ئەخمەتچان قاسىمى .....ماﻫىنۇر قاسىمنىڭ يولدىشى ، ئۇستازى ، ئۇيغۇر . 1914 - يىلى 4 - ئاينىڭ 14 - كۈنى شىنجاڭ غۇلجا شەھىرىدە كەمبەغەل دېﻬقان ئائىلىسىدە دۇنياغا كەلگەن . كىچىك چېغىدىلا دادىسىدىن يېتىم قالغان . ئائىلە تۇرمۇشى نامرات بولغاچقا ، كۈن ئالماق ئۈچۈن 1924 - يىلى تاغىسى ئۆمەر بىلەن سوۋېت ئىتىپاقىغا كېتىپ تۇرمۇش كەچۈرگەن ۋە ئىلگىرى - كېيىن بولۇپ ، يەركەنت رايۇنىدا دارىلتام ، باشلانغۇچ مەكتەپ ۋە تۇلۇقسىز ئوتتۇرا مەكتەپتە ئوقۇغان . 1929 - يىلدىن 1932 - يىلغىچە تۇلۇق ئوتتۇرا مەكتەپنى ئالمۇتىدا ئوقۇغان . ئوقۇشنى پۈتتۈرگەندىن كېيىن ، شۇ مەكتەپتە قېلىپ ئوقۇتقۇچىلىق قىلغان . 1934 - يىلدىن 1937 - يىلغىچە ئۆزبىكىستاندىكى سوۋېت ئىتىپاقى ئوتتۇرا ئاسىيا ئونۋېرستتوتىدا ئوقۇغان . 1937 - يىلى مۇسكۋا شەرىق سوتسىيالىزىمچىلىرى ئەمگەك ئونۋېرستتوتىغا ئوقۇشقا بارغان ۋە شۇ مەزگىلدە تاتارىستان قازان ئونۋېرستتوتىدا پىراكتىكا قىلغان . 1941 - يىلى گېرمانىيە سوۋېت ئىتىپاقىغا تاجاۋۇز قىلغاندا ، مەكتەپ ئوقۇش توختۇتىشقا مەجبۇر بولغان . ئەخمەتجان قاسىممۇ ئۆز يۇرتىغا قايتىپ كەلگەن .  
ئەخمەتچان قاسىمى 1942 - يىلى 6 - ئايدا غۇلجىغا قايتىپ كېلىپ ، يەر ئاستى ئىنقىلابىي تەشۋىقات پائالىيەتلىرى بىلەن شۇغۇللانغان . 1943 - يىلى 6 - ئايدا شىجاڭدىكى شېڭ شىسەي ﻫۆكۈمىتى تەرىپىدىن قولغا ئېلىنىپ ، شۇ يىلى 12 - ئايدا ئۈرۈمچىگە يالاپ كېلىنىپ ، تۈرمىگە تاشلانغان . 1944 - يىلى 10 - ئايدا قويىۋېتىلگەندىن كېيىن ، غۇلجىغا قايتىپ كېلىپ ئۈچ ۋىلايەت ئىنقىلابىغا رەﻫبەرلىك قىلغان . ئىلگىرى - كېيىن بولۇپ ، ئۈچ ۋىلايەت ئىنقىلابى ۋاقىتلىق ﻫۆكۈمىتى ﻫەربىي ئىشلار بولىمىنىڭ باشلىغى ، ﻫۆكۇمەت ئەزاسى ، ﻫەربىي ئشلار ﻫەيئەتلىكىنىڭ  ئەزاسى بولغان . 1946 - يىلى 7 - ئايدا ئۈچ ۋىلايەت ۋەكىلى سۈپىتىدە ئۈرۈمچى شىنجاڭ ئۆلكىلىك ﻫۆكۈمەتنىڭ مۇئاۋىن رەئىسى بولغان . 1947 - يىلى 8 - ئايدا شىنجاڭ ئۆلكۈلىك بىرلەشمە ﻫۆكۈمەت پارچىلانغاندىن كېيىن ، غۇلجىغا قايتىپ ، ئۈچ ۋىلايەت خەلقىنىڭ كۈرۈشىنى قەتئىي داۋاملاشتۇرشىغا رەﻫبەرلىك قىلغان .  
1948 - يىلى 8 - ئاينىڭ 1 - كۈنى ئەخمەتچان قاسىمى بارلىق ئىتىپاقلىشىشقا بولىدىغان كۈچلەرنى ئىتىپاقلاشتۇرۇپ ، ئىنقىلابى قوشۇننى ئۇلغايتىش ئۈچۈن ، غۇلجىدا << شىنجاڭدا تىنىچلىق ۋە خەلىقچىللىقنى ﻫىمايە قىلىش ئىتىپاقى >> نى قۇرغان ۋە << ئىتتىپاق >> مەركىزى كومىتىتىنىڭ رەئىسى بولغان .   (تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.)