ئىلى دىيارى بلوگى

 جەڭچى بالىلار

قاتار-قاتار تىزىلغان جەڭچى بالىلار،
كۈرەش ئۈچۈن قۇرال ئېلىپ ئاتلانغانلار.
ۋەتەن،خەلق قەھرىمانى پىدائىيلار،
جانىم بالام ئوغلانىمنى كۆردۈڭلارمۇ؟

ئوغلىڭىزنىڭ <<باتۇرلۇق>> دەپ ئۈنۋانى بار،
مەيدىسىدە زىننەتلەنگەن نىشانى بار.
ۋەتەننى ئازاد قىلىش ئامانى بار.
جانىم بالام دەپ يېشىڭىزنى تۆكمەڭ ئانا.

ئەسىرلەردىن قۇلدارلىقنى ھۆكمى سۈرگەن،
قۇتۇلۇپ بىز ئازادلىققا چىققان چاغدا.
ئاسارەتنىڭ زەنجىرىنى ئۈزگەن چاغدا،
جان بالام دەپ يېشىڭىزنى تۆكمەڭ ئانا.


گاڭغا ئايلاندۇق

كۈچلۈك قوللاردا تۇتتۇق قۇرالنى،
گاڭغا ئايلاندى مۇشتۇملىرىمىز.
بىزدە يېڭىلىش يوق،چوقۇم بولمايدۇ،
چۈنكى ئۆسمەكتە قوشۇنلىرىمىز.

يۈرۈڭلار بارايلى ئالدىنقى سەپكە،
ئاتاكا قىلايلى دۈشمەننى قوغلاپ.
ئېتىپ پىلىموت،تاشلاپ گىرانات،
دۈشمەنگە بىرەيلى ئەجەللىك دەككە.

ئانىجان

ئانىجان يادىمدا بار،
تىنماي ئازاب چەككەنلىرىڭ.
كېچىلەردە ئۇخلىماي،
ئاق سۈت بېرىپ باققانلىرىڭ.

ئون سەككىز ياشىمغىچە،
شەربەت بېرىپ باققانىدىڭ.
يىغلىما جانىم ئانا،
ئەمدى كۆرەلمەيسەن مېنى.

چۈنكى مەن دۈشمەن بىلەن،
مەيداندا جەڭ قىلغانىدىم.
كۆپلىرىنى يوقىتىپ،
كۆكرەكتىن ئوق يىگەنىدىم.

يىغلىما جانىم ئانا،
ھەر جايدا باردۇر بۇ ئۆلۈم.
ۋەتىنىم،خەلقىم ئۈچۈن،
شان-شەرەپتۇر بۇ ئۆلۈم.

يۇقاردىكىلىرى جەڭچىلەر ھەربىي يۈرۈش قىلغاندا،گازارما ئىچىدە،ھەربىي مەشىق قىلغاندا،چوڭ يىغىنلاردغا كېتىۋاتقاندا ۋە يىغىندىن تارقاپ گازارمىغا قايتىۋاتقاندا ئېيتىدىغان ناخشىلار.

ھەربىي بىرلىكلەر نامى

مىللىي ئارمىيىدە قوللانغىنى                                                    ھازىر قوللىنىۋاتقىنى

 ئوتدېلىنىيە                                                                                     بەن    ۋىزۋود                                                                                             پەي

روتا                                                                                               لىيەن ئىسكادىرون                                                                         ئاتلىق ئەسكەرلەر لىيەنى باتالىيون                                                                                         يىڭ

دىۋىزىيون                                                                             ئاتلىق ئەسكەرلەر                       پولك                                                                                            تۈەن بىرگادا                                                                                            لۈي دىۋزىيە                                                                                           شى كورپۇس                                                                                         جۈن

ئوپىراتىپ بۆلۈمى                                                                         زوجەنبۇ
ساۋدانوۋ زاھىرنىڭ <<5-كورپۇسنىڭ بېسىپ ئۆتكەن ئىنقىلابىي مۇساپىسى>>ناملىق كىتابدىن ئېلىندى.