يىل ئىلگىرى ، سوۋېت ئىتتىپاقى ئۆزىنىڭ قازاقىستاننىڭ شەرقىي شىمالىدىكى ئوتلاق رايونىغا جايلاشقان سىناق مەيدانىدا تۇنجى يادرو بومبىسىنى مۇۋەپپەقىيەتلىك پارتلاتتى ، بۇ يادرو بومبىسىنىڭ نامى چاقماق ئىدى .
سېمىپالاتىنسك دېگەن بۇ يادرو قورال سىناق مەيدانىنىڭ 40 يىلغا يېتىدىغان تارىخىدا، تەخمىنەن 456 دانە يادرو بومبىسى بۇ يەردە پارتلىتىلغان . سىناق مەيدانىنىڭ ئەتراپىدائولتۇراقلاشقان ئاھالىلەرنىڭ بۇنىڭدىن قىلچە خەۋىرى يوق ، بىراق ئۇلار يادرو بومبىسى پارتلىغاندىن كېيىن قېلىپ قالغان يامان ئاقىۋەتلەر ئىچىدە بىلىپ–بىلمەي ئاشكارىلانماقتا .
يادرو بومبىسىنىڭ رادىيو ئاكتىپ ماددىلىرى قازاقىستاندىكى توپتوغرا ئۈچ ئەۋلادنىڭ سالامەتلىكىگە ئاستا–ئاستا بۇزغۇنچىلىق قىلغان ، يادرو پارتلاشنىڭ تەسىرىگە ئۇچرىغانلار ئومۇمىي سانى مۆلچەرچە 1 مىليوندىن ئېشىپ كېتىدۇ ، يادرو پارتلاشتىن كېلىپ چىققان ساغلاملىق مەسىلىلىرى ھەر تۈرلۈك بولۇپ ، قالقانسىمان بەز كېسەللىكى ، راك كېسەللىكى ، كەمتۈك تۇغۇلۇش ، غەيرىي تۇغۇلۇش ، يۈرەك–قان تومۇر كېسەللىكلىرى قاتارلىق ئوخشىمىغان كېسەللىكلەرنى ئۆز ئىچىگە ئالىدۇ . يەرلىك كىشىلەرنىڭ ئوتتۇرىچە ئۆمرى قازاقىستان دۆلىتىدىكى بىر پۈتۈن ئاممىنىڭ ئوتتۇرىچە ئۆمرىدىن يەتتە يىل قىسقا .
مانا بۇ نېمە ئۈچۈن يادرو سىنىقىنى توختىتىش، يادرو قوراللىرىنى يوقىتىش كېرەكلىكىنىڭ سەۋەبى. يادرو قوراللىرى يېنىمىزدا پەيدا بولۇپ بولغاندا تەدبىر قوللانساق،بەكلا كېچىككەن بولىمىز.