ئازغۇن تور تۇراسى

版权声明：转载时请以超链接形式标明文章原始出处和作者信息及本声明
http://www.blogbus.com/azgun1-logs/41590302.html

مۇھەببەت ئۆكسۈپ_ئۆكسۈپ يىغلىماقتا،
ئۆزىنىڭ بۇ دۇنيادا خارلىقىدىن.
يوقىتىپ تۇز رەڭگىدەك ئاپئاق توننى،
كىيىۋالغان كىيىمىنىڭ چارلىقىدىن.

مۇھەببەت ئۆكسۈپ_ئۆكسۈپ يىغلىماقتا،
ئۆز قەدرىگە يەتكەنلەرنىڭ ئازلىقىدىن.
سىلىشتۇرسا پۇل_مال بىلەن تەڭ تۇرغۇزۇپ،
تۈگىمەس ئەيىپى بار« تاز » لىقىدىن.

مۇھەببەت ئۆكسۈپ_ئۆكسۈپ يىغلىماقتا،
شەھۋەتلەرگە نىقاپ بولۇپ قالغىنىدىن.
خىجىل بولۇپ ئولتۇرىدۇ باش كۆتۈرمەي،
«ھايات» دىگەن سازنى يالغۇز چالغىنىدىن.

مۇھەببەت ئۆكسۈپ_ئۆكسۈپ يىغلىماقتا،
ھەشەمەتلىك قەبرىسىنىڭ پۈتكىنىدىن.
قان يۇتماقتا سەكرىتىدا جان تالىشىپ،
«ئادەم» لەرنىڭ بۇدۇنيادىن يۈتكىنىدىن.

بىر شېئىر پىچىرلىماقتا

بىر شېئىر پىچىرلىماقتا:
يۈرىگىڭنى يەپ كىتىمەن دەپ.
بەلىكم قىساس ئالغان چىغىدۇر،
قان رەڭگىدەك، نىپىز لېۋىنى
قويغان ئىدىم مەجبۇرى چىشلەپ.

غەمسىز لىكتىن كەتتىم يىراقلاپ،
شۇ شېئىرنى سۆيگەندن باشلاپ.
مەن شۇ تاپتا مەمەتجان ئەبەي (1) ،
تۆكۈلىدۇ چېھرىمدىن ئازاپ.

(1) مەمەتجان ئەبەي: «مۇھەببەت» ناملىق ناخشا پىلاستىنكىسىنى ئىشلىگەن، ناخشىچى مەمەتجان ئەبەي كۆزدە تۇتىلىدۇ.