ئىختىيارىي مۇخبىرىمىز مۇختەر نۇرمۇھەممەت خەۋىرى ، فوتوسى : 28–ئاپرېل ، ئاقتۇ ناھىيىسىنىڭ بۇلۇڭكۆل يېزىسىدا بۇلۇڭكۆل–قوڭۇر سۇ ئېلېكتر ئىستانسسىسى قۇرۇلۇشىدا ئىش باشلاش مۇراسىمى ئۆتكۈزۈلدى .
شىنجاڭ ئۇيغۇر ئاپتونوم رايونلۇق پارتكومنىڭ مۇئاۋىن شۇجىسى ، ئاپتونوم رايوننىڭ دائىمىي مۇئاۋىن رەئىسى ياڭ گاڭ قۇرۇلۇشنىڭ ئۇل سېلىش مۇراسىمغا قاتناشتى . بۇلۇڭكۆل–قوڭۇر سۇ ئېلېكتر ئىستانسسىسى قۇرۇلۇشى قىزىلسۇ قىرغىز ئاپتونوم ئوبلاستىنىڭ تاغلىق رايونىدىكى تىزگىنلەش خاراكتېرلىك تۇنجى چوڭ تىپتىكى سۇچىلىق تۈگۈن قۇرۇلۇشى بولۇپ ، سۇغۇرۇش ، توك چىقىرىش ، كەلكۈندىن مۇداپىئە كۆرۈش ۋە ئېكولوگىيىنى ياخشىلاش قاتارلىق ئۇنىۋېرسال ئۈنۈمگە ئىگە . بۇ قۇرۇلۇشقا جەمئىي 2 مىليارد 204 مىليون يۈەن مەبلەغ سېلىنىدىغان بولۇپ ، بۇ قۇرۇلۇش
تاماملانغاندىن كېيىن ، گەز دەريا ۋادىسىدىكى 1 مىليون 400 مىڭ مو دېھقانچىلىق ، چارۋىچىلىق ، ئورمانچىلىق يېرىنىڭ سۇ مەسلىسى ئۈنۈملۈك ھەل قىلنىپلا قالماستىن ، بەلكى يەنە قىزىلسۇ ئوبلاستى ۋە قەشقەر ۋىلايىتىنىڭ توك يېتىشمەسلىك مەسلىسىنىمۇ ئۈنۈملۈك ھەل قىلىنىدىكەن . بۇ قۇرۇلۇش بۇلۇڭكۆل يېزىسىدىكى 150 مىڭ مو تەبىئىي يايلاقنىڭ يايلاق ئېكولوگىيىسى ۋە قىرغىز چارۋىچىلارنىڭ ئىشلەپچىقىرىش تۇرمۇش شارائىتىدىمۇ كۆرۈنەرلىك ياخشىلىنىش بارلىققا كېلىپ ، يەرلىكنىڭ ئىقتىسادىي تەرەققىياتى ئۈچۈن تۈرۈتكىلىك رول ئوينايدۇ .
272794174 
بۇ تۇغنى ئۇلاپ باس - باس تورىنى ئۇلىنىش قىلىۋېلىڭ !
تۇرغۇن خاتىرلىرىدىن