شىنجاڭ يېڭىدىن قوبۇل قىلىنغان ئالىي مەكتەپ ئوقۇغۇچىلىرىنىڭ سالاھىيىتىنى قايتا تەكشۈرىدۇ

   مۇخبىرنىڭ ئاپتونوم رايونلۇق مائارىپ نازارىتىدىن ئىگىلىشىچە، بۈگۈندىن باشلاپ ئۆكتەبىرنىڭ ئاخىرىغىچە، پۈتۈن شىنجاڭدىكى ئالىي مەكتەپلەر مائارىپ نازارىتىنىڭ تەلىپىگە ئاساسەن، يېڭىدىن قوبۇل قىلىنغان ئوقۇغۇچىلارنىڭ سالاھىيىتىنى قايتىدىن تەكشۈرىدىكەن.

   تونۇشتۇرۇلۇشىچە، قايتىدىن تەكشۈرۈش: ئېلېكترونلۇق ئۇچۇرنى سېلىشتۇرۇش، ئارخىپتىكى ئۇچۇرنى تەكشۈرۈش، ئادەتتىكى ئالىي مەكتەپلەرنىڭ ئوقۇغۇچى قوبۇل قىلىش ئۇچۇرىنى تەكشۈرۈش قاتارلىقلارنى ئۆز ئىچىگە ئالىدىكەن. لاياقەتلىك، يېڭىدىن قوبۇل قىلىنغان ئوقۇغۇچىلارنىڭ ئۇچۇرى جۇڭگو ئالىي مائارىپ ئوقۇغۇچىلىرى ئۇچۇر تورى ۋە شىنجاڭ مائارىپ تورىغا كىرگۈزۈلىدىغان بولغاچقا، تور ۋاستىسى ئارقىلىقلا شۇ ئوقۇغۇچىغا مۇناسىۋەتلىك ئۇچۇرلارنى تاپقىلى بولىدىكەن.

ھەمبەھىرلىنىڭ