ئىككى ماشىنىنىڭ ئوتتۇرىغا دەسسەپ تۇرۇپ پۇتىنى كېرىش ماھارىتى

يەر شارى تورى ئۇنىۋېرسال خەۋىرى: ئەنگىلىيە «ئەينەك گېزىتى» نىڭ 16 – نويابىر خەۋەر قىلىشىچە، ۋولۋو ماشىنىسىنى سىنغا ئالغان بىر ئېلاندا، بۇ يىل 53 ياشقا كىرگەن جىئان كلاۋد ۋان داممې (Jean-Claude Van Dammeكېتىۋاتقان ئىككى ماشىنىنىڭ ئوتتۇرىسىدا پۇتىنى كېرىپ ماھارەت كۆرسىتىپ، بەدىنىنىڭ نەقەدەر ئېلاستىكىلىق ئىكەنلىكىنى يەنە بىر قېتىم نامايان قىلغان.
ئېلاندا، بۇ ئارتىس ناھايىتى قويۇق بېلگىيە تەلەپپۇزى بىلەن مۇنداق دېگەن: «مېنىڭ ھاياتىم نۇرغۇن جاپا مۇشەققەتكە تولغان ھايات......مېنىڭ كىشىلىك ھاياتىم ناھايىتى ئېگىز پەس، نۇرغۇن بوران چاپقۇنلارغا ئۇچرىغان ھايات......». خەۋەردە دېيىلىشىچە جىئان كلاۋد ۋان داممې «بوكسيۇرچى» ناملىق فىلىمدە ئۆزىنىڭ گۈزەل تولغان مۈسكۇللىرى ۋە ئەۋرىشىملىكىنى نامايان قىلغان، ھەم مۇشۇ فىلىم بىلەنلا داڭق چىقارغان ئىكەن.