ئەسلىمە ۋەھەسرەت

karghay

ئۆمۇرنى ئاتقان ئوق ،دەركەن دانىشمەن ،
ئېلاج يوق زادىلا يانماس كەينىگە.
سەبىيتۇق بايىلا ، بۇگۇن مۇيسىپىت،
كېلىدۇبۇ قىسمەت ساڭا، ھەممىگە.

ئۆتتىغۇ بالىلىق، ياشلىق چېغىمىز،
.شۇ مەكتەپ  قوينىدا ،ئىللىق ياتاقتا .
ۋەلېكىن كەچمىشلەرگويا بىر تارىخ،
ئەسلىسەم تولار ياش كۆزۈم، چاناققا.

سىنىپتا ئولتۇرار سەبىي قىز-ئوغۇل،
ھىلى ئۇ ۋاقىراپ، ھىلى بۇ كۈلۈپ.
مۇئەللىم كەلگەندە ئىشىك تۈۋىگە،
جىمىيتى بىردەمدە ئورنىدىن تۇرۇپ.

مۇئەللىم دەرستە سۇئال سورىسا،
جاۋاپ يوق باش ئېگىپ تۇراتتۇق دائىم.
تەنەپپۈس بولسىلا سېرتقا يۈگۈرۈپ،
باشقىدىن قىلچىمۇ يىمەيتۇق ۋايىم.

بالىلىق، تەنتەكلىك، سەبىي دىلىمىز،
يانارمۇ كەينىگە تىلەي يۈكۈنۈپ.
غوبارسىز شۇ دەملەر كەلسە ئېسىمگە،
كېتىدۇ ھەسرەتتىن قەلبىم ئۆرتۇنۇپ....

تېزىقى ئۈزۈلگەن دەستە مارجاندەك،
چېچىلدۇق جەميەت ھەم تۇرمۇش قوينىغا.
نەدە ئۇ كەپسىزلىك، نەدە ئۇ شوخلۇق،
باغلاندۇق بىر-بىردىن سىرلىق شوينىغا.

ئايرىلىپ  قۇش كەبى تەنھا ئۇچقاندا،
ساۋاقداش قەدىرى شۇ چاغ ئۆتەركەن.
رەنجىتىپ ئۇستازنى  قىلغان شوخلۇققا،
بىر ئۆمۇر ئىسىت دەپ ھەسرەت چېكەركەن.

ۋەلېكىن ئەسلىسەم ساۋاقداشلىرىمنى،
زوقلۇنۇپ ئۇلاردىن يايراپ كېتىمەن.
ھەر ساھە، كەسىپتە قۇچتى زەپەرلەر،
شۇڭا بۇلبۇلدەك سايراپ كېتىمەن.

مانا شۇ قىز- ئوغۇل قالدۇق ياشىنىپ،
قەددىمىز پۇكۇلدى ئۇستازغا ئوخشاش.
شۇندىمۇ   روھىمىز  تۇرۇدۇ  ئۇرغۇپ،
قەلبىدە زور ئىستەك ئارزۇلار بولغاچ.

ئويلىساق  ئۆتۇپتۇ يىللار قوغلۇشۇپ،
بەرگىنى بىزلەرگە ساقال ۋە قوروق.
پۇشايمان قىلمايمىز ئۆتكەن ئۆمۆرگە،
يۈرت، خەلقىم ئالدىدا يۇزۇمىز يورۇق.

مەنبە:قەلەم

sumbula

ناھايتى ياخشى تېما يوللاپسىز.شېئېرىڭىزنى ئوقۇپ گۈزەل، غۇبارسىز بالىلىق چاغلىرىمنى ئەسلەپ دىلىم شاتلاندى.

بۆركۈت

   بۇ تېمىڭىزنى ئوقۇۋېتىپ ، بۇندىن 40 يىل ئىلگىرىكى سەبى چاغلىرىمنى ئەسلەپ قالدىم .

نەركىزە

قارغاي مۇئەللىم ئىلھاملىرىڭىز ئۈزۈلۈپ قالمىسۇن، يۇقارقى شېئىرىڭىزمۇ ياخشى يېزىلىپتۇ، سۆيگۈ-مۇھەببەت، ئارزۇ-ئىستەك، ئەسلىمە، ھەسرەت، خۇشاللىق ۋە قايغۇ بولمىغان تۇرمۇش زادى قانداق بۇلا؟ مۇشۇلار بولغانلىقى ئۈچۈنلا بۇ دۇنيا ، ئىنسانىيەت شەكىللىنىپ كىلىۋاتىدۇ...

لېرىكا

  ئىلھامىڭىزغا كۆز تەگمىسۇن ئۇستاز. رەخمەت سېزگە ،تېخمۇ نادېر ئەسەرلەرنى يوللاپ تۇرغايسېز.

pari

ياخشىمۇ سىز قارىغاي ئەپەندىم ؟
شېئىرىڭىز ئىختىيارسى بالىلىقنى ئەسلىتىپ قويىدىكەن ، رەھمەت  ، ياخشى يېزىلغان شېئىرىلىرىڭىزدىن زوق ئالدۇق