قانچىلىك خوشاللىق بولۇشىدىن قەتئىينەزەر زىيادە ھاياجانلىنىش سالامەتلىككە زىيانلىق . بولۇپمۇ ياشانغانلار ئۈچۈن بۇ تېخىمۇ شۇنداق . يۈرەك قان تومۇر كېسەللىكىگە گىرىپتار بولغان بىمارلار زىيادە خوشال بولۇشقا ، ھاياجانلىشىشقا بولمايدۇ . كۆپلىگەن يۈرەك قان تومۇر كېسىلى ئاغرىقلىرى ئائىلىدە كۈلۈپ ئولتۇرۇپ ياكى ي ئىغىن زالىدا سۆزلەۋىتىپ كېسىلى قوزغىلىدۇ ، ھەتتا جان ئۈزىدۇ . ھاياجانلىنىش نورمال ئادەمگە تەسىر قىلمىغان بىلەن ئاغرىق كىشىگە ئېغىر زەربە بولىدۇ .

             ئۇنداقتا ياشانغانلار قانداق قىلغاندا زىيادە ھاياجانلىنىشتىن ساقلىنالايدۇ ؟

      ئادەتتا قېنىق چاي ئىچمەسلىك ، قەھۋا دەملەپ ئىچمەسلىك ، ھاراق ئىچمەسلىك كېرەك . تېلېۋىزور كۆرگەندە ، ھوزۇرلىنىدىغان مەنزىرە ، ناخشا ، يومۇرلارنى كۆرۈش ، جىددىي ئۇرۇش ۋە خەتەرلىك كۆرۈنۈشلەرنى كۆرمەسلىك كېرەك . مۇڭلۇق مۇزىكىلەرنى ئاڭلاش ، خاپىلىق تارتقاندا دوستلارنى ئىزدەپ كۆڭۈلدىكى چىقىرۋېتىش كېرەك .

       يولداشلار ئارا پاراڭلاشقاندا ھەرگىزمۇ ئۆزۈمنىڭلا راست دەپ جاھىللىق بىەن بىر نەرسىنى تالىشىپ ئۈستەل مۇشتلاپ كەتمەسلىك ، ئەخلاق يۈزىسىدىن سالماسلىق بىلەن بەزى گەپنىمۇ ئاڭلاپ قويۇش كېرەك . تەنتەك ئادەملەرنىڭ گېپىنى پەقەت مەنسىتمەسلىك نەزىرى بىلەن قاراپ قويسىلا بولدى ، ئۇنى تالىشىشنىڭ ئورنى يوق .