مۇھەببەت ئىشقى

سەن-سەن يۈرەككە ئوتلارنى سالغان،
ئەقىل-ھوشۇمنى سۆز بىلەن ئالغان.
مۇھەببەت سازىن خۇش ئاۋاز چالغان،
باقمامسەن قىيا،ۋار سەتەڭ بالىخان.

چىنمىدى-يالغان،جاۋاپ بەر ئۆزۈڭ،
ياغدەك ياراشۇر ھەسەلدەك سۆزۈڭ.
جانلارنى ئالغان بۇلاقتەك كۆزۈڭ،
سەندۇرسەن مېنىڭ بەخت يۇلتۇزۇم.

دەردىڭدە كۆڭۈل ھەر كۈنى غەمدە،
ئىسىت،گۈل ئۆمرۈم ئۆتمەمدۇ غەمدە.
كەبەڭگە بېقىپ،كۆزدىن ياش ئېقىپ،
ساقلارمەن جانىم ھەر بىر قەدەمدە.

قىلغىن ئىلتىپات،كۆرمە بىزنى يات،
ھالىم خەتەردۇر يېتىشكىل پات-پات.
كۆرۈپ بويۇڭنى،سۆيدۈم خۇيۇڭنى،
كۆيگەن يۈرەكنى ئەيلىگىن بىر شاد.

تۈنلەردە دائىم تاتۇرمەن ۋايىم،
دەردىڭ قىلىپتۇر دوزاخنى جايىم.
كۆيدۈم،كۈل بولدۇم،سۆيدۈم،قۇل بولدۇم،
كەلتۈر يادىڭغا بىزنى ھەم جانىم.