ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/41596345.html

ئىبرەت ۋە ھېكمەت


ئابدۇشۈكۈر مۇھەممەدئىمىن


ئەقىلسىز دوستۇڭدىن، دۈشمەن تاپ دەنا،
يېڭىلسەڭ بۇنىڭدا بىر ھېكمەت مەنا.
ناداننى يەڭمەكنى چاغلىما زەپەر،
ئەرزىمەس قىلماقلىق ئۇڭا تەمەننا.

چىن دوستنى تاشلىما ھەسرەت چېغىدا،
ئارتۇقچە ھەم يۈرمە شاتلىق بېغىدا.
دىل تۇرۇپ دىلدارسىز تۇتما دىلىڭنى،
ۋە ئۇنى رەنجىتمە ھەسرەت بېغىدا.

رەنامۇ مۇھتاجدۇر ئاۋام سۆزىگە،
ئەقىلمۇ كۈچ تاپار ئەلدىن ئۆزىگە.
ئۆزگىلەر سۆزىنى سىناپ پەرق ئەتكىن،
كۆز تۇرۇپ ئالدانما ئۆزگە كۆزىگە،

تەپەككۇر بايلىقىڭ چۈشەنسەڭ ئىبرەت ،
ئىبرەتسىز جۇلاسىن يوقىتار ھېكمەت.

        - ئابدۇشۈكۈر مۇھەممەد ئىمىن

يەنە بىر شېئىرى:      


«تاڭ بۆشۈكىدە»


قايتا تۇغۇلدۇم تاڭ بىلەن
تاڭ بۆشۈكىگە بۆلۈنۈپ ،
كۈلدۈم
شەبنەم  قۇچقان چېچەكتەك
شەپەق دۇنياسىغا چۆمۈلۈپ .

- ئابدۇشۈكۈر مۇھەممەدئىمىن

ئېزىز ئاتاۋۇللا سارتېكىننىڭ «مەدەنىيەت دالاسىغا سەپەر»  ناملىق كىتابىدىن ئېلىندى.