ھۆرمەتلىك مۇنبەر ئەھلى، روزى ھېيتىڭىزلارغا مۇبارەك بولسۇن!
مەن قېرىنداشلىرىمغا ئايەملىك ئاددىي بىر سوۋغا ئېلىپ كەلدىم، قوبۇل قىلىشىڭىزلارنى سورايمەن.
-ئالاھىدىن ئابدۇرېشىت
ئىككى شىڭگىل تاققا-تۇققا گەپ
بىرگە بىرنى قوشسام ئىككى چىقمىغىنى نېمىسى؟ ئىشقىلىپ ئەرلەر خالاسىغا كىرگەنلەرنىڭ ھەممىسىنى ئەر دەپ قالمىساملا بولدى. ھە راست، دۈمبەم قىچىشقان تۇرسا مەيدەمنى قاشلاپ نېمە قىلاي؟ ئۈچ ۋاقلىق تاماقنىڭ ئۆلمەسلىككە پايدىسى بار. ئېشەك دېگەننىڭ مۈڭگۈزى يوقتۇ؟ يول ماڭغاندا ئوڭ قولنى بېسىپ مېڭىش ئاناڭدىن قالغان ئۇدۇمكەندە! بۇنىڭغۇ كارايىتى چاغلىق، يەنە يەكشەنبىدىن كېيىن دۈشەنبە كېلەرمۇ؟ ئايرۇپىلان دېگەن ئۇچىدىغان تۇرسا پۇتۇم بىلەن ماڭمامدىمەن ئەخمەق! ئەگرى پاچاققا دوناي توقماق دېگەن گەپ بارغۇ بىزدە، دوختۇر بىلەن ئۆلۈكنىڭ نېمە ئىشى دەيسەن! قاچان تۇغۇلغۇنۇمنى ئانامدىن سورسام بولمامدىكەن؟ تېلىۋېزوردا ئېلان ئاۋۇپ قالدى،«ئۇر توقمىقىم، ئۇر توقماق»!
«ئۈرۈكنىڭمۇ مېغىزى بار، شاپتۇلنىڭمۇ مېغىزى بار، ئەمەلدارلار يەپ تويماس، ئەجدىھانىڭ ئېغىزى بار!..» ئەجەپ قوشاقكىنە بۇ. كىچىك تەرىتىم قىستىسا، جىنايەت دىگىلى بولماس. بار ئىكەن، يوق ئىكەن، ئاچ ئىكەن، توق ئىكەن. بۇيىل قىشتا سوغۇق بولغىدەك. ھورۇن خوتۇننىڭ پايتىمىسى ھەم ئۇزۇن، ھەم سېسىق دېگەن شۇمۇ نېمە؟ شۇنداق قىلىپ، موزاينىڭ يۈگۈرىشى سامانلىققىچە بولمامدۇ ئەمىسە! شۇنىسى ئېنىقكى، تۇغۇلماسلىققا ئامال يوق. ئەسكى تامنىڭ ئۆرۈلۈپ چۈشۈشىدىن قورقساڭ، سېنى ساراڭ دېگىلى بولمايدۇ-دە. «ئىشتانباغ» دېگەن نەلەردە قالغان گەپكەن ئۇ! خوتەننىڭ گېلىمى ھېلىمۇ ناھايىتى داڭلىق. گۆشنىڭ باھاسى ئۆسۈپ كەتسە كەتسۇن، ئۈرۈمچى بىلەن قەشقەرنىڭ ئارىلىقى 1500كىلومېتىر كېلىدۇ. قۇش دېگەننىڭ قانىتى بار نەرسە، يەتتە ئۆلچەپ بىر كەسمىسەڭ ئۇچۇپ كەتمەمدۇ ئەمىسە! ئۆزۈمنى تازا بىر كېلىشتۈرۈپ تىللىيالىسام كاشكى، ھىجىيىپلا كېتەتتىم. مېنىڭ تېلېفۇن نومۇرۇم 13579085128، قانداق؟ ئۇزاقتىن بۇيان پويىزنى ئېشەك ھارۋىسىغا سۆرەتكەننى كۆرمەكچى بولغانلارنى ئىزدەپ يۈرەتتىم، ئارىدا بىرسى ئاممىۋىي ئاپتۇۋۇزدا شېغىل توشۇپ مىليۇنېر بوپتۇدەك! مەن دېگەن بەرىبىر مەن، كالتا ئىشتان كەيمىسەم قانداق بولغىنى؟ بوپتۇلا، مەن تاماق يېمىسەم ئاشخانا خوجايىنى ئاچ قالغۇدەك، ماشىنا كىراسى ئەجەپ ئۆرلەپ كەتتا!
ئايغا چىقماقچى بولساڭ، شوتا سېتىۋالىمەن دەپ ئاۋارە بولما. چاپىنىڭنىڭ يېڭىغا بۇرنۇڭنى ئېيتىپ يۈرمە، زۇكامنىڭ دورىسى ھەممە يەردە بار. كۈلكە دېگەننى ئۆتنە ئالغىلى ياكى تاللا بازىرىدىن سېتىۋالغىلى بولمايدىغۇ دەيمەن. ھېلىقى گەپكە كەلسەك، ئۇچۇپتۇ، ئۇچۇپتۇ، ئۇچۇپتۇ، بىر تاغقا چۈشۈپتۇ. دۇتار بىلەن دۇڭ چىقىرىپ، ناخشا بىلەن مۇڭ چىقىرىپ ئولتۇرغان بىر يىگىتكە كۆزى چۈشۈپتۇ. يىگىتنىڭ يا ئىسمى، يا جىسمى يوقكەن، تۇغۇلۇشتىن بۇرۇن بۇيەرگە ماكانلاشقانكەن. يىگىت بۇتاغقا پادىشاھكەن، لەكمىڭ پۇقراغا باشپاناھكەن... بۇنىڭ ئۆزى كونا كىگىزدىن ژۇڭ چىقىرىپ يۈرگەندىن كۆپ ياخشىغۇ دەيمەن. تاغقا مايمۇن پادىشاھ بولىۋەرسۇنمۇ ئەمىسە. يولۋاس، مەندە نېمە ئۆچۈڭ بار سېنىڭ؟ سېنى مۈشۈك ئائىلىسىگە كىرگۈزۈپ قويغان مەنمىدىم؟ ھاپتىغا شاپتى، توڭرۇلۇققا مەرەزدار، قاتتىق نانغا قايناقسۇ، يىرتىق قاپقا سۇيۇق پوق دېگەن گەپ بار-دە. ئاۋۇ نەسىردىن ئەپەندىمغۇ دەيمەن.- ئەپەندىم، ئوبامانى تونۇمسىز؟ جانبازلىق دېگەن ئىت تالاشتۇرۇشنىڭ ئۆزگەرگەن شەكلى، شۇڭا ھاراق ئىچىپ ماشىنا ھەيدەش خەتەرلىك. توخۇ بىلەن توشقاننىڭ 48 لىكىنى بىلگىنىڭ بىلەن يەر تەۋرەشنىڭ ئالدىنى ئالالمايسەن. مەنغۇ 45 ياشقا كىرەي دەپ قالدىم، ئەمما بىر چۈش كۆردۈم، چۈشۈمدە ھېچنېمە يوق تۇرغىدەك، ھېچنېمىنىڭ قېشىدا يوغان بىر تاش، تاشنىڭ كۆزىدە ئىككى تامچە ياش، قولىدا بولسا بىر چارا ئاش، ئاشتا ماش، ماشتا تاش، تاشتا باش... تۇرغىدەك. ئوھوي، خەخنىڭ مۈشۈكى چاشقان تۇتۇش ماھىرى بولۇپ نوبىل مۇكاپاتى ئېلىۋاتسا بىزنىڭ مۈشۈكلەر گۆش پولو بىلەن قوۋۇرغا كاۋاپ يەپ چاشقانلار بىلەن ئىچ پەش تارتىشىپ يۈرەمدۇ نېمە؟ بۇھەپتە D3 ئويۇنىدا«ئا» ئەپەندىگە كاتتا مۇكاپات چىققۇدەك. قاپاقنىڭ پېلىكىگە قاپاق چۈشمەي قوغۇن چۈشەمتى ئەمىسە! بۇ يازمىنى ئاخىرىدا ئامان تەھرىرلىگەن. ۋاقتى 2012-8-17 23:04
| 
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2012-8-17 17:35:17
ۋاقتى: 2012-8-17 18:20:47
ۋاقتى: 2012-8-17 20:11:52
ۋاقتى: 2012-8-17 21:31:51
ئىگىسى
