەن مۇسابىقىلىشىدۇ.
90 مىنۇتلۇق بۇ كەسكىن مۇسابىقىدە، شىنجاڭ كوماندىسى ئاخىرى 2:1 نەتىجە بىلەن قارشى تەرەپنى يەڭدى، بۇ دەقىقە ھەربىر پۇتبول مەستانىسىغا مەنسۇپ، بۇ ۋاقىتتا ھەربىر ئادەمنىڭ يۈزىدە تەبەسسۇم جىلۋىلەندى. بۇ مەيدان مۇسابىقىدە غەلبە قازانغاندىن كېيىن، شىنجاڭ كوماندىسى 4 مەيدان يېڭىپ 2 مەيدان تەڭلىشىپ، مەغلۇپ بولماي شىمالىي رايوندا ئالدىنقى ئورۇندا تۇرۇپ، A دەرىجىلىكلەر مۇسابىقىسىگە ئاتلىنىپ، تېخىمۇ مەزمۇت بولغان بىر قەدەمنى باستى.
مۇسابىقە ئاخىرلاشقاندىن كىيىن شىنجاڭ پۇتبول مەستانىلىرى شىنجاڭ غەربى دىيار تاشئالما پۇتبول كوماندىسىدىكى ئەزىمەتلىرىمىز ئولتۇرغان ماشىنىغا قول پولاڭلىتىپ ئۇلارغا سالام بەردى ۋە ئۇزىتىپ قويدى
ئەلكۈيى تورىنىڭ شىنجاڭ پۇتبولچىلار جەمئىيتىنىڭ مۇناسىۋەتلىك خادىملىرىدىن ئېگىلىشىچە ، شىنجاڭ كوماندىسىنىڭ ساھىپخان مەيداندىكى قىزىغان مۇسابىقىسى، B دەرىجىلىك بىرلەشمە مۇسابىقىدە ئارقا-ئارقىدىن ئەڭ يۇقىرى نۇقتىنى بارلىققا كەلتۈردى. ئوتتۇرا B دەرىجىلىك بىرلەشمە مۇسابىقە تارىخىدا، ئەڭ يۇقىرى رېكورتنى شىنجاڭ كوماندىسى ياراتتى، 2006-يىلى 8-ئاينىڭ 12-كۈنى شىنجاڭ تەنتەربىيە لاتارىيىسى كوماندىسى خاياۋ يىتېڭ كوماندىسى بىلەن مۇسابىقىلەشكەندە، 35 مىڭ توپ مەستانىسىنى نەق مەيدانغا جەلپ قىلغان ئىدى.
تونۇشتۇرۇشقا ئاساسلانغاندا، يېقىنندا ئۆتكۈزۈلگەن مەملىكىتىمىزنىڭ A دەرىجىلىك بىرلەشمە مۇسابىقىدىمۇ، پۈتۈن 8 مەيدان مۇسابىقىدىكى ئەڭ يۇقىرى تاماشىبىن سانى ئاران 37 مىڭ ئادەمگە يەتكەن. دېمەك شىنجاڭ پۇتبول مەستانىلىرى مەملىكىتىمىزنىڭ A دەرىجىلىك بىرلەشمە مۇسابىقىلىرىنىڭ تاماششىبىنلىرى سانىدىنمۇ خېلىلا ئېشىپ كەتتى ۋە شىنجاڭ پۇتبولچىلىقىنى مەملىكىتىمىزگە ، دۇنياغا باشقىدىن تونۇتۇپ قويدى.
مۇسابىقە ئەھۋالىدىن تەھلىل قىلىشىمىزچە، ئالدىنقى مەيدان مۇسابىقە بولغاچقا، رەقىبى يېرىم مەيداندا تۈگىلىۋالدى، شىنجاڭ كوماندىسى ھۇجۇم قىلىپ يېڭىش قېيىن بولغان تۆمۈر كوزۇرلارنى يېڭىپ ئالدىنقى ئورۇنغا ئۆتتى. شىنجاڭ كوماندىسىنىڭ تىرېنىرى گۇرۇپپىلار مۇسابىقىسىدىن ئاۋال ئورۇنلاشتۇرۇلغان، بۇ مەيدان مۇسابىقىدە شىنجاڭ كوماندىسى ئالدىنقى يېرىم مەيداندىكىدىنمۇ كۈچلۈك بولغان مۇداپىئە ھۇجۇم شەكلى4-4-2 نى قوللىنىپ، ئاۋال مۇداپىئەنى ياخشىلاپ، ئوتتۇرا كېيىنكى مەيداندىن پايدىلىنىپ، قايتارما ھۇجۇمغا ئۆتۈپ، ئاۋال توپ كىرگۈزۈشنى پىلانلىغان ئىدى. كېينكى يېرىم مەيداندا، شىنجاڭ كوماندىسىنىڭ جىسمانىي كۈچ-قۇۋەت ئەۋزەللىكىنى جارى قىلدۇرۇپ ، رەقىبىنىڭ كۈچ-قۇۋىتى ئاجىزلىغاندا، توپ كىرگۈزدى.
شىنجاڭ كوماندىسىنىڭ باش ترېنىرىنى مۇسابىقە ئاياغلاشقاندا مۇخبىرلار ئۇرىۋېلىپ زىيارەت قىلماقتا پۈتۈن مۇسابىقىدە شىنجاڭ كوماندىسىنىڭ باش ترېنىرى سوغۇق قانلىق بىلەن ئورنىدا ئولتۇردى، پەقەت كوماندا ئەزالىرى يارىلانغاندا ۋە ئادەم ئالماشتۇرۇلغاندا، ئاستا ئورنىدىن تۇرۇپ كوماندا ئەزالىرى بىلەن پاراڭلاشتى. ياردەمچى ترېنىر پەرھات پات-پات ئورنىدىن تۇرۇپ، كوماندا ئەزالىرىغا ۋارقىراپ، باش ترېنىرغا قارىغاندا ھاياجانلىنىپ ئولتۇردى.
مۇسابىقە ئاخىرلاشقاندىن كېيىن، باش ترېنىرنىڭ ئىپادىسى يەنىلا شۇنداق ئېغىر-بېسىق بولدى. ئۇ مۇنداق دېدى: بۈگۈنكى تاماشىبىنلار ناھايىتى كۆپ، بىر توپ كىرگەندىن كېيىن، كۆپچىلىكنىڭ قىزغىنلىقى ئاشتى، كېيىن ئۇلارنىڭ ئىپادىسى ناھايىتى ياخشى بولدى.
45 مىڭ ئادەمنىڭ مۇسابىقە كۆرگىلى كېلىشى، مۇسابىقە ئۇيۇشتۇرغۇچى تەرەپنى ھەيران قالدۇرۇپلا قالماستىن، يەنە نۇرغۇنلىغان شىنجاڭ پۇتبول توپ مەستانىلىرى كېيىنكى مەيدان مۇسابىقىنى كۆرۈشكە ئىنتىزار قىلدى.تورداشلار ئەلكۈيى مىكرو بلوگى،سىنا مىكرو بلوگى قاتارلىق مىكرو تاراتقۇلارغا مەيدانغا مۇناسىۋەتلىك يوللانمىلارنى يوللاپ توردا ھەرخىل ئۇچۇردا مۇسابقە ئەھۋالىنى تاقارتتى. بۇ قېتىمقى مۇسابىقىگە قاراماي، سانجى، تۇرپان،قەشقەر،ئاتۇش،ئاقسۇ،خوتەن ..قاتارلىق جايلاردىن كەلگەن توپ مەستانىلىرىمۇ ئاكتىپلىق بىلەن قاتناشتى.
بىز ئاخىرىدا ئەلكۈيى تورى ۋە ئەلكۈيى تورىدىكى بارلىق تورداشلار نامىدىن شىنجاڭ كوماندىسىدىكى بارلىق ئەزىمەتلىرىمىزگە ئەڭ زور تىلەكلەرنى تىلەيمىز شۇنداقلا ئۇلارنىڭ چوقۇم جۇڭگو پۇتبولچىلىقىنىڭ ئالتۇن باھارىنى يارىتالايدىغانلىقىغا شەكسىز ئىشىنىمىز.ئەزىمەتلىرىمىز جاپا چەكتىڭلار،تېخىمۇ تىرىشىڭلار،غەلبە ۋە ئامەت سىلەرگە يار بولسۇن ! بىز سىلەرنى مەڭگۈ قوللايمىز! سىلەرنىڭ جۇڭگو پۇتبول مەيدانلىرىدىلا ئەمەس دۇنيا پۇتبول مەيدانلىرىدىمۇ شىنجاڭ پۇتبولچىلىقىنىڭ ئالتۇن باھارىنى يارىتىشىڭلارنى چىن دىلىمىزدىن ئۈمىد قىلىمىز.
كامالىي ئېھتىرام بىلەن :
ئەلكۈيى تور بېكىتى
ئەلكۈيى تور تېخنىكا چەكلىك شىركىتى
2012-يىلى 5-ئاينىڭ 23-كۈنى | 
يوللىغان ۋاقتى 2012-5-23 18:10:27
يوللىغان ۋاقتى 2012-5-23 18:58:31