ئەتتىرگۈل تارخ بلوگى

  

ﺳﯜﻛﯜﻧﺎﺕ - ﺋﯘ ﺳﯜﻛﯜﺕ ﻗﯩﻠﯩﺶ ﺋﻪﻣﻪﺱ !
  ﺳﯜﻛﯜﺕ ﻗﯩﻠﯩﺶ - ﻳﻮﻟﺴﯩﺰﻟﯩﻘﻘﺎ ﺷﯧﺮﯨﻜﭽﯩﻠﯩﻚ ﯞﻩ ﺋﯘﻧﯩﯖﻐﺎ ﻗﺎﺭﺷﻰ ﻛﯜﺭﻩﺷﻜﻪ ﺟﯜﺭﺋﻪﺗﺴﯩﺰﻟﯩﻜﺘﻪ ﺋﯩﭙﺎﺩﯨﻠﯩﻨﺪﯨﻐﺎﻥ ﯞﯨﺠﺪﺍﻧﺴﯩﺰﻟﯩﻖ ﺋﯩﭙﺎﺩﯨﻠﯩﺮﯨﺪﯨﻦ ﺑﯩﺮﻯ ﺋﯩﻜﻪﻧﻠﯩﻜﻰ ﻫﻪﻣﻤﯩﮕﻪ ﺭﻭﺷﻪﻥ .
ﺳﯜﻛﯜﻧﺎﺕ - ﺳﯜﻛﯜﻧﺎﺕ ﺋﯘ ﺗﺎﻗﻪﺕ ﺟﯜﻣﻠﯩﺴﯩﺪﯨﻜﻰ ﺋﻪﻗﻠﯩﻲ ﻫﺎﺩﯨﺴﻪ، ﺋﯧﻨﯩﻘﺮﺍﻕ ﺋﯧﻴﯩﺘﻘﺎﻧﺪﺍ، ﺳﯜﻛﯜﻧﺎﺕ - ﺗﻪﭘﻪﻛﻜﯘﺭ ﺋﯚﺭﻛﯩﺸﯩﺪﻩ ﺷﻪﻛﯩﻠﻠﻪﻧﮕﻪﻥ، ﺋﯩﺮﺍﺩﻩ ﺋﺎﺭﻗﯩﻠﯩﻖ ﺗﻮﺭﻣﯘﺯﻻﻧﻐﺎﻥ ﺑﯩﺮ ﻣﻪﺯﮔﯩﻠﻠﯩﻚ ﺋﺎﻻﻫﯩﺪﻩ ﺭﻭﻫﯩﻲ ﻛﻪﭼﯜﺭﻣﯩﺸﺘﯩﻦ ﺋﯩﺒﺎﺭﻩﺕ .
  ﺳﯜﻛﯜﻧﺎﺕ ﺷﻪﺧﺲ ﺋﯜﭼﯜﻧﻤﯘ، ﻣﯩﻠﻠﻪﺕ ﯞﻩ ﺩﯙﻟﻪﺕ ﺋﯜﭼﯜﻧﻤﯘ ﺋﺎﻻﻫﯩﺪﻩ ﻗﯩﻤﻤﻪﺗﻠﯩﻚ ﺗﻪﭘﻪﻛﻜﯘﺭ ﯞﻩ ﺗﻪﺩﺑﯩﺮ ﭘﻪﻳﺘﻰ ﺑﻮﻟﯘﭖ، ﺋﯘ ﻣﻮﻝ ﻣﯧﯟﯨﻠﯩﺮﻯ، ﻫﯧﻜﻤﻪﺗﻠﯩﻚ  ﺑﯩﺸﺎﺭﻩﺗﻠﯩﺮﻯ، ﺗﻪﺟﺮﯨﺒﻪ- ﺳﺎﯞﺍﻗﻠﯩﺮﻯ ﺑﯩﻠﻪﻥ ﺧﺎﺭﺍﻛﺘﯧﺮﻟﻪﻧﮕﻪﻥ .
   ﺳﯜﻛﯜﻧﺎﺕ ﺗﯜﺭﻟﯩﺮﻯ ﯞﻩ ﺳﯜﻛﯜﻧﺎﺕ ﺳﻪﻣﻪﺭﯨﻠﯩﺮﻯ ﻫﻪﺭ ﺧﯩﻞ. ﻟﯘﺷﯜﻥ ﻫﻪﻡ ﺋﯩﭻ ﺋﺎﻏﺮﯨﺘﯩﭗ، ﻫﻪﻡ ﻧﻪﭘﺮﻩﺗﻠﯩﻨﯩﭗ ﻛﻪﻟﮕﻪﻥ ﺋﯩﺠﺘﯩﻤﺎﺋﯩﻲ ﺋﻮﺑﯩﻜﯩﺘﻠﯩﺮﯨﻨﻰ "ﺋﺎﻛﯩﻴﯘ" ﺋﻮﺑﺮﺍﺯﯨﻐﺎ ﻣﯘﺟﻪﺳﺴﻪﻣﻠﻪﺵ ﺋﺎﻟﺪﯨﺪﺍ ﺳﯜﻛﯜﻧﺎﺕ ﺋﺎﺯﺍﺑﯩﺪﺍ ﭘﯩﻜﯩﺮ ﺋﯚﺭﻛﻪﺷﻠﯩﺮﯨﻨﻰ ﺑﺎشتىن ﻛﻪﭼﯜﺭﮔﻪﻥ. ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼ ﭼﻪﺗﺌﻪﻟﺪﯨﻦ ﺋﻮﻗﯘﺷﻨﻰ ﺗﺎﻣﺎﻣﻼﭖ ﻳﯘﺭﺗﯩﻐﺎ ﻗﺎﻳﯩﺘﻘﺎﻧﺪﺍ، ﻣﯩﻠﻠﻰ ﺯﯗﻟﯘﻡ ﯞﻩ ﺟﺎﻫﺎﻟﻪﺕ ﺗﯘﻣﺎﻧﻠﯩﺮﻯ ﺋﯜﺳﺘﯩﮕﻪ ﻗﻮﺷﯘﻟﻐﺎﻥ ﺋﻪﺟﻨﻪﺑﯩﻲ ﺟﺎﻫﺎﻧﮕﯩﺮﻻﺭﻧﯩﯔ ﻫﯩﻴﻠﻪ- ﻣﯩﻜﯩﺮﯨﻨﻰ ﺑﺎﻳﻘﺎﭖ، ﺟﺎﻫﺎﻧﮕﯩﺮﻻﺭ ﯞﻩ ﺋﯘﻻﺭﻧﯩﯔ ﻣﯩﻠﻠﻰ ﺗﻮﻧﯩﻐﺎ ﺋﻮﺭﻧﯩﯟﺍﻟﻐﺎﻥ ﻣﺎﻻﻳﻼﺭﻏﺎ ﻗﺎﺭﺷﻰ ﯞﻭﻟﻘﺎﻧﺪﻩﻙ ﭘﺎﺭﺗﯩﻼﭖ ﭼﯩﻘﯩﺶ ﺋﺎﻟﺪﻯ- ﻛﻪﻳﻨﯩﺪﻩ ﻛﯚﭖ ﻗﯧﺘﯩﻢ ﺳﯜﻛﯜﻧﺎﺕ ﺧﯩﻠﯟﯨﺘﯩﮕﻪ ﭼﯚﻛﻜﻪﻥ .
"ﻣﻪﺩﻩﻧﯩﻴﻪﺕ ﺯﻭﺭ ﺋﯩﻨﻘﯩﻼﺑﻰ" ﻧﻮﻗﯘﻝ ﺗﻪﻟﯟﻩ ﺩﻩﺑﺪﻩﺑﯩﻠﻪﺭ ﺑﯩﻠﻪﻥ ﺗﯧﺘﯩﻘﺴﯩﺰ ﯞﺍﻳﺴﺎﺷﻼﺭ ﻣﻪﺯﮔﯩﻠﻰ ﺑﻮﻟﻐﯩﻨﻰ ﻳﻮﻕ. ﺋﯘ، ﺋﯚﺯ ﻧﯚﯞﯨﺘﯩﺪﻩ ﺟﯘﯕﮕﻮ ﺗﺎﺭﯨﺨﺪﯨﻜﻰ ﺋﯘﻟﯘﻍ ﺳﯜﻛﯜﻧﺎﺕ ﺩﻩﯞﺭﻯ ﻫﻪﻡ ﺑﻮﻟﺪﻯ. ﺟﯘﯕﮕﻮﺩﯨﻜﻰ ﺋﯩﻠﻐﺎﺭ ﻛﯩﺸﯩﻠﻪﺭ ﻛﯚﭖ ﺟﻪﻫﻪﺗﻠﯩﻤﻪ، ﻣﻮﻝ ﺑﯩﻠﯩﺶ، ﭼﯜﺷﯩﻨﯩﺶ، ﭘﻪﺭﻕ ﺋﯧﺘﯩﺶ، ﺋﻮﻳﻐﯩﻨﯩﺶ، ﺋﯩﺰﺩﯨﻨﯩﺶ ﭘﯩﻜﯩﺮ ﺗﻪﻟﻘﯩﻨﻠﯩﺮﻯ ﺑﯩﻠﻪﻥ ﻳﯧﯖﻰ ﺩﻩﯞﺭ ﺗﻪﺳﻪﯞﯞﯗﺭﯨﻨﯩﯔ ﻛﺎﺭﺗﯩﻨﯩﺴﯩﻨﻰ ﺳﯩﺰﯨﺸﺘﻰ .
   ﺳﯜﻛﯜﻧﺎﺕ - ﺷﻪﺧﯩﺴﻨﯩﯔ ﺋﯚﺯ ﺋﯩﺮﺍﺩﯨﺴﯩﺪﯨﻦ ﻫﺎﻟﻘﯩﭗ ﻛﻪﺗﻜﻪﻥ ﺗﻪﺑﯩﺌﯩﻲ ﻳﺎﻛﻰ ﺋﯩﺠﺘﯩﻤﺎﺋﯩﻲ ﻛﯜﭼﻠﻪﺭ ﺑﯩﺴﯩﻤﻰ ﺋﺎﻟﺪﯨﺪﯨﻜﻰ ﺋﯩﻨﺴﺎﻧﯩﻲ ﺗﻪﭘﻪﻛﻜﯘﺭﯨﺪﯨﻤﯘ، ﺷﯘﻧﯩﯖﺪﻩﻙ ﺋﯚﺯ- ﺋﯚﺯﯨﻨﻰ ﺗﯩﺰﮔﯩﻨﻠﯩﮕﻪﻥ ﺋﺎﯕﻠﯩﻖ ﺋﯩﺮﺍﺩﻩ ﺋﺎﺳﺘﯩﺪﯨﻜﻰ ﻗﺎﻳﺘﺎ ﺋﻮﻳﻠﯩﻨﯩﺸﺘﯩﻤﯘ، ﺟﯜﻣﻠﯩﺪﯨﻦ، ﺟﻪﻣﯩﺌﻪﺗﺘﯩﻜﻰ ﻫﻪﺭﺧﯩﻞ ﻳﺎﻟﻐﺎﻥ ﻳﺎﯞﯨﺪﺍﻕ ﻳﺎﻛﻰ ﺑﯩﺮ ﻣﻪﺯﮔﯩﻠﻠﯩﻚ ﭼﯜﺷﻪﻧﻤﻪﺳﻠﯩﻜﺘﻪﻙ ﺭﻭﻫﯩﻲ ﺑﯘﺭﯗﻗﺘﯘﻣﯩﻠﯩﻘﻘﺎ ﺋﯘﭼﺮﯨﻐﺎﻧﺪﯨﻤﯘ ﻳﯜﺯ ﺑﯩﺮﯨﺪﯗ. ﻧﻪﺗﯩﺠﯩﺪﻩ، ﺗﻪﺑﯩﺌﯩﻲ ﻳﺎﻛﻰ ﺋﯩﺠﺘﯩﻤﺎﺋﯩﻲ ﻛﯜﭼﻠﻪﺭ ﻣﯜﺷﻜﯜﻻﺗﻠﯩﺮﯨﺪﯨﻦ ﻏﻪﻟﺒﻪ ﻗﯩﻠﯩﺶ ﺋﯜﭼﯜﻥ ﺋﯚﺯ ﺋﻮﺑﯩﻜﯩﺘﻠﯩﺮﯨﻨﯩﯔ ﻗﺎﻧﯘﻧﯩﻴﻪﺗﻠﯩﺮﯨﻨﻰ ﻛﻮﻧﻜﺮﯨﺖ ﻣﯘﻫﺎﻛﯩﻤﻪ ﻗﯩﻠﯩﺪﯗ؛ ﺋﯚﺯ ﭘﺎﺋﺎﻟﯩﻴﯩﺘﯩﻨﻰ ﺋﻮﭘﺮﺍﺗﺴﯩﻴﻪ ﻗﯩﻠﯩﭗ ﺋﻪﯞﺯﻩﻝ ﭘﺎﺋﺎﻟﯩﻴﻪﺕ ﺋﯘﺳﯘﻟﻠﯩﺮﯨﻨﻰ ﺋﻮﻳﻠﯩﻨﯩﺪﯗ؛ﺑﻮﻫﺘﺎﻥ ﯞﻩ ﭼﯜﺷﻪﻧﻤﻪﺳﻠﯩﻜﻠﻪﺭﻧﻰ ﺟﻪﻣﺌﯩﻴﻪﺗﺸﯘﻧﺎﺳﻠﯩﻖ، ﺳﯩﻨﯩﭙﯩﻲ (ﺳﯩﻴﺎﺳﯩﻲ) ﺳﯧﻠﯩﺸﺘﯘﺭﻣﯩﺴﻰ ﯞﻩ ﻛﯩﺸﯩﻠﻪﺭﺩﻩ ﻫﻪﻗﯩﻘﯩﻲ ﺋﻪﻫﯟﺍﻟﻨﻰ ﺑﯩﻠﯩﺶ ﺷﻪﻛﯩﻠﻠﻪﻧﮕﯩﭽﻪ  ﺳﯜﻛﯜﻧﺎﺕ ﻳﻮﻟﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﯨﺪﯗ .
  ﺳﯜﻛﯜﻧﺎﺕ - ﺋﯚﺯﯨﮕﻪ ﻗﺎﺭﯨﺘﺎ ﺋﺎﻟﻐﺎﻧﺪﺍ، ﺋﯚﺯﯨﻨﯩﯔ ﺑﯩﻠﯩﻢ ﻗﯘﺭﯗﻟﻤﯩﺴﻰ، ﺗﺎﺭﯨﺦ ﺋﯚﺗﻤﯜﺷﻰ، ﯞﯨﺠﺪﺍﻥ - ﻣﻪﺟﺒﯘﺭﯨﻴﯩﺘﻰ، ﺋﯩﺮﺍﺩﻩ - ﺟﺎﺳﺎﺭﯨﺘﻰ، ﺋﯘﺗﯘﻕ ﯞﻩ ﺳﻪﯞﻩﻧﻠﯩﺮﻯ ﺋﯜﺳﺘﯩﺪﯨﻜﻰ ﺋﻪﻗﻠﯩﻲ ﺋﻮﻳﻠﯩﻨﯩﺶ  ﺷﻪﻛﻠﯩﺪﯨﻤﯘ ﻏﺎﻳﻪﺕ ﻗﯩﻤﻤﻪﺗﻠﯩﻚ ﻛﺎﻣﺎﻟﻪﺕ ﺷﻪﺭﺗﯩﺪﯨﻦ ﺋﯩﺒﺎﺭﻩﺕ. ﻣﯘﻧﺪﺍﻕ ﺳﯜﻛﯜﻧﺎﺕ ﺧﯘﺩﺩﻯ ﺋﺎﺭﻭﭘﯩﻼﻧﯩﯔ ﺋﺎﻳﺮﻭﭘﻮﺭﺗﻘﺎ ﻗﻮﻧﯘﺷﻰ ﺳﯩﻴﺎﻗﯩﺪﯨﻜﻰ  "ﻗﺎﻳﺘﺎ ﺋﻮﻳﻠﯩﻨﯩﺸﻰ" (ﺋﯚﺯ ﻣﻪﺟﺒﯘﺭﯨﻴﻪﺗﻠﯩﺮﻯ، ﯞﯨﺠﺪﺍﻥ ﺋﯩﺠﺮﺍﺳﻰ، ﻗﻪﺗﺌﯩﻴﻠﯩﻜﻰ، ﺗﻪﺩﺑﯩﺮ ﭘﺎﻛﻠﯩﻘﻰ ﯞﻩ ﺗﻪﺩﺑﯩﺮ ﺋﺎﻗﯩﻼﻧﯩﻠﯩﻜﻰ) ﯞﻩ « ﻗﺎﻳﺘﺎ ﺑﺎﻳﻘﯩﺸﻰ» (ﺋﯚﺯ ﺧﻪﻟﻘﻰ ﯞﻩ ﭘﯜﺗﻜﯜﻝ ﻛﯩﺸﯩﻠﯩﻚ ﺟﻪﻣﺌﯩﻴﻪﺗﻨﯩﯔ ﺳﻪﯞﯨﻴﯩﺴﻰ ﯞﻩ ﺋﺎﻻﻗﻪ ﻗﯘﺭﯗﻟﻤﯩﻠﯩﺮﯨﻨﯩﯔ ﻫﺎﺯﯨﺮﻗﻰ ﺭﯦﺌﺎﻝ ﻫﺎﻟﯩﺘﻰ) ﻛﯩﺘﺎﺑﺘﯩﻦ ﺋﺎﻻﻟﻤﯩﻐﺎﻥ ﺩﺍﻧﯩﺸﻤﻪﻧﻠﯩﻚ ﺳﻪﻣﻪﺭﯨﻠﯩﺮﯨﮕﻪ ﻣﯘﻳﻪﺳﺴﻪﺭ ﻗﯩﻠﯩﺪﯗ .
ﺳﯜﻛﯜﻧﺎﺕ ﻗﯩﻠﯩﺸﻨﻰ ﺑﯩﻠﯩﺶ ﭼﻮﯓ ﺑﻪﺧﺖ ﯞﻩ ﻛﺎﺗﺘﺎ ﺋﯩﻘﺘﯩﺪﺍﺭ ﺑﻮﻟﯘﭖ، ﺑﯘ ﺋﻮﻣﻮﻣﻪﻥ ﻫﺎﻳﯟﺍﻧﻼﺭﺩﺍ ﺑﻮﻟﯘﺷﻰ ﻣﯘﻣﻜﯩﻦ ﺑﻮﻟﻤﯩﻐﺎﻥ ﺋﯩﻨﺴﺎﻧﯩﻲ ﺧﺎﺳﯩﻴﻪﺕ ﯞﻩ ﻛﺎﻣﺎﻟﻪﺕ ﻫﯧﺴﺎﺑﻠﯩﻨﯩﺪﯗ .
ﺑﯘﻧﺪﺍﻕ ﺳﯜﻛﯜﻧﺎﺗﻨﯩﯔ ﺷﯘﺋﺎﺭﻯ "ﻣﯧﻨﻰ ﺋﺎﺳﺎﺭﻩﺗﻜﻪ ﺳﺎﻟﻐﺎﻥ ﻧﻪﺭﺳﻪ ﺋﯚﺯ ﺋﻪﻗﻠﯩﻢ، ﺗﻪﭘﻪﻛﻜﯘﺭﯗﻡ، ﺭﻭﻫﯩﻤﺪﯨﻜﻰ ﻛﯩﺸﻪﻧﻠﻪﺭ" ﺩﯦﮕﻪﻥ ﺑﻮﻟﻤﯩﻘﻰ ﻻﺯﯨﻢ .
ﺳﯜﻛﯜﻧﺎﺕ - ﺑﺎﺷﻘﯩﻼﺭﻏﺎ ﻗﺎﺭﺗﺎ ﺋﯘﻻﺭﻧﯩﯔ ﺋﻪﺳﻠﻰ ﻗﯩﻴﺎﭘﯩﺘﯩﻨﻰ، ﭼﯩﻦ-ﺳﺎﺧﺘﯩﻠﯩﻘﯩﻨﻰ، ﺟﯩﺪﺩﻯ - ﻳﻪﯕﮕﯩﻠﺘﻪﻛﻠﯩﻜﯩﻨﻰ ﺑﺎﻳﻘﺎﺷﺘﺎ ﺗﯩﭙﯩﻚ ﻛﯚﺯﯨﺘﯩﺶ ﯞﻩ ﺋﻮﻳﻠﯩﻨﯩﯟﯦﻠﯩﺶ ﻣﻮﻣﯧﻨﺘﯩﺪﯨﻦ ﺋﯩﺒﺎﺭﻩﺕ. ﺋﯘ ﺳﺎﺧﺘﺎ ﻗﻪﻫﺮﯨﻤﺎﻧﻼﺭﻧﻰ ﯞﻩ ﯞﺍﭘﺎﺳﯩﺰ ﺩﻭﺳﺘﻼﺭﻧﻰ، ﭘﯘﺭﺳﻪﺗﭙﻪﺭﻩﺳﺘﻠﻪﺭﻧﻰ ﺗﯧﺨﯩﻤﯘ ﭼﻮﯕﻘﯘﺭﺭﺍﻕ ﺋﯧﭽﯩﭗ ﺑﯧﺮﯨﺪﯗ .
   ﺳﯜﻛﯜﻧﺎﺕ - ﺋﯚﺯ ﻣﯩﻠﻠﯩﺘﯩﻨﯩﯔ، ﻫﻪﺗﺘﺎ ﭘﯜﺗﻜﯜﻝ ﺋﯩﻨﺴﺎﻧﯩﻴﻪﺗﻨﯩﯔ ﺷﯘ ﺑﯩﺮ ﺩﻩﯞﺭﺩﯨﻜﻰ ﺳﯩﯟﯨﻠﺰﺍﺗﺴﯩﻴﻪ ﻗﯘﺭﯗﻟﻤﯩﺴﻰ ﯞﻩ ﻣﻪﺩﻩﻧﯩﻴﻪﺕ ﺳﻪﯞﯨﻴﯩﺴﯩﻨﻰ، ﺋﯘﻧﯩﯔ ﺋﯘﺗﯘﻕ ﯞﻩ ﺯﻩﺋﯩﭙﻠﯩﻜﻠﯩﺮﯨﻨﻰ ﺋﻪﺳﺘﺎﻳﯩﺪﯨﻞ ﺋﻮﻳﻠﯩﻨﯩﺸﺘﯩﻤﯘ ﻣﯘﻫﯩﻢ ﺗﻪﭘﻪﻛﻜﯘﺭ شەﻛﻠﯩﺪﯨﻦ ﺋﯩﺒﺎﺭﻩﺕ. ﯞﺍﻫﺎﻟﻪﻧﻜﻰ، «ﺗﻪﭘﻪﻛﻜﯘﺭ ﻗﯩﻠﯩﺪﯨﻐﺎﻥ» ﻣﯩﻠﻠﻪﺗﻨﻰ ﻳﯩﺘﯩﺸﺘﯜﺭﯛﺵ ﺑﺎﺭﻟﯩﻖ ﻫﻪﻗﯩﻘﯩﻲ ﺗﻪﻟﯩﻢ - ﺗﻪﺭﺑﯩﻴﯩﻨﯩﯔ ﺋﻪﯓ ﺋﺎﺧﯩﺮﻗﻰ ﻣﻪﻗﺴﯩﺘﻰ ﻫﯧﺴﺎﺑﻠﯩﻨﯩﺪﯗ. «ﺋﯚﺯ -ﺋﯚﺯﯨﮕﻪ ﻣﺎﺧﺘﯩﻨﯩﭗ ﻳﯜﺭﮔﻪﻥ» ﻣﯩﻠﻠﻪﺕ ﺑﯩﻠﻪﻥ «ﺗﻪﭘﻪﻛﻜﯘﺭ ﻗﯩﻠﯩﺪﯨﻐﺎﻥ» ﻣﯩﻠﻠﻪﺕ ﺑﯩﺮ - ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯨﻐﺎﻥ  ﺗﺎﺭﯨﺨﯩﻲ ﺋﯩﺴﺘﯩﻘﺒﺎﻟﻐﺎ ﻳﯜﺯﻟﻪﻧﮕﻪﻥ ﻣﯩﻠﻠﻪﺗﺘﯘﺭ، ﺧﺎﻻﺱ .  
   ﺳﯜﻛﯜﻧﺎﺕ - ﺷﻪﺧﺴﻨﯩﯔ ﻫﺎﻳﺎﺗﯩﺪﺍ ﻛﯚﭖ ﻗﯧﺘﯩﻢ ﺩﯗﭺ ﻛﯧﻠﯩﺪﯨﻐﺎﻥ ﺭﻭﻫﻰ ﻫﺎﻟﻪﺕ ﺑﻮﻟﯘﭖ، ﺋﯘ ﺋﯚﺯ ﻣﻪﺯﻣﯘﻧﻰ، ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﯩﻨﯩﯔ ﺳﺎﭘﺎﺳﻰ، ﻳﻪﻛﯜﻥ ﯞﻩ ﺗﻪﺩﺑﯩﺮﻟﯩﺮﯨﻨﯩﯔ  ﺋﺎﻗﯩﻼﻧﯩﻠﯩﻜﻰ ﺑﯩﻠﻪﻥ ﺑﯘﺭﯗﻟﯘﺵ ﻫﺎﺳﯩﻞ ﻗﯩﻠﯩﺪﯗ .
   ﺳﯜﻛﯜﻧﺎﺕ - ﺋﯜﻣﯜﺩﯞﺍﺭ، يىرﺍﻕ ﻛﯚﺭﻩﺭ، ﻗﻪﻳﺴﻪﺭ ﻗﻪﻟﯩﺒﻨﯩﯔ ﺋﯚﺯ - ﺋﯚﺯﯨﻨﻰ ﺋﺎﯕﻘﯩﺮﯨﺶ، ﺋﯚﺯ - ﺋﯚﺯﯨﻨﻰ ﻛﯜﭼﻪﻳﺘﯩﺶ ﯞﻩ ﺋﯚﺯ - ﺋﯚﺯﯨﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﻳﻮﻟﯩﺪﯨﻜﻰ « ﻣﯩﺮﺍﺝ » ﯨﺪﯗﺭ .
ﺑﯘ «ﻣﯩﺮﺍﺝ» ﺩﺍ ﺋﯘ ﺭﯨﺌﺎﻟﻠﯩﻖ ﺑﯩﻠﻪﻥ ﺗﻮﻳﯘﻧﻐﺎﻥ ﺗﻪﭘﻪﻛﻜﯘﺭ ﺑﯩﻠﻪﻥ ﺋﯘﭼﺮﯨﺸﯩﺪﯗ! ﺋﻪﮔﻪﺭ ﻗﻮﺭﻗﯘﺵ ﻛﻪﻟﺴﻪ ﺗﻪﻟﯟﯨﻠﻪﺭﭼﻪ ﻻﭘﺨﻮﺭﻟﯘﻕ ﻗﯩﻠﻐﺎﻥ ﺩﯛﺷﻤﻪﻧﺪﯨﻦ ﺋﻪﻣﻪﺱ، ﺯﻩﺋﯩﭙﻠﻪﺭﭼﻪ ﺳﯜﻛﯜﻧﺎﺕ ﻗﯩﻠﯩﯟﺍﺗﻘﺎﻥ ﺭﻩﻗﯩﺒﯩﺪﯨﻦ ﻗﻮﺭﻗﯘﺵ لازىم.

1990- ﻳﯩﻞ 12- ﺋﺎﻳﻨﯩﯔ 13- ﻛﯜﻧﻰ
ﺋﺎﺑﺪﯗﺷﯜﻛﯜﺭ ﻣﯘﻫﻪﻣﻤﻪﺗﺌﯩﻤﯩﻦ ﺋﻪﺳﻪﺭﻟﯩﺮﻯ - 2 (ﺋﯘﻳﻐﯘﺭﻻﺭﺩﺍ ﺋﯩﺴﻼﻡ ﻣﻪﺩﻩﻧﯩﻴﯩﺘﻰ) ﻧﺎﻣﻠﯩﻖ ﻛﯩﺘﺎﺑﺘﯩﻦ ﺋﯧﻠﯩﻨﺪﻯ