مەكتەپ مۇدىرىنىڭ ئۆز - ئۆزىنى تەكشۈرۈش ماتىرىيالى

miras

مەكتەپ مۇدىرىنىڭ دىمكىراتىك تۇرمۇش يىغىنىدىكى ئۆز - ئۆزىنى تەكشۈرۈش ماتىرىيالى

بۇ ئوقۇش يىلىدا مەن مەكتەپ پارتىيە ياچىيكسىنىڭ مۇئاۋىن شۇجىسى ، مەكتەپ مۇدىرى ۋەزىپىسىنى ئۈستۈمگە ئېلىپ ، مەكتەپ پارتىيە ياچىيكىسى رەھبەرلىكىدىكى مەكتەپ مۇدىرى مەسئۇل بولۇش تۈزۈمىنى قەتئى ئىزچىللاشتۇرۇپ ، مەكتەپ رەھبەرلىك بەنزە ئەزالىرىنى ئىتتىپاقلاشتۇرۇپ ۋە ۋە يىتەكلەپ ، مەكتەپنىڭ ئوقۇتۇش ، تەلىم تەربىيە خىزمىتى ، ئەخلاقى تەربىيە خىزمىتى ، قوشۇن قۇرلۇشى ، مالىيە باشقۇرۇش ، «مائارىپتا كۈچلۈك ناھىيە بەرپا قىلىش» ، قوشتىل ئوقۇتۇشنى ئىلگىرى سۈرۈش خىزمىتى ۋە مەكتەپنىڭ بىخەتەرلىك ، مۇقىملىق ، دىنىي سىڭدۈرمىچىلىكنى چەكلەش ، پىلانلىق تۇغۇت خىزمەتلىرىگە مەسئۇل بولۇپ ئىشلىدىم . خىزمەتلەر جەريانىدا ئۈزەمگە قاتتىق تەلەپ قۇيۇپ ، ئۈزەمنىڭ پارتىيە ئەزاسى ، رەھبىرى كادىرلىق مەسئۇلىيىتىمنى تولۇق ئادا قىلىشقا تىرىشتىم . مەكتەپ رەھبەرلىك بەنزە ئەزالىرىنى مەكتەپ پارتىيە ياچىيكىسى ئەتراپىغا زىچ ئۇيۇشتۇرۇپ ، مەكتەپ پارتىيە ياچىيكىسىنىڭ قارار ۋە ئورۇنلاشتۇرمىلىرىنى ۋاقتىدا ئىجرا قىلىشقا تىرىشتىم .
بۇ قېتىم پارتىيىلىك كادىرلار ۋە پارتىيە ئەزالىرى ئارىسىدا قانات يايدۇرۇلغان «ئىككىنى ئۈگىنىش ،بىر بۇلۇش» ئۆگىنىش پائالىيتى داۋامىدا پارتىيە ئەزالىرىنىڭ ھوقۇق ۋە مەجبۇرىيىتى ، يىڭى دەۋردىكى پارتىيە ئەزالىرىغا قۇيۇلىدىغان ئۆلچەم ۋە تەلەپلەرگە مۇناسىۋەتلىك ھۆججەت ماتىرىياللارنى ئۈگىنشى ئارقىلىق تۇنۇشۇم ئۆستى، چۈشەنچەم چوڭقۇرلاشتى . ئىدىيە ۋە تۇنۇشتا زور يۈكسىلىش ھاسىل قىلدىم . ئۈگەنگەن ماتىرىياللارنىڭ روھى ماھىيىتىنى ئۆز ئىدىيە ئەمەلىيىتىمگە تەدبىقلاپ كۆرگىنىمدە ، خىزمەت ئۇسۇلى ، پوزىتسىيسى ، تەلىم تەربىيە بازىسىنىڭ پاكلىقىنى ساقلاش ، بىلىم بىرىپ ئادەم تەربىيلەش قاتارلىقلاردا مەكتەپ مەمۇرىيىتنىڭ خىزمەتلىرىدە ۋە ئۆزەمنىڭ ئىدىيە ئەمەلىيىتىمدە ئوخشاش بولمىغان مەسىلىلەرنىڭ ساقلانغانلىقىنى ھىس قىلدىم . تۆۋەندە مەن مەكتەپ مەمۇرىيىتى ۋە ئۆزەمدە ساقلانغان مەسىلىلەرنى  ئوتتۇرىغا قۇيۇپ ئۈتىمەن .
1)مەكتەپ مەمۇرىيىتى خىزمەتلىرىدە ، مەكتەپ پارتىيە ياچىيكىسىنىڭ قارار چىقىرىشىنى كۈتۈپ تۇرۇش ، ئورۇنلاشتۇرۇشنى ساقلاش ئىللەتلىرى ئېغىر ساقلاندى . بىر قىسىم رەھبەرلىك ئەزالىرىدا شۇجى ۋە مەكتەپ مۇدىرىغىلا تايىنىۋېلىش، يىڭىلىق يارىتىش روھى ۋە يول ئېچىپ ئىلگىرلەش روھى كەمچىل بولۇش ئەھۋاللىرى ساقلاندى .
2)پارتىيە ياچىيكىسىنىڭ تۈرلۈك خىزمەتلىرىگە ماسلىشىپ كىتەلمەسلىك ئەھۋاللىرى كۆرۈلدى . بولۇپمۇ پارتىيە قۇرلۇشى خىزمىتى ، «ئۈچ يىغىن ، بىر دەرس» ، مۇلازىمەتچان پارتىيە تەشكىلاتى قۇرۇش خىزمەتلىرىدە ھەر قايسى بۈلۈم ئىشخانىلارنىڭ ۋە تارماق مەكتەپلەرنىڭ پارتىيە ياچىيكىسىنىڭ خىزمەتلىرىنى قوللىشى ۋە ئۆز دائىرىسىدىكى خىزمەتلەرنى ئەتراپلىق قانات يايدۇرىشى يىتەرلىك بولالمىدى .
3)مەكتەپ پارتىيە ياچىيكىسى بىلەن مەكتەپ مەمۇرىيىتىنىڭ خىزمەت ئورۇنلاشتۇرمىلىرىنى ماسلاشتۇرۇپ ئېلىپ بارماسلىق ، خىزمەتلەردە ئوقۇشماسلىق، زىدىيەت كەلتۈرۈپ چىقىرىش مەسىلىلىرى ساقلاندى .  مەمۇرىيەتنى ئايرىش جەھەتتە بىر قىسىم مەسىللەر ساقلانغان.
4)پارتىيە ئەزالىرى ۋە ئوقۇتقۇچىلارنى باشقۇرۇش كۈچلۈك بولماسلىق ، پارتىيە ئەزالىرىنىڭ خىزمەتتىكى ئاكتىپچانلىقى ۋە مەسئۇلىيەتچانلىقى كۈچلۈك بولماسلىق ، پارتىيە ئەزالىرىنىڭ بۇرچى ۋە مەجبۇرىيىتىنى تۇنۇتۇشقا بولغان خىزمەت سالمىقى يىتەرلىك بولماسلىق ، ئوقۇتقۇچىلارنىڭ كەسپى ئەخلاق ۋە تۈزۈم كۆز قارشى كۈچلۈك بولالماسلىق مەسىلىلىرى ساقلاندى .
5)قانۇن ئارقىلىق مەكتەپ باشقۇرۇش ، بەلگىلىمە ، تۈزۈم بويىچە ئوقۇتۇش ئېلىپ بېرىش تولۇق ئەمىللەشتۈرۈلمىدى ؛ ئوقۇتۇشتا ساقلانغان مەسىلىلەر ۋاقتىدا تۈزىتىلمىدى ؛ ساقلانغان مەسىلىلەرنى بىرتەرەپ قىلىشتا ، تۈزۈم بويىچە ئىش كۆرۈشكە سەل قاراپ ، يۈز خاتىرە قىلىش ، كۆرمەسكە سېلىپ ئۆتكۈزىۋېتىش ئەھۋاللىرى ئېغىر ساقلاندى ؛ ئوقۇتۇش تەتقىقاتى كۈچەيتىپ ئېلىپ بېرىلمىدى؛ ئوقۇتۇش سۈپىتىنى ئۆستۈرۈشتە ئىزدىنىش يىتەرلىك بولالمىدى ؛ ئەخلاقى تەربىيە خىزمىتى ، ئاممىۋى تەشكىلاتلار خىزمىتى شەكىلگە ئايلىنىپ قالدى ؛ مەكتەپ مالىيە ، ئارقا سەپ خىزمىتىدە «ئۈچنى ئاشكارىلاش» دائىملىق خىزمەتكە ئايلىنالمىدى ؛ ئوقۇشتىن ئاۋۋالقى قوشتىل تەييارلىق خىزمىتى چىڭ تۇتۇلمىدى ، خىزمەتتە يىڭىلىق يارىتىشقا سەل قارالدى . تارماق مەكتەپلەرنىڭ خىزمەتلىرىگە قارىتا يىتەكچىلىك يىتەرلىك بولالمىدى ، مەكتەپلەرگە باراۋەر مۇئامىلە قىلىش ، تەكشى تەرەققى قىلدۇرۇشقا سەل قارالدى .
6)مەكتەپ مەمۇرىيەت ئەزالىرى ئىچىدە كوللىكتىۋىزىملىق روھ كامچىل ؛ مەكتەپنىڭ مال - مۈلىكىنى ئاسىرىمايدىغان ، ئۆزىنىڭ شەخسى مەنپەتىنى چوڭ بىلىپ ، كوللىكتىپنى زىيانغا ئۇچرىتىشقا ئۇرىنىدىغان ئەھۋاللار مەۋجۈت .
ئۆزەمدە ساقلانغان مەسىلىلەر تۆۋەندىكىچە :
1)ئۈگىنىشكە ئەھمىيەت بىرەلمىدىم ، سىياسى نەزەرىيىۋى ساپا ۋە قوشتىل ساپاسى ھازىرلاشقا سەل قارىدىم . خىزمەت ئالدىراشلىقىنى باھانە قىلىپ ، مەكتەپ تەشكىللىگەن تۈرلۈك سىياسى ئۈگىنىش ، كەسپى ئۈگىنىش ۋە خەنزۇتىلى ، كومپىيوتىر ئۈگىنىشلىرىنى پۇرسەت دەپ بىلىپ ، بىلىم سەۋىيەمنى مۇكەممەللەشتۈرۈپ ، تۇنۇشۇمنى ئۆستۈرۈشكە ئەھمىيەت بىرەلمىدىم .
2)مەكتەپ پارتىيە ياچىيكىسىنىڭ كۈندىلىك خىزمەتلىرىنى ئوقۇتۇش كەسپى خىزمەتلىرى بىلەن ماسلاشتۇرۇپ ئېلىپ بېرىشىم ، پارتىيە قۇرلۇشى ، ئاممىۋى تەشكىلاتلار خىزمىتى ، مۇلازىمەتچان پارتىيە تەشكىلاتى قۇرۇش خىزمەتلىرىدە ، پارتىيە ياچىيكىسىنىڭ خىزمەتلىرىنى قوللىشىم يىتەرلىك بولالمىدى .
3)پارتىيە ياچىيكىسىنىڭ جەڭگىۋار قورغانلىق ، پارتىيە ئەزالىرىنىڭ ئاۋانگارت نەمۇنىلىك رولىنى جارى قىلدۇرۇشتا ، ئۆزەمنىڭ پارتىيە ئەزالىق بۇرچۇم ۋە مەجبۇرىيتىمنى ئادا قىلىشىم يىتەرلىك بولالمىدى .
4)مەكتەپ ئىشچىلار ئۇيۇشمىسىنىڭ خىزمەتلىرىگە بولغان يىتەكچىلىكىنى كۈچەيتىشىم ، مەكتەپ پارتىيە ياچىيكىسىنىڭ تۈرلۈك خىزمەت خىراجىتى ۋە ئىشچىلار ئۇيۇشمىسىنىڭ خىراجەتلىرىنى باشقۇرۇش ۋە ئىشلىتىشتە ، مەكتەپ مالىيە قىيىنچىلىقىنى باھانە قىلىپ ، خىزمەتلەرنىڭ ئاكتىپلىق بىلەن ئىشلىنشىگە كاپالەتلىك قىلالماسلىق مەسىلىلىرى مەندە ساقلاندى .
5)مەكتەپ مەمۇرىيىتىنىڭ دائىملىق يىغىنى ۋە مەكتەپ رەھبەرلىكىنىڭ باش قۇشۇش يىغىنلىرىنى ۋاقتىدا تەشكىللەپ ئېچىشقا سەل قارىدىم . مەكتەپنىڭ خىزمەتلىرىنى ۋاقتىدا خۇلاسىلاپ ، ساقلانغان مەسىلىلەرنى تۈزىتىپ مېڭىشتا تەدبىر بەلگىلىشىم كۈچلۈك بولالمىدى .
6)مەكتەپ رەھبەرلىك بەنزە ئەزالىرىغا ئۈلگە بولۇپ ، بەنزىنىڭ ئۇيۇشۇشچانلىقى كۈچەيتىشكە سەل قارىدىم . خىزمەتلەرنى ماسلاشتۇرۇپ ئورۇنلاشتۇرۇش ، بۈلۈم ، ئىشخانىلار ئارىسىدا ئۆز ئارا قوللاشنى ئىشقا ئاشۇرۇشۇم يىتەرلىك بولالمىدى .
7)«مائارىپتا كۈچلۈك ناھىيە بەرپا قىلىش» خىزمەتلىرىگە قارىتا ، مەكتەپ ئىشلەشكە تىگىشلىك خىزمەتلەرنى ئەتراپلىق پىلانلاپ قانات يايدۇرماسلىق مەسىلىلىرى ساقلاندى .
8)مەكتەپنىڭ ئوقۇتۇش سۈپىتى ۋە ئەخلاقى تەربىيە خىزمىتىنى ئۆزەم بىر قوللۇق تەكشۈرۈپ تەتقىق قىلىشقا ، ئوقۇتۇش سۈپىتىنى ئانالىز قىلىپ ، ئوقۇتۇش سۈپىتىنى ئۆستۈرۈشكە پايدىلىق بولغان تۈزۈم تەدبىرلەرنى دادىللىق بىلەن يولغا قۇيۇشقا ئەھمىيەت بىرەلمىدىم .
9)مەكتەپنىڭ ئارقا سەپ ، مالىيە باشقۇرۇش خىزمىتى ، ئوقۇغۇچىلارنى ئوزۇقلۇق بىلەن تەمىنلەش ، يىمەكلىك بىخەتەرلىكى ، مەكتەپ ئامانلىقىنى قوغداش خىزمەتلىرىدە ئاجىز ھالقىلارنى ۋاقتىدا بايقاپ ، مەسىلە كىلىپ چىقىشنىڭ ئالدىنى ئېلىش جەھەتتە ئىشلىگەن خىزمەتلىرىم يىتەرلىك بولالمىدى .
10)ئاتا - ئانىلار ۋە جەمئىيەتنىڭ مەكتەپ خىزمەتلىرىگە قارىتا بەرگەن پىكىرلىرىنى ئاڭلاپ ، ئامما رازى بولىدىغان مائارىپ تۈزۈلمىسى بەرپا قىلىش ، ئاممىنىڭ ساداسىغا قۇلاق سېلىپ ، مائارىپ ئادىللىقىنى ئىشقا ئاشۇرۇشقا نىسبەتەن ئىزدىنىشىم يىتەرلىك بولالمىدى .
11)ئوقۇتقۇچىلارنىڭ تۇرمۇشىغا كۆڭۈل بۆلۈش ، قىيىنچىلىقى بار ئىشچى – خىزمەتچىلەرنىڭ قىيىنچىلىقىنى ھەل قىلىشتا ، ئامما ئارىسىغا چوڭقۇر چۆكمەسلىك ، ئىشچى – خىزمەتچىلەر ئارىسىدا ساقلانغان مەسىلىلەرنى ھەل قىلىشقا سەل قاراش مەسىلىلىرى مەندە ساقلاندى .
يۇقارقى مەسىلىلەرنى تۈزىتىش تەدبىرىم :
1)ئۈگىنىشكە ئەھمىيەت بىرىپ ، تۇنۇشنى ئۆستۈرۈپ ، ئىدىيىدە يۈكسىلىش ھاسىل قىلىپ ، ئاممىغا باشلامچى بولۇپ ، خىزمەتلەردە يىڭىچە قىياپەت بىلەن ئالغا ئىلگىرلەشنى قولغا كەلتۈرۈپ ، ئۈگىنىشچان ، مۇلازىمەتچان پارتىيە تەشكىلاتى قۇرۇشتا بىر كىشىلىك ھەسسەمنى قوشىمەن .
2)رەھبەرلىك بەنزە ئەزالىرى ، مەكتەپ مەمۇرىيىتى خادىملىرىغا بولغان يىتەكچىلىك ۋە باشقۇرۇشنى كۈچەيتىپ ، رەھبەرلىك بەنزە ئەزالىرىنىڭ ئوقۇتقۇچى ، ئىشچى – خىزمەتچىلەر ئارىسىدىكى ئىناۋىتى ۋە قوللىشىنى يۇقىرى كۆتۈرۈپ ، خىزمەتلەرنىڭ تەرتىپلىك قانات يايدۇرىلىشىغا كاپالەتلىك قىلىمەن .
3)ئوقۇتۇشنىڭ بىرىنچى سېپىگە چوڭقۇر چۈكۈپ ، مەكتەپلەردىن ھەپتىسىگە بەش سائەتتىن دەرس ئېلىپ ئۈتۈشنى ئىشقا ئاشۇرۇپ ، ئوقۇتۇشتا ساقلانغان قىيىن نوقتا ، قىزىق نوقتا مەسىلىلىرىنى ئالدىن بايقاش ، ئاكتىپ ھەل قىلىشتا چىڭ تۇرۇپ ، ھەر قايسى پەنلەر ئوقۇتۇشى ، قوشتىللىق بالىلار باغچىسى خىزمىتىگە ھەقىقى كۆڭۈل بۆلۈپ ، ئوقۇتۇش سۈپىتىنىڭ يۇقىرى كۆتۈرلىشىگە ھەقىقى كاپالەتلىك قىلىمەن .
4)ئوقۇتقۇچىلار ۋە ئاتا – ئانىلار ، پىنسىيىگە ، دەم ئېلىشقا چىققان پىشقەدەملەر ، مەكتىپىمىزدىن رەھبەرلىك خىزمىتى ئىشلەپ ، دەم ئېلىشقا چىققان پىشقەدەم رەھبەرلەر بىلەن پىكىرلىشىش ۋە سىردىشىشنى كۈچەيتىپ ، مەكتەپ خىزمەتلىرىگە قارىتا پايدىلىق بولغان پىكىر تەكلىپلەرنى كەمتەرلىك بىلەن قۇبۇل قىلىپ ، مەكتەپ خىزمەتلىرىنىڭ ئىلگىرى سۈرۈلىشىگە كاپالەتلىك قىلىمەن .
5)مەكتەپنى قانۇن بويىچە باشقۇرۇشنى كۈچەيتىپ ، مەكتەپ مەمۇرىيىتىنىڭ تۈرلۈك تۈزۈم تەدبىرلىرىنى داۋاملىق مۇكەممەللەشتۈرۈپ ۋە قېلىپلاشتۇرۇپ ، تۈزم – تەدبىرلەرنىڭ ئىجراسىغا تولۇق كاپالەتلىك قىلىپ ، ىىزمەت ئۈنۈمىنى يۇقىرى كۆتۈرۈشكە تىرىشچانلىق كۆرسىتىمەن .
6)مالىيە ، ئارقا سەپ باشقۇرۇش خىزمىتىگە قارىتا يىتەكچىلىكنى كۈچەيتىپ ، مەكتەپ ئارقا سېپىنى ئوقۇتۇش ئۈچۈن خىزمەت قىلدۇرۇشتا چىڭ تۇرۇپ ، مەكتەپ مالىيىسى يار بەرگەن ئەھۋالدا مەكتەپلەرنىڭ ئوقۇتۇش شارائىتىنى تىرىشىپ ياخشىلاپ ، ساغلام ، بىخەتەر بولغان ئوقۇتۇش مۇھىتى بەرپا قىلىشقا تىرىشچانلىق كۆرسىتىمەن .
7)پاك دىيانەتلىك بولۇپ ، ئاممىغا ئۈلگە بولۇپ ، بىر ياخشى مەكتەپ مۇدىرى ئارقىلىق بىر ياخشى مەكتەپ ۋە ياخشى رەھبەرلىك كوللىكتىپى بەرپا قىلىشقا تىرىشىمەن .

زەپەر

بۇ ماتىريال مەكتەپلەرگەە ئەسقىتىدۇ بولسا ياخشى بولغانلىرىدىن يوللاپ تۇرشىڭىزنى ئۈمۈد قىلىمەن

توققۇزبۇلاق

ياخشى تىمىدىن بىرنى يوللاپسىز رەخمەت سىگە