فىرانسىيە ئاخبارات ئاگىنلىقىنىڭ خەۋىرىگە ئاساسلانغاندا، سىتاستىكا سانلىق مەلۇماتتا كۆرسىتلىشىچە، ئىراقتا بۇ يىل 6-ئاي ئىچىدە يۈز بەرگەن زوراۋانلىق ۋەقەسىدە 282 ئادەم ھاياتىدىن ئايرىلغان

فىرانسىيە ئاخبارات ئاگىنلىقى ئىراق بىخەتەرلىك ئەمەلدارى ۋە تىببىي خادىملار تەمىنلىگەن سىتاستىكا ئۇچۇرلىرىدىن ئىرىشكەن سانلىق مەلۇماتتا، 6-ئاي ئىچىدە يۈز بەرگەن زوراۋانلىق ۋەقەسىدە 282 ئادەم ھاياتىدىن ئايرىلغان بولۇپ، بۇ سان ئىراق ھۆكۈمەت تەرەپ ئاشكارىلىغان ساننىڭ ئىككى ھەسسىگە توغرا كىلىدىكەن.

ئىگەللىنىشىچە، ئىراق سەھىيە مىنىستىرلىكى، ئىچكى ئىشلار مىنىستىرلىكى ۋە دۆلەت مۇداپىئە مىنىستىرلىكىدىن ئىرىشكەن سانلىق مەلۇماتتا كۆرسىتىلىشىچە، 6-ئاي ئىچىدە يۈز بەرگەن زوراۋانلىق ۋەقەسىدە 131 ئادەم ھاياتىدىن ئايرىلغان بولۇپ، 85 ئاددى پۇقرا، 26 ساقچى ۋە 20 ئەسكەرنى ئۆز ئىچىگە ئالىدىكەن. ئىراق ھۆكۈمەت تەرەپنىڭ 5-ئايدا يۈز بەرگەن زوراۋانلىق ۋەقەسىدە ئاشكارىلىغان ئۆلگەن ئادەم 132.

يىقىنقى يىللاردىن بۇيان، ئىراقتا زوراۋانلىق ۋەقەلىرى كۆرۈنەرلىك ئازايغان. لىكىن پارتىلاش خاراكتىرلىك ھۇجۇملار پات-پات يۈز بىرىپ تۇرماقتا. بۇ يىل 6-ئايدا، ئىراقتا بىر قاتار پارتىلىتىش خاراكتىرلىك ھۇجۇم يۈز بەرگەن.

6-ئاينىڭ 13-كۈنى، ئىراقنىڭ كۆپ قىسىم جايلىرىدا زەنجىرسىمان پاتىلىتىش ۋەقەسى يۈزبەرگەن بولۇپ، يۈزلىگەن ئادەمنىڭ ئۆلىشىنى كەلتۈرۈپ چىقارغان ، 2011-يىلى 8-ئايدىن بۇيان يۈز بەرگەن ئەڭ ئىغىر پارتىلىتىش خاراكتىرلىك ھۇجۇم ۋەقەسى بولۇپ ھىساپلىنىدۇ.