28-ئۆكتەبىر چۈشتىن بۇرۇن سائەت 10:50لەر ئەتراپىدا، دوڭۋەن شەھىرى چاڭ ئەن بازارلىق يېڭى خەلق رايونى تەرەققىيات كوچىسىدىكى چاڭ ۋاڭ ئېلېكترونلۇق زاۋۇتىدا، بىر نەپەر 90چى يىلىدىن كېيىن تۇغۇلغان ياش ئىشچى لوڭ ئىش ھەققىنى ئېلىۋاتقاندا،50يۈەن ئىشقا تولۇق چىقىش مۇكاپاتى ئۈچۈن دىرېكتورى يۈەن بىلەن جېدەللىشىپ قالىدۇ،لوڭ يېنىدا دائىم ئېلىپ يۈرىدىغان پۇرژىنا پىچىقىنى ئېلىپ ئارقا-ئارقىدىن يۈەنگە ئۈچ پىچاق تىقىدۇ بۇنىڭ بىلەن يۈەننىڭ قان كۆپ چىقىپ كەتكەنلىكتىن ئۆلۈشىنى كەلتۈرۈپ چىقىرىدۇ.نۆۋەتتە جىنايەت گۇماندارى لوڭ ساقچىلار تەرىپىدىن تۇتۇپ تۇرۇلۇۋاتىدۇ،چاڭ ئەن ساقچى تەرەپ ھازىر بۇ دېلوغا قارىتا تەكشۈرۈش ئېلىپ بارماقتا.
بۇ زاۋۇتنىڭ ئىشچىسى لى ئەپەندىمنىڭ تونۇشتۇرۇشىغا ئاساسلانغاندا،تۈنۈگۈن چۈشتىن بۇرۇن 10:30لەر ئەتراپىدا،زاۋۇتنىڭ ئىككىنچى قەۋىتىدە ئىش ھەققىنى تارقىتىۋاتقاندا ،بىر ئىشچى تۇيۇقسىز ئىككىنچى قەۋەتتىكى ئىشخانىدىن ئىش ھەققى توغرىسىدا جېدەل چىققانلىقىنى ئاڭلىغان.ئەينى ۋاقىتتا كۆپچىلىك مەسىلە چوڭ بولمىسا كېرەك دەپ ئويلاشقان ھەمدە كارى بولمىغان،ئىش ھەققىنى ئېلىپ بولغاندىن كېيىن ئىشچىلار بىرىنچى قەۋەتكە چۈشۈپ ماشىنىلارنى قوزغىتىپ ئىشقا كىرىشكەن.
‹كۈتۈلمىگەندە يىگىرمە مىنۇت ۋاقىت ئۆتمەيلا ،تۇيۇقسىز ئىككىنچى قەۋەتتىن بىرى ئادەم ئۆلتۈردى!ئادەم ئۆلتۈردى!دەپ توۋلاپ كەتتى شۇنىڭ بىلەن مەن دەرھال يۈگۈرۈپ چىقتىم›دېدى لى ئەپەندىم.ئۇ ئىككىنچى قەۋەتكە چىققاندا يۈەننىڭ بوينىغا پىچاق سانجىلغان ھالدا ياتقانلىقىنى ،قاننىڭ سۇدەك ئېقىۋاتقانلىقىنى كۆردى.
دېلو يۈز بەرگەندىن كېيىن بۇ زاۋۇتنىڭ ئىشچىلىرى دەرھال ساقچىغا مەلۇم قىلغان ھەمدە ھەمكارلىشىپ يارىلانغان يۈەننى كۆتۈرۈپ ئىشىك ئالدىغا ئېلىپ چىققان،بىراق يۈەننىڭ يارىسى ئېغىر بولغانلىقتىن قۇتقۇزغۇچى خادىملار نەق مەيدانغا كەلگەندە ئاللىقاچان ئۆلۈپ قالغان.لى ئەپەندىمنىڭ تونۇشتۇرۇشىچە جىنايەت گۇماندارى زاۋۇتقا كەلگىلى ئەمدى بىر ئاي بولغان ئاقما لىنىيە ئىشلەپچىقىرىش ئىشچىسى لوڭ ئىكەن.
ساقچى تەرەپنىڭ تونۇشتۇرۇشىغا ئاساسلانغاندا،ئۆلگۈچى يۈەن چۇڭچىڭلىق بولۇپ، 32ياش ئىكەن؛جىنايەت گۇماندارى لوڭ 21ياش بولۇپ ،گۇاڭشى لوڭ لىن ناھىيىسىدىن ئىكەن.ۋەقە يۈز بەرگەندىن كېيىن جىنايەت گۇماندارى لوڭ چاڭ ئەن بازار مەركىزىدىكى ئادەم زىچ رايونغا قاچماقچى بولغان ھەمدە تەرەققىيات يولى ئەتراپىدا چارلىغۇچى ساقچىلار تەرىپىدىن بايقىلىپ نەق مەيداندا تۇتۇلغان.
نۆۋەتتە ساقچى تەرەپ بۇ دېلوغا نىسبەتەن يەنىمۇ ئىلگىرىلىگەن ھالدا تەكشۈرۈش ئېلىپ بارماقتا.
:::توربىكىتىمىزنى ئۇلىنىش قىلىۋىلىڭ :::