ئاقيول تورىنىڭ خەۋىرى:  شىنجاڭ تۇنجى نۆۋەتلىك ياۋرو-ئاسىيا يىپەك يولى كىيىم-كېچەك بايرىمىنى ئۆتكۈزدى «ئىلچى» كىيىملىرى بۇ قېتىمقى بايرامنىڭ قىززىق نۇقتىسى بولدى.
  نۇر تورى 7-سېنتەبر خەۋىرى: شىنجاڭ ئۇيغۇر ئاپتونۇم رايونلۇق خەلق ھۆكۈمىتى، جۇڭگو سانائەت ۋە ئۇچۇرلاشتۇرۇش تارمىقى قاتارلىق ئورۇنلار ئۇيۇشتۇرغان تۇنجى نۆۋەتلىك ياۋرو-ئاسىيا يىپەك يولى كىيىم-كېچەك بايرىمى 7-سېنتەبر ئۈرۈمچىدە ئېچىلدى. جۇڭگو، تۈركىيە، مالايسىيا، قازاقىستان شۇنداقلا شىنجاڭنىڭ ئۆزىنىڭ كىيىم-كېچەك لايىھىلىگۈچىلىرىنىڭ ئەسەرلىرى سەھنىگە ئېلىپ چىقىلىپ، بۈگۈنكى كۈنلۈكتىكى دۇنيا كىيىم-كېچەك ئۇسلۇبى يۈزلىنىشىنى نامايان قىلدى. تونۇشتۇرۇلۇشىچە، بۇ نۆۋەتلىك كىيىم-كېچەك بايرىمىدا ياۋرو-ئاسىيا كىيىم-كېچەك ھەپتىلىكىدە 20 نەچچە مەيدان ئېلان قىلىش يىغىنى ئېچىلىدىغان بولۇپ، بۇ ئارلىقتا شىنجاڭنىڭ يەرلىك كىيىم-كېچەك ماركىلىرىنى ئېلان قىلىش كۆرگەزمىسى 12 مەيدانغا يېتىدىكەن.

ئىلچى كىيىم-كېچەك مەدەنىيەت تەرەققىيات چەكلىك شىركىتىنىڭ باش لىدىرى دولقۇن غوجىئەخمەت ئەپەندى مۇناسىۋەتلىك رەھبەرلەر بىلەن بىللە 

  ج ك پ شىنجاڭ ئۇيغۇر ئاپتونۇم رايۇنلۇق پارتىكومىنىڭ دائىمىي ھەيئىتى ئەزاسى، ئاپتونۇم رايوننىڭ مۇئاۋىن رەئىسى كۈرەش مەخسۇت ئېچىلىشى مۇراسىمىغا بېغىشلانغان نۇتىقىدا مۇنۇلارنى بىلدۈردى: ياۋرو-ئاسىيا كۆرگەزمىسىنىڭ داۋامى بولۇش سۈپىتى بىلەن تۇنجى نۆۋەتلىك ياۋرو-ئاسىيا يىپەك يولى كىيىم-كېچەك بايرىمى «كۆپ مىللەت، كۆپ خىل مودا ئېقىم» ۋە «شىنجاڭڭنىڭ كاتتا مىللىي كېيىم-كېچەكلىرىنى دۇنياغا يۈزلەندۈرۈش» نى باش تېما قىلغان بولۇپ، كۆپ خىل پائالىيەتلەرنى ئۇيۇشتۇرۇپ، ئورتاق ھالدا شىنجاڭنىڭ كىيىم-كېچەك كەسپىنىڭ تەرەققىياتىنى ئىلگىرى سۈرۈپ، جۇڭگو ۋە ئوتتۇرا، غەربىي ئاسيادىكى ھەرقايسى دۆلەت كىيىم-كېچەك كەسپى ۋە سودىسىنىڭ ھەمكارلىقىنى شۇنداقلا جۇڭگو غەربىي دىيار مودا ئېقىم مەركىزى قۇرۇلۇشىنى ئىلگىرى سۈرىدۇ.

ئىلچى كىيىم-كېچەك مەدەنىيەت تەرەققىيات چەكلىك شىركىتىنىڭ باش لىدىرى دولقۇن غوجىئەخمەت ئەپەندى مۇخبىرلار سۆھبىتىدە
 

 ئېچىلىش مۇراسىمىدا  «ئىلچى» شىركىتىنىڭ  تۈركىيەدىن كەلگەن  كىيىم كىچەك لايىھە ئۇستىسى خەدىچە گۆكچې خانىم لايىھىلىگەن كىيىم-كېچەكلەر تۇنجى بولۇپ نامايان قىلىندى، باشقا دۆلەتلەرنىڭ ئۇسلۇبى ھەقىقەتەنمۇ شىنجاڭ خەلقىنى خەلقئارا كىيىم-كېچەكنىڭ سېھرىي كۈچىنى ھېس قىلدۇردى،  «ئىلچى» كىيىم كىچەكلىرى بايرام ئەھلىنى ئۆزىگە جەلىپ قلدى.
 

 

 

«تۇنجى نۆۋەتلىك يىپەك يولى كىيىم-كېچەك بايرىمى» 7-سېنتەبر باشلىنىپ 11-سېنتەبر ئاياغلىشىدۇ، بۇ ئارلىقتىكى پائالىيەتلەر ياۋرو-ئاسىيا يىپەك يولى كىيىم-كېچەك، زىننەت بۇيۇملىرى كۆرگەزمىسى، كىيىم-كېچەك ماركىسى ئېلان قىلىش، ياۋرو-ئاسىيا كىيىم-كېچەك كەسپى مۇنبىرى ۋە ئىككىنچى نۆۋەتلىك شىنجاڭ چېۋەر ئاياللىرى مۇسابىقىسى، كىيىم-كېچەك مودىلى ۋە مودىللار مۇسابىقىسى قاتارلىقلارنى ئۆز ئىچىگە ئالىدۇ.