تەڭرىتاغ تورى خەۋىرى: 16-ئاۋغۇست پەيزاۋات ناھىيىسىدىكى دېھقانلار تېرىغان قوغۇنلىرى ئىچىدىن تاللانغان قوغۇنلارنى ئېلىپ ئاسىيا ياۋروپا يەرمەنكىسىگە قاتناشماقچى، پەيزاۋات ناھىيىسى 2003-يىلىدىن بۇيان ئۈرۈمچى سودا كېڭىشىش يەرمەنكىسىگە قاتنىشىپ كەلگەن، 2011 - يىلى تۇنجى نۆۋەتلىك ئاسىيا ياۋروپا يەرمەنكىسىدىكى سودا پۇرسىتىدىن پايدىلىنىپ پەيزاۋات قوغۇنلىرىنى بېيجىڭ، گۇاڭدۇڭ، شياڭگاڭ، ئاۋمېن، تەيۋەن، ياپونىيە قاتارلىق دۆلەت ۋە رايونلارغا كىرگۈزگەن. 2012-يىلى بۇ ناھىيە پەيزاۋات دېگەن ماركا بىلەن قوغۇنلىرىنى ئېلىپ ئىككىنچى نۆۋەتلىك ئاسىيا ياۋروپا يەرمەنكىسىگە قاتناشماقچى، ھەمدە بۇ يەرمەنكىنى سەھنە قىلىپ پەيزاۋات قوغۇنلىرى ئۈچۈن تېخىمۇ كەڭ بولغان بازار پۇرسىتىنى قولغا كەلتۈرمەكچى .