شىنخۇا تورىنىڭ 4-ئىيۇل خەۋىرى، ئىراق ئىچكى ئىشلار مىنىستىرىنىڭ 4-ئىيۇلىدىكى باياناتىغا قارىغاندا،  ئىراق پايتەختى باغداتتا شۇ كۈنى ئىككى قېتىملىق  يول بويىدا پارتىلىتىش ۋەقەسى  يۈز بېرىپ، 4 ئادەم قازا قىلىپ، 7 ئادەم يارىلانغان.
ئىسمىنى ئاشكارىلاشنى خالىمىغان بىر نەپەر ئىچكى ئىشلار ئەمەلدارىنىڭ  ئېيتىشىچە، بىرىنچى قېتىملىق پارتىلىتىش باغدات شەھىرىنىڭ غەربىدىكى  مەنسۇر رايونىدا يۈز بەرگەن بولۇپ، 3 نەپەر ساقچى خادىمى قازا قىلىپ، 1 نەپەر ساقچى ۋە 3 نەپەر يولدىن ئۆتۈپ كېتىۋاتقۇچى يارىلانغان؛ يەنە بىر قېتىملىق پارتىلىتىش باغداتنىڭ جەنۇبىدا يۈز بەرگەن بولۇپ، 1 نەپەر پۇقرا قازا قىلىپ، 3 ئادەم يارىلانغان.
نۆۋەتتە ھېچقانداق تەشكىلات بۇ ۋەقەگە مەسئۇل بولىدىغانلىقىنى ئاشكارىلىمىغان.
ئىراقتا يېقىندا زوراۋانلىق پائالىيەتلىرى ئەۋجىگە چىقىشقا باشلىغان بوۇپ، باغداتتا ھەر كۈنى دېگۈدەك پارتىلىتىش ۋەقەلىرى يۈز بېرىدىكەن. 3-ئىيۇلمۇ باغدات ۋە ئىراقنىڭ غەربىدىكى  ئەنبار ئۆلكىسىدە ئىككى قېتملىق ساقچىلارغا ھۇجۇم قىلىش ھەرىكىتىدە 6 نەپەر ساقچى خادىمى قازا قىلغان.

مەنبە:تورداشلار تورى