1.كىلىشكەن ئەرلەر:

بۇنداق ئەرلەرگە كىچىگىدىنلا باشقىلار ئامراق بولىدۇ. ئۇلار چوڭ بولغاندا قىزلار ئۇلارنىڭ ئەتىراپىدىن ئەگىپ كېتەلمەيدۇ، شۇڭا ئۇلار ئۆزىنى باشقىلاردىن ئۆستۈن كۆرىدۇ. بۇنداق ئەرلەر ئايالىنىمۇ ئۆزىدىن تۆۋەن كۆرىدۇ. شۇنىڭ بىلەن ئائىلە ئىناقلىقىغا تەسىر يېتىدۇ.

2.پۇلى كۆپ ئەرلەر:

ئەرلەرنىڭ پۇلى ئائىلە تۇرمۇشىنى قامداشقا يەتسىلا كۇپايە. پۇل كۆپ بولسىلا كاللىغا باشقا خىيال كىرىۋالىدۇ. ئەرلەرنىڭ پۇلى بىر ئايالنىڭ ئىھتىياجىدىن ئېشىپ كەتكەندە، باشقا ئاياللار ئۇنى تەشەببۇسكارلىق بىلەن ئىزدەپ كىلىدۇ. بۇنىڭ بىلەن پۇلى كۆپ ئەرلەر تالاغا قاراپ قالىدۇ.

3.كىيىمگە زىيادە ئامراق ئەرلەر:

ئەرلەر پاكىز، رەتلىك كىيىنىپ يۈرسە ناھايىتى مەدەنىي، سالاپەتلىك كۆرىنىدۇ. ئەمما كىيىمگە ھەددىدىن زىيادە ئامراق ئەرلەر ئۆزىنىلا ئويلايدۇ، تۇرمۇشتا باشقىلارغا يۇل قۇيۇشنى بىلمەيدۇ، سىتقا چىقىشتىن ئىلگىرى ئايالى بىلەن ئەينەك تالىشىپ، ئايالىنىڭ ئىچىنى پۇشۇرۋېتىدۇ.

4.ئۆيدىن چىقمايدىغان ئەرلەر:

ئەرلەر كەچتە ئۆيدىن چىقمىسا بۇ بىر ياخشى ئىش، ئەلۋەتتە. بىراق بۇنداق ئەرلەر ئائىلىنىڭ ئۇششاق ئىشلىرىغا ئارلىشىدىغان بولۇپ قالىدۇ. ئۆيدىن چىقمىغانكەن، ئايالى بىلەن تىزگىنەك تالىشىدۇ. ئائىلىدىكى نۇرغۇن كۆڭۈلسىزلىكلەر مۇشۇ جەرياندا پەيدا بولىدۇ.

5.گالۋاڭ ئاياللار:

<<ئاياللارنىڭ گالۋاڭ بولغىنى ياخشى>>دەپ قاراش نۇرغۇن ئەرلەرنى جۇرا تاللاشتا خاتا يۇلغا باشلايدۇ. بەزىدە ئەرلەر ئاممىۋى پائالىيەتلەرگە خۇتۇنى بىلەن بىللە چىقىشقا تۇغرا كېىلىدۇ.خۇتۇنىنىڭ بىلىم سەۋىيىسى يۇقۇرى بولمىسا، بەزى سۇرۇنلاردا ئېرىنىڭ ئوبرازىغا تەسىر يەتكۈزۈپ قۇيۇشى مۈمكىن. شۇڭا يىگىتلەر مۇھەببەتلىشىۋاتقان مەزگىلدىلا لايىقىنى كۆپرەك كىتاپ-ژورنال ئوقۇشقا رىغبەتلەندۈرۈپ، ۋەزىيەتكە يىتىشىپ مېڭىشىنى ئۆگىتىشى كېرەك.

6.ئورۇق ئاياللار:

نۇرغۇن ئاياللار مۇدا كىيىملەرنى كىيىش ئۆچۈن،دوسلىرى بىلەن ئورۇقلۇق جەھەتتە بەسلىشىدۇ، ئورۇقلاشنى<<مۇدا>>دەپ قارايدۇ، ئەمما ئۇلار ئەرلەرنىڭ ئورۇقلىقىدىن قۇۋۇرغىسى مانا مەن دەپلا كۆرۈنۈپ قالغان ئاياللارنى ياخشى كۆرمەيدىغانلىقىنى بىلمەيدۇ. ئەمىليەتتە، كوچىدىكى تولغان ئاياللارغا بوينى قايرىلىپ كەتكۈدەك قارايدىغان ئەرلەر كۆپ.

7.بازار چۆگىلەشنى ياقتۇرمايدىغان ئاياللار:

بەزى ئەرلەر بازار چۆگىلەشنى ياقتۇردىغان ئاياللارنى ياخشى كۆرمەيدۇ،تېگى-تەكتىدىن ئېيتقاندا ئۇنداق ئەمەس.ئاياللار كىيىم -كېچەككە تەبىئىيلا ئامىراق،شۇڭا كۆڭۈلدىكىدەك كىيىم-كېچەك تاللاش ئۆچۈن بەزىدە كۈنلەپ بازار چۆگىلەيدۇ.ئەرلەرنىڭمۇ ئۆيدە يالغۇز قالغاندا ئۆزىنى ئازادە ھېس قىلىدىغان چاغلىرى بولىدۇ ئەمەسمۇ....