ھەرخىل خەت نۇسخىلىرىدىكى يېزىق ھۆججەتلىرىنى ئۆلچەملىك ئەلكاتىپ خەت نۇسىخىسىغا ئۆزگەرتىش ئۇسۇلى
يېقىندىن بېرى مۇنبەرگە غەيرى خەت نۇسخىلىرىدىكى ماتىرىياللار يوللىنىۋاتىدۇ، ماتىرىياللارنىڭ خەت نۇسخىسىنى بىرلىككە كەلتۈرۈپ، پايدىلىنىش قىممىتىنى ئاشۇرۇش مەخسىتىدە تورداشلارنىڭ پايدىلىنىشى ئۈچۈن بۇ تېما يوللاندى.
ئادەتتە كومپىيوتېرلار ئۇيغۇرچە تور مەشخۇلاتىدا ئەلكاتىپ خەت نۇسخىسىدىن باشقا خەت نۇسخىلىرىنى نورمال تۇنىمايدۇ. ئەمما بىز ئىلگىرى تورسىز مۇھىتتا ئالپىدا، ئالماس، بىلىگيار، دۇلدۇل ۋە يۇكۇجى قاتارلىق خەت نۇسخىلىرىنى ئىشلىتىپ، نۇرغۇن ماتىرىياللارنى ساقلىغان. بۇ ماتىرىياللارنى شۇ پېتى تورغا يوللىساق مۇنبەردە نورمال كۆرۈنمەيدۇ، بۇنىڭ بىلەن ماتىرىياللارنىڭ پايدىلىنىش ئۈنۈمى تۈۋەنلەپ كېتىدۇ. بۇ ماتىرىياللارنى ئەلكاتىپ خەت نۇسخىسىدا قايتا ئۇرۇپ چىقىش تورداشلار ئۈچۈن ۋاقىت ئىسراپچىلىقى ۋە نۇرغۇن ئاۋارىچىلىقلارنى ئېلىپ كېلىدۇ.
ھەرخىل خەت نۇسخىلىرىدىكى يېزىق ھۆججەتلىرىنى ئۆلچەملىك ئەلكاتىپ خەت نۇسىخىسىغا ئايلاندۇرۇشنىڭ ناھايىتى ئاددى ھەم قولايلىق ئۇسۇلى بار (بۇ ئۇسۇلنى بىر قىسىم تورداشلار بىلسىمۇ يەنە بىر قىسىم تورداشلار بىلمەسلىكى مۈمكىن).
بىز ئىشلىتىپ كېلىۋاتقانalkatip5.7 يېزىق كىرگۈزۈش يۇمشاق دىتالىغا ھەرخىل خەت نۇسخىلىرىدىكى يېزىق ھۆججەتلىرىنى ئۆلچەملىك ئەلكاتىپ خەت نۇسىخىسىغا ئايلاندۇرۇش ئىختىدارى قوشۇلغان، بەلكىم سىزalkatip5.7 دىتالىنى ئىشلىتىپ تۇرۇپمۇ ئۇنىڭ باشقا خەت نۇسخىسىنى ئۆزگەرتىش ئىختىدارىنى بىلەلمىگەن بولۇشىڭىز مۈمكىن. تۆۋەندىكى تەرتىپ بويىچە مەشخۇلات قىلىپ سىناپ بېقىڭ، سىز چوقۇم باشقا خەت نۇسخىلىرىدىكى يېزىق ھۆججەتلىرىنى ئۆلچەملىك ئەلكاتىپ خەت نۇسىخىسىغا ئايلاندۇرۇلايسىز:
سىز ئاۋال كومپىيوتېرىڭىزغا alkatip5.7 يېزىق كىرگۈزۈش يۇمشاق دىتالىنى قاچىلاڭ (ئەگەر ئىلگىرى قاچىلاپ بولغان بولسىڭىز قايتا قاچىلاشنىڭ زۈرۈرىيىتى يوق). ئەلپىدا خەت نۇسخىسىدا ئۇرۇلغان Word شەكلىدىكى ھۆججەتنى ئېچىڭ، تىزىملىك سىتونىنىڭ ئاخىرىدىكى 加载项 سىتونىنى چېكىپ ئاندىن كېيىن 代码转换 دىگەن كۆزنەكنى چەكسىڭىز ئۇيغۇر يېزىقىدىكى ھەرخىل خەت نۇسخىلىرىنىڭ تىزىمكلىكى كۆرۈنىدۇ، بۇنىڭ ئىچىدىكى ئەلپىدا خەت نۇسخىسىنى چەكسىڭىز ئەلكاتىپ خەت نۇسخىسىنىڭ ئىككى خىل كودى كۆرۈنىدۇ. ئۇنىڭ ئىچىدىن 1-كودنى چېكىۋەتسىڭىزalkatip5.7 دىتالىدىكى يېزىق ئالماشتۇرۇش كودى سىزنىڭ ئەلپىدا خەت نۇسخىسىدا ئۇرۇلغان ماتىرىيالىڭىزنى ئەلكاتىپ خەت نۇسخىسىغا ئۆزگەرتىشكە باشلايدۇ. ئۆزگەرتىش داۋامىدا ئىككى قېتىم ‹‹چېكىنىش›، كۆزنىكى چىقىدۇ، ھەر ئىككىسىنى چېكىۋېتىپ ‹‹ساقلاش ›› كۆزنىكىنى چېكىپ ماتىرىيالنى قايتا ساقلىۋالسىڭىز بۇلىدۇ. بۇنىڭ بىلەن ماتىرىيالىڭىزنىڭ خەت نۇسخىسى ئۆلچەملىك ئەلكاتىپ خەت نۇسخىسىغا ئۆزگىرىدۇ. ئەلكاتىپ خەت نۇسخىسىغا ئۆزگرىپ بولغان بۇ ماتىرىيالنى ئەلكاتىپ يېزىق كىرگۈزۈش دىتالىدا بىمالال تەھرىرلىيەلەيسىز، مۇنبەرگىمۇ نورمال ھالەتتە يوللىيالايسىز.
alkatip5.7 يېزىق كىرگۈزۈش دىتالىنى بۇ يەردىن چۈشۈرۈڭ:  alkatip5.7.rar(4.95 MB, چۈشۈرۈش سانى: 386) | 
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2015-4-11 02:19:40
ۋاقتى: 2015-4-11 08:26:52
ئىگىسى