قىشتا بالىلارنى بەك قېلىن كىيىندۈرۈپ قويغاندا، قول-پۇتىنى بەك ئاسان ھەرىكەتلەندۈرەلمەيدۇ، بۇنداق بولغاندا تەبىئىيلا ئىشتىھاسى تۇتۇلۇپ قالىدۇ ھەمدە بويىنىڭ ئۆسۈشى تەسىرگە ئۇچرايدۇ. قىشتا سوغۇقتىن قورقۇپ بالىلارغا قات-قات كىيىندۈرۈپ قايغاندا، ئۇلارنىڭ ھەرىكەت قىلىشى چەكلىمىگە ئۇچراپ، بارا-بارا ئىنكاسىمۇ ئاستىلاپ قالىدۇ. شۇڭا قىشتا بالىنى سىرتقا ئېلىپ چىققاندا ھاۋارايى ئەھۋالىغا قارىتا كىيىندۈرۈش، ھەددىدىن زىيادە قېلىن كىيىندۈرۈپ قويماسلىق، بالىنىڭ چىدامچانلىقىنىمۇ ئاشۇرۇپ تۇرۇش كېرەك، لېكىن بەك نېپىزمۇ كىيىندۈرۈپ قويماسلىق كېرەك، ھاۋانىڭ ئۆزگىرىشىگە ئەگىشىپ، ئۆي ئىچى تېمپېراتۇرىسىنىمۇ تەڭشەپ تۇرۇش، بولۇپمۇ بالىلار ئۇخلايدىغان ئۆينىڭ دېرىزىسىنى ئوچۇق قويماسلىق، بالىنىڭ كارىۋىتىنى دېرىزىگە بەك يېقىن قويماسلىق كېرەك.

ـــ ماتېرىيالدىن