ئاپتونوم رايونلۇق مەدەنىيەت نازارىتى تۈنۈگۈن ئاخبارات ئېلان قىلىش يىغىنى ئۆتكۈزۈپ، بۇ يىل 7- ئايدا ئاپتونوم رايونىمىز مىقياسىدا جۇڭخۇا خەلق جۇمھۇرىيىتى قۇرۇلغانلىقىنىڭ 60 يىللىقىنى خاتىرىلەش يۈزىسىدىن "تەڭرىتاغ ئاسمىنىدا چاقنىغان يۇلتۇز" دېگەن تېمىدا ئاممىۋى سەنئەت پائالىيىتى ئېلىپ بارىدىغانلىقىنى ئېلان قىلدى.

   بۇ قېتىمقى پائالىيەت ئاپتونوم رايونىمىزنىڭ جۇڭخۇا خەلق جۇمھۇرىيىتى قۇرۇلغانلىقىنىڭ 60 يىللىقىنى خاتىرىلەش يۈزىسىدىن ئېلىپ بارىدىغان بىر يۈرۈش مەدەنىيەت سەنئەت پائالىيەتلىرىنىڭ مۇھىم مەزمۇنى بولۇپ، بۇنى ئاپتونوم رايونلۇق پارتكوم تەشۋىقات بۆلۈمى، ئاپتونوم رايونلۇق مەدەنىيەت  نازارىتى، ئاپتونوم رايونلۇق ئەدەبىيات- سەنئەتچىلەر بىرلەشمىسى، ئاپتونوم رايونلۇق ياشانغانلار پائالىيەت ئىشخانىسى قاتارلىق ئورۇنلار بىرلىكتە تەشكىللىگەن.

   تونۇشتۇرۇلۇشىچە، بۇ يىل 6- ئاينىڭ 20- كۈنىدىن بۇرۇن، ھەرقايسى ۋىلايەت، ئوبلاستلار دەسلەپكى تاللاش مۇسابىقىسى ئېلىپ بارىدىكەن. 7- ئاينىڭ ئاخىرىدا ئۈرۈمچىدە تاللاش ۋە ھەل

   ئىگىلىنىشىچە، مۇسابىقە ئوبېيكىتلىرى ئاپتونوم رايونىمىزدىكى ھەر مىللەت ئۆسمۈلىرى، ئاممىۋى مەدەنىيەت سەنئەت خىزمەتچىلىرى ھەمدە مەدەنىيەت سەنئەت ھەۋەسكارلىرى بولۇپ، مۇسابىقە ئۆسمۈرلەر گۇرۇپپىسى، ياشلار گۇرۇپپىسى، ياشانغانلار گورۇپپىسىدىن ئىبارەت ئۈچ گورۇپپا بويىچە ئېلىپ بېرىلىدىكەن.