ناشتىدا ۋە باشقا ۋاقىتلاردا سوغۇق سۇنى كۆپ ئىچىش، ھەرىكەت قىلماسلىق، سوغۇق يەردە ئولتۇرۇش ۋە ئۇخلاش، سوغۇق مۇھىتتا ياشاش، ئۆزىنى ئىسسىق ساقلاشقا ئەھمىيەت بەرمەسلىك، سوغۇق تەبىئەتلىك يېمەك-ئىچمەك ۋە دورا-دەرمەكلەرنى كۆپ يېيىش سەۋەبىدىن، بۆرەكنىڭ مىزاجى ماددىسىز سوغۇقتىن بۇزىلىدۇ.
بۇ خىل كېسەلگە گىرىپتار بولغانلار پاقلان كاللىسىنىڭ شورپىسى ياكى كەپتەر گۆشىنىڭ شورپىسىغا جويۇز يېغى، بادام يېغى، قۇستە يېغى ۋە چىگىت يېغى قاتارلىقلاردىن مۇۋاپىق دەپ قارالغىنىنى لايىقىدا ئارىلاشتۇرۇپ، قائىدە بويىچە ھۆقنە سۇيۇقلۇقى تەييارلاپ ھۆقنە قىلسا بولىدۇ، بۇ خىل ئۇسۇل بىلەن بۆرەككە ئەڭ يېقىن جايدىن ئىسسقلىق يەتكۈزگىلى بولىدۇ. بۆرەك ئۇدۇلىغا پەرپىيۇن يېغىنى سۈركىسە، غىزاسىغا كەپتەر باچكىسىنى نوقۇت، زىرە، دارچىن بىلەن شورپا قىلىپ ياكى قۇشقاچ گۆشىنى كاۋاپ قىلىپ يېسە پايدىسىنى كۆرىدۇ.
مەلىكە مۇھەممەت تەييارلىغان. ئۈرۈمچى كەچلىك گېزىتىدىن ئېلىندى. |
:::توربىكىتىمىزنى ئۇلىنىش قىلىۋىلىڭ :::