‹‹جىلدىرماچ›› ئويۇنى

جىلدىرماچ ئۇيغۇر ئوغۇل ئۆسمۈرلىرىنىڭمۇ ياخشى ئەرمىكى بولۇپ، بىر يىلنىڭ ھەممە پەسلىدە بىرقەدەر تەكشى يول، ئېتىز ــ ئېرىق قىرلىرى ۋە سايلىقلاردا ئوينىلىدۇ.

      ئوغۇل بالىلار تومراق سىمدىن ئۆزلىرى ياخشى كۆرىدىغان جىلدىرماچلارنى تەقلەپ بولغاندىن كېيىن، جىلدىرماچنى ھەيدەشتە ئىشلىتىلدىغان ئىتتەرگۈ ياساپ چىقىدۇ. ئىتتەرگۈنىڭ توملۇقى ۋە ئۇزۇنلۇقى ھەربىر بالىنىڭ، بولۇپمۇ جىلدرماچنىڭ چوڭ - كىچىكلىكىگە قاراپ بەلگىلىنىدۇ.

 

  بالىلار مەھەلىلەر بويىچە ياكى خالىغانچە گۇرۇپپىلارغا ئايرىلىپ، ھەرخىل جىلدىرماچ ۋە ئىتتەرگۈلەرنى ئېلىپ كەڭ مەيدانلارغا جەڭ بولۇپ، ‹‹باشلامچى››نىڭ ئورۇنلاشتۇرۇشى بويىچە ئۇزۇن ــ قىسقا ئارىلىقلارغا يۈگۈرۈشۈپ ئوينايدۇ؛ جىلدىرماچلارنى چەبدەسلىك بىلەن ھەيدەش، بۇراش، چوڭ ــ كىچىكلىك قاتارلىق ئالاھىدىلىكلىرىگە قاراپ سەپكە تىزىلىپ، ئاتا ــ بوۋىلىرىنىڭ كارۋان تارتىپ يۈرگەن ئۇزۇن سەپەرلىرىنى داۋاملاشتۇرغۇچىلارغا ئوخشىشىپ قالىدۇ. بالىلار بەلگىلەنگەن نىشانغا بېرىش جەريانىدا جىلدىرماچلارنى قائىدىلىك، تەرتىپلىك، تېز سۈرئەتتە ھەيدەش، بىر ــ بىرىگە، باشقا نەرسىلەرگە سوقۇلۇپ كەتمەسلىك قاتارلىق ‹‹مۇسابىقە قائىدىسى››گە دىققەت قىلىدۇ.

      بۇ ئويۇن ئوغۇللارنى غەيرەتلىك، جاسارەتلىك قىلىپ يېتىلدۈرىدۈ، ئۇزۇنغا يۈگۈرۈشتە چېنىقتۇرىدۇ؛ يىراق ــ يېقىندىكى ئىشلارنى جىلدىرماچنىڭ يادىمى بىلەن تېز بېجىرىپ كېلىش، يېزا بالىلىرىنىڭ قوي، كالا پادىلىرىنى جىلدىرماچنىڭ ياردىمى بىلەن توسۇش ھەمدە مەدەنىي تۇرمۇشىنى كۆپ خىللاشتۇرۇش جەھەتلەردە مەلۇم ئەھمىيەتكە ئىگە.

      مۇھەممەت ئابلىز بۆرەيارنىڭ قەشقەر ئۇيغۇر نەشرىياتى تەرىپىدىن نەشر قىلىنغان ‹‹ئۇيغۇر بالىلار ئېغىز ئەدەبىياتى قامۇسى››دىن ئېلىندى.

(تەھرىر : admin)

• دەسىلەپكى مەزگىلىدىكى بالىلار تەربىيىس
• بالىلارنىڭ ھەسەتخورلۇق پىسىخىكىسىغا قا
• ‹‹موت كەتتى›› ئويۇنى
• ‹‹ئوردا تۆشۈكى›› ئويۇنى
• ‹‹ئاداش ــ ئاداش›› ئويۇنى
• سالما تاشلاش ئويۇنى
• ‹‹لام ــ جىم›› ئويۇنى
• پىلانلىق بالا
• تاپالامسىز؟
• ‹‹ئىلىشماق›› ئويۇنى
• ‹‹قارا – قارا قۇشلارىم›› ئويۇنى
• ‹‹سۇناي›› ئويۇنى
• ‹‹چىلىشىش›› ئويۇنى
• ‹‹ئىلەڭگۈچ›› ئويۇنى
• ئەنئەنىۋى بالىلار ئويۇنلىرى ۋە بۈگۈنكى
• ‹‹بىجىگەن توپ›› ئويۇنى