قۇمۇل غىجىكى قۇمۇلنىڭ ئۆزگىچە چالغۇ ئەسۋابلىرىنىڭ بىرى. بولۇپمۇ قۇمۇل 12 مۇقامىنى ئورۇنلاشتا ئەڭ ئاساسلىق سازلارنىڭ بىرى بولۇپ، قۇمۇل غىجىكىدە ئورۇنلانغان مۇقاملار ناھايىتى مۇڭلۇق، تەسىرچانلىققا ئىگە ، كىشىلەرنى ئۆزىگە ئالاھىدە جەلپ قىلىدۇ. m3Tئاقيول ئۇيغۇر تور بىكىتى

قۇمۇلدا توي – تۆكۈن، ئولتۇرۇش ۋە چوڭ تىپتىكى ھېيت - بايراملاردا مەشرەپ ئوينىلىدۇ، قۇمۇل مۇقاملىرى ئېيتىلىدۇ. مەشرەپتە، قۇمۇل غىجىكى باش قىلىنىپ باشقا سازلار تەڭكەش قىلىنىپ چېلىنىدۇ، بولۇپمۇ قۇمۇل مۇقاملىرىدا قۇمۇل غىجىكىنىڭ رولى ئىنتايىن چوڭ بولىدۇ.m3Tئاقيول ئۇيغۇر تور بىكىتى

قۇمۇل غىجىكى تۈزۈلۈشى ئاددىي، جاراڭلىق، مۇڭلۇق، كۆپ تارىلىق بولۇپ، ياساشقا ئىشلىتىلىدىغان ماتېرىياللىرى ئاددىي، تەننەرقى تۆۋەن بولۇپ، ئاددىي قىلىپ ياسىغىلىمۇ، گۈزەل كۆركەم قىلىپ ياسىغىلىمۇ، بېشىنى ياغاچتىن ئويۇپ ياسىغىلىمۇ، تۆمۈردىن، مىستىن قۇيۇپ ياسىغىلىمۇ بولىدۇ. شۇڭا قۇمۇل غىجىكى قۇمۇلنىڭ شەھەر ئىچىدىن تارتىپ كەڭ يېزىلىرى چەت ياقا تاغلىق رايونلىرىغىچە كەڭ تارقالغان ۋە ئومۇملاشقان.m3Tئاقيول ئۇيغۇر تور بىكىتى

تارىخى نۇقتىدىن قارىغاندا، قۇمۇل غىجىكى ئۇيغۇرلارنىڭ دەسلەپكى چالغۇ ئەسۋابلىرىنىڭ نۇسخىسىدىن مىراس قالغان بولۇپ، باشقا مىللەتلەرگىمۇ تارقالغان، بولۇپمۇ خۇيزۇ مىللىتى قەدىمدىن تارتىپ قۇمۇل غىجىكىنى ئۆزلەشتۈرۈپ ئىشلىتىپ كەلگەن. ھازىر خۇيزۇلار ئىشلىتىۋاتقان ھەر خىل شەكىلدىكى ئىككى تارىلىق غىجەكلەرنىڭ ئەسلى نۇسخسى قۇمۇل غىجىكىدىن ئېلىنغان. ئېيتىلىشىچە خەنزۇچە "ئەرخۇ" (二胡) دېگەن ئىسىمدىكى "ئەر" سۆزى ئىككى دېگەن سۆز بولۇپ، غىجەكنىڭ ئىككى تارىسىنى، "خۇ" دېگەن سۆز ئاز سانلىق مىللەتلەرنى كۆرسىتىدىكەن. "ئەرخۇ" دېگەن ئاز سانلىق مىللەتلەردىن قوبۇل قىلىنغان ئىككى تارىلىق چالغۇ ئەسۋابى دېگەن مەنانى بىلدۈرىدىكەن.m3Tئاقيول ئۇيغۇر تور بىكىتى

m3Tئاقيول ئۇيغۇر تور بىكىتى

m3Tئاقيول ئۇيغۇر تور بىكىتى