جاق تويدۇم

ئاگىنى

جاق تويدۇم

(مۇھەممەتجان ئابلىمىت)


كۆزى يامان قارايدۇ ، قاراشلاردىن جاق تويدۇم .
ياراشقاندا رومالىڭ ، ماراشلاردىن جاق تويدۇم .

بىكار-تەلەپ ئىشى يوق، ئۇزۇن قىسقا دەپ سېنى،
كوچىلاردا گەپ بىلەن، تاراشلاردىن جاق تويدۇم .

سېنى كۈيگە قاتىدۇ قاغا – قۇزغۇن سۈپەتلەر،
سەت ئاۋازدا ھىجىيىپ ، سايراشلاردىن جاق تويدۇم .

باشقىسى يوق سېنىڭدىن ،گويا مۇشۇ جاھاندا ،
بەزەن سېنى يايرىم دەپ، ساناشلاردىن جاق تويدۇم .

سېنى بىراۋ يامان دەپ ، قالسا كۆڭلۇم بولۇر غەش،
سېنىڭ ئۈچۈن ئۆسەكلەر ئاڭلاشلاردىن جاق تويدۇم .

قىزغىنىمەن يار سېنى ، دوست-يارەنلەر بارچىدىن،
دەرتنى يۈتۈپ بۇ قەلبىم، قاناشلاردىن جاق تويدۇم .


سۆيگۈمىزنى يۇشۇرۇپ ، تىلىم قىسقا مەن گاچا،
روھىم سۈكۈت ئىچىدە، بەرداشلاردىن جاق تويدۇم .


  ئۆز قەلەم

مىرابلا

ناخشا تىكىستى قىلسا تۇلىمۇ ياخشى ناخشىدىن بىرسى روياپقا چىققۇدەك ، ئىسىل ئىجادىيەتلىرىڭىزگە ئاپرىن ،تىرىشىڭ .

ئۈمۈدى

ھەممە ھەممدىن تويىۋاتقان جاھان بۇ

ياكۇپ1

شۇنداق ياخشى ماتىريال يوللاپسىز !

pari

ئىجادىيىتىڭىزگە تەشەككۇر ، رەھمەت .

سەمىمى.

ياخشى يېزىپسىز. بارىكاللا دوستۇم. ئىجادىيەتلىرىڭىزگە كۆز تەگمىسۇن