دادىسى يېزىق ئۈستىلى يېنىدا،بىر ئايلىق ھېسابات تالونىنى قول-قولىغا تەگمەي رەتلەۋاتاتتى ،دەل شۇ چاغدا ئوغلى ئۆيگە ئىتتىك كىرگىنىچە ھاياجانلىنىپ سۆزلەپلا كەتتى :<<دادا،بۈگۈن سىزنىڭ 55ياشقا كىرگەن تۇغۇلغان كۈنىڭىز ،شۇڭا سىزنى 55قېتىم سۆيۈپ قوياي،بىر سۆيۈشۈم بىر يىلغا ھېساپ بولسۇن .>>بالا شۇنداق دېگىنىچە ،دادىسىنى سۆيمەكچى بولغاندا ،دادىسىنىڭ سوغۇق رەت قىلىشىغا ئۇچىردى .
---ھەي ،ئاندرېۋ،سەل تۇرۇپ بىر گەپ بولسۇن ،كۆرمىدىڭمۇ ئالدىراشلىقىمنى ...
   بالا تۇرۇپلا  قالدى ،مەرۋايىتتەك ياشلار زەڭگەر كۆزلىرىدىن تاراملاپ تۆكۈلۈشكە باشلىدى .
---باشقا بىر ۋاقىتتا كېلىپ سۆيۈپ قوي ،--دېدى دادىسى ئۆز قىلغىنىغا خىجىل بولۇپ .
بالا بىر ئېغىزمۇ گەپ قىلماي ،مەيۈسلەنگەن ھالدا چىقىپ كەتتى .شۇ كۈنى  ئاخشىمى دادىسى ئۇنىڭغا :
---بۇياققا كەل ،ئاندرېۋ،مانا ئەمدى سۆيۈپ قوي،---دېدى .ئاندرېۋ گەپ قىلماي تۇرۋالدى.
    كىممۇ ئويلىغان دەيسىز !بىر نەچچە كۈندىن كېيىن ئاندرېۋ تاسادىپىي ھادىسىگە ئۇچراپ ،سۇدا تۇنجۇقۇپ قېلىپ قازا قىلدى ،تۇگمەس  دەرد-ئەلەمدە قالغان دادىسى مۇنۇلارنى يازدى :<<ھېلىقى كۈنى مۇنداقلا دەپ قويغان بىر ئېغىز سۆزۈم ئۈچۈن ئىنتايىن پۇشايمان قىلىمەن ،مېنىڭ قانچىلىك ئازاپلىنۋاتقانلىقىمنى ئوغلۇم ھەرگىز بىلمەيدۇ...>>
    مۇھەببەت قوش يۆلىنىشلىك يولغا ئوخشايدۇ ،ھەر قانداق مۇھەببەت ئىزھارى چوقۇم قىزغىنلىق بىلەن قوبۇل قىلىنىشى كېرەك .ئۇنداق  بولمايدىكەن ،مۇھەببەت رەت قىلىنغان دەپ قارىلىدۇ .ئۇ ھەم مۇھەببەتلىك تۇرمۇشىمىزغا يارا ئىزنالىرىنى قالدۇرىدۇ.

مەنبە :تەرمىلەر