تۈركىيە ئاۋازى رادىئوسى خەۋىرى: ئىتالىيىلىك ئالىملار ئىنساننىڭ تەپەككۈر كۈچى بىلەن ھەرىكەتلىنىدىغان چاقلىق ئۇرۇندۇق ئىجاد قىلىپ چىقتى

ئىتالىيە مۇتەخەسسىسلىرى باشتىن ئاياققىچە پالەچ بولۇپ قالغان كىشىلەرنىڭ ئۆزى مۇستەقىل كوچىلارنى ئايلىنىشىنى ئىشقا ئاشۇرىدىغان چاقلىق ئۇرۇندۇق ئىجاد قىلدى.

چاقلىق ئورۇندۇق ئىنسان مېڭىسىنىڭ ئېلېكتىر دولقۇنىنى ئوقۇيدىغان كومپيوتېر بىلەن ئوخشاش سېستېمىدا ئىشلەيدىكەن.

پالەچ كىشىنىڭ بېشىغا ئورنىتىلغان ئېلېكتىر ئۈسكۈنىلەرنىڭ ياردىمىدە مېڭىنىڭ ئېلېكتىر دولقۇنلىرى چاقلىق ئورۇندۇققا ئورنىتىلغان كومپيوتېرغا يەتكۈزىلىدىكەن.

چاقلىق ئورۇندۇقنى ئىشلەتكەن ئادەم ئاشخانا، مۇنچا ياكى ھاجەتخانىنى ئويلىغاندا ۋە ئېكراندىكى شۇ خىل ئاتالغۇلارغا مۇناسىۋەتلىك چىراقلار يېنىشقا باشلىغاندا، كومپيوتېر ئاپتوماتىك ھالدا چاقلىق ئورۇندۇقنى شۇ تەرەپكە ھەرىكەت قىلدۇرىدىكەن.