ئامېرىكىلىق بىر ئەر مىكرو دولقۇنلۇق ئوچاقتا «ئالما» قىزىتقان

    جۇڭشىن تورى 24-سىنتەبىر تېلىگراممىسى . ئامېرىكىلىق بىر ئەر يېڭىدىن سېتىۋالغان iPhone 5 يانفونىنى مىكرو دولقۇنلۇق ئوچاققا سېلىپ قىزىتقان ، ھەمدە پۈتكۈل جەرياننى سىنغا ئېلىۋىلىپ ، كۆرۈنمە چاستوتىدىن بىرلىكتە ھۇزۇرلىنىش تورى YouTube قا يوللىغان بولۇپ ، 3 كۈن ئىچىدە 67 مىڭ قېتىم چېكىپ كۆرۈلگەن . بۇ "تەلەيسىز" iPhone 5 يانفونى دەز ئېلىپ كەتكەن ، ئارقىدىن ئوت ئېلىپ كۆيگەن ، بىراق ئەجەپلىنەرلىكى پارتىلاپ كۈكۈم بولۇپ كەتمىگەن . بۇ ئەر يەنە تېخى بۇ يانفوننىڭ قالدۇق قىسمىنى توردا كىم ئاشتى قىلىپ ساتماقچى بولغان بولۇپ ، دەسلەپكى باھاسىنى 3001 ئامېرىكا دوللىرى قىلىپ بېكىتكەن .

    توردا ئېقىپ يۈرگەن كۆرۈنمە چاستوتىدىن كۆرۈۋىلىشقا بولىدىكەنكى ، بۇ ئەر بىر پۈتۈنلەي يېڭى بولغان ئاق رەڭلىك iPhone 5 چىقىرىپ ئۇنى مىكرو دولقۇنلۇق ئوچاققا سالغان . ئوچاق قوزغىتىلغاندىن كېيىن ، يانفوندىن قاتتىق يېرىلىش ئاۋازى ئاڭلانغان ، 40 سىكۇنت ئۆتكەندىن كېيىن ئوت ئېلىپ كۆيۈپ بىر ئوت شارىغا ئايلانغان . 3 مىنۇت ئۆتكەندىن كېيىن بۇ ئەر مىكرو دولقۇنلۇق ئوچاقنى ئېچىپ ئوتنى ئۆچۈرىۋالغان ، يانفون ئاللىقاچان كۆيۈپ قارا كۈيەگە ئايلىنىپ كەتكەن بولسىمۇ ، لېكىن سىرتقى كۆرۈنىشى يەنىلا ئەسلى ھالىتىنى ساقلاپ قالغان .

ھەمبەھىرلىنىڭ