ساختا ئېلان چىقىرىش جىنايىتىگە قانداق ئەھۋالدا جىنايەت بېكىتىلىدۇ؟

   ساختا ئېلان چىقىرىش جىنايىتى ئېلان ئىگىلىرى، ئېلان تىجارەتچىلىرى ۋە ئېلان چىقارغۇچىلارنىڭ دۆلەتنىڭ ئېلان باشقۇرۇش  بەلگىلىمىسىگە خىلاپلىق قىلىپ، ئېلاندىن پايدىلىنىپ، ئېلان ياكى مۇلازىمەت ھەققىدە يالغان تەشۋىقات ئېلىپ بارغان ئېغىر قىلمىشنى  كۆرسىتىدۇ.
    ساختا ئېلان چىقىرىش جىنايىتى تۆۋەندىكىدەك ئالاھىدىلىكلەرگە ئىگە:
    بۇ جىنايەتنىڭ دەخلى–تەرۇز قىلىش ئوبيېكتى دۆلەتنىڭ ئېلان باشقۇرۇش تۈزۈمى، جىنايەت نىشانى ئېلاندىن ئىبارەت. بۇ جىنايەت  ئوبيېكتىپ جەھەتتە دۆلەتنىڭ ئېلان باشقۇرۇش قانۇن – نىزاملىرىغا خىلاپلىق قىلىپ، ئېلاندىن پايدىلىنىپ تاۋار ۋە مۇلازىمەت توغرىسىدا  ساختا تەشۋىقات ئېلىپ بېرىش قىلمىشى ھېسابلىنىدۇ. بۇ جىنايەتنىڭ سۇبيېكتى پەقەت ئېلان ئىگىلىرى، ئېلان تىجارەتچىلىرى ۋە ئېلان  چىقارغۇچىلىرى بولۇپ، بۇ جىنايەت سۇبيېكتىپ جەھەتتە بىۋاسىتە قەستەنلىكتىن شەكىللىنىدۇ. يەنى ئېلان ئىگىلىرى، ئېلان  تىجارەتچىلىرى ۋە ئېلان چىقارغۇچىلار ساختا ئېلان ئىكەنلىكىنى بىلىپ تۇرۇپ، قەستەن ساختا تەشۋىقات ئېلىپ بارىدۇ.
    ئالىي خەلق تەپتىش مەھكىمىسى ۋە جامائەت خەۋپسىزلىكى مىنىستىرلىقىنىڭ ‹‹جامائەت خەۋپسىزلىكى ئورگىنىنىڭ باشقۇرۇش  تەۋەلىكىدىكى جىنايى ئىشلار دېلولىرىنى دېلو ئېچىپ سۈرۈشتۈرۈش ئۆلچىمى ھەققىدىكى بەلگىلىمىسى››دە: ‹‹ئېلان ئىگىلىرى، ئېلان  تىجارەتچىلىرى ۋە ئېلان چىقارغۇچىلار دۆلەتنىڭ بەلگىلىمىسىگە خىلاپلىق قىلىپ، ئېلاندىن پايدىلىنىپ تاۋار ياكى مۇلازىمەتنى ساختا  تەشۋىق قىلىپ، تۆۋەندىكى ئەھۋاللارنىڭ بىرىگە توغرا كەلگەنلىرى ئۈستىدە دېلو تۇرغۇزۇلۇپ، جىنايى جاۋابكارلىقى سۈرۈشتۈرۈلىدۇ›› دەپ  بەلگىلەنگەن.
    1) قانۇنغا خىلاپ تاپاۋەت سوممىسى 100 مىڭ يۈەندىن يۇقىرى بولغانلار؛
    2) يالغۇز ئىستېمالچىنى 50 مىڭ يۈەندىن يۇقىرى بىۋاسىتە ئىقتىسادىي زىيانغا ئۇچراتقانلار ياكى كۆپ ئىستېمالچىنى 200 مىڭ  يۈەندىن يۇقىرى بىۋاسىتە ئىقتىسادىي زىيانغا ئۇچراتقانلار؛
    3) تاسادىپىي ۋەقەلەرنىڭ ئالدىنى ئېلىش، كونترول قىلىش نامى بىلەن ئېلاندىن پايدىلىنىپ ساختا تەشۋىقات ئېلىپ بېرىپ، نۇرغۇن  ئادەمنى ئالداپ، قانۇنغا خىلاپ تاپاۋەت سوممىسى 30 مىڭ يۈەندىن يۇقىرى بولغانلار؛
    4) يۇقىرى سومما ئۆلچىمىگە يەتسىمۇ، لېكىن ئىككى يىل ئىچىدە ئېلاندىن پايدىلىنىپ ساختا تەشۋىقات ئېلىپ بېرىپ، ئىككى  قېتىمدىن يۇقىرى مەمۇرىي جازاغا تارتىلغانلار ۋە ئېلاندىن پايدىلىنىپ ساختا تەشۋىقات ئېلىپ بارغانلار؛
    5) باشقىلارنىڭ جىسمانىي جەھەتتە زەخىملىنىشى، مېيىپ بولۇپ قېلىشىغا سەۋەبچى بولغانلار؛
    6) قىلمىشى ئېغىر باشقا ئەھۋاللار.
    بۇ جىنايەتكە بېرىلىدىغان جازا مەسىلىسىدە، دۆلىتىمىز جىنايى ئىشلار قانۇنىنىڭ 222–ماددىسىدا: ‹‹دۆلەتنىڭ بەلگىلىمىسىگە  خىلاپلىق قىلىپ، تاۋار ياكى مۇلازىمەت ھەققىدىكى ئېلاندىن پايدىلىنىپ ساختا تەشۋىقات ئېلىپ بارغان ئېلان ئىگىلىرى، ئېلان  تىجارەتچىلىرى ۋە ئېلان چىقارغۇچىلاردىن قىلمىشى ئېغىر بولغانلىرىغا ئىككى يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ  ئەمگەككە سېلىش جازاسى بېرىلىدۇ، قوشۇمچە ياكى ئايرىم جەرىمانە قويۇلىدۇ›› دەپ بەلگىلەنگەن.

()

• . ئاپتوموبىل ھەيدەشنى ئۆگىنىش جەريانىدا
• . قۇرامىغا يەتمىگەنلەردىن سوئال سوراش ۋە
• . ساختا ئېلان چىقىرىش جىنايىتىگە قانداق ئ
• . ‹‹جىنايى ئىشلار قانۇنى›› دا يېمەكلىك
• . 2013-يىللىق بايراملىق دەم ئېلىشتا قانۇنغا
• . مېيىپ ئوقۇغۇچىلار باشلانغۇچ مەكتەپنىڭ
• . يەسلى ئوقۇتقۇچىلىرى ئوقۇتقۇچىلىق سالاھ
• . دەم ئېلىشقا قويۇپ بېرىشتا گۇمان ئازايتى
• . ئوقۇش ياردەم قەرز پۇلىنى باشقۇرۇش چارىس
• . ياشانغانلارنىڭ ھوقۇق - مەنپەئىتىنى كاپا
• . خىزمەت ئىستىلى توغرىسىدىكى سەككىز تۈرل
• . قانداق كىشىلەرنىڭ تۇرار جايى نازارەت ئا
• . جۇڭگو كوممۇنىستىك پارتىيەسىنىڭ نىزامن
• . رېجىمنى قانداق چۈشىنىمىز؟
• . قورساقتىكى بالىنىڭ ۋارىسلىق قىلىش ھوقۇ
• . قانداق جىنايەتچىلەرگە ئېغىر جازا بېرىل