ماڭقىمۇ ئىممۇنىتېت كۈچىنى ئاشۇرىدۇ

   كانادا ساكاتچېۋان ئۇنىۋېرسىتېتىنىڭ بىيوخىمىيە دوتسېنتى سكوت ناپېر يېقىندا تەتقىق قىلىش ئارقىلىق بالىلاردىكى كىشىنىڭ كۆڭلىنى ئىلەشتۈرىدىغان ئادەتلەرنىڭ بىرى بولغان ماڭقىسىنى سۈمۈرۈشنىڭ سالامەتلىككە پايدىلىق ئىكەنلىكىنى ئوتتۇرىغا قويغان. ئۇنىڭ دېيىشىچە، بۇرۇندىكى شىلىمشىق سۇيۇقلۇق باكتېرىيەلەرنىڭ ئۆپكىگە كىرىشىنىڭ ئالدىنى ئالىدىكەن. ئۇنىڭدىن باشقا، ماڭقىنى سۈمۈرگەندە، بەدەنگە كىرگەن باكتېرىيە ئىممۇنىتېت كۈچنى ئاشۇرۇشى مۇمكىن ئىكەن.

    سىكوت ناپېر يەنە مۇنداق دېگەن: بۇ خىل ئادەت ئىممۇنىتېت سىستېمىمىزنى كۈچەيتىدۇ، بۇ خۇددى تەبىئىي ۋاكسىنا ئەملىگەنگە ئوخشايدۇ.