يازنىڭ تومۇز ئىسسىق كۈنلىرىدە بوۋاقلار تەرلەپ كېتىدۇ ، بۇ چاغدا نۇرغۇن ئاتا – ئانا بوۋاقنى ئۇپىلايدۇ ، ئەمما بالىلار كېسەللىك مۇتەخەسسىسلىرى ئۇپىنى مۇۋاپىق ئىشلەتمىگەندە ، بالىلارنىڭ سالامەتلىكىگە زىيان يىتىدىغانلىقىنى كۆرسەتتى .

   چۈنكى ئۇپىنىڭ تەركىبىدە تالىك پاراشوكى بولۇپ ، ئەگەر مىقدارى كۆپ بولۇپ كەتسە ، تالىك پاراشوكى كېكىردەكنىڭ سىرتقى قەۋىتىدە ئاجرىلىپ چىققان نەرسىلەر بىلەن قېتىشىپ ، كاناي توكچىلىرىنىڭ ئىقتىدارىنى بۇزىدۇ ، ھەتتا كاناي توسۇلۇپ قېلىشنى كەلتۈرۈپ چىقىرىدۇ . بۇنداق ئەھۋالدا پەقەت ستېروئىد تۈرىدىكى دورىلارنى ئىشلىتىپ كېسەللىك ئالامەتلىرىنى يېنىكلىتىش كېرەك . شۇڭا ئاتا – ئانىلار ئۇپا ئىشلەتكەندە تۆۋەندىكىلەرگە دىققەت قىلىش كېرەك :

   ئۇپىنى بالىلاردىن يىراق تۇتۇش ، ئىشلەتكەندە مۇۋاپىق مىقداردا ، ئاستا –ئاستا ئۇپىلاش ، توزۇتىۋەتمەسلىك كېرەك . ئىشلىتىپ بولغاندىن كېيىن ، ئاغزىنى ھىم ئېتىپ ساقلاش ، بالىلارغا بەرمەسلىك كېرەك . ئۇپىلىغاندا مىقدارىنى ئاشۇرۇۋەتمەسلىك كېرەك .