تەكلىماكان بلوگ* ئاسىيا

ئەسقەر، ئەركىن ئابدۇللا، مۆمىنجان قاتارلىقلارنىڭ بلوگلىرىنى كۆرگەن، بۈگۈنكى كۈندە تورتۇرا قۇرۇش داڭلىق شەخسلەر، بىزگە ئوخشاش ئادەتتىكى كىشىلەر، ئوقۇغۇچىلار ۋە ھەتتا رەئىس جۇمھۇرلار ئارىسىدا ئومۇملاشقىلى تۇردى. كۆپلىگەن يازمىلاردا ئېيتىپ ئۆتۈلگەندەك كۆپۈنچە كىشىلەر ئۈچۈن بلوگ كۆڭۈل خوشى، ئەمما نۇرغۇن كۆڭۈل خوشى ئۈچۈن يېزىلغان بلوگلارنىڭ كەلگۈسىدە ناھايىتى زور زىيارەت سانىغا ئىگە، كىچىكرەك بىر شىركەتنىڭ كىرىمىدىن كۆپرەك كىرىم قىلىدىغان ھالەتكە يېتىپ قالغانلىقىنى كۆرۈمىز.
داڭلىق شەخسلەر بلوگلىرىنىڭ جايلىشىش ئەھۋالى
جۇڭگودىكى داڭلىق شەخسلەرنىڭ بلوگلىرى كۆپۈنچە sina.com غا جايلاشقان. چەتئەلدىكىلەرنىڭ كۆپۈنچە myspace.com ۋە blogger.com غا جايلاشقان. sina.com ھىچقانداق ئۈچۈنچى بىر تەرەپ كودىنى قىستۇرۇشقا رۇخسەت قىلمايدۇ. ئۇنىڭ زىيارەت سانى بەك يۇقىرى. بىر نەرسە يازسىڭىزلا نەچچە سېكونت ئىچىدە كۆرۈدىغان ئادەم چىقىدۇ. ئەمما ئېلان قىستۇرالمايسىز. كۆڭۈل ئېچىش ئۈچۈن يېزىلىدىغان بلوگلار ئۈچۈن ياخشى جاي. ئەمما تەكلىماكان بلوگنىڭ «پۇل تېپىش پۇرسىتى» نامىدىكى يازمىلىرىدا يېزىپ پۇل تاپىدىغان بىر نەچچە تۈرلەر تونۇشتۇرۇلدى. مەسلەن payperpost.com قاتارلىقلار. مۇشۇلاردىن پايدىلىنىپ، sina.com ياكى myspace.com دا قۇرغان بلوگدىمۇ پۇل تېپىشقا بولىدۇ. پەقەت زىيارەت ۋە ئىنكاس سانىنىڭ يۇقىرى بولۇشىغا كاپالەتلىك قىلالىسىڭىزلا ئېيىغا 50 دوللاردىن تۆت-بەش مىڭ دوللارغىچە كىرىم قىلالىشىڭىز مۇمكىن.
چېڭلوڭنىڭ بلوگ ئادرېسى: blog.sina.com.cn/jackiechan
ئامېرىكىنىڭ NASA دا ئىشلەيدىغان ئۇيغۇر ئالىم ئەركىن سىدىق ئەپەندىنىڭ Blogbus تا ئاچقان بلوگ ئادرېسى:
meripet.blogbus.com