يۇلتۇزلاردا ئەكسىڭ بار
(مۇھەممەتجان ئابلىمىت)
نېمە بولدى بۈگۈن كەچ ،
ئاسمىنىمدا يۇلتۇز يوق .
قاراڭغۇلۇق ئىچىدە ،
تۇراي قانداق كۆڭۈل توق .
چىقمىدىڭمۇ ئاسمانغا،
چولپان بولۇپ سەن يايرىم .
مۇڭداشقىلى مەن كەلسەم ،
بىلمىدىڭمۇ نىگارىم .
غېرىب ئۆزۈم يېگانە ،
كۆكتە يارقىن باقمىساڭ.
ھېچبولمىسا كېچىدە ،
تۈندە چىراغ ياقمىساڭ.
دەيدۇ بەزەن ساراڭ بۇ،
يۇلتۇزلارغا سۆزلىسەم .
يۇلتۇزلاردا ئەكسىڭ بار،
سۆزلىمەستىم كۆرمىسەم .
تەسكىن تاپماس بۇ كۆڭۈل،
ئۆزۈڭ بولغاچ يىراقتا.
سەندىن خەۋەر ئالمىسام ،
مىسكىن قەلبىم پىراقتا.
بىلىپ تۇراي ھالىڭنى ،
كۈندە بېقىپ ئاسمانغا .
ئېيتالمىغان سۆزۈڭنى،
قالدۇرۇپ قوي چولپانغا.
مەنبە: ئۆز قەلەم
| 
شۆھرەت
تۆھپە
تىللا
قىزغىنلىق
ۋاقتى: 2015-12-16 17:39:42
چۇڭقۇر ھىسياتقا تۇيۇنغان مىسرالارغا بارىكاللا
