ئەنگلىيە ڧىزىكا ئالىمى ئىنسانلار يۈز يىل ئىچىدە تاشقى پلانېت ئادىمى بىلەن ئۇچرىشىدۇ دېدى
چەتئەل ئاخبارات ۋاستىلىرىغا ئاساسلانغاندا ،بېرلىندا ئۆتكۈزۈلگەن ياۋروپا پەن-تېخنىكا ئېچىۋېتىلگەن مۇنبىرىدە ئەنگلىيەنىڭ داڭلىق ڧىزىكا ئالىمى جوسىلىن بېل بېرنېل ( Jocelyn Bell Burnel ) مۇنداق دېدى:"مېنىڭچە يۈز يىل ئىچىدە بىز تاشقى پلانېتدىن كەلگەن سىگنالنى قوبۇل قىلالايمىز،مېنىڭچە بۇ سىگنال ئەقلىي ئىقتىدارلىق جانلىقلاردىن كېلىشى مۇمكىن." بېرنېل يۈز يىلغا يەتمىگەن ۋاقىت ئىچىدە تاشقى پلانېت ئادەملىرى بىلەن ئۇچرىشىشىمىز مۇمكىن،ھۆكۈمەت ھازىردىن باشلاپ تەييارلىق كۆرۈشى كېرەك دەپ قارىدى.
بېرنىل مۇنداق دەپ كۆرسەتتى:"بىز تاشقى پلانېت ئادەملىرىنىڭ مەۋجۇتلۇق بېشارەتلىرىنى بايقىيالىساقمۇ،سىمسىز توك ياكى لازېر نۇر ئارقىلىق ئۇلار بىلەن ئالاقىلىشىشىكە نەچچە ئون يىل كېتىدۇ." بۇنىڭدىن بۇرۇنقى بىر تەتقىقاتتا يېرىمغا يېقىن ئەنگلىيەلىكلەرنىڭ تاشقى پلانېت ئادىمى بارلىقىغا ئىشىنىدىغانلىقى بايقالغان. بۇ تەتقىقات ئەنگلىيە خان جەمەتى ئىلمىي جەمئىيىتى تەرىپىدىن ئۆتكۈزۈلۈپ ،2000 دىن ئارتۇق ئادەم قاتناشقان.نەتىجىدە %44 ئەنگلىيەلىكنىڭ تاشقى پلانېت جانلىقلىرى بارلىقىغا ئىشىنىدىغانلىقى،%40 كە يېقىن ئادەمنىڭ بىز ئاكتىپلىق بىلەن تاشقى پلانېت ئادىمىنى ئىزدەپ ئۇلار بىلەن ئالاقە باغلىشىمىز كېرەك دەپ قارايدىغانلىقى مەلۇم بولدى.
ئاتاقلىق ڧىزىكا ئالىمى ستىۋىن خوكىڭ (Stephen Hawking) تاشقى پلانېت ئادىمى يەر شارىغا تەبىئىي بايلىق مەنبەسىنى بۇلىغىلى كېلىشى مۇمكىن دەپ ئەسكەرتكەن. ئۇ ئىنسانلار بارلىق ئۇسۇللار ئارقىلىق تاشقى پلانېت ئادەملىرى بىلەن ئۇچرىشىشتىن ساقلىنىشى كېرەك دەپ قارىدى.خوكىڭ يەنە مۇنداق دېدى:"تاشقى پلانېت ئادەملىرى ئىنسانلاردىنمۇ ئىلغار بولۇشى مۇمكىن ،شۇڭا بىز ئۇلار بىلەن ئۇچرىشىشنى خالىمايمىز ،ئەگەر تاشقى پلانېت ئادەملىرى يەر شارىغا كەلسە،بىز خۇددى كىرىستوڧ كولۇمبىيا ئامېرىكا قۇرۇقلۇقىغا قەدەم باسقاندا يەرلىك ئاھالە كۈلپەتكە ئۇچرىغانغا ئوخشاش ئېغىر كۈلپەتكە قالىمىز."
