دېھقىنىم

ئاگىنى

دېھقىنىم
( مۇھەممەتجان ئابلىمىت )



قۇياش پارلاپ ئەگىزمۇ ھەم ئېرىدى ،
خۇشاللىقتا كەتمەن چاپقان دېھقىنىم .
قېنىپ -قېنىپ باھارگۈلنى پۇرىدى ،
يېڭىچە بىر خىسلەت تاپقان دېھقىنىم .



دېھقىنىمنىڭ ھەربىر ئىشى رۇسۇلدىن ،
ئېتىز قاينار ئەمگەك دېگەن ئۇسۇلدىن ،
تەرى سىڭىپ كەلگەن ھەر بىر ھوسۇلدىن
ئۆز بەختىگە يولنى ئاچقان دېھقىنىم .



ھەرتەندە جان باردۇر ئېسىل غورورى ،
مېھنەت ئۈچۈن سوقار ئۇنىڭ تومۇرى ،
ئەجىرىدىن كېلەر ھەر كىم ھوزورى ،
چولپان كەبى نۇرلار چاچقان دېھقىنىم .



دېھقان بولماي ئاش تائاملار يوق ئىكەن ،
دېھقان بولغاچ بىزدە كۆڭۈل توق ئىكەن ،
بىزگە بەرگەن ھىممىتى شۇ زوق ئىكەن ،
ھەممىمىزگە «قۇت»نى ئاتقان دېھقىنىم .



يىللار بىلەن قەددى چۈشكەن كېتىدۇ ،
شۇنداق يەنە ھايات داۋام ئېتىدۇ ،
سۇنماس روھى بىزگە ئۈلگە يېتىدۇ ،
تۈن پەردىنى كۈلۈپ ياپقان دېھقىنىم .



مەنبە : ئۆز قەلەم

مىرابلا

شۇ ئەمەسمۇ ، ئەڭ ئۇلۇغ ئىنسانلار شۇ « دىھقانلاردۇر»، ياخشى ئىجادىيەت ،ئاپرىن

زەپەر

بۇندىن كىيىنكى ئىجادىيتىڭىزگە ياخشى ئۇتۇقلارنى تىلەيمەن

چاڭگۇ

نەتىجە تىرىشقانلارغا مەنسۇپ ، يىڭى -يىڭى نەتىجىللىرىڭىزنى كۈتىمىز

ئاگىنى

ئىلھام -مەدەتلىرىڭىزدىن خۇش بولدۇم

ئۇچقۇنى1

ياخشى بىر ئەسەرنى بىزلەرگە سونغانلىقىڭىزغا كۆپتىن-كۆپ رەھمەت

0030

ياخشى  تىما  بۇپتۇ.   تەشەككۇر.