ئەتتىرگۈل تارخ بلوگى

"ﺋﻮﻳﻐﺎﺗﻤﺎﻕ - ﺋﻪﯓ ﻣﯜﺷﻜﯜﻝ ﺋﯩﺶ، ﭼﯜﻧﻜﻰ، ﺋﯘ  ﻫﻪﺭ ﺋﯩﻜﻜﻰ ﺗﻪﺭﻩﭘﻨﻰ ﺑﯩﺌﺎﺭﺍﻡ ﻗﯩﻠﯩﺪﯗ   « ﻧﯩﺠﺎﺩﯨﻴﻪﺗﻨﺎﻣﻪ  ﺩﯨﻦ.
  ﻳﯘﺭﺗﯩﻤﯩﺰ ﯞﻩ ﺧﻪﻟﻘﯩﻤﯩﺰﻧﯩﯔ ﺗﺎﺭﯨﺨﺘﯩﻜﻰ ﺷﯚﻫﺮﻩﺗﻠﯩﻚ ﻣﻪﺩﻩﻧﯩﻴﻪﺕ ﮔﯜﻟﺰﺍﺭﯨﻨﻰ ﺳﯘﻏﯘﺭﯗﭖ ﻛﻪﻟﮕﻪﻥ ﺧﻪﻟﻘﯫﺭﺍ ئاﻻﻗﻪ ﻳﻮﻟﻰ _  "ﻳﯩﭙﻪﻙ ﻳﻮﻟﻰ" ﻗﺎﻳﺘﺎ ﺋﯧﭽﯩﻠﺪﻯ! ﻣﯩﻼﺩﯨﺪﯨﻦ ﺋﯩﻠﮕﯩﺮﯨﻜﻰ ﺯﺍﻣﺎﻧﻼﺭﺩﯨﻦ ﺗﺎﻛﻰ ﻳﯧﻘﯩﻨﻘﻰ ﺯﺍﻣﺎﻥ ﺩﯦﯖﯩﺰ -ئوﻛﻴﺎﻥ ﻗﺎﺗﻨﯩﺸﯩﻐﯩﭽﻪ ﺩﺍﯞﺍﻡ ﻗﯩﻠﻐﺎﻥ ﻳﯩﭙﻪﻙ ﻳﻮﻟﻰ ئاﻻﻗﯩﻠﯩﺮﯨﻨﯩﯔ ﺳﯩﻤﯟﻭﻟﻰ ﺑﻮﻟﻐﺎﻥ " ﺗﯚﮔﻪ " ﻳﯧﯖﻰ ﻳﯩﭙﻪﻙ ﻳﻮﻟﯩﻨﯩﯔ ﺋﯧﭽﯩﻠﯩﺸﻰ ﺑﯩﻠﻪﻥ " ﻗﺎﻧﺎﺗﻠﯩﻖ ﺗﯚﮔﻪ " ئوﺑﺮﺍﺯﯨﺪﺍ ﻗﺎﻳﺘﺎ ﻧﺎﻣﺎﻳﺎﻥ ﻗﯩﻠﯩﻨﺪﻯ. ﺑﯘﻧﻰ ﺗﻪﻗﻪﺯﺯﺍ ﻗﯩﻠﻐﺎﻥ ﻛﻪﻟﮕﯜﺳﻰ ﺑﯩﺰﻧﻰ ﻛﯜﺗﯜﭖ ﺗﯘﺭﻏﺎﻥ ﻛﻪﻟﮕﯜﺳﯩﮕﻪ ئاﻳﻼﻧﻤﺎﻗﺘﺎ !
" ﺗﯚﮔﻪ " ﺳﯩﻤﯟﻭﻝ ﻗﯩﻠﯩﻨﻐﺎﻥ ﻳﯩﭙﻪﻙ ﻳﻮﻟﻰ ﺯﺍﻣﺎﻧﻠﯩﺮﯨﺪﺍ، ئەﺟﺪﺍﺩﻟﯩﺮﯨﻤﯩﺰ ﺷﻪﻫﻪﺭ- ﻗﻪﻟﯭﻟﻪﺭﻧﻰ ﻫﺎﻟﻘﺎ ﻗﯩﻠﻐﺎﻥ ئاﯞﺍﺕ ﺑﻮﺳﺘﺎﻥ ﻣﻪﺩﻩﻧﯩﻴﯩﺘﻰ ﻳﺎﺭﺍﺗﻘﺎﻥ، ﻫﯜﻧﻪﺭﭘﻪﺯ ﯞﻩ ﺧﻪﻟﻘﯫﺭﺍ ﺳﻮﺩﯨﮕﻪﺭ ﺳﯜﭘﯩﺘﯩﺪﻩ ﺩﯗﻧﻴﺎﻏﺎ ﺗﻮﻧﯘﻟﻐﺎﻥ، ﭘﻪﻟﺴﻪﭘﻪ ﯞﻩ ﺗﻪﺑﯩﯭﺕ ﭘﻪﻧﻠﯩﺮﯨﺪﻩ ﻗﺎﻣﯘﺳﻰ ئاﻟﯩﻤﻼﺭﻧﻰ ﻳﯧﺘﯩﻠﺪﯛﺭﮔﻪﻥ، ﻣﯘﺷﯘ ئاﺳﺎﺳﺘﺎ ﺳﻪﻧﯭﺗﺘﻪ ﺩﺍﯕﻖ ﻗﺎﺯﺍﻧﻐﺎﻧﯩﺪﻯ. ئۇ ﭼﺎﻏﺪﯨﻜﻰ ﺗﻪﻛﻠﯩﻤﺎﻛﺎﻥ ﭼﯚﻟﻠﯜﻛﻰ ﺩﯨﻴﺎﺭﻯ ﻣﻪﺩﻩﻧﯩﻴﻪﺕ ﭼﯚﻟﻠﯜﻛﻰ ﻫﺎﻟﯩﺘﯩﮕﻪ ﭼﯜﺷﯜﭖ ﻗﺎﻟﻐﺎﻥ ﺑﻮﻟﻤﺎﺳﺘﯩﻦ، ئەﻛﺴﯩﭽﻪ ﺳﺎﻳﺎﻫﻪﺗﻨﺎﻣﻪ ﻣﯘئەﻟﻠﯩﭙﻠﯩﺮﯨﮕﻪ ئاﻟﺘﯘﻥ ﺋﯩﻠﻬﺎﻡ ﺑﯧﻐﯩﺸﻠﯩﻐﺎﻥ ﻣﻪﺩﻩﻧﯩﻴﻪﺕ ﺩﻩﻫﻠﯩﺰﻯ ﺋﯩﺪﻯ.
"ﺗﯚﮔﻪ " ﺳﯩﻤﯟﻭﻝ ﻗﯩﻠﯩﻨﻐﺎﻥ ئاﯞﺍﺕ ئەﺳﯩﺮﻟﻪﺭ ﺧﺎﺭﺍﺑﯩﻠﯩﺮﯨﻨﻰ ئوﻏﯘﺕ ﻗﯩﻠﯩﭙﻤﯘ ﺑﺎﻳﺎﺷﺎﺗﻠﯩﻘﻘﺎ ﺋﯩﮕﻪ ﺑﻮﻻﻟﻤﯩﺪﯗﻕ. ئەﻣﺪﻯ "ﻗﺎﻧﺎﺗﻠﯩﻖ ﺗﯚﮔﻪ " ﺳﯩﻴﻤﺎ ﻗﯩﻠﯩﻨﻐﺎﻥ ﻳﯧﯖﻰ ئەﺳﯩﺮﻟﻪﺭ ﺗﯩﺰﻣﯩﺴﻰ ئاﻟﺪﯨﺪﺍ ﺗﯘﺭﯨﻤﯩﺰ. ﺑﯘ ﻏﺎﻳﻪﺕ ﻛﺎﺗﺘﺎ ﻫﺎﺩﯨﺴﯩﻨﻰ ﻳﯧﺘﻪﺭﻟﯩﻚ ﻣﻪﻧﯩﺴﻰ ﺑﯩﻠﻪﻥ ﻫﯧﺲ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭ ئاﺯ ﺑﻮﻟﺴﯩﻤﯘ، ئۇﻧﻰ ﻛﻪﻟﮕﯜﺳﻰ ﺗﺎﺭﯨﺨﭽﯩﻠﯩﺮﻯ ﺋﯩﭙﺘﯩﺨﺎﺭﻟﯩﻨﯩﭗ ﺗﯩﻠﻐﺎ ئاﻟﯩﺪﯗ.
ئوﻳﻼﭖ ﻗﺎﻟﺪﯨﻢ، " ﺗﯚﮔﻪ" ﺑﯩﻠﻪﻥ " ﻗﺎﻧﺎﺗﻠﯩﻖ ﺗﯚﮔﻪ " ﻧﯩﺸﺎﻧﻼﻧﻐﺎﻥ ﺗﺎﺭﯨﺨﯩﻲ ﺩﻩﯞﺭﻟﻪﺭ ئاﺭﯨﺴﯩﺪﺍ ﯲﺗﻜﻪﻥ ﺯﯗﻟﻤﻪﺗﻠﯩﻚ ئەﺳﯩﺮﻟﻪﺭﮔﻪ ﻧﯧﻤﯩﻨﻰ ﺳﯩﻤﯟﻭﻝ ﻗﯩﻠﯩﺶ ﻻﺯﯨﻢ؟ ﺑﯘ ﺑﯩﺮ ﺳﯩﻤﯟﻭﻟﻨﯩﯔ ﺋﯩﺨﭽﺎﻣﻼﺵ ﯞﻩ ﻫﯧﺲ ﻗﯩﻠﺪﯗﺭﯗپ ﺗﻪﺭﺑﯩﻴﯩﻠﻪﺵ ﻛﯜﭼﻰ ﻧﺎﻫﺎﻳﯩﺘﻰ ﭼﻮﯕﻐﯘ ! ﻣﯧﻨﯩﯖﭽﻪ " ﺗﯚﮔﻪﻗﯘﺷﻰ " ﻧﻰ ﺳﯩﻤﯟﻭﻝ ﻗﯩﻠﯩﺶ ﻛﯧﺮﻩﻙ، ئەﻟﯟﻩﺗﺘﻪ !
ﺷﯘﻧﺪﺍﻕ، ﺑﯘ ﺟﺎﻫﺎﻟﻪﺗﻠﯩﻚ ئەﺳﯩﺮﻟﻪﺭﺩﻩ ﺋﯩﻠﯩﻢ ﯞﻩ ﻫﯧﻜﻪﺗﺘﯩﻦ ئاﻳﺮﯨﻠﯩﭗ، ﯻﺸﺎﻧﻠﯩﻖ ﯞﻩ ﻣﻪﺯﻫﻪﭖ ﻣﯘﺭﯨﺘﯟﺍﺯﻟﯩﻘﻰ ﻻﺗﻘﯩﺴﯩﻐﺎ ﭘﺎﺗﺘﯘﻕ. "ئاﻕ ﺗﺎﻍ " ، " ﻗﺎﺭﺍ ﺗﺎﻍ " ﺑﻮﻟﯘﯞﯦﻠﯩﭗ، ﻗﺎﻥ ﺗﯚﻛﺘﯘﻕ، ئوﻳﻐﺎﺗﻘﯘﭼﻰ ﻣﻪﺷﺮﻩﭖ، ﺯﻩﻟﯩﻠﻰ، ﺧﺎﺭﺍﺑﺎﺗﻰ، ئەﺯﯨﺰﻯ ﯞﻩ ﺧﺎﻟﯩﻘﻼﺭﻧﻰﺧﺎﺭﻻﭖ ﺳﯩﺮﺗﺘﯩﻦ ﻛﻪﻟﮕﻪﻥ ﻣﻪﺧﺘﯘﻡ ئەﺯﻩﻡ، ﻳﯜﺳﯜﭖ ﭼﺎﯕﻤﻮﺯﺍﻻﺭﻧﻰ ئەﯞﻟﯩﻴﺎ ﻗﯩﻠﯩﯟﯦﻠﯩﭗ، ﻳﺎﺳﺎﻟﻤﺎ ﻣﺎﺯﺍﺭﻻﺭﻧﻰ ﺗﺎﯞﺍﭖ ﻗﯩﻠﯩﭗ ﻳﺎﺗﺘﯘﻕ. ﻗﻮﻟﯩﻤﯩﺰﺩﯨﻦ ﻛﻪﻟﮕﯩﻨﻰ ﺩﺍﭖ ﺗﺎﺭﺍﯕﺸﯩﺘﯩﭗ ئۇﺳﺴﯘﻝ ئوﻳﻨﺎﺵ ﺑﯩﻠﻪﻥ ﻣﻪﺩﺩﺍﻫﻠﯩﻖ ﯞﻩ ﻫﺎﭘﯩﺰﻟﯩﻖ ﺑﻮﻟﺪﻯ ! ئاﺧﯩﺮﻯ ﺑﯩﺮ ﺗﺎﻝ ﻗﻪﻧﺖ، ﺑﯩﺮ ﺗﺎﻝ ﺳﻪﺭﻩﯕﮕﯩﻨﯩﻤﯘ ﭼﻪﺗﺘﯩﻦ ئاﻟﯩﺪﯨﻐﺎﻥ ﻛﯜﻧﮕﻪ ﻗﺎﻟﺪﯗﻕ !
ﻳﯩﭙﻪﻙ ﻳﻮﻟﯩﻨﯩﯔ ﺧﺎﺭﺍﺑﻠﯩﺸﯩﺸﻰ ﺧﻪﻟﻘﯫﺭﺍ ﺗﺎﺭﯨﺨﯩﻲ ﺧﺎﺭﺍﻛﺘﯧﺮﻟﯩﻚ ﻫﺎﺩﯨﺴﻪ ﺋﯩﺪﻯ. ﺑﯩﺰ ﺑﯘ ﺗﺎﺷﻘﻰ ﻣﯘﻫﯩﺖ ﺋﯩﭽﯩﺪﻩ ﺑﺎﺭﻏﺎﻧﺴﯧﺮﻯ ﺑﯧﻜﯩﻨﻤﯩﭽﯩﻠﯩﻚ ﺑﯩﻠﻪﻥ ﺷﯘﻏﯘﻟﻼﻧﺪﯗﻕ. ﺑﯩﺮ ﭘﯜﺗﯜﻥ ئۇﻳﻐﯘﺭ ﻣﯩﻠﻠﯩﺘﯩﻨﻰ ﺑﯩﺮ ﻗﺎﻧﭽﻪ ﯞﯨﻼﻳﻪﺕ -ﻧﺎﻫﯩﻴﯩﻠﻪﺭ ﺑﻮﻳﯩﭽﻪ ﻗﺎﻣﺎﭖ ﺗﺎﺷﻼﭖ ﺑﯩﺮ- ﺑﯩﺮﯨﺪﯨﻦ ﯴﺭﻛﯜﻳﺪﯨﻐﺎﻥ، ﺑﯩﺮ- ﺑﯩﺮﯨﻨﻰ ﭼﻪﺗﻜﻪ ﻗﺎﻗﯩﺪﯨﻐﺎﻥ " ﻳﯘﺭﺗﯟﺍﺯﻟﯩﻖ ﭘﺴﯩﺨﻮﻟﻮﮔﯩﻴﯩﺴﻰ " ﺗﻪﻳﻴﺎﺭﻟﯩﯟﺍﻟﺪﯗﻕ. ﺑﯩﺮ ﺯﺍﻣﺎﻧﻼﺭﺩﺍ ﯞﺍﯓ ﻳﻪﻧﺪﻯ، يوﻠﻠﯘغ ﭼﯘﺳﻪﻱ، ﻣﺎﺭﻛﺎﭘﻮﻟﻮ ﯞﻩ ﺑﯩﺮ ﺗﻮﭖ ئەﺭﻩﺏ ﺳﺎﻳﺎﻫﻪﺗﭽﯩﻠﯩﺮﻯ ﻗﻪﻟﯩﻤﯩﺪﻩ ﺋﯩﺰﭼﯩﻞ " ئۇﻳﻐﯘﺭ " ﺩﻩﭖ ﺗﯩﻠﻐﺎ ﺋﯧﻠﯩﻨﻐﺎﻥ ﺋﯩﺒﺎﺭﻩ، ﻛﯧﻴﯩﻨﭽﻪ ﺭﺍﺩﻟﻮﯞ، ﻣﺎﻟﯘﯞ، ﺭﻭﺑﺮﻭﯞﯨﺴﻜﻰ، ﯞﻩﻟﯩﺨﺎﻧﻮﯞ ﻗﺎﺗﺎﺭﻟﯩﻘﻼﺭ ﻗﻪﻟﯩﻤﯩﺪﻩ " ﻗﯘﻣﯘﻟﻠﯘﻗﻼﺭ " ، " ﺗﯘﺭﭘﺎﻧﻠﯩﻘﻼﺭ " ، " ﺗﺎﺭﺍﻧﭽﯩﻼﺭ "، " ﺩﻭﻻﻧﻠﯩﻘﻼﺭ " ، " ﻗﻪﺷﻘﻪﺭﻟﯩﻘﻠﻪﺭ "،  "ﻣﺎﭼﯩﻨﻠﯩﻘﻼﺭ " ﺩﻩﭖ ﻳﯧﺰﯨﻠﯩﺪﯨﻐﺎﻥ ﺑﻮﻟﺪﻯ، ئۇﻳﻐﯘﺭ ﺋﯩﺒﺎﺭﯨﺴﻰ ﭘﻪﻗﻪﺕ " ﺳﯧﺮﯨﻖ ئۇﻳﻐﯘﺭ " ﻻﺭﻧﯩﯔ ﻧﺎﻣﯩﺪﯨﻼ ﻗﺎﻟﺪﻯ. ﮔﻪﺭﭼﻪ ﺑﯘ ئەﺳﯩﺮﺩﻩ ( 20 - ئەﺳﯩﺮﻧﻰ ﻛﯚﺭﺳﯩﺘﯩﺪﯗ) ﻳﯧﯖﻰ ﻣﻪﺩﻩﻧﯩﻴﻪﺕ ﻣﻪﺷﯭﻟﭽﯩﻠﯩﺮﻯ ﺗﻪﺷﻪﺑﺒﯘﺳﻰ ﯞﻩ ئۇﻳﻐﯘﺭ ﻣﻪﺩﻩﻧﯩﻴﻪﺕ - ﻣﺎئاﺭﯨﭙﯩﻨﯩﯔ ﺋﯩﻠﻬﺎﻣﯩﺪﺍ " ئۇﻳﻐﯘﺭ " ﺋﯩﺒﺎﺭﯨﺴﯩﻨﻰ ﻫﻪﻣﻤﯩﻤﯩﺰ ﺋﯧﻐﯩﺰﺩﺍ، ﻗﻪﻏﻪﺯﺩﻩ، ﯞﯨﯟﯨﺴﻜﺎ ﯞﻩ ﺗﺎﻣﻐﯩﻼﺭﺩﺍ ﺋﯧﺘﯩﺮﺍﭖ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺭﻭﻫﯩﻴﻪﺗﺘﻪ، ئاﺳﺘﯩﻨﻘﻰ ئاﯕﺪﺍ ﺗﯧﺨﻰ ﻗﻮﺑﯘﻝ ﻗﯩﻠﯩﭗ ﻛﯧﺘﻪﻟﻤﯩﺪﯗﻕ. ﻣﯘﻫﻪﺑﺒﻪﺕ - ﻧﻪﭘﺮﻩﺕ ﺳﯩﺰﯨﻘﯩﺪﺍ، ﻫﺎﻻﯞﻩﺕ ﺗﻪﻗﺴﯩﻢ ﻗﯩﻠﯩﺶ ﭼﯚﻣﯜﭼﯩﺪﻩ، ﻣﻪﺳﯩﻠﻪ ﻫﻪﻝ ﻗﯩﻠﯩﺶ ﺗﻪﺳﺘﯩﻘﯩﺪﻩ، ﺩﻭﺳﺘﻠﯩﺸﯩﺶ ﯞﻩ ﻣﯘﺭﺍﺳﯩﻢ ﺩﺍﺳﺘﯩﺨﺎﻧﻠﯩﺮﯨﺪﺍ، ﺑﺎﻫﺎ - ﺗﻪﻗﺮﯨﺰ ﺯﯗﯞﺍﻧﻠﯩﺮﯨﺪﺍ، ﯲﺭﻟﻪﺵ - ﭼﯚﻛﯜﺵ ﺗﺎﻧﺎﭘﻠﯩﺮﯨﺪﺍ، ﻛﯩﺮﯨﻢ - ﭼﯩﻘﯩﻢ ﺳﯧﺘﻜﯩﻠﯩﺮﯨﺪﺍ ﺗﯧﺨﻰ " ﯲﺯ ﻳﯘﺭﺕ ﺑﺎﻟﯩﺴﻰ " ، " ﯲﺯﮔﻪ ﻳﯘﺭﺕ ﻛﺎﻟﯩﺴﻰ " ئاﻻﯕﻠﯩﻘﻰ ﺋﯧﻐﯩﺮ ! ﻣﯩﻠﻠﯩﻲ ﻣﻪﺩﻩﻧﯩﻴﻪﺕ ئاﺭﻏﯩﻤﺎﻗﻠﯩﺮﯨﻨﯩﯔ ﺑﻪﻳﮕﯩﺴﯩﮕﻪ ﻗﻮﻳﯘﻟﻐﺎﻥ ﺗﻮﺳﺎﻕ ﺷﺎﺩﯨﻠﯩﺮﻯ ﻫﻪﺭ ﺑﯩﺮ ﻳﯘﺭﺕ ﺑﻮﻳﯩﭽﻪ ﺑﯩﺮﺩﻩﻙ ئەﻣﻪﺱ ! ﺑﯘ ﺑﻮﻟﻤﯩﻐﯘﺭ، ﻫﺎﻻﻙ ﻗﯩﻠﻐﯘﭺ ئاﭘﻪﺗﻨﻰ ﺟﯩﻦ - ﺷﻪﻳﺘﺎﻧﻼﺭ ئەﻣﻪﺱ، " ﯲﺯ ﻳﯘﺭﺕ " ئەﺯﯨﻤﻪﺗﻠﯩﺮﻯ ﺑﯩﺠﺎ ﻛﻪﻟﺘﯜﺭﯛﭖ ﺗﯘﺭﯗﭘﺘﯘ. ﺗﺎﻣﺎﻗﺨﺎﻧﯩﻼﺭﻏﺎ ﻛﯩﺮﯨﺸﺘﯩﻤﯘ " ﯲﺯ ﻳﯘﺭﺕ " ، ﺳﺎﺩﺍﻗﻪﺕ ﺑﯩﻠﺪﯛﺭﯛﺷﺘﯩﻤﯘ " ﯲﺯ ﻳﯘﺭﺕ " ، ﯲﻟﯜﻡ - ﻳﯧﺘﯩﻤﺪﯨﻤﯘ " ﯲﺯ ﻳﯘﺭﺕ "  ﭘﻪﻗﻪﺕ " ﺗﻮﺗﯧﻢ " ﻳﻮﺳﯘﻧﯩﺪﺍ ﺑﻪﺩﻩﻧﮕﻪ ﮔﯜﻝ ﭼﯧﻜﯩﺶ ﺑﯩﻠﻪﻥ" ﺷﺎﻣﺎﻥ " ﻗﯩﻴﺎﭘﯩﺘﯩﺪﻩ ﮔﯩﺮﯨﻢ ﻗﯩﻠﯩﺸﻼ ﻗﺎﻟﺪﻯ !
ﺳﯩﺮﺗﻘﺎ ﻗﺎﺭﯨﺘﺎ ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ ﺷﺎﻣﯩﻠﯩﺪﺍ، ﻫﻪﺭ ﺑﯩﺮ ﻧﺎﻫﯩﻴﯩﻠﻪﺭﮔﻪ ﻛﯚﭘﻠﯩﮕﻪﻥ ﻛﯩﺘﺎﺏ - ﮊﯗﺭﻧﺎﻝ ﻳﺎﻳﻤﯩﻠﯩﺮﻯ ﻛﻪﯓ ﺗﺎﺭﻗﺎﻟﺪﻯ. ئۇﻧﯩﯖﺪﺍ ﺟﯘﯕﮕﻮﻧﯩﯔ ﻫﻪﻣﻤﻪ ﻳﯧﺮﯨﺪﯨﻦ، ﻫﻪﺗﺘﺎ ﺗﻪﻳﯟﻩﻥ، ﺷﻴﺎﯕﮕﺎﯕﻼﺭﺩﯨﻦ ﻛﻪﻟﺘﯜﺭﯛﻟﮕﻪﻥ ﺧﻪﻧﺰﯗﭼﻪ ﻛﯩﺘﺎﺏ - ﮊﯗﺭﻧﺎﻟﻼﺭ ئەﺭﻛﯩﻦ ﺳﯧﺘﯩﻠﻤﺎﻗﺘﺎ. ﻣﻪﻥ ﭘﺎﺕ - ﭘﺎﺗﻼ ﻳﯩﺮﺍﻕ ﯲﻟﻜﻪ - ﺷﻪﻫﻪﺭﻟﻪﺭﺩﻩ ﭼﯩﻘﯩﺪﯨﻐﺎﻥ ﮊﯗﺭﻧﺎﻟﻼﺭﻧﯩﯔ ئەﺳﻪﺭ ئەﯞﻩﺗﯩﺶ ﺗﻪﻛﻠﯩﭙﻠﯩﺮﯨﻨﻰ ﺗﺎﭘﺸﯘﺭﯗﭖ ئاﻟﯩﻤﻪﻥ، ﺑﯘ ﮔﯜﻟﻠﻪﺵ ﻣﯘﻫﯩﺘﻰ ﺑﯩﻠﻪﻥ ﮔﯜﻟﻠﻪﺵ ﺭﻭﻫﯩﻴﯩﺘﻰ ئاﻟﺘﯘﻥ ﯴﺯﯛﻛﻜﻪ ﻳﺎﻗﯘﺕ ﻛﯚﺯﺩﻩﻙ ﺑﯩﺮﻟﻪﺷﻜﻪﻥ ﻣﻪﻧﺰﯨﺮﯨﻨﯩﯔ ﺋﯩﭙﺎﺩﯨﺴﻰ، ﺑﯩﺰﺩﯨﭽﯘ ؟ ﺑﯩﺮ ﯞﯨﻼﻳﻪﺗﻨﯩﯔ ﮊﯗﺭﻧﯩﻠﯩﻨﻰ ﺑﺎﺷﻘﺎ ﯞﯨﻼﻳﻪﺗﻠﻪﺭﺩﻩ، ﻫﻪﺗﺘﺎ ﯴﺭﯛﻣﭽﯩﺪﻩ ﻛﯚﺭﯛﺵ ﻣﯘﻣﻜﯩﻦ ئەﻣﻪﺱ. ﺑﯩﺰﺩﻩ ﺧﯧﻠﻰ ﻛﯚﭖ ﮊﯗﺭﻧﺎﻝ ﻧﻪﺷﯩﺮ ﻗﯩﻠﯩﻨﯩﺪﯗ. ئەﻣﻤﺎ، ئۇ ﺧﯘﺩﺩﻯ ﻣﻪﻫﺒﯘﺱ ﺗﺎﻣﯩﻘﯩﺪﻩﻙ ﯲﺯ - ﯲﺯﯨﻨﻰ ﻗﺎﻣﺎﻝ ﻗﯩﻠﻐﺎﻥ ﺭﻭﻫﯩﻴﻪﺕ ﺳﯧﭙﯩﻠﻰ _ ﯲﺯ ﻳﯘﺭﺕ ﺩﺍﺋﯩﺮﯨﺴﯩﺪﯨﻼ ﻫﻪﺯﯨﻢ ﻗﯩﻠﯩﻨﯩﺪﯗ. ئۇﻧﯩﯔ ﯴﺳﺘﯩﮕﻪ، ﻫﻪﺭ ﺑﯩﺮ ﯞﯨﻼﻳﻪﺕ ﮊﯗﺭﻧﺎﻟﻠﯩﺮﻯ ﯲﺯ ﻳﯘﺭﺕ ﻛﯩﺸﯩﻠﯩﺮﯨﻨﯩﯔ ئەﺳﻪﺭﻟﯩﺮﯨﻨﻰ ﺋﯧﻼﻥ ﻗﯩﻠﯩﭗ، ﯲﺯ ﻳﯘﺭﺕ ﻛﯩﺸﯩﻠﯩﺮﯨﮕﯩﻼ ئەﯞﻩﺗﯩﻠﯩﺪﯗ .
ﻳﯧﻘﯩﻨﺪﯨﻦ ﺑﯧﺮﻯ، ﻳﻪﺭﻟﯩﻚ ﺷﯧﯟﯨﻠﻪﺭﻧﻰ ئاﻻﻫﯩﺪﻩ ﻣﻪﻫﺴﯘﻻﺕ ﺳﯜﭘﯩﺘﯩﺪﻩ ﻣﺎﺧﺘﺎﭖ ﻛﯧﯖﻪﻳﺘﯩﺪﯨﻐﺎﻥ، ﻳﻪﻧﻪ ﺋﯩﺴﯩﻢ - ﻓﺎﻣﯩﻠﯩﻠﻪﺭ ئاﺧﯩﺮﯨﻐﺎ " ئاﺭﺗﯘﺷﻰ " ، ' ﻛﻪﻟﭙﯩﻨﻰ "، "ﺩﻭﻻﻧﻰ " ، 'ﻟﻪﻣﺠﯩﻨﻰ ' ﺩﯦﮕﻪﻧﻠﻪﺭﻧﻰ، ﻫﻪﺗﺘﺎ ﺗﯧﺨﯩﻤﯘ ﻛﯩﭽﯩﻚ ﻛﻪﻧﺖ ﻧﺎﻣﻠﯩﺮﯨﻨﻰ ﻗﻮﺷﯘﭖ ئاﺗﺎﻳﺪﯨﻐﺎﻥ ﺑﺎﺷﻼﻣﭽﯩﻼﺭ ﭼﯩﻘﯩﭗ ﻗﺎﻟﺪﻯ ! ﻳﯩﺮﺍﻕ ئەﻟﻠﻪﺭﺩﻩ ﻣﯘﺳﺎﭘﯩﺮﻩﺗﺘﻪ ﻗﻮﻟﻠﯩﻨﯩﻠﻐﺎﻥ ﺑﯘ ﻳﯘﺭﺕ ﻧﺎﻣﻠﯩﺮﻯ ﯲﺯ ﻳﯘﺭﺗﯩﺪﺍ "ﺗﻮﺗﯧﻢ" ئۇﺭﯗﻗﺪﺍﺷﻠﯩﻖ ﺗﺎﻣﻐﯩﺴﻰ ﻗﯩﻠﯩﯟﯦﻠﯩﺶ ﻗﺎﻳﺴﻰ ﺭﻭﻫﯩﻴﻪﺗﺘﯩﻦ ﺋﯧﺘﯩﻠﯩﭗ ﭼﯩﻘﻘﺎﻧﺪﯗﺭ - ﻫﻪ ؟ ! ﻳﯧﯖﻰ ﻳﯩﭙﻪﻙ ﻳﻮﻟﻰ ﺋﯧﭽﯩﻠﺪﻯ ! ئەﻣﻤﺎ ﻣﻪﻫﻪﻟﻠﯩﯟﻯ ﻣﻪﺩﻩﻧﯩﻴﻪﺕ ﺑﯧﻜﯩﻨﻤﯩﭽﯩﻠﯩﻘﯩﻨﯩﯔ ﭘﯧﭽﯩﺘﻰ ﺑﯘﺯﯗﻟﻐﯩﻨﻰ ﻳﻮﻕ! " ﻗﺎﻧﺎﺗﻠﯩﻖ ﺗﯚﮔﻪ "  ﭘﺎئاﻟﯩﻴﻪﺗﻜﻪ ﻛﯩﺮﯨﺸﺘﻰ ! ئەﻣﻤﺎ " ﺗﯚﮔﻪ ﻗﯘﺷﻰ"  ﺑﯧﺸﯩﻨﻰ ﻗﯘﻣﻐﺎ ﺗﯩﻘﯩﯟﯦﻠﯩﺸﺘﯩﻦ ﺧﺎﻻﺱ ﺑﻮﻟﻐﯩﻨﻰ ﻳﻮﻕ ! ﺑﯘ ﻫﺎﻝ ﺩﺍﯞﺍﻣﻠﯩﺸﯩﺪﯨﻜﻪﻥ، ﻗﻪﺩﯨﻤﻜﻰ ﻳﯩﭙﻪﻙ ﻳﻮﻟﻰ ئەﺯﯨﻤﻪﺗﻠﯩﺮﻯ ﺑﻮﻟﻐﺎﻥ ئۇﻳﻐﯘﺭﻻﺭ ﺧﯘﺩﺩﻯ ﻛﯘﻛﯘﻡ - ﺗﺎﻟﻘﺎﻥ ﺑﻮﻟﻐﺎﻥ ﺑﻮﺗﯘﻟﻜﺎ ﺳﯘﻧﯘﻗﻠﯩﺮﯨﺪﻩﻙ، ﺑﯩﺮ ﺯﺍﻣﺎﻧﺪﯨﻜﻰ ﺷﯧﺸﯩﻠﯩﻚ ﻫﺎﻟﯩﺪﯨﻦ ﻗﺎﻟﻐﺎﻥ ﻛﯩﺮﯨﺴﺘﺎﻟﻠﯩﺮﯨﻨﻰ ئاﭘﺘﺎﭖ ﻧﯘﺭﯨﺪﺍ ﻳﺎﻟﺘﯩﺮﯨﺘﯩﭗ، ﻣﺎﺧﺘﯩﻨﯩﺸﺘﯩﻦ ﺑﺎﺷﻘﺎ، ﻳﯧﯖﻰ ﺷﻪﺭﺑﻪﺗﻜﻪ ﻣﯘﻳﻪﺳﺴﻪﺭ ﺑﻮﻻﻟﻤﺎﻳﺪﯗ. ﺑﯘ ﻳﯧﯖﻰ ﻳﯩﭙﻪﻙ ﻳﻮﻟﻰ ﻫﯧﻜﻤﻪﺗﻠﯩﺮﯨﺪﯨﻦ ﺩﺍﯞﺍﻣﻠﯩﻖ ﭼﻪﺗﺘﻪ ﻗﯧﻠﯩﺸﻘﺎ ﺋﯧﻠﯩﭗ ﺑﺎﺭﻣﺎﺳﻠﯩﻖ ﻣﯘﻣﻜﯩﻦ ئەﻣﻪﺱ .
ﻫﻪﻱ، ئەﺗﺘﻪﯓ ! ﻟﯘﺷﯜﻥ ئەﭘﻪﻧﺪﻯ " ئاﻛﯩﻴﻮ " ﺭﻭﻫﯩﻨﻰ ﺳﯩﺰﯨﭗ ﺑﻪﺭﮔﻪﻧﺪﻩﻙ، " ﺗﯚﮔﻪ ﻗﯘﺷﻰ " ئەﺭﯞﺍﻫﯩﻨﻰ ﺗﻪﺳﯟﯨﺮﻟﻪﭖ ﺑﯧﺮﻩﻟﻪﻳﺪﯨﻐﺎﻥ ئەﻗﯩﻞ ﯞﻩ ﻗﻮﻝ ﻗﺎﭼﺎﻥ ﻗﻪﻟﻪﻡ ﺗﯘﺗﺎﺭﻛﻰ . . .

1993 - ﻳﯩﻞ ئاﭘﺮﯦﻞ ، ﯴﺭﯛﻣﭽﻰ
ﺋﺎﺑﺪﯗﺷﯜﻛﯜﺭ ﻣﯘﻫﻪﻣﻤﻪﺗﺌﯩﻤﯩﻦ ﺋﻪﺳﻪﺭﻟﯩﺮﻯ - 2 (ﺋﯘﻳﻐﯘﺭﻻﺭﺩﺍ ﺋﯩﺴﻼﻡ ﻣﻪﺩﻩﻧﯩﻴﯩﺘﻰ) ﻧﺎﻣﻠﯩﻖ ﻛﯩﺘﺎﺑﺘﯩﻦ ﺋﯧﻠﯩﻨﺪﻯ